اشــياء صغيره نضيفها على حيــاتنا..تعطى لها مذاقا اخــر...واشياء اخرى نتــنازل عنها ..ونرضى بذلك ..فتضيف ابتسامه على وجوهــنا...سعادة المرء تنبع من داخله فقط..لا يتسولها او يرجوها من الاخـــرين...هذا ما فعلته مــها..تمـــاما..حاولت ان تخلق السعاده بداخلها هى اولا ...ثم تنقل العدوه للمــحيطين بها ...
استيقظت مها فجرا..على رنة هاتف سهى..تذكرها بصلاة الفجــر...اغتسلت وتوضأت ..ثم ذهبت للصلاه ودعت الله ان يكتب لها الخير ...
خلت مره اخرى الى فراشها...نظرت اليه وهو نائم..اخذت تتأمله كثيــرا ..ثم ابتسمت ونامت هى الاخرى...
وفى تمام الساعه الثامنه ...استيقظ هو ...اغتسل وارتدى ملابسه ..وكالعاده ايقظها لتحضر له الافــطار..
دخلت المطبخ احضرت له بيض ,,قليل من الجــبن,,خبز,,طماطم,,وكوب شاى ساخن..
جلس يأكل ..ثم نظر الى الاكل بدهشه وقال لها :-امال فين يا مها الكيك والعصير؟
مها بتلقائيه:-معملتش كيكه ولا عصير مكنتش فاضيه
حسن وهو يزفر وقد نهض من مقعده :-انا مش هاكل الاكل ده...
مها بابتسامه وقد جذبته بخفه ليجلس قائله له:-يا شيخ اعد كل ..عارف..لو عملتلك سندوتش جبنه وعليها طماطم ..مع كوباية الشاى ..هتعجبك صدقنى
لم يجيبها واخرج هاتفه ..واخذ يعبث به..كانت هى قد انهت تحضير السندوتش له ...
اعطته اياه وقالت له بابتسامه:-خد يا حسن
حسن بامتعاض :-انا هاخده بس بكره متعمليش الاكل ده تانى
مها بابتسامه:-اوعدك لو فضيت هعملك اللى انت عايزه..عموما مش موضوعنا ..انا رايحه النهارده انا وطنط النادى نتمشى شويه وبعدين هروح عند اميره..
حسن بابتسامه :-تصدقى السندوتش طعمه حلو..
مها بزهو:-انا مبعملش حاجه وحشه اصلا ..
حسن بابتسامه :-احبك وانت واثق ...
ابتسمت برقه واكملت طعامها هى الاخرى....
******************************************
أما ايمن كان فى مكتبه ..حينما رن هاتفه ...رقم لا يعرفه...نظر لعصام وقال :-تفتكر هى؟
عصام :-متردش احسن
ايمن بتردد:-معتقدتش انها هى بقالها كتير مبتتصلش ..ممكن تكون اميره
لم ينتظر رد عصام ..واجاب هاتفه ..
ايمن:-الو
المتصل:-وحشتنى اوووووووووى
ايمن بحزم:-سمر انا قولتلك ميت مره الموضوع انتهى خلاص
سمر برقه:-قادر تنسانى يا ايمن ..خلاص مراتك هتيجى وتنسانى انا
ايمن بحده:-انتى عرفتى منين انها جايه
سمر بمراوغه:-انا مقدرش ابعد عنك وعرفش عنك حاجه..انا مش زيك..انا بحبك بجد يا ايمن
ايمن :-انتى عايزه ايه يا سمر
سمر برقه:-انا تحت الشركه..لو وافقت تنزلى ..هقولك انا عايزه ايه يا ايمن
ايمن بنفاذ صبر:-انا نازل يا سمر ..وهتبققى اخر مره نتقابل
سمر بخبث:-اما نشوف
اغلق الهاتف..نظر له عصام بشده وقال له:-انت بتستهبل يا ايمن
ايمن بخجل:-اعملها ايه يعنى يا عصام..عايز اخلص
عصام بسخريه:-انت كده هتخلص يعنى ؟!
ايمن بحزم:-صدقنى يا عصام هتبقى اخر مره
عصام:-مفتكرش
تركه ايمن ورحل لــها...
عندما رأته القت نفسها بين احضانه ..ضمته بشده وهى تبكــى ..ضمــها هو الاخر ..وقال لها برقه:-اهدى يا سمر
سمر بنحيب:-انا تعبانه اوى يا ايمن فى بعدك ..انا بحبك
ايمن بحزم :-طب يلا نروح اى مكان بعيد عن الشغل
سمر بهدوء:-ماشى تعالى نعد فى الكافيتريا اللى هناك ديه
ذهبوا سويا اليها ...عندما جلسوا ..رن هاتف ايمن كانت اميــره..رد عليها..
اميره بلهفه:-ازيك يا حبيبى
ايمن بارتباك:-الحمد لله..على كويس
اميره بقلق:-مالك ؟
ايمن :-معلش يا مرمر عندى شغل ناو ..معلش هكلمك تانى
اغلق الهاتف ....ونظر لسمر وقال بهدوء:-سمر انا عندى مراتى وابنى ..اللى مقدرش ابعد عنهم
سمر وعيناها تدمع:-وانا يا ايمن..انا ماليش حد ..
ايمن :-انا مقدرش اساعدك يا سمر
سمر :-لاء تقدر
ايمن بفضول :-اقدر ازاى
سمر بثبات :-نتجوز ...
*******************************************
أما مها ...ارتدت ملابسها ونزلت الى فتحيه ..فتحت فتحيه لها الباب وقالت بدهشه :-انتى رايحه فين عالصبح كده
مها بابتسامه:-اسمها رايحين فين..مش قولتلك يا طنط هنروح النادى
فتحيه بابتسامه :-نسيت..بس نادى ايه وبتاع ايه ..انا مش بتاعة الكلام ده يا بنتى
مها وقد دخلت واغلقت الباب:-طب تعالى نتمشى انا وانتى شويه ..انا عايزه اشترى لبس وعايزه اخد راى حضرتك
مصت شفتاها وقالت:-وانتى من امتى بتاخدى رأيي
مها بابتسامه:-يا نهار ابيض يا طنط..انا علطول زوقك بيعجبنى جدا
فتحيه بزهو:-ما انا عارفه
مها :-طب يلا يا طنط بقى ..عشان نلحق نيجى بدرى
استجابت فتحيه ..ودخلت الى غرفتها وبدل ملابسها ..ونزلوا سويا الى احدى المحلات .
انتقت مها..عباءه وردية اللون..قالت لفتحيه وهى تريها اياها:-ايه رئيك يا طنط
فتحيه بزهو:-لاء طبعا زوقك فلاحى اوى ..استنى اخترلك حاجه حلوه
مها بابتسامه:-طبعا يا طنط اختارى ..
انتقت فتحيه نفس العباءه بلون اخر..اعجبت مها به ..فقالت لها:-استنى يا طنط ادخل اقيسها
فتحيه بابتسامه:-ماشى ادخلى ..
وقفت فتحيه تعبث بالملابس ..حتى سمعت صوتا رجوليا يناديها:-فتحــيه!!!مش معقوووووول
التفت فتحيه خلفها ودققت النظر بذاك الرجل ..عرفته..انه "محمود"ابن عمـــها..
اقتربت منه ..قال لها بشوق:-مكنتش اعرف انى هشوفك تانى يا فتحيه
كانت مها انتهت من قياس العباءه..فخرجت وجدتها تقف مع ذلك الرجل ...
قالت لها بدهشه :-طنط ..مين ؟
فتحيه بارتباك لها:-ده محمود ..اقصد دكتور محمود ..ابن عمى
رحبت مها به وقالت له:-اخلا بحضرتك يا عمو ..انا مها مرات حسن
محمود بدهشه:-اهلا بيكى يا بنتى ..ثم نظر لفتحيه وقال لها :-حسن ده ابنك يا فتحيه ؟
فتحيه بارتباك:-اه ابنى ثم التفتت لمها وقالت لها:-يلا بينا يا مها بقى عشان اتاخرنا
قالت مها بابتسامه لمحمود:-لازم يا عمو تيجى تزورنا ..احنا قريبين اوى من هنا
محمود بفرحه:-ممكن العنوان
تعجبت مها واملته له ...
محمود لفتحيه :-فتحيه ..ممكن رقم بيتك
املته فتحيه بخجل فتاه فى العشرين من عمرها ...ورحلو
لاحظت مها ذلك فقالت لفتحيه بخبث:-مالك يا طنط ..فيه ايه
فتحيه بخجل:-اصلك متعرفيش مين محمود ده
قالت مها بفضول وابتسامه:-لاء كده احنا عايزين اعده بقى مع بعض ..تعالى نفطر واحكيلى
ذهبوا الى منزلهم ..احضرت مها الطعام ..مازالت فتحيه شارده ..مبتسمه
مها بفضول:-احكى بقى يا طنط
فتحيه بابتسامه وكأنها تستحضر كل حياتها:-محمود كان خطيبى قبل خالك ..وكنا بنحب بعض من واحنا عيال ..بس ابوه وابويا قبل فرحنا بكام شهر اتخانقوا خناقه كبيره اوى وقاطعوا بعض ..وصمموا ان الجوازه متكملش ثم قالت بحزن:-فضلت كتير متعذبه بعيد عنه..بعدين خالك كان ابويا يعرفه ..وجوزنى ليه ..ونزلت عشت انا وخالك فى مصر وابويا وامى نزلو واخر مره شوفتوا فيها كان فى عزا امى ..واللى اعرفه انه عايش فى البلد هناك
مها بخبث:-بس تعرفى يا طنط تقريبا هوا مش مجوز لحد دلوقتى
فتحيه بلهفه:-عرفتى منين
مها بابتسامه:-ايده مكنش فيها دبله ...
فتحيه وقد كست الحمره وجهها:-انا مش عارفه حصلى ايه اول ما شوفته
فى تلك الاثناء رن هاتف مها كانت ثريا ..اجابتها مها بلهفه قائله:-ازيك يا طنط
ثريا :-مبروك يا مها كلمت صحبتى وقالتلى انها كانت بتدور على دكتوره تقف مع ابنها دكتور كريم ..عشان هوا مش فاضى يقف فيها طول اليوم
مها بفرحه:-ميرسى اوى يا طنط..ربنا يخليكى يارب ويفرحك بنهال قريب
ثريا بصدق:-متقوليش كده انتى زى بنتى يا مها..دكتور كريم مستنيكى تجيله النهارده عالساعه واحده كده
مها بفرحه:-ماشى يا طنط ..متقلقيش
اغلقت الهاتف ..فهمت فتحيه ما دار..قبل ان تتحدث رن هاتف منزلها
قالت مها بتلقائيه:-ده اكيد عمو محمود يا طنط
قلبها يدق بشده ..والعرق يتصبب منها :-لاء مش ممكن
مها وقد امسكت بالهاتف واعطته لها:-ردى يا طنط بقى
اجابت فتحيه الهاتف وقالت برقه:-الو
المتصل:-فتحيه انا مصدقتش نفسى لما شوفتك تانى..
فتحيه بلهفه:-ولا انا ..
محمود:-احنا لازم نتقابل يا فتحيه ..ايه رئيك بعد ساعه تستنينى قدام المحل ونروح نتغدا سوا
فتحيه بفرحه:-خلاص ماشى يا محمود ...
اغلقت الهاتف قصت على مها ما دار ..وقصت مها عليها ايضا انها سوف تذهب لتلك الصيدليه
قالت فتحيه بحزن:-هتسبينى يا مها دلوقتى
مها بخبث:-انتى يا طنط لازم تعدى لوحدك ..وتفكرى كويس اوى ..وترتبى الكلام اللى هتقوليه
ابتسمت فتحيه و ودعتها وسارت مها فى طريقها الى صيــدلية الصــفا..
اتصلت بحسن تخبره ..اجابها ..قالت له بفرحه:-باركلى يا حسن ..طنط ثريا قالتلى اروح دلوقتى الصيدليه اللى وصفتهالى ..وكلمت صحبتها
حسن :-ديه فين
اخبرته بالعنوان وقالت له :-فرحانه اوى
حسن :-انا موافقتش
مها بالحاح:-حسن متبوظش فرحتى بالله عليك..وبعدين انت مش كنت عايزنى اشتغل
حسن بتردد:-بــس
قاطعته:-مفيش بس ..فيه مبروك ..ربنا يوفقك ..اى حاجه كده
حسن بحزم:-لاء ..مش هينفع...
مها بملل:-ليــــه بس
حسن بقوه:-انتى عايزه تروحى صيدليه وتعدى فيها بردوا مع واحد لوحدكوا
مها بخبث:-قول بقى كده من الاول..عموما ديه صيدليه معروفه وليها سمعتها ولا يمكن يكون فيها ناس مش تمام..ثم ده كريم ابن صاحبة طنط ثريا اكيد هيكون محترم يعنى
حسن بغيظ:-ولحقيتى تحفظى اسمه كمان..ما شاء الله
مها بعجله:-خلاص بقى يا حسن ..اقفل دلوقتى عشان هركب اهو
اغلقت الهاتف ..ارادت ان تبوح بتلك السعاده ..فاتصلت بسهى
مها بفرحه:-سهى انا فرحانه اوى ..التقل جاب نتيجه..ثم قصت عليها ما حدث امس واليوم
سهى بابتسامه وثبات:-بس انا كنت عايزه اكلمك يا مها فى نقطة التقل ديه..لو تعرفى نتقابل بكره ان شاء الله ..يبقى تمام..عشان فيه حجات عايزه اقولهالك تعمليها
مها بفرحه:-قشطه ماشى ..هحاول اجيلك بعد الشغل بكره ان شاء الله
سهى بدهشه:-شغل ايه
قصت مها عليها ..ما حدث
فقالت سهى بفرحه:-كده هيبقالك كيان يا مها ..وحجات كتير تفكرى فيها ..انا فرحنالك اوى
مها :-مش اكتر منى ..
***************************************
سار ايمن بعدما انهى مقابلته مع سمر ..يفكر فى حديثها معه ..تذكر رده عليها"انتى بتستهبلى جواز ايه وبتاع ايه ..انا متجوز يا سمر وبحب مراتى ..ومش هقدر اجرحها واعمل كده" وتذكر ايضا بكائها و وعدها له بأنها لن تحاول الوصول له مره اخرى..شعر بالشفقه ناحيتها..والقلق ايضا
رن هاتفه فى ذلك الوقت ..اجابه
المتصل:-حضرتك تعرف "سمر عبد التواب "
ايمن بقلق:-اه مين معايا
المتصل:-احنا مستشفى الرحمه ..هيا عملت حادثه ولقيناك اخر رق على تليفونها
ايمن بلهفه:-انا جاى حالا ...هات العنوان..
****************************************
دخلت مها الى تلك الصــيدليه...وجدت ذلك شاب ..كان وسيما ..طويل القامه ..صاحب عينين زرقاوتين ..غضت بصرها ..وتقدمت ناحيته وقالت له:-انا دكتور مها
كريم بمرح:-اهلا اهلا بيكى يا دكتور ..انا كريم ..ماما قالتلى انك جايه ..ان شاء الله تتبسطى هنا
مها بابتسامه:-الله يخليكى..بس ديه اول مره اقف فى صيدليه
كريم :-متقلقيش الموضوع مش صعب خالص انتى دلوقتى اعدى وانا هصرف الروشتات وهديكى تقريها وتحاولى تقرى الادويه الاول
مها :-تمام ماشى
فعلت ما قاله لها..وجدت فى ذلك متعه كبيره..فى تلك الاثناء رن هاتفها ..كان حسن الذى قال فى حزم:-انا هعدى عليكى وانا جاى من الشغل
مها بتعجب:-معرفش هكون خلصت ولا لاء
حسن بحده:-مفيش معرفش هاجى يعنى هاجى..لازم اشوف انتى واقفه فين
مها باستسلام:-طيب يا حسن خلاص
قامت باكمال ما كانت تقوم به..
مرت ثلاث ساعات ..جاء موعد الغداء ..احضر كريم طعاما ..ودعاها لتأكل معه ..
رفضت وقالت:-لاء مش جعانه شكرا
كريم بمرح:-مش جعانه ايه ..هناكل ونقوم نكمل تانى
مها بامتنان:-معلش والله مش جعانه
شعر بخجلها ..فذهب هو ليأكل ..دخلت احدى الزبائن ..قالت له بابتسامه:-هحاول اقراها لوحدى
اخذت منها الروشته حاولت فعلا ان تقرأها ..صعب ذلك عليها وتقدمت منه وقالت له :-مش عارفه ..خطه غريب اوى
ضحك كريم وقال:-تحسى انهم كاتبين هيروغليفى
ضحكت هى ...فى تلك الاثناء تقدم حسن والشرر يتطايرمن عينيه ....
