رواية ولكن الفصل الأول
يأتي الصباح في غرفة سجي بطلة الروايه
سجى: ماماااااااااااااا
الام فاطمه: عاوزه ايه يا بنت الملبوسه
سجى: و نبي يا ست الكل كوباية قهوه عشان رايحه مقابلة الشغل اللي الحاج جبها و مروان هيجي يخدني
فاطمه: حاضر يا حبيبتي ربنا يسهلك الامور
سجى: ربنا يخليكي يا ست الكل فين بقي الحاج عشان ناخد منه فلوس
فاطمه: في البلكونة
سجى: وسعي كده باباااااااااا
الاب علي: تعالي يا حبيبتي انا هنا
سجى: ايدك علي الف جنيه
علي: ليييه كل ده
سجى: هات بس خليك كريم
علي: انا علي مش كريم
سجى: فين خفة الدم يا حج
علي: خلاص مافيش فلوس
سجى: 😂😂😂😂😂😂😂 مش قادره هموت من الضحك
علي: خدي الفلوس و ربنا يستر طريقك تحبي اوصلك
سجى: لا مروان جي يوصلني
علي: طيب يا بنتي ابقي قوليله ان هو لازم يجيب اهله و يجي عشان نتكلم بقي ماشي
سجى: حاضر
تسمع سجى تلفونها بيرن
سجى: ده اكيد مروان
سجى: الو يا حبيبي
مروان: صباح الخير يا عمري انا ساعه و هكون عندك
سجى: انا هشرب القهوه و هلبس
مروان: ماشي
تعالوا يا عيال لما اعرفكم علي الابطال
سجى: بنت جميله خريجة صيدله عندها 25 سنه قمحويه و شعرها طويل و اسود و عنيها لونها اسود طويله و جسمها حلو
مروان: حبيب سجى عنده 30 سنه خريج صيدله طويل و عريض و شعره اسود و عنيه عسلي عنده شركة ادويه و عنده مستشفيات
علي: والد سجى راجل طيب و حنين بيحب سجى بنته اوي عنده 54 سنه
فاطمه: والدة سجى ست طيبه و جميله عندها 50 سنه
آدم: اخو سجي خريج حقوق و عنده مكتب محاماه و محامي شاطر عنده 32 سنه طويل و عريض و قمور اوي
نكمل بقي و هنعرف بقيت الابطال بعدين
علي: سجى
سجى: ثانيه يا بابا بلبس الجزمه
علي: طيب
سجى: عاوز ايه يا حج
علي: اقعدي يا بنتي
سجى: حاضر
علي: انا عارف انك بنت شاطره و بتحبي الشغل و عارف انك هتعملي احلي شغل في شركة محمد صاحبي و عارفه انك هتشرفيني بس اوعي تعملي حاجه غصب عنك و اعرفي انك لو لقدر الله فشلتي انا هكون في ضهرك و معاكي و مش هسيبك تقعي
سجى: هعيط يا حج و المكياج هيبوظ ربنا يخليك لينا و ميحرمناش منك يا عم الناس كلهم
علي: تصدقي انا غلطان اني بطمنك قومي مروان جيه مش سامعه عمال يزمر
سجى: مع السلامه يا حجوج مع السلامه يا فطومه
نزلت سجى و لقيت مروان واقف مستنيها و آدم كان واقف معاه
سجى: الواد اخويا اللي بيشتغل 24 ساعه في 24 ساعه
آدم: عامله ايه يا بت
سجى: بت بتقولي بت طيب والله مش هكلمك
آدم: امشي يا بت الله اعلم هتفلحي في الشغل ولا لا
سجى: انا مش هرد عليك ليا راجل يرد عليك رد يا مروان
مروان: آدم اخويا الكبير مينفعش ارد عليه
آدم: والله يا ابني انت متربي مش عارف هتاخد واحده زي دي ليه
سجى: يلا يا مروان عشان اتأخرت علي الشغل
مروان: سلام يا آدم
آدم: سلام يا زوج اختي
ركبت سجى العربيه والله ركب مروان و اتحركوا
مروان: كان فيها ايه لو كنتي اشتغلتي في شركتي
سجى: انا بحب اعتمد على نفسي و قولتلك كذا مره مش لازم نتكلم في الموضوع ده لان بتقلب بخناق
مروان: يعني انتي سايبه شركة جوزك المستقبلي و رايحه شركة منافسه
سجى: انا مش عاوزه يا مروان يقولوا عليا اني بعتمد علي زوجي انا عاوزه الناس تشوفني بشغلي و اقفل الموضوع ده
مروان بغضب: حاضر هسكت هقفل بوقي
سجى: بابا قالي اقولك هتجيب اهلك و تيجي تقعد مع بابا امتي
مروان: هشوف و ارد عليكي
سجى: ماشي
بعد مرور نصف ساعه توصل سجى الشركه
مروان: خلي بالك من نفسك و لما تخلصي هاجي اخدك
سجى: ماشي باي
مروان: لا إله إلا الله
سجى: محمد رسول الله
بتدخل سجى الشركه و بيوجها الموظفين لي مكتب صاحب الشركه
السكرتيره: آنسة سجى استاذ آياد في انتظارك
سجى: آياد مش عمو محمد
السكرتيره: آياد بيه مكان محمد بيه لفتره
سجى: تمام شكرا
تدخل سجى المكتب و تلاقي آياد قاعد بيشتغل
سجى: احم السلامه عليكم
آياد: و عليكم السلام اتفضلي
سجى: شكرا
آياد: والدي موصي عليكي اوي
سجى: بجد
آياد: اه السكرتيره هتوصلك لمكتبك يا آنسة سجى
سجى: شكرا
آياد: نتمني الشغل يعجبك يا آنسة سجى
سجى: اتمني شغلي يفيد الشركه
آياد: بس انتي احلي علي الحقيقه اكتر من الصوره و الوصف كمان
سجى: افندم
آياد بتوتر كلم السكرتيره: خدي آنسة سجى لمكتبها
السكرتيره: حاضر يا فندم
تروح سجى مع السكرتيره و تدخل مكتبها و تعجب بيه
شكرا يا ممكن اعرف اسمك
السكرتيره: ملك اسمي ملك
سجى: تشرفنا
سجى: قعدت و كانت مبسوطه بالمكتب بعد مرور ساعتين علي الشغل
تعالوا نتعرف علي بقيت الابطال
آياد: طويل و عريض و عنده 28 سنه عنيد و شخصيته مش كويسه خالص عنيه لونها اخضر شعره بني
تعالوا نكمل
سجى و هي بتشتغل سمعت تلفونها بيرن
سجى: الو يا ماما
فاطمه: الحقي يا سجي............
