رواية كشف المستور الفصل الخامس 5 بقلم جمانه السعيدي
هبه بس اريد اعرف السبب اذا اني غلطانه مستعده اروح اعتذر الاهلك بس اريد اعرف اني بيش غلطت
ترا اني ماعندي خبره بلحياة وبعدني ازغيره علمني وشتكول يصير بس طلاك لا ولله اموت اذا عفتني
يوسف ما اكدر السالفه اكبر مني ومنج بعد مااتحمل نبقى سوا لازم ننفصل ولله انتي خوش بنيه بس ماكو حل غير الانفصال
جمانه السعيدي
هبه زين لاتطلكني ابقا ابيت اهلي وانت كل فتره مر عليه منا لمن يهدء الوضع حتى لو بلاسبوع مره اني قابله
فدوه يوسف لاتعوفني
يوسف ماله حل ثاني اهلي رافضين هذا الزواج
هبه زين ليش من حقي اعرف السبب وضحلي شنو المشكله يجوز اكدر احله
يوسف ماتكدرين مالها حل
هبه اريد اعرف السبب قبل الطلاك من حقي اعرف شنو المشكله
يوسف اني ما ناوي اوضح الاسباب بس انتي جبرتيني
انتي مو بت عبد الامير
اهلج مايصير عدهم اطفال
امي عرفت وتخبلت وحلفت تتبرا مني اليوم القيامه اذا بقا هذا الزواج
هبه....شنو انت شكاعد تكول منيين جبت هذا الكلام
يوسف هاي حقيقه لازم تعرفيها واسئلي عبد الامير وهو يوضحلج كل شي
هبه انت اكيد متوهم ذوله اهلي اكيد واحد موصللكم سالفه غلط
يوسف...سئلنا وتاكدنا انتي مو بتهم
جمانه السعيدي
هبه فد اشويه ويجي بابا واني اخلي يحجي وياك ويكلك هذا الخبر كله جذب
اخابرك مو ماترد عليه بس اخابر رد بسرعه علمود اخلي بابا يعرف شلون يحجي وياك ويكلك انت واهلك غلطانيين
سديت التليفون وخابرت على بابا
هبه....بابا انت وين
ابو هبه ليش بابا صاير شي
هبه...لاماصاير عندي شغله مهمه اريد احجي وياك بيها بسرعه تعال
ابو هبه....نص ساعه وجايج
هسه نرجع الاحداث اليوم الي غير حياة هبه
ام مهند جيران بيت ابو يوسف ونتقلت الغير منطقه جانت يم بتها بغير محافظه وما حضرت عرس يوسف ولمن رجعت
البيته قررت تروح تبارك الام يوسف
علمود زواج يوسف
بقت تسئل العروسه منيين
وبنت منووووو
ولمن عرفتها هبه قررت تروح تبارك
وتحشر نفسها وتسئل ليش اختارو هبه
واذا ام يوسف ماتعرف اصل هبه هي تروح
وتفجر القنبله حاله حال هواي نسوان فضوليات وحشريات ويحبن ينقلن الكلام ويزودن علي بهارات ومنكهات
لمن اجت البيت ابو يوسف تبارك على العرس
وتعتذر لان تاخرت
وما اجتهم بلعرس جانت مسافره
ام مهند على الخير والبركه بعرس يوسف ولله اعذريني جنت يم بتي سوت عمليه وبقيت يمها مجلبه بيه وماتقبل تعوفني
ام يوسف.....معذوره حبيبتي
ام مهند....منيين عروستكم ( مع انها جانت تعرفها وتعرف اهلها بس رادت توصل معلومه الام يوسف )
ام يوسف هبه بيت عبد الامير المصلح ..
ام مهند شعجب اخذتوها قحط نسوان
ام يوسف ....يا شبيها حلوه وزغيره والناس كله تحمد باخلاقها
وشاطره تفر البيت فر وشغلها كله سكته
ام مهند لا يعني جي لقيطه
ام يوسف... شلون لقيطه منو يكول لقيطه
ام مهند شني متعرفون واني اكول شعجب انتم خوش ناس وسمعتكم طيبه وهيج نماذج مو ثوبكم
ام يوسف انتي متاكده من هاي السالفه
ام مهند شني ما متاكده امها عامله بلمستشفى ووحده ذبتها وهي جابته وربته
ام يوسف يمه كلبي كام يوجعني احنا انغشينا بيهم
بس ما اضلمها اخلي ابو يوسف يسئل ويتاكد يلله
وفعلا ثاني يوم راح ابو يوسف سئل وتاكد من السالفه
وهنا بدو يلحون على يوسف يعوفها لان مايشرفهم هذا النسب بلبدايه يوسف رفض جان متوقع فتره ويغيرون رائيهم لكن اهله مصممين على الطلاك
اكو مثل يكول كثر الدك على الحديد يغيره
وهذا الشي صار ويه يوسف كثر الكلام ولضغط خلا يتخلى عن موقفه ويغيره
وخصوصا هددو يتخلون عنه ويتبرون منه
هذا السبب الي خلا يوسف يقرر ينفصل عن هبه
جمانه السعيدي
وصل ابو هبه للبيت
ابو هبه....هلو بابا شكو قلقتيني
هبه....بابا تعال اكعد خل اسولفلك السالفه تعرف يوسف يريد يطلكني
ابو هبه يطلك ليش شصاير
هبه بابا مدري منو ضاحك عليهم وكايللهم اني مو بتكم وانتم مدري منيين جايبيني اني اشك بيهم خوالي لان همه مايحبوني ومايردون سعادتي اريدك هسه تخابره وتكله ذوله يضحكون عليكم يردونك تطلكه لان همه يكرهونا
لزمت التليفون ودست اتصال على يوسف بابا سحب التليفون مني وغلقه
هبه....ليش بابا بس احجي ويا فهمه الحقيقه
ابو هبه موهسه بعدين احجي ويا
هبه...لا بابا هسه اني اكدت علي ينتضر مكالمتك
ابو هبه بينت على علامات الحزن وضاج حيل زمخ ب هبه
موكلت مو هسه بعدين
هبه شبيك بابا ليش هيج صار وجهك شنو يعني كلام يوسف صحيح
احجي بابا هذا الكلام صحيح جاوبني خل ارتاح
ابو هبه....اهدي بابا شبيج اليوم
هبه ولله مبين من كلامك اكو شي اني مو بنتك
الله عليك احجي الحقيقه ولله ما اسوي اي شي اريد اعرف
هذا الكلام والمعلومات الي وصلت يوسف صحيحه
ابو هبه اني بعدين احجي ويه يوسف هسه خل ارتاح
هبه لزمته من ايده حيل وبسته فدوه بابا اريد اعرف الحقيقه لاتخاف ماراح يصير عليه شي بس اريد اندل راسي من رجليه حتلو هذا الكلام حقيقه اريد اعرف تفاصيل اكثر
اني هسه عرفت نص الحقيقه اريد اعرف الباقي
لاتعوفني كاعده على نار احجي وخلصني
رحمه الوالديك فهمني خل اعرف اني منو وليش هيج كاعد يصير وياي
ابو هبه اي ميخالف احجيلج بس مو هسه بعدين انتي ماشايفه شلون صار شكلج
هبه اذا ماتحجيلي الحقيقه هسه اطلع واسئل الناس كله
اليوم ما اهدء اله اعرف اني منو وليش هيج كاعد يصير وياي
ابو هبه بابا اتعوذي من الشيطان وروحي غسلي وجهج واني راح اخابر يوسف هسه
هبه....ما اكوم ولا اسوي اي شي قبل ما اعرف الحقيقه
ليش اروح اسئل ناس غيرك انت جاوبني
جمانه السعيدي
ابو هبه يابابا ياحبيبتي انتي بنيتي واختي وامي واهلي
انتي بتي العوضتني عن الناس كله
من يوم صرتي وانتي ساكنه بكلبي وروحي وكياني
اني راح احجيلج الي صار بلتفصيل
بس اريد اكلج هذا يوسف طلع انسان رخيص ومايستاهل دمعه وحده تنزل من عيونج الحلوات
هو من اجه خطب موكال سئلت الناس كله تحمد باخلاقكم
بعد ليش يدور دفاتر عتك شكو ينبش بلماضي
هو اله الحاضر وبس
مادام انتي من يوم انولدتي لليوم تمشين صح وماعندج اخطاء بشهادة الناس كله
هو ماله حق يدور اشياء انتي مالج ذنب بيه
جاي يحاسبج على شي مالج ايد بي
يحاسبج من جنتي بطن امج
هو رب العالمين بعزته وجلاله يغفر ويسامح
يوسف اخذج ورقه بيضه
ويريد يحاسبج على الماضي ويصدر عليج حكم
وينهي حياتج بكيفه
شكد سهله عندا كلمة الطلاك
رب العالمين يكول أبغض الحلال عند الله الطلاك
الله كريم ماكو غير رب العالمين الي ياخذ حقج منهم
بدل ماتدور وتبحث علي الروايات خليها علي تليفونك وحمل تطبيقنا
