رواية قصة ذهب الفصل السادس عشر بقلم جمانه السعيدي
#البارت__16_الاخيررررر
#قصة ذهب
#البارت السادس عشر #والاخير
جمانه السعيدي
ذهب...رجعت اركض للغرفه دخلت لكيت فراس خال اذنه يم خشمها يشوفها تننفس لو لا
ويحاول يوعيها باوعت علي اكو خوف بعيونه
قربت عليها وكلبي كام يدك سريع
رجعت ابتعدت عنها اخاف اسمع خبر موزين
شويه واجت الممرضه قربت عليه اتاكدت هي ميته
شفت بعيونها خبر موت رند
بس ماصدكت رند مستحيل تموت
تذكرون من جنت اكلمكم وكيحه رند وكيحه شلون تموت
طلعت الممرضه تركض واني بقيت واكفه بس احس كلبي يدك بعلومي من الخوف
بطني كامت توجعني مااريد أقرب عليه خاف الكاها ميته
فراس حاضنه ويكلب بيها
اجا الدكتور وويا ثنيين ممرضين والممرضه الخفر
كامو يفحصون بيها جابو جهار النتلات الكهر بائي
بقو ينتلون بيها بس هي ميته
اي رند كانت ميته وهاي كانت المحاولات الاخيره
الإنعاش القلب
سحبو الاجهزه عنها وغطو وجها
ركضت عليه
ذهب...لا لا تغطون وجها اعيط عليهم ليش غطيتو وجها
رند مابيها شي
قربت عليها حضنتها كومي ياروح اختج
كومي ولله بعدني ما شبعت منج
كومي واني اصيرلج خدامه حضنتها حيل فراس يحاول يبعدني عنها
ذهب...عوفني عوفني رند حبيبتي ولله انتي حلوه
ما تحتاجين تجميل انتي تعرفين نفسج حلوه
ليش هيج تسوين بنفسج
كومي الخاطري اذا تحبيني كومي ولج امير البارحه بس شافج كام يبجي هسه اني شكله امك وين راحت
جمانه السعيدي
شلت ايدها ضربت وجهي
اضربيني اضربيني عادي مراح ازعل منج ميخالف اغلطي عليه احنا خوات ماكو بينا زعل
فراس كعد من الجهه الثانيه وكام يبجي
ذهب...لا تبجي مو زين البجي هسه هي تكعد
انت مو تعرفها وكيحه وعنيده معقوله الموت كدر عليها
مااصدك لا الموت مايكدر على رند
ذهب....فراس انت ليش ازعلها رند مدلله الله عليك شوفها شكد حلوه هذا منضر وحده ميته
كوم جيب دكتور غير هذا الدكتور هذا ما يفتهم
فراس كام يبجي بصوت عالي
ذهب...لا تبجي البجي موزين تعال اني وياك نكعدها
خل نروح البيتكم اني اشتغل عدكم خدامه موافقه
بس تعال كعدها شبيك فراس ما تسمعني
اجا فراس وسحبني منها بلكوه
ذهب...عوفني اني انطيتها دمي حتى تعيش مو تموت
دمي حار امي تكول ذهب .دمها حار
هسه تكعد وشوف كول ذهب كالت
فراس...كافي كافي الخاطر الله كافي موتي نفسج
ذهب...ما متت شوفني كدامك واكفه رند تموت اني واكفه كلشي مابيه
كمت اضرب على صدري شوفني مابيه شي
لزم اديه ثنيينهن
ردت ارجع عليه بس فراس كامشني مايقبل يعوفني
ذهب.. فراس انت احجي وياها هي تحبك وراح تسمع كلامك بس كلها حبيبتي كومي هسه تكوم
بقه كامشني من ايدي طلع تليفونه اتصل على اهله يجون
ذهب...حسيت الدنيا كامت تفتر بيه عيوني كامن يغوشن
بعد ماحسيت باي شي
وكعت وفراس ناقلني للطوارء
اهله فراس كلهم جايين وامي ابوي جنان اهلي من البارحه متصلين عليها وعمار جاي هو وزوجته
واقاربنا كلهم كعدت لكيت نفسي نايمه بلطوارء وحدي
اريد اذكر شنو صار وياي مااكدر
ركزت شفت نفسي بلمستشفى اذكرت رند ماتت
كمت ابجي نزلت من السرير اجر برجليه جر ودموعي تجري طلعت برا غرفة الطوارء لكيت كل الاهل مجمعين
امي كاعده بلكاع وتبجي وجنان كاعدا بصفها
عمار كامش ابوي حتى يسندا
جمانه السعيدي
قربت على امي
ذهب... ماتت يمه رند ماتت جنان رند راحت اختي ماتت اهييي اهييي عبالي حلم واكعد منه طلع حقيقه
يمه بشرفج مو بعدها زغيره اي بعدها زغيره وحلوه
ليش استعجلت على الموت
شنو المكبره طايره صار سنيين وبعدها بمكانها
حضنت امي وكمت ابجي حيل اريد هاي الحركه تطلع من كلبي ماكو
كلنا رحنا وياها اني من شفتهم ينزلونها بلكبر تخبلت بلزايد
من رجعنا اخذني بابا وعمار كبل للمستشفى
عندي انهيار عصبي
كل ايام الفاتحه واني ساكته كل طاقه ماعندي حتى حجي مااكدر احجي من اشوف امير اضل بس ابجي
خطيه زغير ويتيم
خلصت الفاتحه وامي ضغطها مايقبل ينزل خفت عليها
خاف تروح وتعوفني
شهرين واحنا حالنا يصعب على الكافر امي وابوي ابد ماتحسنت حالتهم
عمار طلب اجازه وجاب زوجته واجا كعد عدنا
قلق على امي ابوي حيل
واني كل الوقت بغرفتي كاعده وامير عندي
فراس كل يوم يجي يشوفه ويروح بس اني مااطلع ابد علي اجا الدوام ومالي خلك ابد
بس امي تلح عليه تكول راح تتخبلين من الكعده بلبيت
رند ماتت شنو تموتين وراها
كمت اروح يوم للكليه واغيب يومين تعبانه نفسيتي حيل
كلما اذكر شلون جنت احجي عليه اضوج
ليش حجيت عليها لو كايله تروح وتعوفني جان ضميتها بروحي
اذكرت اول يوم داومت بلاول من كالو مو اختج واني تخبلت شنو مو اختي رند اختي وصديقتي وحبيبتي
جمانه السعيدي
خلصت كليه تخرجت واني لابسه اسود وبعدني مااكدر انسى ابد سنتين واني لابسه اسود
وكل يوم اتعلق بأمير اكثر واكثر وجوده بلبيت
خفف عنا شويه فراس كل يوم يجي يشوفه ويجيبله لعبات وحلويات ويعوفله مصرف ويروح
بعد سنتين من وفاة رند اخو فراس خطب يريد يزوج
ام فراس عزمتنا على العرس
سنتين اني بعدني لابسه اسود اني وامي لا بسين اسود
بس جنان ذبت الاسود
امي صممت نروح للعرس وناخذ امير ويانا
اني رفضت بس امي صممت لازم انروح الخاطر فراس
لبست فستان طويل اسود ساده وشعري كبايه
ماخليت اي مكياج بس عطر ورحنا اني وامي وابوي
حتى عمار اجا لان فراس عزما
العرس كلش حلو يخبل
فراس شافني اجا سلم عليه وعلى امي
فراس...شلونج ذهب
ذهب.. الحمد لله
فراس...خو ما متعبج امير
ذهب...لا بلعكس هو الي مهون عليه
فراس...ليش بعدج لابسه اسود
ذهب. مجاي اكدر انسى اختي
فراس...الاسود مايرجعها اترحميله
ذهب...الف رحمه ونور على روحه
فراس...ديري بالج على نفسج
عمر امير اربع سنوات سجلته بلروضه
يوميه يجي فراس ياخذ امير للروضه بس امير يبقى يبجي اله اني اروح وياا واكعد شويه بلروضه بعدين ارجع
فراس بلقى منتضرني
يغلط على امير يكول ابن الكلب مشغلنا عندا
بعد ٣ اشهر من دوام امير بلروضه اني كل يوم اخذا اني وفراس للروضه كلامنا كله على امير
جمانه السعيدي
صعدت بلسياره حتى فراس يرجعني
فراس....شكد بعد انتضر
ذهب...شنو
فراس...شكد بعد لازم انتضر هاي السنه الثالثه راح تخلص
ذهب.. اني ما كلت انتضر
فراس...بس انتي تعرفين كلش زين اني احبج كل هاي الفتره ساكت محترم حزنج على رند
ذهب...لا تنتضرني
فراس...العمر كله انتضر وماامل انتي الحقيقه الوحيده بحياتي
ذهب...فراس لا ترجع تعيد هاي السالفه
فراس...لا اعيدها واكررها اني ماحبيت غيرج وكل هذا الوقت واني ماكدرت انسى واجاوز حبج
خل ننجمع بيت واحد العمر خلص حزن
ذهب...سكتت ماحجيت
فراس.. فكري زين ورجعيلي خبر
اليوم الي بعدا مارحت للروضه وياهم رغم امير كام يبجي عليه بس مارحت
بعدها بيومين اجت ام فراس البيتنا بس شفته عرفت هي على شنو جايه
ام فراس.. تعاي اكعدي هنا يمي
ذهب.. كعدت بصفها وامي كعدت كبالنا
ام فراس. تعرفين اني شكد احبج وشكد الج خاطر عندي
وخاصه من شلتي مسولية امير من ماتت امه
ذهب.. محد مهون عليه هاي الدنيا غير امير
جمانه السعيدي
ام فراس...فراس يريدج على سنة الله ورسوله كافي حزن هاي السنه الثالثه
ذهب. مااكدر
امي...ليش ماتكدرين الخاطر امير اذا ابو ازوج وحده غريبه راح ياخذ
ذهب...يمه شنو ياخذا
امي...اي انتي اكيد تزوحين وهو يزوج خوما يبقى ينتضرج كل العمر وامير يروح وياا أبو
ذهب...خل يزوج بس امير ما ياخذه
امي...شنو بكيفج مياخذه غير ابنه ترا هو عايفه علمودج
يخاف على زعلج
بقيت مصممه على رائي اسبوع وفراس كل يوم يتصل بأمي حتى تضغط عليه واقبل
بعدين امي اجت شكلها كلش ضايجه
امي...راح اكلج شي بس لا تزعلين
ذهب...خير شكوووو
امي...ام فراس لكت مره الفراس وهو عارض بيته للبيع يكول اريد بيت اكبر هذا البيت ما ارتاحيت بي
بس يلكه بيت يزوج وياخذ امير
ذهب...شنو ياخذ امير
امي...ابنه يتوسل بيج ما تقبلبن شلون يضيع عمرا ينتضر
ذهب...اني احجي ويااا
اتصلت علي امي كاعدا كبالي
فراس... الووو
ذهب...شلونك فراس
فراس.. هلو ذهب
ذهب...باع فراس اتريد تزوج ازوج بس امير ماانطي ابد
فراس...مو بكيفج امير ابني اني أولى بتربيته
ذهب...ما تاخذه مني
فراس...اخذج انتي ويااا
ذهب...فدوه الله عليك لا تأخذه مني
فراس... ذهب كافي تعبت الخاطر الله تعبت حتلو عليه حكم هم خلص كافي العمر راح يخلص انتضار
بس الكه بيت اخذ امير وازوج وانتي اختاري لو اني وامير سوا لو بس امير ماكووو
ذهب...شنو تخليني كدام الأمر الواقع
فراس...محد يصبر وبتحمل بكدي خليتني ارجع رند
سنتين اتحملته واني مااطيقه علمودج وصار ٣ سنوات انتضر كافي بعد ماكو فرصه ثانبه قرري بسرعه
يومين وشفت جنان بيتنا هي وامي يرتبن ويفرشن
ذهب...شكو
امي...انضف مايصير
لليل تفاجئت فراس واهله كلهم جايين جايبين الذهب
وجايبين حلويات وكيك
فراس.. اني جاي اخطب ذهب
امي...اني موافقه
بابا...واني موافق
ذهب...شنو تحرجوني
جنان...كومي انزعي الاسود كافي تعبتينا وياج
اخذني للغرفه هي وامي لبسني ثوب ابيض تول بي بطانه قصيره وامي فتحت شعري
امي...يله فراس روح جيب الشيخ
طبعا هو متفق وياا الشيخ اتصل وكبل اجا الشيخ للبيت
اني ماانكر اني احب فراس لان هو مواقفه حلوه وياي
بس الشي الي صار خله حاجز بينا
عقدلنا الشيخ بس خلص الشيخ وراح اجا فراس وحضني كدام اهلي واخيررررا
ذهب...دفعته ياا عيب منا اهلي
فراس...وانتي زوجتي
بعدها فراس باع البيت الي ازوج بي هو ورند يكول حتى لا تشوفين البيت وضوجين
اشترينا بيت اكبر واحلى بغير منطقه
ازوجنا سنة ٢١ سنة ٢٢ صار عدنا بنيه وهسه اني حامل
فراس مايقبل انضف وحدي بس يشوفني انضف يجي يساعدني يكول مااريدج اتعبين
عرفت هو ماكان كاتله التنظيف والطبخ بس هو ماكدر يحب رند
وكان يدور حجج عليه
امي وابوي حيل تعبانين ابوي مايطلع من البيت بعد مايكدر
الحكمه من هاي القصه كونوحريصين على بناتكم وعلى ابنائكم ولا تامنون باي احد يمكن فراس محترم
بس اكو ناس وحوش ماكو اي رحمه بكلبهم
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
