رواية حظ عاثر الجزء الثاني الفصل التاسع بقلم ليل ادم
غاده: استاذ سامي من فضلك عايزك تروح نيابه ----------- في اسرع وقت
سامي: خير في اي
غاده: ادهم محبوس هناك
سامي: اي ده في اي
غاده: مش فاهمه اي حاجه روح اعرف في اي وبعدين يحلها ربنا
في جانب آخر
كان الخبر وصل إلي المنطقه راح حماده وجمال ورحاب وسعيد الي النيابه
حماده: ادهم اي اللي حصل
ادهم : والله ما عارف يا علبه أنا اخر حاجه فاكرها أن الهندسه زعل من كلامي قال للراجل ده يدخلني القفص هو أنا كده في القفص
رحاب : مالك يا ادهم في اي
ادهم : مين المزه دي ياض
جمال: الواد ده شارب حاجه يا حماده
حماده: لا ياعم ادهم ملوش في الكلام ده خالص
ادهم : لالا أنا شكلي شارب فعلاً يا حماده
حماده: انت مش متأكد أن كنت شارب ولا لأ
ادهم: مين دي
رحاب : ياحبيبي أنا مراتك وحد الله كده وكفايه تحسيس على ايدي انت مجنون
جمال: طب قولي يا ادهم
ادهم : اقولك يا ادهم ليه
جمال : ياض اسكت بقا قولي بس انت بعد ما نزلت من البيت عملت اي
ادهم : روحت ابص على حماده علبه في المختبر
جمال: حلو وبعدين
ادهم : لقيت علبه عصير جوافه
جمال ؛ ايوه قولي كده بقا
حماده: ياعم اهدا بيقولك جوافه مش مانجه
جمال: ياعم ممكن يكون تأثير الدماغ معاه
ادهم : لا لا هيا مانجه فعلاً
رحاب : يا حبيبي سيب ايدي مالك يا ادهم في اي
ادهم : مين الواد اللي على ايدك ده
رحاب : فضله خيرك ده ابنك
ادهم : الله اكبر
في جانب آخر كان وصل استاذ سامي
سامي: رحاب عامله اي
رحاب : الحمد لله يا مستر سامي
ادهم : مين ده
سامي: جاي الجلسه الأولي ليك في حياتك شارب يا استاذ
ادهم : هيا دي كانت أول جلسه ليا
سامي: واخر جلسه انت مهمل أصلا
حماده: استاذ سامي اهدا على الواد ده حصل غصب عنه منتا قبل كده برشمت في المكتب غصب عنك برضوه ولا نسيت
ادهم: عايز لبن
حماده: هجبله ازازه لبن وخلي بالك منه ياعم جمال
سامي: افتح القفص يابني خرجه خلاص الموضوع خلص
ادهم: لا لا خليني قاعد هنا شويه الدنيا بره زحمه
سامي: معلش تعالي على نفسك وأخرج علشان مراتك
ادهم : هيا فين مراتي دي
رحاب : يا راجل دنتا بقالك ساعه عمال تلعب في خدودي وأيدي ولا زاي ما يكون أول مره تشوفني
حماده: خد ياعم اشرب
ادهم : هات
سامي: افتح ياعم القفص خلينا نخلص
فتح العسكري القفص خد حماده وجمال ادهم وخرجوا بي بره النيابه كلها
جمال: كده انت بالصلاة على النبي يا حماده مفيش حد طلع من تحت ايدك سليم
حماده : هو أنا مش متفق معاك يا ادهم قبل ما تمد ايدك على اي حاجه في المختبر بتاعي تقولي الأول
ادهم : ياعم أنا مكنتش اعرف انك بتصنع عصير كمان أنا كنت فاكرك برشام بس
حماده: يابني أنا كمان يومين هصنع بنأدمين اصبر انت بس
جمال: صحيح شوفت حماده بيصنع روبوت بيقولك هيشتغل ويصرف علينا
ادهم : والله فكره حلوه
حماده: اصبر بس انت عليا يومين وهخلي يطلع يصحيك
رحاب : الله والنبي يا حماده علمه يعمل البيت والأكل
حماده: ماشي بس هياخد على الشقه ٣٠ جنيه وطلبات الشارع نفس الكلام ولو هيطبخ ياخد خمسين لوحدها
رحاب: الله أسعاره حلوه اي
حماده: وربنا ل هخلي الروبوت ده قرد يعمل كل حاجه
جمال: وعلمه يقتل علشان يقتل حبيبه ويكسب فيا ثواب
حماده: لا دي اكتر واحده نفسها الروبوت يخلص النهارده قبل بكره
جمال: والله الواد حماده ده دماغه سم بس يستغلها صح
ادهم : اكتر من كده بيقولك صنع روبوت يصرف عليه علشان ميشتغلش انت متخيل
حماده: يابني أنا مش بحب الشغل أنا بحب اقعد مع نفسي كده اخترع اي حاجه
ادهم : أما نشوف اخر أخترعاتك يا حماده
حماده: أنا جبت اربع عيال صغيره كده خباصين علشان الخبر يتعرف في المنطقه كلها
ادهم: علشان كده ام سمير عمال تسأل عليك وتقولي عايزه اكتب اسمي
حماده: اه منا مش هخرب حيات الراجل برضوه هما ست ايام شغل ويوم راحه علشان كده بعمل زبائن
جمال: طب اكتب اسمي معاك
حماده: أنا عايزك تتريق عليا براحتك بكره تطلب مني شوكت يقف معاك ومش هقبل
ادهم : شوكت مين
حماده: الروبوت منا اصلي سميته شوكت
رحاب: شوكت اي يخربيتك ده اسم (وبتضحك)
حماده: علشان يطلع شقيان من صغره
بعد مرور يومين كان انتها حماده من تصنيع الروبوت فعلاً وراح على واحد صديقه بتاع سيبر وفيديو جيم
سلكه : اي يا حماده اللي انت جايبه ده (وبيضحك)
حماده: سيبك منه قولي يا سلكه عندك نت
سلكه : اه
حماده: وصلي الكبل ده على الجهاز اقعد انت هنا يا شوكت
سلكه : اي ده هو بيسمع الكلام
حماده: أنا لسه هنزله برنامج الطبخ والمشواير وترويق الشقه وهخليه اي لهلوبه
سلكه : ليه كل ده
حماده: انت بتحرق كتير ليه خد شريط البرشام ده واسكت خالص
شوكت : (مد ايده شد الشريط من حماده)
حماده: لالالا يا شوك يا اخويا عايزين نحافظ على جسمنا علشان أنا صانع امك علشان تصرف عليا مش علشان تقعد تضرب معايا وتخرب بيتي
بعد مرور أربع ساعات
حماده: كده بقينا في التمام
سلكه : يعني كده خلاص هيفهم ويتكلم ويعمل كل حاجه
حماده: شوف كده شوكت
شوكت : نعم يا مستر حماده علبه
حماده: قوم روق المحل
شوكت: حاضر تحت امرك
وفعلاً قام شوكت روق المحل في عشر دقائق وكل حاجه بقيت تمام
سلكه : الله ده جميل اوي
حماده: هات تلاتين جنيه
سلكه : ليه
حماده: مش عمل المحل شوكت هات حسابك وتعالي ورايا
شوكت : من فضلك مستر سلكه اعطيني حقي
سلكه : امشي ياعم بلا حقي بلا بتاع
شوكت : لو رجعت من غير فلوس حماده مش هيدخلني البيت
سلكه : على اي ياعم خد
شوكت : شكراً مش جايلك تاني علشان انت بخيل
وخرج ورا حماده
حماده: تعالي بقا علشان تطلع تتعرف على زبائن اخوك علبه
شوكت: هيا لنذهب
ام أيمن: (بتفتح الباب) اي ده يا حماده انت عملت الراجل البتاع ده
حماده: سلم على خالتك ام أيمن
شوكت: ازيك يا خالتي
ام أيمن: تعالي ادخل عندك شغل أد كده
شوكت : ادخل يا مستر علبه
ام أيمن: ( بتضحك) مستر علبه
علبه: بس اسكتي ادخل ياقلب مستر علبه د
دخل شوكت منزل ام أيمن جمال صحي من النوم على صوت ام أيمن بتكلم حد خرج يشوف في اي
جمال: مين ده يا وليه
شوكت : هل انت العنتيل
جمال: عرفتني منين ياعم الآلي انت
شوكت : لقد حدثني عنك مستر حماده
ام أيمن: ياله روق بقا الشقه وتعالي اقولك عايزه اي من تحت
جمال : اي ده هو انتي أن شالله هتخلي شوكت يعمل كل حاجه وانتي تتفرجي على التلفزيون
ام أيمن: انت مالك يا جمال هو أنا طلبت منك تدفع جنيه للراجل
جمال: يوليه اتكلمي بأسلوب حلو الراجل واقف
ام أيمن: عليك وعليه هو أنا مش عارفه ارتاح في بيتي شويه كل شويه خناق
جمال : هو انتي يابومه وراكي حاجه غير القرف والخناق
ام أيمن: انت راجل لسانك ظفر وبتحب النكد
شوكت : صلي على النبي يا عنتيل مفيش حاجه لكل ده
ام أيمن: ( رفعت الشبشب بتضرب بي في وش جمال جه في دماغ الروبوت )
شوكت : اي ده يا خالتي عيب كده
جمال: بتحدفي مين بالشبشب يابنت الجزمه
ام أيمن: شوكت الله انت مالك انت بقا دلوقتي
شوكت : والله ما هعمل حاجه انتو ناس مجانين ( وفتح الباب وخرج قصاد الباب بصوت عالي)
شوكت : يا مستر حماده علبه
حماده: اي ياشوكت خلصت
شوكت : لا مش هعمل حاجه أنا أضربت بالشبشب
حماده: اطلع تعالى دي ناس مش وش نعمه
رحاب: الله الحق بيتكلم ازاي يا ادهم
ادهم : دنت مشكله والله يا حماده
حماده: استنا بس لما يطلع
شوكت : مستر علبه
حماده: ادخل يا قلب مستر علبه
شوكت : عايز اشحن
حماده: حقك ياعم منتا من الصبح على لحم حديدك اقعد جمب الفيشه
شوكت : بعد اذنك يا علبه
ادهم : اي ياعم الاحترام ده
حماده: أنا منزله برنامج اللغه العربيه الفصحى
ادهم : طب هيا دي تنفع معانا هنا والنبي
شوكت : لا لا ما أنا بتعلم منكم الكلام
حماده ؛ فهمت بقا
رحاب : طب قوله يشحن وينزل يشتري بامبرز ل يوسف من عند السوبر ماركت
حماده: سمعت يا شوكت
شوكت : سمعت بس ممعيش فلوس
ادهم : منا هديك يابو الشوك
شوكت : ماشي وعايز تلاتين جنيه مصاريف الطريق
حماده: لا يا شوكت اول مشوار علينا والباقي عليهم
شوكت : حاضر يا مستر علبه
نزل فعلاً شوكت السوبر ماركت
صاحب المحل: اي ده في اي
شوكت : عايز بامبرز
صاحب المحل: انت مش كبير على الكلام ده
شوكت : الشغل مش عيب ياله يا حبيب اخوك أنجز
صاحب المحل: اي ده هو حماده لحق علمك بسرعه كده
شوكت : بطل حرق خد الشريط ده واخلص
صاحب المحل: فين الشريط
شوكت : مع سلكه صاحب السيبر وانجز ام أيمن لو شافتني هتضربني تاني بالشبشب
صاحب المحل: ليه في اي
ام أيمن: (مسكت شوكت من قفاه)
شوكت : اوعي ايدك يا وليه انتي ماسكه دايره الكهرباء الله يخربيتك
ام أيمن: بقا أنا ياعره الرجاله اقولك روق الشقه تسبني وتجري
شوكت : خلاص هعملها سيبي رقبتي
ام أيمن: اطلع معايا
شوكت : هات البامبرز يخربيتك
ام أيمن: اطلع
شوكت : ألحقني يا مستر علبه
حماده: في اي يا شوكت
شوكت : انزل بسرعه الوليه عايزه تموتني
حماده: مين دي ياض
شوكت : ام أيمن
حماده: اي يامو ايمن سيبي الواد يطلع
ام أيمن: حماده يا علبه وكتاب الله اطلع ارميك من فوق اسكت خالص
حماده: لأ علي اي روح معاها يا شوكت
شوكت : منك لله يا مستر حماده
حماده: ماشي يابا روح معاها برضوه
ام أيمن: ايوه كده هات من جمب الأركان وانت بتمسح
شوكت : وسطي وجعني يا وليه في حاجه اسمها مساحه أو شرشوبه
ام أيمن: هو في اجمل من الخيشه اشتغل علشان تاخد الفلوس
شوكت : اهو حلو كده
ام أيمن: حلو يا شوكوتي قوم بقا خد الورقه دي هات الطلبات اللي فيها
شوكت : فين حساب الشقه الأول
ام أيمن: كله على بعضه
شوكت : لا كل حاجه لوحدها
ام أيمن: خد تلاتين جنيه اهم روح بقا هات الحاجة
شوكت : هاتي وليه بومه فعلاً
وخرج من الباب
شوكت : مستر حماده أنا خدت فلوس من ام أيمن
حماده: تعالي اطلع هاتها يا قلب اخوك
شوكت : استنا نازل اشتري طلبات وخد كله على بعضه
حماده: ايوه بقا شكلها هتلعب يا شوق
شوكت : أنا راضي ذمتك ده اسم تقوله ل روبوت اي متفرجتش على افلام اجنبيه يا مستر علبه
حماده: أما اللي اخترعك اسمه علبه عايز اسمك يبقا اي هيثم
شوكت: عندك حق أنا نازل سلام
حماده: سلام يا حبيب اخوك
