رواية اسميتها ليلى الفصل الخامس بقلم محمد احمد
مراد : حمدالله على السلامه يا حج اجمد كده ده احنا بنشوف ليك زوجه تانيه اهو
رباب بشهقه : تانيه اى يا فرده جىزمه وهو هتلاقى فى حلوتى وجمالى خساره فيك المكرونه بالبشاميل اللى هعملها ليك
مراد : اوبا لا انا قولت زوجه تانيه مين قال وهو فى زيك يا ست الكل يا خرابى من جمالها
محمد : ولما هتجيب وره بتفتح صدرك ليه
مراد : عشان غشىيم مسحوب من لسانى
محمد : مش مهم زى ابوك يا واد من شابه أبوه فما ظلم
مراد : الحمدلله مش محتاجين تحليل عشان نثبت أننا اب وابنه
محمد وهو يغمز : عاوزك يا مراد يا ابنى فى موضوع حساس كده
مراد بأستغراب : عاوز تتجوز على ماما يا بابا ليه كده بس
رباب من وراهم : بعد العمر ده كله يا محمد اه يانى ياشبابى اللى ضاع ياعمرى اللى راح يا ايدى اللى باشت يا رجلى اللى ساحت
مراد ومحمد وهما بيتفرجوا عليها : ماشاء الله يا ماما تنفعى ممثله انتى قريبه الممثله اللى بتقول مليش حبيب ولا غريب وقريب مش كده
رباب : احم انا كنت مشاركه فى مسرحيات الكليه ايام العز بقا يابنى
محمد : ايام العز وهو انا جيت عيشتك فى عىبوديه يا رورو
رباب : قلب رورو ده انت عن العز كله يا ابو مراد
مراد : الحمدلله افتكرتوا أن فى مراد كفايا بقا تىلزيق وقرف مش كبرتوا على الكلام ده
محمد : كبرنا اى مراد احنا لسه صغيرين يا واد مش شايف الشباب فينا
مراد : فين يا حج
محمد. : فى القلب يا ولد فى القلب
مراد : عاش يا أبو الشباب نوصل ست الكل ونطلع نشرب قهوه عند عم عبدو وله عاوز تتشاقى ياحج نروح كافيه غالى
محمد : لا يا مراد اى حته بس ضرورى نتكلم
مراد : متفقين
بعد مرور ساعه
مراد : ها يا حجوج سامعك
محمد : انت عارف يا ابنى أن الحب مش عيب صح
مراد : عارف ايوه
محمد : وان قلوبنا مش ملكنا وهى بأيد رب القلوب يقلبها كما يشاء
مراد : يا حج لو عاوز تتجوز على رباب قولى بس وملكش دعوه العروسه حلوه يعنى تستاهل
محمد : اخرس يا حىىيوان الاه هو انا الاقى زى امك فين
مراد : هو أنت متراقب يا بابا متخفش محدش هيقولها
محمد : يا ابنى بطل هزار بكلمك بجد
مراد : اتفضل يا بابا خلاص
محمد : انت بتحب يا ابنى صح
مراد بحرج : الصراحه يا بابا ايوه فى بنوته معجب بيها اوى
محمد وهو سعيد : طب ده خبر حلو يا ابنى خلص كليه ونخطبها ليك وانت الحمدلله راجل شايل نفسك وعندك شقتك وعربيتك وشغلك يعنى مفيش داعى للتأخير
مراد : الفكره انى معرفش غير اسمها بس
محمد : نعم؟!
مراد : هحكيلك الحكايه كلها
