رواية اختبار حب الفصل الخامس عشر بقلم ليل ادم
ليل : زينه ملكيش دعوه انتي بالموضوع ده بابا قالك تدخلي يبقا تدخلي أنا مش هخدك من غير رضا أبوكي و أمك اتفضلي
الأب : عجبك كده
زينه : (دخلت غرفتها )
ليل : عم كامل انت عايز اي
الأب : مش عايز يا ليل
ليل : لا بجد والله شوف عايز اي علشان أنا مش هبعد عن زينه ومش هسيب أمي اتفضل
الأب : اي ده
ليل : عقد الشقه بتاعتي نقلت الملكيه ب أسم زينه من قبل ما نتجوز حتا اظن مفيش واحد ناوي على شر يعمل كده
الأم: اقعد يا ليل و انت يا كامل وطي صوتك وكفايه بقا خلاص الموضوع ده لازم ينقفل السكه اللي دماغك ماسكه فيها دي هنخسر البنت مش هنكسب حاجه خد عقد الشقه بتاعتك يا ليل إحنا مش ناقصين لا فلوس ولا شقق يا حبيبي
ليل : أنا مقولتش كده يا أمي بس أنا عايز أسبت نيتي مع زينه
الأب : يا ليل أفهم هو أنا قولتلك انك وحش أو بتكره بنتي منا عارف انك بتحبها أنا أعتراضي على انك تتجوز في بيت أهلك
ليل : عايزني أسيب واحده عندها ضعف في عضلة القلب و عندها مشكله كبيره في النظر هو ده رد الجميل بعد لما خلتني راجل وقف قصادك بكلمك وبطلب ايد بنتك بعد ما علمت وكبرت هو انت ازاي أصلا هتديني أمان لو عملت كده في أمي
الأم: خلاص يا ليل اهدا
الأب: أنا قولتلك سيب أمك انا بقولك يكون ليك بيت خاص يا ليل واقعد مع امك انت وزينه زاي ما تحب بس اخر الليل ارجع بيتك مع مراتك يا ليل
ليل : انت عارف انا لو شايف نفسي بعمل حاجه غلط هقولك خلاص ماشي وبعد ما أتجوز اعمل اللي أنا عايزه بس أنا راجل كلمتي واحده واللي بعمله أنا مبسوط بي وفرحان أني بعمله علشان كده أنا مش هريح قلبك و أقولك كلام و أعمل كلام تاني
الأم: رد طب على تليفونك ياليل علشان عمال يرن ل أمك تقلق عليك ولا حاجه يا حبيبي و أهدا شويه يا كامل
الأب : أعملي ل ليل حاجه يشربها طيب يا منال
في جانب آخر
ليل : ألو
الأم: اي فينك كده
ليل : عند زينه
الأم: منا عارفه أديني عمك كامل يا ليل
ليل : هيا زينه كلمتك
الأم: ليل روح أدي التليفون ل عمك كامل بدال ما أتصل عليه انا اسمع الكلام
ليل : هتعملي اي
الأم: عيب عليك يا ليل هو أنا هعمل حاجه تقل منك يا حبيبي دنت الف واحده تتمناك روح و متقلقش
ليل: أستني خد ياعم كامل كلم
الأب : ( بس على اسم المتصل وعرف أنها ام ليل ) ألو
الأم: ازيك يا عم كامل
الأب : الحمد لله يا ست الكل حضرتك عامله اي
الأم: الحمد لله معلش يا عم كامل حاول تبعد عن ليل بس ثانيه
الأب: حاضر حاضر ياست الكل
الأم: أسمع يا حج كامل أنا كده كده والله بفهم ليل اني كويسه واني مش محتاجه حد جمبي بس ليل ماسك في الموضوع بسبب آخر كشف جابه من المستشفى رايح معاه في الكلام وأنا وعد مني والله هقنع ليل يقعد في بيته زينه زاي بنتي أنا مش هقبل عليها حاجه وحشه أنا معنديش بنات بس يعلم الله انها بنتي فعلاً
الأب: لالا والله ما في اي حاجه انتي فهمتيني غلط أنا أسف والله لو عملت ليكم اي أحراج وعلي العموم معنديش مانع زينه تقعد معاكي أو في بيت خاص بيها أنا بعد كلامك والله عرفت أن زينه حظها حلو انك تكوني أمها الثانية و أنها تاخد واحد زاي ليل كده والله والله يا ام ليل يعلم الله أنا بحب ليل أد اي
الأم: وأنا والله هقنعه يعمل اللي قولتلك عليه
الأب: لا خلاص ملوش لازمه والله أنا تمام معنديش مانع تعيش معاكي بكلمك بجد والله
الأم: يعني مش زعلان ولا في اي حاجه أصل بصراحه انا لو لفيت الدنيا مش هلاقي ل ليل ناس حلوه ومحترمه زاي اسره حضرتك اكون مطمنه عليه وسطهم لو حصلي حاجه
الأب : بعد الشر عليكي حسك في الدنيا يا ست الكل
الأم: ربنا يخليك يارب اسفه على الازعاج تصبحوا على خير وأنا هكلم ام زينه أعتذرلها على اي حاجه حصلت ما بنا
الأب: كلك ذوق والله تسلمي ويسلم سؤالك
الأم: مع السلامه
الأب : مع السلامه خد تليفونك يا ليل
ليل : ( مد ايده خد التليفون)
الأب : أندهي زينه يا منال
الأم: حاضر
الأب: أقعد يابني قولتلك في اي
ليل : حاضر
زينه : نعم يا بابا
الأب: خارجه تقفي قصادي وتقوليلي يا ليل يا بلاش
زينه : (بصت ل ليل )
ليل: ( غمز الي زينه وأشار ب أيده لتهدئت الموقف)
زينه : أنا أسفه يا بابا حقك عليا اللي حضرتك شايفه أنا هعمله
الأب: أقلعي دبلتك أديها ل ليل
ليل : ( هز رأسه ل زينه )
زينه : حاضر (وبتقلع الدبله بكل تلكع لاضاعه اكبر وقت ممكن حتى يحدث أي حديث )
الأب: خلاص أتنيلي خلي دبلتك في أيدك
زينه : بجد
الأب: أنا بس كنت عايز اعرف انتي فعلاً وقفتي قصادي ولا دي لحظه شيطان
زينه : طبعاً لحظه شيطان هو أنا اقدر اقف قصاد حضرتك ( وحضنت والدها )
ليل : بعد اذنك يا عم كامل أنا كنت عايز موضوع الجواز أن شاء الله يكون قبل اخر السنه ممكن
الأب: يابني اخر السنه الشهر الجاي يعني انت عايز تتجوز اخر الشهر ازاي بقي
ليل : أنا جاهز حضرتك جاهز ولا في حاجه
الأب: جاهزه طبعاً بس أنا مش جاهز اني أسيبها الوقتي
ليل : ياعم كامل وقت ما تعوذ زينه ولا حتا إحنا الاتنين تاني يوم تكون عندك بس انت قول أمين
الأم: خلاص بقى يا كامل خلينا نفرح بيهم
الأب : ( نظر إلي زينه شاف الفرحه والترقب في عينيها ) خلاص ماشي يا ليل موافق
ليل : هو ده الكلام اروح أنا أجهز بقي
الأم: يا ليل لسه شهر
ليل : منا هروح ألبس البدله من دلوقتي علشان أبقا جاهز (وبيضحك)
الأب: بقينا نضحك الوقتي أهو
ليل : طبعاً لازم اضحك مش معايا ست البنات
زينه : ربنا يخليك ليا يا حبيبي
الأب: اي اي إحنا قاعدين ياله ياض بره وانتي يابت على أوضتك
ليل : حقك ياعم كلها شهر وهنزل بيها الشارع الفجر وهبعتلك صورنا واحنا في الشارع في عز الفجر وابقي قولها على أوضتك بقي ( وبيضحك)
الأب: شوفي الواد عايز يغظني احسن خليني أرجع أنا و منال عرسان من تاني
ليل : أرجع ياعم براحتك البيت بيتك
الأم: ربنا يتمم بالخير يارب يا ولادي
زينه : يارب
الأم: شوف البت هو احنا كنا بنكهربك يابت
ليل : لا دي مسائل عائلية بقا امشي انا بعد اذنكم
الأب: منتا قاعد يابني مع السلامه
ليل : نعم اعمل اي
الأب: (بيضحك) حاجه كده زاي يابخت من زار وخفف
ليل : مكنتش اعرف انك ناشف كده كل ده على كبايه شاي أما لو كنت طلبت مانجه
الأب: كنت رميتك من الشباك
وضحك الجميع
ليل : لا ياعم على اي سلام
بعد نزول ليل
الأم: هيا أمه قالتلك اي علشان تغير كلامك بسرعه كده
الأب: ومين قالك اني كنت رافض ليل أصلا بالعكس أنا رأي في ليل من أول يوم لآخر يوم ولا أتهز لحظه واد راجل وجدع وابن ناس شبهنا بس كنت حابب أعزز بنتي علشان اللي بيجي بلاش بيروح بلاش يا منال وبعدين أنا كده فعلاً متأكد من حب ليل ل زينه كنت خايف يطلع حب من طرف بنتك بس او بنتك أجبرت ليل على الخطوه دي خصوصاً اني كنت حاسس ان ليل مش متحمس للموضوع أد ما كنت شايف في عين زينه
الأم: والوقتي
الأب: تأكدت من اللي كنت نفسي أتأكد منه
زينه : ربنا يخليك ليا يا بابا
الأب: هو أنا عندي غيرك يا زينه علشان أطمئن عليه يا حبيبتي انا مش عايز حاجه غير اني لما انزل تحت التراب أكدن مطمئن عليكي معاكي راجل يقدر يحميكي من الدنيا كلها طز في الفلوس وفي الشقه بتاعته وطز في اي حاجه أنا عايز راجل ل بنتي مش ساري عربي هو أنا لو بدور على الفلوس كنت خليتك سبتي قدري علشان ليل
الأم: شوف والله أنا كانت بحب قدري وكنت شايفه مناسب جدا جدا جدا بس بصراحه ليل مناسب اكتر علشان كده أنا فرحانه اكتر علشان زينه كمان بتحب ليل ومكانتش بتحب قدري
بعد وصول ليل الي المنزل
الأم: عملت اي يا حزين
ليل : شغلي حاسه الشم كده وتوقعي اي اللي في أيدي ده
الأم: هو أنا كلبه يا جزمه انت
ليل : اي ده يا ففتي قطع لساني طبعاً أنا قصدي توقعي معايا اي
الأم: قرب عليا تعالا
ليل : وهقعد على حجرك كمان يا ففتي ( وحضن أمه )
الأم: ربنا يروق بالك على طول ياليل
ليل : طول ما انتي جمبي أنا بالي رايق ياست الكل ربنا يخليكي ليا
الأم: هعيط كده
ليل : طب الأول بس اي ده
الأم: برجر فراخ باين من اسم المحل
ليل : بالصلاة على النبي وتقوليلي عيني وجعاني دنتي شوفتي اسم المحل (وبيضحك)
الأم: يا واد والله أنا كويسه ( وبتضحك)
ليل : طب أدخل اجيب الاطباق وجاي
