رواية الخليفه بلدنا الفصل السابع بقلم ليل ادم
وبقي عندنا جيش رجاله وسلاح بس كل اللي فات حاجه واللي جاي وضع تاني
فرعون : عايز تعمل اي ياعرب
عرب : بكره الصبح مفيش محمد بيه ولا فضل ولا راشد بيه
فرعون : ليه بس يا عرب كده حلو
عرب : علشان احنا نعيش لازم ناس تموت يا فرعون أسمع كلامي حضر الرجاله يا فرعون
فرعون : لا يا عرب خلينا نعمل اخر مشوار شقاوه مع بعض علشان لو أعتمدت على رجاله الدم هيكون سهل على أيدك يا صاحبي
عرب : خايف يا فرعون
فرعون : خايف عليك مش علي حاجه تانيه يا عرب
عرب : هات المصحف بتاع عمك جمال الله يرحمه
فرعون : عمره ما فارق جيبي أهو
عرب : ورب المصحف يا فرعون لو الدنيا أدتني كل حاجه ما هتديني أخ زايك ولا عمري هتغير معاك ولا أخسرك لأي سبب
فرعون: ( خد المصحف ولسه هيحلف عليه عرب حط أيده على بوق فرعون)
عرب : ياض انت مش لازم تحلف أنا لو العالم كله قصاد عيني رافع سلاحه وانت في ضهري أنا أد العالم خلي بالك يا فرعون أنا من غيرك مقدرش أضرب عيل صغير انت اللي بتتقل قلبي وبتعملي سعر يا صاحبي
فرعون: خلاص بقى علشان انت عارف انا بضعف من الكلام ده (وبيضحك)
عرب : لأ و بتخاف من الضلمه بقي بالزمه واحد مجنن مسجلين مصر و مجنن الداخليه يخاف من الضلمه
فرعون: ياض مش بخاف من الضلمه وربنا
عرب : أما اي
فرعون: بخاف من القبر يا عرب
عرب : يابن الكئيبة ليه كده ( وبيضحك ) قوم قوم يافقر
فرعون: ( مسك ايد عرب) توعدني يا عرب لو نزلت قبلك تتدفن عليا ولو انت نزلت قبلي أنزل عليك
عرب : (حضن فرعون ) خليك يا فرعون متجيش معايا
فرعون: ياض وربنا ما خايف بس أنا سمعت الصبح واحد بيقول لو بتحب حد قوله الدنيا في لحظه بتنتهي ف حبيت اقولك اني بحبك ونفسي زاي ما كنت في كتفي دنيا تكون معايا اخره
عرب : انت عارف يا فرعون انت ضهري من كام سنه
فرعون: ٢٠ سنه و تسع شهور أول يوم أصلاحيه نزلت في عليا لما. شديت مع بطيخه وقومت بسببك خدت تهذيب من تحت راسك
عرب : طول عمرك فاقد دخلت ضربته في مكتب المأمور
فرعون: ولحد النهارده يا عرب من أجلك أحرق القاهره
عرب : أعملها المرادي من أجلي يا فرعون
فرعون: ياله بينا
عرب : هات الرجاله وبينا
فرعون : أد الدنيا والدنيا مش قدك ياعم
علي بيت محمد بيه
محمد بيه: مين
عرب : أفتح يا محمد بيه
محمد بيه: (بيفتح ب لهفه أخيراً عرف يوصل ليهم فتح الباب تفاجأ بوجود فرعون مع عرب ومعاهم سلاح ) اي ده في اي
عرب : كان في وخلص يا محمد بيه ( مد ايده خد محمد بيه من رقبته وضربه بالنار في دماغه ) ياله
فرعون: راشد بتاعي
عرب : أنا وعدتك تاخد حقك منه بنفسك بس بعد فضل
فرعون : حصل
بعد الوصول إلى منزل فضل بدأ أطلق النار بين رجال فضل و رجال عرب و فرعون
عرب : خليك هنا أنا حافظ البيت هدخل أجيب فضل و خارج
فرعون: روح
عرب : ( نط جوه البيت وفعلاً قدر يطلع غرفه فضل اللي كان مستخبي وفاكر أن دي رجاله راشد بيه)
عرب : فضل
فضل: مين عرب
عرب : لا مندوب عزرائيل سلام على عمك جمال ( وفضا في خزنه سلاحه وغادر البيت بعد ما تأكد من انتهاء كل رجاله فضل )
وعند بيت راشد بيه
عرب : محدش يضرب نار ولا ينزل من العربيه قبل ما تسمع صوت ضرب النار تعالي معايا يا فرعون
فرعون : معاك
(دخل عرب وفرعون البيت من على الصور الي غرفه نوم راشد بيه فتح عينه والسلاح على رأسه)
راشد : فرعون
عرب : سمعت انك عايزني أنا و فرعون بأي شكل قولت أعملك زياره
راشد بيه: انت فاكر انك هتخرج من هنا انت وصاحبك
عرب : لا الخروج والدخول ده بتاعنا أحنا ملكش في خلص يا فرعون
فرعون: انت كنت عايز تدفني صاحي أنا بقي أجدع منك
راشد : بتعمل اي
فرعون: هولع فيك صاحي برضوه عيش يا عمنا
وفعلاً المكان تحول الي جمره نار وبدأ أطلاق النار ما بين رجال راشد و رجال عرب و فرعون أنتهت ب تصفيه كل رجال راشد ماعدا فارس
عرب : ( رفع سلاحه في رأس فارس)
فارس : عندي اولاد عندي أولاد
فرعون: عرب سيبه
عرب : مينفعش يا فرعون
فرعون : علشان خاطري
عرب : انت شوفت حاجه
فارس : اقسم بالله ولا سمعت حاجه حتي
فرعون: أمشي محدش يعمله حاجه
عرب : خلصت يا فرعون
فرعون: خلصت ياعم
بعد مرور أسبوع كان عرب فك كل الدهب اللي معاه وبدأ يبني ويعمل من الخليفه حصن ليه و لي فرعون حصن أمن وكبير جدا
الامين خالد: اشرف بيه عرب عايز حضرتك
اشرف بيه: خلي يدخل
عرب : أولا عرب بيه يا أمين خالد ثانياً اشرف بيه أنا جاي أتكلم معاك في صلح حابب ولا أمشي
اشرف بيه: اقعد يا عرب بالصلاة على النبي انتو حد بقى يقدر يكح قصاد منكم
عرب : تعجبني دماغك أسمع ياعمنا أشوف عربيه بوكس جوه حدودي هزعل أنا هاكل وانت تاكل لحد ما تشبع
اشرف بيه: مش فاهم
عرب : القهوه يا عم خالد
اشرف بيه: روح هات القهوه يا خالد
الامين خالد: تحت امرك
عرب : أميزك أنا بقي شوف يا سيدي أنا ناوي أغربل الخليفه على دهب جالك بلاغ من حد اعمل مش شايف ومش سامع
اشرف بيه: وأنا مستفاد اي من كل ده
عرب : منا بقولك هتاكل معانا فى نفس الطبق جاي منك ولا ألعبها مع حد تاني
اشرف بيه: معاك يا عرب بس لو خونت
عرب : انت اخر واحد يسأل السؤال ده علشان انت عارف كويس اوي أن الخيانه مش عندنا
باب المكتب بيخبط
اشرف بيه: أدخل
فرعون: صافي يا لبن
اشرف بيه: حليب يا دهب
عرب : بعد اذنك
اشرف بيه: والقهوه
عرب : تشربها في مكتبي الاسبوع الجاي ومعاها هديه حلوه ليك سلام
اشرف بيه: سلام
بعد خروج عرب و فرعون من المكتب
فرعون: ليه كده يا عرب
عرب : بيني وبينك مينفعش عرب و فرعون يحطوا رجليهم في كار ميكنش كبيره فرعون وعرب
فرعون: يا صاحبي احنا معانا فلوس تعيشنا ملوك في بلادنا ومعانا ناس تحبنا نبني ونعمل الصح مع أخوتنا
عرب : اللي في دماغي خير خير لينا و لكل الرجاله في بلادنا يا فرعون
فرعون: أد الدنيا يا عم وأنا والدنيا مش أدك
عرب : اسمع أنا عايز كل المرشدين اللي في المنطقة عايز كل المسجلين عايز أجتماع محصلش منه في الخليفه كلها
فرعون : ساعه زمن ويكون كل ده قصاد عينك
عرب : خلصانه يا عم الكوكب
وفعلاً جمع فرعون كل الناس اللي طلبهم عرب
عرب : أنا جمعت الشمل السعيد ده علشان عندي كلمتين مهمين نقول ونعتمد ونكسب كلنا ولا ألعبها مع نفسي
فرعون: قول ياعمنا كله عايز المصلحة
عرب : من النهارده مفيش أرشاد اللي هيبعت خبر عن الحي كله للقسم حسابه معايا
ابراهيم: أنا الحمد لله بطلت الكلام ده
فرعون: والنبي يا عم ابراهيم رايح انت علشان أنا متسلم بسببك اربع مرات اصلا ولولا انك راجل كبير كنت عملت منك كفته ومن غير ملح كمان
عرب : الكلام مش ليك لوحدك يا ابراهيم الكلام للجميع أنا هفتح تحت المنطقة كلها ومعانا خبير ومعانا شيوخ ومعانا عده ومستعده ومعانا كل حاجه البيت اللي هيطلع من تحت منه الخليفة كلها هتاكل منه اللي جاي منه يرفع أيده واللي مش معانا ينزل على جمب
الكل رفع أيده
فرعون: بس اللي يقل عقله ويطلع بره المنطقة يروح مشوار جمب القسم مش جوه القسم هيزعل وأهل بيته هيزعلوا وأي حد شايل دمه هيزعل معاه أمين
الكل : أمين
عرب : نبدأ الشغل شوف شغلك ياعم الشيخ انت والناس اللي معاك والرجاله دي كلها معاك الخليفة كلها معاك مصاريف اي راجل جدع هيحط ايده في الأرض من جيبي لحد ما ربنا يكرم فرعون ماسك كل حاجه اي فلوس مع فرعون اي خيانه معايا عداني ياعم فرعون
فرعون: ياعم أد الدنيا والدنيا مش قدك
بعد مرور سنه ونص كانت المنطقة فعلاً طلع منها اكتر من ١٥ مقبره وبدأ أسم عرب وفرعون يكبر ويطلع أعلا مكانه في تهريب الآثار
جميل : فرعون العربيه طلع عليها ناس خدت كل اللي فيها
فرعون: والرجاله اللي معاكم فين
جميل : كان معمول كمين يا فرعون
فرعون: عرب فين يخربيت أبوكو ( وخد العربيه راح القصر الخاص بي فرعون و عرب في حي الخليفة)
عرب : انت بتقول اي محدش يقدر يحك معانا
فرعون: اهو قدر قولتلك بلاش فتحت الصدر دي يا عرب
عرب : اللي حصل ده لو متردش عليه و النهارده هيكون ولا لينا لازمه في السوق يا فرعون
فرعون: هو احنا نعرف مين اللي عمل كده يا عرب
عرب : حضر الرجاله أنا عارف مين اللي عمل كده
فرعون: مين
عرب : فهد علشان رفضنا نحطه معانا
فرعون: لو كلامك صح يبقا أخرته على أيدي
عرب : أركب معايا هخليك تتأكد بنفسك
