رواية الخليفه بلدنا الفصل العاشر والاخير بقلم ليل ادم
مالك بيه: اي يا فرعون معقول يكون عرب خد الفلوس وسابك هنا
فرعون: عرب جاي جاي متشغلش بالك بس انت حطيت نفسك في دماغي يا وجهه ربنا معاك على اللي هتشوفه
مالك بيه: سيبك من الشويه دول ولا انت ولا عرب طالعين من البيت حتى لو الفلوس جت أنا حكمت عليكم بالاعدام يا فرعون
فرعون : خوفت أنا كده صح
مالك بيه: منا مش عايزك تخاف علشان اللي جاي مجاش ذيه يا فرعون
فرعون : خليها على اللي ممشيها يا وجهه
في جانب آخر
عرب : يعني اي يا خواجه أنا بقولك الوقتي تقولي أقل حاجه شهر
الخواجه: عرب انت بقالك شهر هتموت والفلوس تطلع بره البلد ب أسرع وقت جاي لما الفلوس طلعت عايز ترجع نصها حالا طب ازاي
عرب : ازاي دي مش بتاعتي دي بتاعتك وخلي بالك التأخير مش هينفع أتصرف
الخواجه: يا عرب افهم أنا ترس صغير في مكينه كبيره اوي أنا مقدرش اعمل اللي انت طالبه ده انت. فاكر الرقم اللي عايز ترجعه ده ينفع يرجع أصلا يا عرب عايز تدخل البلد ٨٠٠ مليون دولار انت مقتنع باللي عايزني أعمله ده
عرب : اقفل ياعم اقفل ( وقفل في وش الخواجه )
حلبيطه : اي يا عرب بس مالك متعصب كده ليه
عرب : متعصب ليه بقولك الواد هيموت بسبب الزفت الفلوس
حلبيطه : قولتلك تعالا نروح وهيا و نصيبها يا عرب
عرب : لا يا حلبيطه مينفعش اروح من غير الفلوس
حلبيطه : انت خايف يا عرب
عرب : اه طبعاً خايف
حلبيطه : من يوم ما عرفتك وعرفت فرعون اول مره أسمعها منك دي
عرب: مكنتش بخاف علشان فرعون في ضهري أنا الوقتي أقل من اي حد أقل من اني اقف قصاد عيل صغير أنا مرعوب علشان الموضوع في رقبه فرعون عارف لو الموضوع مفيش في فرعون كنت عملت مصيبه مصر كلها تتكلم عنها سنه قدام يا حلبيطه كنت عملت مدبحه بحق ربنا
حلبيطه : طب وبعدين يا عرب ما الفلوس وقفت هتعمل اي
عرب : ما دي المصيبه أن الفلوس صعب تخرج
حلبيطه : طب اي ناوي على اي يا عرب
عرب : رايح ل فرعون
حلبيطه : الرجاله تجهز
عرب : لا أنا رايح لوحدي مش عايز حد منكم معايا أول ما فرعون يبقا في ايدي نعمل اي حاجه إنما اخاف حد يتهور الواد ياخد طلقه كده ولا كده
حلبيطه : طب عايز اي ياعرب
عرب : جهز الرجاله وجهز السلاح واول ما تشوف رقمي في تليفونك تدك البيت على اللي في اتفقنا
حلبيطه : يعني أتحرك امتا علشان وقت ما تتصل اكون قريب من البيت
عرب : بعد دخولي البيت هبعتلك رساله تتحرك يا حلبيطه
حلبيطه : خلصانه يا عرب
عرب : مش عايز اي غلط انت فاهم
حلبيطه : اللي تشوفه يا عمهم
عرب : ربنا يستر منك انت بالذات
في جانب آخر
كان فعلاً وصل عرب بالقرب من منزل مالك بيه ( بعت رساله على تليفون حلبيطه بأنه يتحرك ومعاه الرجاله والسلاح وبدأ في دخول البيت من خلف الأسوار لحد ما وصل إلي أسفل القصر وهناك كان مربوط فارس في غرفه دخل عليه عرب )
فارس: ( بصدمه ) عرب
عرب : لا ياروح امك عزرائيل فرعون فين
فارس: فوق مع مالك بيه
عرب : كان لازم تموت وقتها يا فارس بس ملحوقه
فارس: ابوس ايدك يا عرب
عرب : صوتك ياض (وفتح سلاحه وحطه في رقبه فارس وخرج من الغرفه يبحث عن الوصول إلي فرعون )
في الوقت ده كان ظهر في كاميرات المراقبة وجود عرب في البيت
سمير : مالك بيه عرب تحت وقتل فارس
مالك بيه: عايزه حي بسرعه لو فلت منكم والله ل أقتلكم بأيدي كلكم
سمير : تحت امرك يا مالك بيه
وفجأة بدأت حركه الجميع تجاه عرب اللي حس أنه أنكشف رفع تليفونه وأمر الرجاله ب ضرب النار على البيت
في جانب آخر
فرعون : الحفله بدأت يا وجهه خليك أد الحفله وفك الكلبش ده وتعالا نشوف مين فينا أد الدنيا
مالك بيه: أنا اقف قصاد صايع شبهك (ورفع سلاحه وضرب فرعون بالنار في الوقت اللي كان سمير والرجاله مشغولين ب تبادل إطلاق النار مع رجاله عرب وفرعون لمنعهم من دخول البيت كان عرب على مقربه من مكتب مالك بيه فتح الباب ودخل كان فرعون وقع في الارض غرقان دم ومالك بيه غادر القصر بعد إطلاق النار على فرعون )
عرب : فرعون لا متموتش قوم معايا مش هتموت افتح عينك كلمني فرعون فرعون ( رفع فرعون على كتفه وخرج بي بره المكتب وكان كل همه انقاذ فرعون من الرصاصه وكان رجال عرب احتلت المنزل )
حلبيطه : فرعون ماله يا عرب
عرب : ( بصوت عالي) إسعاف بسرعه
حلبيطه : هاته في العربيه مفيش إسعاف أنجز
خد عرب العربيه وطلع ب فرعون على المستشفى ولما وصل اخده منه طاقم طبي على غرفه العمليات
حلبيطه : وحد الله يا عرب هيعيش أن شاء الله اهدا ( مكنش عايز يرد على حد ولا يتكلم كنت قلقان عليه يحصله حاجه من سكوته والصدمه اللي كان فيها لحد ما خرج الدكتور من غرفه العمليات)
عرب : اي
الدكتور: مين قريب المريض ده
عرب : أنا اخوه في اي
الدكتور: الرصاصة كنت جمب القلب اصابه شريان مهم جدا بيوصل الدم للقلب لو ٢٤ ساعه دول عدو عليه يبقا ربنا كتبله عمر جديد
عرب : يعني اي ( وشد الدكتور من رقبته ) فهمني يعني اي ده لو مات أولع فيك و في المستشفى
الدكتور: يا سيده النائب بعد اذنك مش كده أنا محترم زعل حضرتك على اخوك
عرب : أنا مش نائب ياعم
حلبيطه: الدكتور هيموت في ايدك يا عرب سيبه يا عرب اسمع الكلام امشي يا دكتور بعد اذنك امشي الوقتي
كان في بعض الناس من الصحافه بتصور النائب وهو ماسك الدكتور و تسأل عن سبب وجود النائب و رجل الأعمال المشهور داخل المستشفى
حلبيطه : ( حسيت اني بتعامل مع واحد أول مره أتعامل معاه كان متوحش مع اي حد بيتكلم معاه ضرب في الصحافه وضرب في المستشفى لدرجه ان الحكومه جت على المستشفى وكل ده طبعا الصحافة كانت رصده علشان تنشره في الجرائد وسط كل ده اللي شاغل عرب يعرف مكان مالك فين كلم ناس مهما جدا على التليفون لحد ما فعلاً جاله مكان مالك بيه فين )
حلبيطه : اجي معاك مش هتمشي لوحدك
عرب : ( خبط على صدر حلبيطه ) لا انت قاعد مع فرعون لو بتحبني فعلاً تدفني عليه لو مات متقفلش عليه يا حلبيطه علشان ورحمه أبويه أن رجعت على خير وفرعون مات ومقفول عليه قبره هحطك انت واللي يعرفك معاه انت فاهم
حلبيطه: ( خاف من عرب لدرجه انه مش قادر يرد عليه هز رأسه فقط)
وخد عرب باقي الرجاله وراح على عنون مالك
في جانب آخر
الدكتور: سيده النائب فين
حلبيطه: أنا معاك يا دكتور خير
الدكتور: الانشطه الحيوية كلها وقفت للأسف الوقت اللي جاي عد تنازلي أنا أسف (ولف وشه ومشي)
حلبيطه: (قعد على الأرض) منهار من كلام الدكتور (قرر يكلم عرب يقوله)
عرب : اي يا حلبيطه
حلبيطه : فرعون بيموت ياعرب ارجع تعالا اقف مع اخوك
عرب : (أنهار بشده من كلام حلبيطه ) انت بتقول اي مين قالك كده
حلبيطه: الدكتور اللي قال كده والله ارجع يا عرب
عرب : ارجع ارجع لمين وارجع ليه ما خلاص يا حلبيطه
حلبيطه: يعني اي مش هترجع عايز تموت نفسك
عرب : حلبيطه وغلوت فرعون عندك ما تقفل عليه ولا ينزل لوحده طول عمره كان نفسه يكون جمبي دنيا و أخره لو شايل حاجه واحده حلوه لينا تدفني معاه
حلبيطه: ( ببكاء شديد) ارجع يا عرب كفايه مصيبه واحده
عرب : (قفل التليفون بتاعه )
بعد الوصول منزل مالك
فتح باب العربيه ونزل عرب وكان كل همه ميموتش قبل ما يقتل مالك بداء الاشتباكات بين رجاله عرب و رجاله مالك وكان اشتباك عنيف جدا
حاول يهرب مالك بيه من المنزل وفجأة لقي نفسه قصاد عرب
مالك بيه: هسيبك تهرب بس سبني أخرج من البيت وكفايه الرجاله اللي راحت
عرب : (بصوت عالي جدا)رجاله اي دنت خدت قلبي من مكانه
مالك بيه: وانت معاك فلوس لو النار مسكت فيها مش هتنتهي
عرب : (فتح مطوه فرعون ) خود كل الفلوس ورجعلي فرعون
مالك بيه: بتعمل اي
عرب : مش دي أيدك اللي ضربت فرعون بالنار أهي (وقطع كفه يد مالك بيه)
مالك بيه: ( بيتوجع وصريخه يملأ المكان )
عرب : ( مبقاش عايز يقتل مالك من غله عايز يقطعه حته حته رافض يقتله لحد ما دخلت رجاله عرب وكان مالك مات وعرب قاعد على الأرض شده عرب من جوه المنزل غصب عنه )
عرب : وديني ل فرعون
زعبوله: وكتاب الله هوديك بس سيب السلاح
عرب : لا سيبه أنا عايز اروح ل فرعون
زعبوله : حاضر تعالا معايا في العربيه وهات ده (وشد السلاح من ايد عرب )
وبعد الوصول إلى المستشفى كانت في حاله زحام شديد و دكاتره داخله جري على غرفه فرعون
وقع عرب على الأرض يبكي مش قادر يوصل الى باب غرفه فرعون من الرعب اللي كان في حاله حاله شلل مؤقت مش قادر لا يقف ولا يتحرك وكان منهار على فرعون ومش عايز حد يقوله اي اللي بيحصل جوه مع فرعون
بعد مرور نصف ساعة كامله
الدكتور: زعبوله (شده بعيد خالص علشان عرب ميسمعش خبر وفاة فرعون )
زعبوله: مات
الدكتور: لالا لسه في امل بس وزيادة عن الأول كمان في تحسن والله
زعبوله: (بصوت عالي و جري على عرب ) ياعرب فرعون مش هيموت والله الدكتور لسه بيقولي بيتحسن
عرب : قومني يا زعبوله مش قادر اقف
زعبوله: قوم يا عرب في اي
عرب : مش عارف اقوم يا زعبوله رجلي وقفه مش قادر
زعبوله: استني اجيب الدكتور ياعم انت هتموت نفسك وربنا
وجاب الدكتور
الدكتور: سيادة النائب حضرتك حاسي ب اي
عرب : فرعون عمل اي سيبك مني يا دكتور
الدكتور: والله أتحسن كتير عن امبارح قوم نعملك أشاعه مقطعية
عرب : مش قادر أقف والله رجلي مش حاسس بيها
الدكتور: (أمر الممرضين يحضروا كرسي متحرك ووضع النائب عليه في اسرع وقت ل بدء العلاج بعد التشخيص)
الدكتور: متقلقش يا عرب بيه الحمد لله كل حاجه تمام ده تأثير الصدمه وأن شاء الله كل حاجه هترجع طبيعي بس ساعد نفسك ومتقلقش على اخوك اخوك والله لو ما كان بيتحسن كنت رفعته من على الأجهزة
بعد مرور سنه
زعبوله : اي ياعرب عامل اي
عرب: تمام الحمد لله ياض انت عامل اي والخليفه عامله اي
زعبوله: من يوم ما سافرت وسبت الخليفه والدنيا وحشه والله يا عرب
عرب : اي حد محتاج حاجه في الحي كله ياض يا زعبوله ياخدها
زعبوله: مفيش حد محتاج حاجه والله يا عرب كل الناس مستنيه رجوعك بالسلامة
عرب : قريب اوي يا زعبوله
زعبوله : الله يرحمك يا فرعون كنت بتحب الخليفه أد عينك
فرعون: ولسه بحبها يابن الكئيبة بس اخوك عرب ياعم بيقولي لو نزلنا هنتحبس
عرب : يعني واحد بايع نص أثار مصر وهربان معاه ثروه دوله مش عايز تتحبس يابن الكئيبة
حلبيطه : يا فرعون اسمك الخواجه اي في الباسبور
فرعون : كونياكو
عرب : اسمه شمال زايه
فرعون : طب انت اسمك اي يا عرب
عرب : لا مش هقولك
انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر
لزيارة عالم روايات سكير هوم
لمتابعة روايات سكيرهوم زوروا قناتنا على التليجرام من هنا
