رواية كشف المستور الفصل التاسع 9 بقلم جمانه السعيدي
صار سنه اداوم وتعلمت على كلشي وعرفت كل حيل المحامين لان حيل مركزه بشغلي
الى ان اجا اليوم الي رب العالمين جبر خاطري
يكولون الشماته حرام
بس ولله اني حسيته انتصار مو شماته ابد
رحت للدوام بيومها جنت لابسه قاط كامل بنطرون وستره
لونه خردلي غامق وقميص ابيض وشال مشجر خردلي وبي طوبات ابيض وخاله مكياج خفيف
اكو قضيه انطانياها ابو مصطفى وكعدت اكتب بعض التفاصيل بيها
جمانه السعيدي
وين كعدت اكو مكتب بغرفة المحامين صاير بلركن جوه وبصفه تخم اني كعدت اكتب على المكتب بس ضهري على المحامين حتى ما اشوفهم واركز بلكتابه
سمعت صوت استاذ ياسر اجه ويا واحد وكعدو على القنفه الي وراي
طبعا اني ما اهتميت بلبدايه
بعدين سمعت صوت استاذ ياسر يكله احجيلي بلتفاصيل
من بدا يحجي الولد
صوته ابد مو غريب عليه كاني سامعته قبل
درت وجهي على كيف شفت المفاجئه يوسف بس هو ماشافني جان داير وجهه على استاذ ياسر
عفت كلشي وضليت اسمع شيكولون اريد اعرف ليش جاي
بدا يوسف يسولف علي
يوسف....صار خمس سنوات متزوجهه وغرفتنا فوك صار عندي منها اطفال اثنيين ولد وبنيه
صار فتره متغيره وطلباتها هواي وهاملتني والصراحه اني اجي من الشغل تعبان وماليه خلك ابد
هاي كم مره ابو المحل يمنا ينبهني صار الدين هواي لمن سئلته يكول زوجتك تسحب ارصده
لمن واجهته تكول اخابر اهلي اني طول اليوم ملتهيه بجهالك وانت بلشغل عاد اخابر اهلي شويه التهي
ماركزت وياها هواي
جمانه السعيدي
صار كم يوم رجعت للبيت مالكيتها سئلت امي كالت راحت الاهلها خابرته مغلق خابرت امها كالت مو عدنا
بعدين امه ارتبكت كالت هاااا بلحمام
راسا اني رحت الاهلها مالكيته عدهم
بقيت منتضره من رجعت وسئلتها كالت يم صديقتي
سئلتها ليش ما كلتيلي تكول نسيت
اني الصراحه بديت اشك بيها حيل هواي لازمه تليفونه
ومامهتمتلي
تليفونه يشبه تليفوني اني اشتريتهن سوا بنفس اليوم
واثنينهن لونهن ابيض
كعدت الصبح واخذت تليفونه وطلعت كلت اذا طلع ماعدها شي ارجعه واكله عبالي تليفوني
واذا لكيت بي شي اطيح حضه وحض الخلفوها
ردت افتحه ما عرفت
جمانه السعيدي
رحت الولد صديقي خبره بهاي السوالف كتله تليفون زوجتي نقفل وناسيه الرمز بلكت تفتحه اليه
وفعلا بقا يحاول لمن فتحه وشفت المصايب الي محد شايفه عدها علاقه ويه واحد صار سنه وحتى ارصده ادزله
وصور واني ياغافلين الكم الله
رجعت عليه كسرته تكسر ودزيته الاهلها وشهدت اخوانها على عمايلها
اني حتى جهالي كامت تلعب نفسي منهم
خاف مو اطفالي
يجوز عدها كم علاقه شمدريني
هبه.....ولله حسيت اكو احتفال بداخلي هاي الي فضله عليه هاي بت الحسب والنسب
اني مايتشرف بيه واخذ الشريفه بعينه
يارب اني اعجز عن حمدك وشكرك
قررت اسوي حركه اخلي ينتبه الوجودي
ردته يعرف اني موجوده
ردته يشوفني شنو صرت
كمت وصرت بصفه بس ما باوعت علي وشلت القلم وكلت هلو استاذ ياسر
اثنيينهم التفتو عليه بس اني ما اباوع بس على ياسر
ياسر...هلو ست هبه هلو بست الكل
هبه...هذا القلم الك لكيته بمكانكم
( طبعا جذب هو قلمي بس ردت يوسف يشوفني )
ياسر....لاعيوني مو قلمي
هبه...العفو
ورجعت المكاني اسمع يوسف يسئله هاي منو طبعا عرفني بس يريد يتاكد
ياسر....هاي هبه عبد الامير محاميه ويانه هنا
بعدين اني طلعت تدرون شنو احساسي طايره من الفرحه
ياربي لاتعاقبني هاي مو شماته هذا انتصار مذهل
كملت الساعه بلثنتين وخذت جنطتي اريد اطلع
شفته واكف بلباب ينتضرني
عدلت مناضري وطلعت
يوسف من رخصتج هبه
هبه....نعم شنو هبه من تحجي وياي كول ست هبه
يوسف....ست هبه شلونج
هبه....نعم اعرفك اني عندك قضيه يمي
يوسف...لا ما اصدك ما عرفتيني مستحيل
هبه....نعم منو حضرتك وشنو هاي الثقه يوميه الف واحد يمر عليه مثلك ينرادلي ذاكره حديديه
يوسف بس
جمانه السعيدي
راسا دك تليفوني باوعت بابا يتصل بيه فتحت خط
هبه....هلو حبيبي ياعمري اعرف تنتضرني
فدوه اروحلك اني الاشوق
هسه جايه ونتغدا سويه اعرف ماتاكل الااني كبالك
ثواني بس اطلع السياره وجايتك
تعمدت احجي هيج اريد اغيضه بلزايد
عفته ومشيت وهو ضل واكف وصافن اعرف بالغت بلمكالمه بس كان عاجبني الوضع
هو كل ضنه احجي ويه زوجي ويه حبيبي
يمكن ساعته اريد اطير واوصل البابا اريده يعرف حكمت القدر
ويشوف يوسف شلون وحده ضحكت علي
ولعبت بفلوسه وسمعته وانشاء الله يصير فرجه للناس
جمانه السعيدي
وصلت للبيت وكمت اركص واكمز وبابا يضحك عليه
يكول لازم اليوم ربحتي قضيه مهمه
هبه...ربحت اهم قضيه بحياتي لوتدري اليوم شفت منو
اليوم يوسف اجا عندا قضيه خيانه زوجته خاينته
ابو هبه بابا حرام الشماته
هبه...اعرف بابا بس بحالتي مو حرام
يوسف عافني على اساس اني موخوش انسانه وخاف يخلف مني وخاف يعيرونه بيه
بس ربك بلمرصاد جابله وحده فضحته كدام الله وعباده
ابو هبه الله يسعدج وينطيج على كد نيتج
هبه بابا شنو رائيك اخذ قضية زوجته حتى اجلطه فد مره
مستعده ادفع كلشي وزوجته تكسب القضيه
ابو هبه بابا لاتحقدين حرام
هبه....حرام وكل الي سوا بيه مو حرام
للحكايه بقيه احبكم
باجر الصبح ماكو نشر لان عندي شغل مهم انشر الكم العصر وبليل
احبكممممم
كم وحده فرحت الهبه هبه تستاهل هاي الفرحه
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
