رواية عالدغرى كامله جميع الفصول بقلم دعاء دفيع
"تم تحويل ٢٨ ألف جنية إلى رقم 010********67"
_ أنا بعتلك الفلوس علي محفظتك.
= مافيش حاجة وصلت يابني علي رقم ايه حولتهم؟
_ رقمك اللي آخره 67
= يابني دا مش رقمي دا اتسحب من فترة قليلة، كنت قولتي قبل ما تحول مافيش منك فايدة، اقفل اقفل أنا هتصرف.
" رن على الرقم اللي اتحول عليه الفلوس وردت بنت"
_ فيه فلوس اتحولت علي محفظتك بالغلط، ياريد تبعتيهم لنفس الرقم تاني.
= مافيش حاجة وصلت.
_ نعم ياختي احنا هننصب من أولها، الفلوس لو مرجعتش هعلقك انتِ فاهمة!
= ياريد حضرتك تتكلم بأسلوب أحسن من كدا، قولتلك مافيش فلوس وصلت.
_ هو انتِ بسلامتك هتعلميني أتكلم ازاي ولا ايه، بقولك الفلوس ترجع دلوقتي ياحرامية وإلا هجيبك و..... تيت تيت تيت.
" اتصدم من قفلة السكة في وشه ورن علي زميله بعصبية"
_ أنا هخليكي تتمني يتمحي اليوم اللي عرفتك فيه.
_ بقولك هبعتلك رقم واحدة تجبلي كل بياناتها ومكان إقامتها وشغلها لو بتشتغل.
= خير ياباشا، عملت ايه؟
_ عايزة تسرقني وكمان بتقفل السكة في وشي.
= شوف ازاي، بقي النقيب عُمر واحدة تعلم عليه، الزمن حصل فيه ايه!
_ بطل ندب ياض وخد رقم فونها ومتتأخرش.
= تمام ياباشا ياللي اتعلم عليك.
" قفل من هنا وصاحبه اللي بعت الفلوس غلط بعتله رسالة بإن الفلوس رجعت على رقمه تاني كاملة"
عُمر لنفسه: بنات متجيش غير بالعين الحمرا، كل ما بنتساهل معاهم هيظيطوا فيها"
اتبعتتله رسالة على فونه من رقمها فيها اسكرين للوقت اللي اتبعت فيها التحويل وكلام كالتالي: الفلوس وصلت بعد ماقفلت منك، وأنا بعتهملك تاني علشان خايفة، بس مش خايفة منك، خايفة من اللي خلقك، وشكرًا يامُحترم علي اتهامك ليا.
" تنهد تنهيده ورن عليها"
_ أنا بعتذر يافندم علي اللي حصل، وشكرًا ليكي
رؤى بحزن : حصل خير.
_ امممم حاسس إنك لسه زعلانة.
= عادي مجتش عليك... سلام.
_ لا استني ، مش هتسأليني عرفت أسمك من فين.
= من الجن الأزرق.
_ يخربيت ذكاءك.
= من تركولار، وخلاص الموضوع انتهي سلام .
عُمر لنفسه: هو أنا حاسس نفسي أهبل ليه، مش عارف تتفتح مواضيع ياخايب.
" قفلت الخط، وفتح الواتساب والتليجرام الخاص بها وشاف صورتها، ورن صاحبه"
_ جبتلك بياناتها!
= بيانات مين؟
_ مالك ياصاحبي، بيانات البنت اللي علمت عليك، ايه اللي واخد عقلك!؟
= تالا وتميم.
_ مين دول بقى.
= عيالنا.
_ عيال مين! انت اتجوزت من ورايا، روح رجع فلوسك من الحرمية.
= ماهي الحرامية دي ام عيالي.
_ انت شارب حاجة ياصاحبي.
= هاا هاا لا ابعت البيانات بتاعتها.
" في المساء عند رؤى كانت بتتفرج على الماتش وزعلانة إن فريقها المفضل خسر، قفلت التلفزيون بيأس ودخلت تنام"
رن تلفونها، وردت
_ ياهلا بالبوابين اللي خسروا انهارده.
= أنت تاني! أنت عايز ايه، ماقولنا موضوع وخلص! عايز ايه تاني؟
_ جاي أواسي الزملكوية البوابة علي خسارتهم للمرة التسع تلاف.
= وأنت عرفت إني زملكوية من فين.
_ من صورة التيلجرام
= ماشي ياسيدي منجلكش في حاجة وحشة، وبعد اذنك مترنش تاني.
_ كان نفسي أقولك ربنا يجعلها آخر خسارة بس للأسف اسم الزمالك مرتبط بالخسارة
= مش هرد عليك، هو دا اللي فالحين فيه التنمر وبس.
_ ألا صحيح أنتِ بتشجعي الزمالك ليه!
= الله يقذف الحب في قلوب المحبين، فلا تسأل محب لماذا أحببت.
_ عااش، أنا شكلي غلط في الرقم ورنيت علي أحمد شوقي بالغلط.
= أضحك ولا أبين سناني.
سكتت قليلًا ثم قالت: أنا بشجع الزمالك علشان بيفكرني بنفسي بيحاول ويكافح بس مبيوصلش، بس الفرق بيني وبينه إنه عنده مشجعين إنما أنا
أنا ماعنديش.
"قالتها بنبرة مكتومة للغاية"
_ بس بس متقوليش كدا، أومال أنا بعمل ايه!
= بتاكل بانيه.
_ هي هي هي خفه.
= يومك كان عامل ازاي انهارده، احكيلي من أول ما صحيتي
_ بص ياسيدي
= ابص فين!
_ على هطلك، وبعدين أنت كنت ما بقيت أهلي احكيلك ليه!
" وقفلت الخط"
___________________________________
" صحيت تقى ومسكت الفون واتبعتلها مسج علي الايميل انها اترفضت في الوظيفة اللي قدمت فيها، عادي ماهو دا المعتاد، ومن ثم فتحت الواتس ولقت رسالة مبعوته "
_ربما صدفة خير من ألف معاد، لا تدعي الحزن يتمكن منك، فاأنتِ القوة الكامنة، والإرادة الجارية، صباح الخير .
= فيه ايه يابا أنت هتصاحبني.
_ يابا! واضح إنك هتبدأي تظهري وشك الحقيقي.
= صح هو أنت كنت صاحب الخط دا.
_ اه واتسحب ومعرفتش ارجعه.
= أنت عُمر.
_ ايوا وانتِ سلمي.
= دا كمية ناس رهيبة رنوا عليا علشان يكلموك.
_ اه منا مشهور
= أقولك علي حاجة ومتزعلش
_ متقوليش انك مرتبطة
= لا مش مرتبطة، أنا متجوزة وبجري علي يتاما
_ وأنا مطلق تلت مرات، أهلًا وسهلًا اتعرفنا،،، قولي اللي كنتي عايزة تقوليه.
= اتلمى المتعوس على خايب الرجا، أنا فتحت الأكونت بتاعك من خلال الرقم اللي اتسحب منك.
_ بيتك ومطرحك
= ايه دا؟ يعني مش زعلان إني فتشت خصوصيتك.
_ لا لا عادي انتي مش غريبة، ولقيتني بخونك ولا لا ياهانم ياظلماني ياللي بتشكي فيا منك لله يابعيدة.
= اه وأنا اللي كلت الجبنة وخرمت الربع جنية المخروم وقتلت البحر الميت.
_ يابت اللذينة يامجرمة.
___________________________.
_ مين دا ياهانم اللي عملك لاف على البروفايل بتاعك.
= صبرني يارب، ياعُمر أنا حطيتك في البلاك ليست من ٣ أرقام لحد دلوقتي كفاية ازعاج بقى
_ متتهربيش من السؤال.
= اوووف.. ابن عمي
_ وعملك لاف ليه بقى على صورتك.
= معلش امسحها فيا أنا.
_ تدخلي تعمليله بلوك في خلال دقيقة
= بصفتك ايه بقى تؤمرني.
_ عالدغري
= عالدغري
_ أنا معجب بيكي.
= عالدغري
_ عالدغري
= أنت فجأتني
_ أعتبر ردك دا قبول ولا رفض!
= عالدغري
_ عالدغري
= أنا مبدخلش في ارتباطات.
_ طب أنا عايز أقابلك مرة واحدة بس
= عالدغري
_ عالدغري
= في المشمش.
_ تمام هقابلك بكرا، وهتبقي علي ذمتي كمان ٣ شهور.
= دا عند ام لطفي اللي بتنور وتطفي.
_ نتراهن.
= ألف جنية من عندي قصادها ١٠٠ من عندك.
_ خليكي قد كلمتك بس.
_____________
" اتبعتت رسالة لرؤي إن فيه معاد انترڤيوا في شركة في الساعة السابعة صباحًا، حضرت نفسها ونزلت ركبت مكروباص وهي قلبها بيدعي إنها تتقبل"
= البطايق يا أساتذه.
" كان صوت ظابط المرور، أخد بطايق المكروباص كله وراح كشف عليها ورجع"
= رؤى سامح العجمي.
_ نعم !
= انزلي، واطلع يسطا.
_ خير يافندم، هو فيه ايه؟
= حضرتك متهمه في قضية سرقة.
_ ايه !!! انت بتقول ايه؟؟ محصلش طبعا.
= الكلام دا تقوليه في القسم.
_ يافندم بالله عليك أنا عمري ما دخلت قسم قبل كدا، محصلش صدقني.
= بلاش كلام كتير، ورني علي باباكي، عرفيه بالوضع، وخليه يحصلنا علي القسم.
" فتح ليها باب عربية ملاكي من ورا"
_ العربية مكيفة وهتلاقي كيس فيه شوكلاته وشيبسي وميه وعصير لو جوعتي أو عطيشتي.
= هو أنا رايحة قسم ولا رايحة رحلة، لو أعرف إن الحبس حلو كدا كنت سرقت من بدري، هو انتوا خطفيني ولا ايه؟
_ بلاش كلام كتير.
" رنت رؤي علي والدها"
= بابا تعالا علي قسم الشرطة بعد اذنك.
_ ليه؟
= معرفش تعالا ضروري متتأخرش بالله عليك.
"في قسم الشرطة في مكتب المباحث، كانت رؤي ووالدها قاعدين مستنين الظابط"
_ ايدك بقى يارورو علي الألف جنية بتوعي.
" رفعت راسها لقت عُمر وفتحت بقها"
_ اقفلي بوقك لدبانة تدخل فيه، منظرك مش ولا بد.
أبو رؤي : ممكن أعرف فيه ايه ياباشا؟
_ بنتك حرامية ياحاج
أبو رؤي بصدمة: ليه!
_ سرقت قلبي ياحاج، يرضيك كدا.
ضرب كف علي كف: يابني ياحبيبي ، بقي مشحططنا وجايبنا القسم علشان تهزر معانا.
عُمر: عالدغري
أبو رؤي: عالدغري.
_ أنا معجب ببنت حضرتك وطالب ايديها منك.
أبو رؤي: وحضرتك تعرفها من فين؟
_ هقولك بس بعد ما توافق، أنا عريس لقطة مترفضش ياحاج.
رؤى: أنا مش موافقه.
عُمر وهو ينزل يده ويرفعها بلا مبالاة: هششش محدش طلب رأيك..... هااا قولت ايه ياحمايا.
أبو رؤى: لا إله إلا الله، تعالا البيت ونشوف، جيل مجنون.
___________________
بعد مرور ٣ شهور
_ يالهوي ايه اللي نزل القمر على الأرض بس.
= بؤحرج.
_ ممكن أطلب منك طلب بس متزعليش
= اتفضل.
_ عالدغري
= عالدغري
_ هاتي الألف جنية بتوع الرهان.
= الرهان حرام.
_ اه علشان أنا اللي كسبت.
= طب اقولك علي حاجة
_ قولي
= عالدغري
_ عالدغري.
= أنا بحبك.
_ قلبي الصغير لا يتحمل، تعرفي إني بشكر صاحبي الخايب علي خيبته، لولا خيبته مكنتش عرفت أحلي حاجة حصلت في حياتي، طب كمان واحدة عالدغري.
= عالدغري
