رواية جعفر العمده الفصل الثامن بقلم ليل ادم
جعفر : اي ياما صوتك جاي لحد بره
ثريه : هيا نرجس راجعه ليه تاني يا جعفر
جعفر: انتي مال امك يا ثريه خليكي في نفسك وابنك
صفصف: كده فاضل عايده بنت الحرامي وتبقا كملت يا جعفر أصل أنا عارفه ابني
جعفر: ( شد ايده من نرجس ) يابت سيبي دراعي مش عارف اتكلم يابت اوعي دنتي لاصقه
ثريه : يا انا يا هيا في البيت يا جعفر
جعفر: يبقا انتي وهيا بره ياله
نرجس: الله أنا مالي أنا يا جعفر
ثريه : خطافه رجاله
نرجس : يابت انتي هبله أنا مراته ورجعتله
جعفر: كل واحده منكم على الاوضه بتاعته ياله
ثريه : لا
جعفر: نعم
ثريه: مفيش داخله يا اخويا داخله
جعفر: اه بحسب
صفصف: انت في اي يا جعفر ولا في اي
جعفر: في اي أنا ولا فيا اي حاجه
صفصف: و اخوك يا جعفر خلاص مش فارق معاك
جعفر: راجع ياما وغلوتك عندي راجع بس خلي لحد ما يتأكد أن البت دي فعلاً عمرها ما حبته
صفصف: نفسي اعرف حظ ولادي في النسوان وحش كده ليه
جعفر: فين بس دا ياما ما الحمد لله كل حاجه زاي الفل اهي
صفصف : الشيخ سالم كان في مكتبك ليه يا جعفر
جعفر: كان عايز يقولي أن في جلسه يوم الخميس
صفصف: خير مين تاني
جعفر: لا مفيش متشغليش بالك ياما
صفصف: البت بنت بتاعت الأعمال دي هتعمل فيها اي
جعفر: بكره المأذون جاي وهكتب عليها خليها عندك لحد بكره
صفصف: ابدا بره
جعفر: ليه كده بس البت جت تقولي اموت و ارجع اعيش تحت رجل الملكه صفصف
صفصف: بجد قالت كده يا واد يا جعفر
جعفر: استني انده عليها تسمعي بنفسك
صفصف: لا خلاص خلاص البت نرجس دي غلبانه أصلا وانا بحبها
جعفر: قلبك كبير والله يا ملكه
صفصف: أنا الملكه
جعفر: وأنا طالع انام
بيفتح الباب كان سيف داخل
سيف : طب حتا قولي اي حاجه
جعفر: طالع انام
سيف : بدري كده
جعفر : اه عندك مانع
سيف : اه عندي
جعفر: قول
سيف : انت مش قولت العتاب بعد ما نطلع من الحوار ده
جعفر: حصل
سيف : خلاص يبقا هاكل لقمه وطالع نلعب عشره طاولة
جعفر: لا بلاش
سيف : لسه زعلان يعني
جعفر: لا والله مش قصه كده
سيف : أما اي
جعفر: مبتعرفش تلعب وكل ما تخسر تقعد تقولي بقرص في الزهر وبتاع وأنا مش بحب كده أنا
سيف : لا ما المرادي مش هتكسب رايح نفسك
جعفر: ليه يعني خدت قرص طاوله
سيف : لا بص ( وفتح التليفون) نزلت اللعبه وقاعد ليل نهار بسخن علشان اغلبك
جعفر: خلاص أنا فوق خلص وتعالي
سيف : لا خلص اي ياله بينا أنا على نار من ساعه اخر عشره
جعفر: تعالي علشان تنزل وشك مدخن من فوق ( وبيضحك)
(يوم الجلسه )
جعفر: ألو
لمياء: ألو
جعفر: زاي ما اتفقنا يا لمياء
لمياء: خلاص تمام يا معلم أنا حفظت كل حاجه حضرتك قولت عليها
جعفر: تمام ماشي سلام
وخرج جعفر وقف قصاد المكتب
جعفر: هو فرح مين ده يا نعيم
نعيم : والله ما نعرف يا معلم حتا الواد مصطفى راح سأل العيال بتوع الفراشه محدش منهم يعرف اي حاجه عن الموضوع
جعفر: يا سلام سر شويبس يعني
نعيم: ( بيضحك) مش عارف والله يا جعفر
جعفر: ياعم ربنا يفرح الناس كلها
نعيم : اي الجلسه بتاعت النهارده دي يا جعفر أنا سامع اسم سيف فيها
جعفر: أنا كمان زايك بالظبط يا نعيم إلا يا خبر بفلوس كمان ساعه يبقا ببلاش
شوقي: أهلا بالمعلم جعفر
جعفر: عايز اي يا شوقي
شوقي: بعد اذنك يا نعيم اقول حاجه ل اخويا جعفر
نعيم : ( بص ل جعفر)
جعفر: ( هز رأسه بالموافقة)
شوقي: بقيت تسمع الكلام يا جعفر والله شاطر
جعفر: أصل كلامك فاكهه اتكلم اتكلم
شوقي: هتعمل اي النهارده
جعفر: كل خير ليه عايز حاجه
شوقي: أصل حاسس انك النهارده هتشوف مفاجأة كبيرة حلوه اوي
جعفر: ربك يبعت يا شوقي ومبروك على المحل إلا صحيح دفعت كام في أصل أنا كنت مخلي المحل كتله فحم
شوقي: معلش أنا مقدر لما واحد يضرب واحد بالنار اكيد بيكون محروق عايز ياخد حقه بأي شكل
جعفر: انت بتسمي اللي انت عاملته ده ضرب نار
شوقي: أما اي
جعفر: لا ليك عندي لما اضربك بالنار هعرفك الراجل اللي على حق ومش بيهاب من حد بيضرب اذاي
شوقي: حاول مره تاخد حقك ب ده يا جعفر ( وأشار إلى عقله )
جعفر: ( رفع ايده الاتنين) لما دول يتقطعوا يا شوقي أصل الراجل لما ياخد حقه بالعقل يبقا غلبان ومش قادر ياخده بدراعه فاهم حاجه ولا معلم بالأونطه
شوقي: بليل نعرف سلام يا معلم جعفر
جعفر: نعيم
نعيم : نعم يا جعفر
جعفر: تعالى نشوف حساباتنا علشان بليل مش هكون فاضي
نعيم : شوقي عايز منك اي يا جعفر
جعفر: سيبك منه يانعيم منتا عارف دماغه
نعيم : علشان كده قلقان عليك يا جعفر
(وقت الجلسه)
جعفر : السلام عليكم ( وقعد مكانه )
الجميع: وعليكم السلام يا معلم جعفر
شوقي: معلش يا جعفر مش هينفع تحكم انت أصل ابنك طرف معقول تيجي على ابنك
جعفر: الناس كلها وقفه اللي مع كلام المعلم شوقي يرفع ايده
محدش رفع ايده
جعفر: اقعد يا شوقي اقعد
شوقي : ( رجع مكانه وكان غضبان من تجاهل الناس ل كلامه )
جعفر: مين اللي هيتكلم على مشكلتك يا بنتي
شوقي : أنا
لمياء: انت مين لأ أنا اللي هتكلم مش عايزه من حد حاجه
جعفر: اقعد يا شوقي اقعد
شوقي: ( بص ل لمياء بكل غل )
جعفر: فين سيف الطرف التاني
سيف : أنا جيت أهو يا معلم
جعفر: اقعد جمب عمك شوقي هناك
سيف : حاضر
جعفر: اتكلمي قولي اللي عندك
لمياء: من سنه ونص اتعرفت على المعلم شوقي كان في السجن وقتها وصل لحد عندي عن طريق ناس يعرفها
شوقي: أنا يابت
جعفر: شوقي كلمه كمان هتقوم من المجلس انت فاهم كملي
لمياء: المهم طلب مني اروح لحد عنده في زيارة وفعلاً عملت كده طلب مني أوقع سيف تاني علشان يكسر قلبك لما يفرق بينك وبين ابنك
جعفر: ياساتر عليك يا شوقي كنت عملت عمل احسن يا جدع كملي يابنتي كملي
لمياء: من اسبوع طلب مني اجي اعمل هنا دوشه قصاد المكتب وبعد كده أستفزك ولو مديت ايدك عليا نعمل مجلس ويبقا شكلك وحش قصاد أهل المنطقة
جعفر: تمام سيف ليه علاقه معاكي بأي مشاكل
لمياء: لأ خالص
جعفر: سيف
سيف : نعم
جعفر: انت كانت جاي علشان المفروض انك غلطان مع البنت دي وقصاد كل اهل المنطقة ربنا جاب حقك اتفضل قول اللي عندك
سيف: والله يا معلم أنا لو كنت غلطان كان هيبقا حكمي اي
جعفر: تكتب عليها واللي يطلع من بوقها كنت هتلازم بي
سيف : تمام أنا بقا علشان جدع مش هقولك مبروك يا معلم شوقي وتتجوز البنت بس اللي عايز اعرفه من لمياء كانت هتطلب مني اي غير الجواز
لمياء: ٢ مليون جنيه علشان لو غدرت بيا
سيف : خلاص أنا كده اسأل المعلم شوقي ٢ مليون جنيه كده أنا غلطان
جعفر. : لا حقك منتا كنت هتدفع الفلوس دي لولا أن البنت ضميرها صحي
شوقي: أنا معملتش حاجه ومش هدفع حاجه
جعفر: اقعد يا شوقي اقعد
شوقي: مش هدفع يا جعفر
جعفر: لا هتدفع دا مجلس وليه احكام وبمزاجك غصب عنك طالما فبلت تقعد في مجلس يبقا تقبل أحكامه ولا اي يا شيخ سالم
الشيخ سالم: انت غلطان يا شوقي وده الحكم على غلطك ولازم تتأدب مع المجلس المجلس ده معترف بي وسط كل اهل الدائرة من يوم ما وعينا على الدنيا وعمر ما حد كسر كلمه المجلس
جعفر: قوم روح شوف هتعمل اي يا شوقي قصادك اسبوع تكون الفلوس على مكتبي
شوقي : ( قام من المجلس وكان غضبان جدا جدا)
جعفر : ارجعي بيتك يا بنتي ولو تعرض ليكي شوقي بأي طريقة أنا موجود ودا مكتبي
وفجأة دخلت زفه كبيره جدا جدا
الشارع وكانت عامله دوشه جامده جدا
جعفر: في اي يا جماعه مش عارفين نتكلم
واحد من ضمن الناس اللي في الزفه رد على جعفر : ده فرح المعلم سيد و الست وداد
جعفر : ( قام وقف بغضب ) بتقول فرح مين
شوقي: بيقولك فرح اخوك سيد و طليقتي وداد
