رواية البنات فى الجيش الفصل الاول بقلم عشتار
في المعسكر
يافندم الدفعه الجديده وصلت
ايوه ايوه دفعه البنات
ايوه يا فندم بس اسميهم غريبه اوي انا عمري ما سمعت الأسامي قبل كده
ربنا يستر بقا اما نشوف
وفي الساعة السبعه صباحا يضرب جرس الصحيان
في مكان الدفعه الجديده
اوف ايه ده الجو حر اوي والناموس ماخلنيش نمت طول الليل
لا لازم يسبونا ننام شويه كده بشرتنا هتبوظ
فعلاً يالارا معاكي حق
سيرين يا سيرين يلا بينا جرس الصبح ضرب يلا على شان نفطر
يوه يا ماجي ماتسبيني انام قوليلهم هتحصلنا كمان شويه
وعلي الساعه 11قدرو الحمدلله يجمعو البنات في طابور
الظابط وهو فاتح بؤه بنظرت استعجال واندهاش
ايه اللي انتو لبسينه ده وبص لاول واحده علي الصف
ايه يا فندم دي السبورتس وير مش ده طابور الصباح 🙂
صباح...... صباح دي تبقي خالتك يا هانم هنا في نظام ولازم تحترموه
وهنا تميل شاهيناز علي صافيناز وتقولها
اووووويا ده خبره سوفاج جداً
الظابط بزعيق
أمنع الكلام ......وانت يا انسه ايه اللي أنت لبساه ده
انا.........ايوه يا ختي
ده سولبت يا فندم وكمان نفس لبس الجيش اهو بس تفصيل يليق عليا وبعدين لازم نجدد على شان منبقاش متخلفين لازم نبقا على الموضه
الظابط وقد بدأت إعراض الشلل تبان عليه😨
اه قلبي سلوبت إيه اللي حضرتك بتقولي عليه مافيش الكلام ده هنا اتفضلي البسي البس اللي وزعوه عليكم وأنت يا استاذه لابسه عبايه ليه أنا عارف انها لون نفس لبس الجيش قبل ماتقولي بس هنا ماينفعش تلبسي عبايات
يافندم أنا محجبه ولازم البس لبس محتشم
الظابط وتقريبا كهربه مخه ذادت 😹😹
صبرني يا رب كده كتير....وبص على ايديها وقال يعني انت زعلانه ان البس مش محتشم
وحطالي مناكير عادي
يا فندم دي حريه شخصيه وعلى فكره بقا ده مناكير اسلامي
اه دماغي انا شكلي اتشليت
وانت بقا حضرتك انتي لابسه ايه صحيح نفس لبس الجيش ونقش لبس الجيش ونفس التفصيله مشاء الله عليكي بس ده لونه بمبي
حضرتك مابتروديش عليا ليه
لو سمحتي ردي عليا
سوري مابكلمش ولاد وعلي فكره اسمه بينك مش بمبي
وهنا الظابط وقع من طوله وغالباً جاته سكته قلبه ومات😿😹
في مكان التدريب بقا
ظابط تاني غير المرحوم الاولاني
احنا هنا على شان تدربو على عيشه المعسكر لازم تتعبو وتواجهو الظروف مهما كانت قاسيه.....انتو دلوقتي هتتفرقو في الصحراء دي وهيبقا فيها هيكليلات كأنها حرب فعليه
طبعاً دي أول سنه تنضم بنات للجيش والتدريب ده عملناه على شان نعرف هتنجح التجربة دي ولا لا يلا اتفضلوا .....وطلع يجري 😹😹 علي اخره وقال هييي انا عايش ماموتش الحمد لله مادتهومش فرصه ينطقو
وبعد شويه
ايه يا حضرت الظابط فين البنات انا ماشفتش ولا واحده فيهم
مش عارف يا فندم أنا قولتلهم يتفرقو في أرض التدريب
طب روح شوفهم احسن يكون جالهم ضربت شمس ولا حاجه
مابلاش انا يافندم ماصدقت انفد بجلدي 😿
يلا يا ابني اعتبرهم اخواتك.......انا قلقان عليهم بقالهم يجي ساعتين مابنوش
حاضر يا فندم
ووصل الظابط مكان ماساب البنات وهو حاطط ايده على قلبه وهو مرعوب
ومن بعيد شافته سوزي ومالت على ساندي وقالها شوفت مش قولتلك عينه منك اهو رجع تاني اهو يابنتي طول الطابور ماشلش عينه من عليكي
ضحكت ساندي بكسوف وقالت
ياه معاكي حق رجع اهو وبيبوصلي كمان
وصل الظابط وقال خير مالكم واقفين كده ليه.....وايه اللي بتدهنوه ده وفي سره بيقول نصيبه ليكون جالهم جرب جماعي من نوم المعسكر
ردت عليه سوزي وقالت ده سن بلوك يا فندم اصل الشمس ممكن تضر بشرتنا
الظابط وقد مات بسكته قلبية وقبل مايطلع في الروح
قال اه اه سن بلوك يا ظالمه منكم لله يا كفره هو انتو طالعين السخنه
