رواية عنب اسود الفصل الحادي عشر بقلم جمانه السعيدي
عنب اسود
البارت الحادي عشر والاخير
جمانه السعيدي @أبرز المعجبين
عنب...بس اريد اكول شي قبل لا احجي الي صار على اخواني
اني ابد ما شمتانه بيهم
الشماته حرام
الانسان الي يتشمت رب العالمين يبتلي بنفس البلاء
نبدي بحسين الوسطاني الله يستر عليكم صابت جسمه نوع من الاكزمه بعد زواجي بسنه وحده
بلبدايه كانت مجرد حكه وهو همل الموضوع الحد مااطور ونتشر بجسمه كله
ووصل مرحله من يحك يطلع دم من الجلد
بلصيف..مايكدر يلبس ملابس على جسمه
بسبب الحر يكوم يصرخ من الالم
لازم جسمه يكون مدهون ٢٤ ساعه صرف نص ثروته
وما صار زبن
طلع للهند والايران ووصفوله
دكتور بلاردن وماكو اي فائد الناس كله تحجي بي
خطيه كاعد بلبيت مايطلع
وحلاله نص خسره على العلاج ونص ولده دايربنه
يعانون من خساره مستمره وحالته النفسيه صفر
اما عمار من اخذ حصته راد يطور شغله
دخل شراكه وياا واحد نصاب هذا النصاب دخله كم صفقه وربح منهن عمار
بعدين قنعه لازم فلوس أكثر حتى الأرباح تصير اكثر
كام عمار جمع شكو فلوس عنده ورهن البيت والمحلات
الي عندا ودخل كل الفلوس بهذا المشروع
هذا الكلام نهاية سنة ٢٠١٩ هذا النصاب اخذ الفلوس
وطفر للخارج صادفت أزمة كورونا
ماكدر يروح ورا لان ماكو سفر بين الدول
وحتلو يدوره مايلكا لان عرف بعدين هو نصاب وضاحك على كم واحد وماخذ فلوسهم
صبح عمار على الحديده خسر كلشي يملكه
من كد الصدمه انضرب جلطه وفوك هذا طلعو من بيته
اجر بيت زغير والولد يصرفون علي يكولون زوجته كل يوم عركه هي وياااا ماتقبل تخدمه بعد ماصار مقعد
الله يشافي اني مااكدر اتشمت بي يبقى اخوي
الله يشافي
جمانه السعيدي
اما علي يملك مجمع مواد غذائيه يبيع جمله للمحلات
طول النهار سيارت الحمل واكفه باب المخازن مالته تحمل بضاعه
وبيت ساكن بي وبيت مااجره تفاجى الشرطه محاوطه مكان عمله
وتفتش بلمجمع طلعو كمية مخدرات مومعقوله
هو يكول اني مااعرف اي شي عن هاي المخدرات اكيد العمال همه الي يشتغلون بيها
بس الشرطه ماتعرف هذا الحجي قفلو المحل واخذو للسجن ولده حاولو يحلون هاي المشكله بس ما تنحل اله بفلوس لان التهمه لابسته مادام المكان باسمه
بعد التحقيق طلع ابنه الجبير هو الي يدير هاي الشبكه
مال المخدرات اخذو ابنه سجنو ويااا
باعو البيت حتى يطلعون من السجن هو وابنه
الفلوس خلصت على المحامي وارشوه
اخذو الفلوس وخففو الحكم عنهم ثنيينهم انحكمو سنتين
كل واحد هو وابنه
ولأن المجمع مسدود بحكم من الدوله ماكدرو يفتحونه اله تخلص القضيه
فاجئه لكو الإطفاء واكفه اطفي بلمجمع بسبب تماس كهربائي احترك المكان الله يستر
هذا الحجى سنة ٢٠٢١ تونا طالعين من أزمة كورونا
جمانه السعيدي
من اسمع اخبارهم تنمرد روحي عليهم شكد قسو عليه
بس يبقون اخواني صح اني لارحت ولا شفت اي احد بيهم
بس يبقون اخواني بعد العز والدلال
صارو حجايه الناس تحجي بيهم
الله يسامحهم ويساعدهم هاي الفلوس الي اخذوها مني حرام اختلطت بفلوسهم وحركتهم حرك
سنة ٢٣ بشهر الرابع كنت انتضر صلاح يرجع لان يمر ويجيب حمزه
من المدرسه ويااا حمزه صف اول سنة ٢٣
انفتح الباب رحت استقبلهم اشرلي صلاح ارجعي
وياي خطار
دخلت جوا وصلاح دخل الرجال اجاني حمزه
عنب...منو ماما الخطار
حمزه...واحد يكول اريد عنب عبد الكريم
عنب...يريدني اني
حمزه...اي يكول ادور عليكم
اجا صلاح...هلو عنونه
عنب.. منو هذا
صلاح...محامي يكول صار اسبوع ادور عليكم
عنب...محامي الله يستر
صلاح...يريدج البسي عباتج وتعاي
عنب...خوفتني ليش المحامي يريدني
صلاح...تعاي اني وياج لا تخافين
لبست عباتي ودخلت علي
عنب...السلام عليكم
المحامي.. عليكم السلام انت عنب عبد الكريم
عنب...اي
المحامي...اريد أوراق تثبت كلامج
عنب...اي
صلاح...اني اجيب الهويه
عنب...ليش شكووو
المحامي.. اشوف الهويه بلاول
جاب صلاح الهويه
المحامي....سنة ٢٠٠٥ بعد السقوط ابوج اشترا قطعت ارض
الف متر القطعه ركن المنطقه كانت توها توزيع جديد
عنب...اني عندي قطعة ارض ١٠٠٠ متر باسمي
المحامي ...جايج بلكلام صار ١٩ سنه من ابوج الله يرحمه اشترا هاي الارض هاي المنطقه حاليا تحولت إلى مجمعات سكنيه ومجمعات تجاريه يعني منطقه سياحيه وتجاريه
اكو مستثمر يريد يشتري منج هاي القطعه حتى يبني عليه مجمع سكني ومستعد يدفع كاش
العرض الي مقدمه مغري مستعد يقدملج مليار وتبعين هاي الارض وفلوس كاش
عنب...بقيت ساكته بس احرك بعيوني
المحامي...هااا شكلتي
عنب...اكلك صلاح هذا الميار مدري المليادر شكد اكثر من المليون لو اقل
المحامي...صدك تحجين
صلاح....من رخصتك انريد وقت نفكر ونرجعلك خبر ممكن تعوف رقم تليفونك
المحامي...مو تتأخرون عليه لان المستثمر مستعجل
صلاح...انشاء الله
طلع المحامي واني كاعده بمكاني
جمانه السعيدي
صلاح...هااا شو بقيتي بمكانج
عنب...ابوي مسجل قطعة ارض باسمي صار ١٩ سنه واني ماادري
صلاح...همزين ماتدرين لو يدرون اخوانج جان اخذوها قبل زواجنا منج رب العالمين ضمها اللج كل هذا الوقت
عنب...الميار هووواي
صلاح....مليار مو ميار
عنب...يعني شكد
صلاح...لا ادوخين نفسج باجر نسئل على المنطقه وعلى الأسعار بيها حتى محد يغلبج
ثاني يوم صلاح سئل اكثر من محامي وطلع سعر القطعه اكثر ولمن عرفو المستثمرين صاحبت القطعه طلعت
لان قبل كله ماتعرف منو عنب صاحبت القطعه
كل شويه واحد جاينه بعرض شكل
اني الصراحه كلشي ماافهم بهاي الشغلات
الحد مااجانا مستثمر وصلاح صمم مانبيع ابد
يكول المكان تجاري حرامات نبيع
هذا المستثمر دخل علينا بعرض
يبني على هاي الارض مجمع سكني متكامل واني وياا شركه بكلشي يعني اني عليه الارض
وهو علي البناء من تسكن الناس بهذا المجمع الربح بالنص اني ويااا وكلشي يكون موثق بأوراق قانونيه
واذا ردنا بيوم نفك هاي الشركه كل واحد اله نص بهذا المجمع هو نص اني نص
المجمع بعدا قيد البناء ما كامل بس الشغل بي مستمر
انشاء الله سنة ٢٥ يكمل
بناتي الكبار ثنيينهن ازوجن بقت بس ليان بلاعداديه
واخواني ابد مارحت ولا شفتهم خاف يكولون اجتنا تتشمت بينا ادعيلهم بكل صلا رب العالمين
يسترهم ويحفظهم
كرم رب العالمين ماله حدود ولا اله مثيل
اجاني رزق من باب ما متوقعته ابد
الحمد لله الذي تتم النعم بحمده
احنا البشر اذا واحد يئذينا نريد رب العالمين ينتقم منه بنفس اللحظه حتى نشوف حقنا يطلع
بس رب العالمين ينطي للغلطان وقت حتى يراجع نفسه ويحس بغلطه قبل لا ينزل عقاب من السماء علي
عنب صار عمرها ٤٩ سنه يله كدرت تاخذ حقها
من صبر ضفر
بسم الله الرحمن الرحيم
من يتقي الله يجعل له مخرجا ويرزقه من حيث لا يحتسب
صدق الله العظيم
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
