رواية نغم سطوة العشق والانتقام الفصل الخامس و العشرون والاخير بقلم سعاد سلامه
بالطائره🌺
جلستا لميس ونغم صامتتان وجوارهن ابنائهن
لتغمضا عيناهم ليشردا بما حدث فى الأيام القليله الماضيه.
فلاش باكــــــــــــــــــــــــــــــــــــ🌺
دخلت نجوى الى المشفى بتلهف
لتجد طاهر يقف ويقابلها بممر المشفى ليقوم بأحتضانها لتقول له وهى تلهث
بناتى فين
نغم كانت بتنزف ولميس جرالها أيه
ليمسد طاهر على ظهرها ويضمها مستنشقاً عبيرها
لتعيد سؤالها بناتى فين انت مش بترد له قولى جرالهم أيه
لتبتعد برأسها من على صدره وتنظر الى عينيه ليقول لها
البنات بخير
لميس تقريباً فاقت بس على جهاز التنفس
ونغم بقت كويسه
لتحمد الله وتقول نغم كانت بتنزف أنا شوفتها بعينى أيه سبب النزيف
ليرد طاهر الدكتور قال أنها كانت حامل ايام والجنين مكنش ثابت ونزل
لتنظر اليه بصدمه فنغم سبق واخبرتها أنها تتناول مانع للحمل
لكن الاهم الآن ان تكون بخير
لتقول نجوى وعصام عامل ايه المجرمين ضربوه كثير،
ليرد طاهر كلهم بخير يا نجوى اطمنى تعالى معايا ندخل للدكتور يشوفك انتى
ماشيه بتعرجى ليه وكمان يطمنى عليكى وليا عندك عتاب بس مش وقته
لتنظر له مبتسمه ليضمها إليه ويقول
حمدلله على سلامتك ياروحي.
🌿🌺🌿🌺🌿🌺🌿🍃
بعد قليل بعد أن عاين الطبيب نجوى وقام بتقطيب ذالك الجرح الكبير الذى بساقها وايضا أعطى لها مسكن لكى لا تشعر بوجع تلك الكدمات التى بيدها وبساقها الأخرى بسبب مقاومتهاسحب منصور لها بعنف بعد ان رفضت ان تبقى بالفراش من اجل ان تطمئن على نغم ولميس
........
لتدخل الى غرفة لميس اولا
لتجد معها عصام يجلس ببعض الضمادات بوجهه وأيضاً يديه
بمجرد ان رآتها لميس حاولت النهوض من على الفراش
لتقترب نجوى منها سريعاً تقول
خليكى نايمه أنا الى هاجى لعندك
لتنظر لها لميس ودموعها تسيل
لتجلس نجوى جوارها على الفراش وتمسح دموعها وتضمها بحنان دون ان تتحدث
لتقول لميس نغم كانت تعبانه قوى من الصبح فيها أيه
لتقول نجوى طاهر بيقولى أنها بقت كويسه كانت حامل والجنين نزل
لترفع لميس راسها من على صدر نجوى وتنظر لها باستغراب
لتقول لها انتى لسه ما شوفتهاش
لترد نجوى
هطمن عليكي وهروح لها
لتنظر نجوى الى عصام وتقول شكراً لك يا عصام لو مش مساعدتك مكنش بناتى هيرجعولى بالسرعه دى
لينظر عصام للميس بعشق ويقول
الى يستحق الشكر كله هو انتى انتى أم حقيقيه بتحب وتعطى من قلبها ويمكن طيبة قلبك وتضحيتك بنفسك وأنك قدرتى تحافظى على هدوئك قدام منصور ورجالته هو الى اعطى فرصه ووقت
كانت السبب فى نجاة الجميع
لتقول لميس وهى تحاول القيام من على الفراش وسلب جهاز التنفس من انفها أنا كويسه وممكن اجى معاكى اطمن على نغم
لتضم نجوى لميس وتقول لها لأ أنا هقوم اروح لها وخليكى مرتاحه وسيبى الجهاز ده انت اكيد لسه تحت تأثير الغاز وتنفسك مش مظبوط
لتنهض نجوى وتقول هسيب عصام معاكى واروح اطمن على التانيه دى الى طلعت كانت حامل ازاى معرفش
لتسير نجوى
لتلاحظها لميس لتقول بسؤال بتعرجى ليه
لترد نجوى بمزح بقيت عارجه اهو بسببكم رجلى اتجرحت جرح بسيط هيخف بسرعه
لتضحك لميس وتقول يعنى عايزه تدخلى الجنه ببلاش كده
لتضحك نجوى وتقول والله انا هدخل الجنه بكفايه مستحملاكم دا انتم بلاوى ربنا بلانى بيهم
ليضحك عصام على مزحهم
وينظر الى نجوى بتمنى يتمنى لو كان قابل تلك المرآه سابقاً نسيت ألمها ووجع جسدها مقابل ان تطمئن على من تحب
طيبتها وحنان قلبها تعطى دون انتظار رد لعطائها ليست كتلك التى أظهرت الحب ومن داخلها الخبث.
🌺🌿🌺🌿🌺🌿🌺🍃
دخل كريم الى غرفة فجر بالمشفى
بمجرد ان رأته فجر شعرت بخوف منه
لتقول بغضب وتعصب ايه الى جابك تانى هنا المستشفى مش جيت الصبح ومشيت
ليضحك ساخراً
انا راجع اطمن عليكي اصلك هتوحشيني لان بعد اتهامك بالكذب لفيصل العفيفى اكيد هيقدم فيكى بلاغ سب واتهام كاذب له ووضع مخدر له علشان يفقد السيطره على نفسه وتوقعيه فى الخطيئه
لتنهض من على الفراش وتجلس بدل ان كانت نائمه
تقول بشده انت بتكذب تقول أيه
ليرد كريم ساخراً مكنتش اتوقع أن قذارتك توصلك لكده
بس احب اطمنك ان فيصل أفرجوا عنه يعنى مش هتقدرى تساوميه على انه يتجوزك لانى شهدت أن أنا الى ضربتك واعتديت عليكى وكمان قومت بعمل تحليل وظهرت فيه المنشطات الى كانت فى كوباية الميه بنسبه كبيره فى دمى
يعنى خطتك كلها فشلت
لتصرخ فجر وتقول بهستريا كداب فيصل هو الى اتهجم عليا
ليضحك كريم ساخراً وهى تزيد فى إشتعال عقلها.
🌺🌿🌺🌿🌺🌿🌺🍃
فى مشفى اخرى أيضاً
دخل حكيم الى غرفة العنايه
لينظر الى تلك الراقده لم تمت وليست على قيد الحياة لولا جهاز التنفس الذى عليها لانتهت حياتها
نظر لها ليزيد شعور الندم بداخله
شاركت تلك المرأة فى أذية اقرب اناس له ادعت الحب والتضحيه بكذب وكل ما كانت تريده هو الاموال والسلطه فقط
شعر أيضاً بعذاب قلبه القاسى الذى قسى على،ابنة عمه التى عشقته وتحملت جفائه
لتنزل دموع عيناه ليس عليها بل على حاله كيف سار وراء غباء عقله وصدق كذبها وادعائها مراراً
🌺🌿🌺🌿🌺🌿🌺🍃
دخلت نجوى الى غرفة نغم لتجد فيصل معها بالغرفه
لتنظر له وتقول
أنا عرفت ان نغم كانت حامل
ليقول بأسف وحزن الحمدلله اهم حاجه تعود لصحتها
لتبتسم نجوى وتتجه الى الفراش التى تنام عليه نغم وتميل تقبل رأسها وتقف تنظر لها وتزفر انفاسها مطمئنه حامده شاكره لله من يصدق أنهن منذ ساعات كانوا بيد وغد حقير طمع فيما ليس له
🌿🌺🌿🌺🌿🌺🌿🌺🍃
فى اليوم التالى...🌺
دخل عصام على ليلى بغرفتها بمنزل جدهم ليجدها جاثيه على الفراش تربع يديها على ساقيها تدفس رأسها بين يديها
ليقترب منها ويجلس جوارها على الفراش ليمد يده يمسد على ظهرها بحنان ويقول
ليلى
لترفع ليلى رأسها وتنظر إليه
ليرى دموعها وعيناها المنتفخه من كثرة البكاء
لينظر لها متألماً يقول شاهر ميستهلش دموعك دى
لتنظر له وتقول أنا مش ببكى على شاهر أنا ببكى على غبائى وحقدى الى كانوا متحكمين فيا
كنت بدور على الوجاهه الاجتماعيه ونسيت أن اهم من الوجاهه هو الحب والإخلاص الى ما كانوش عند شاهر
ليضمها عصام قائلاً لسه قدامك الوقت أنك تلاقى الحب والإخلاص أنسى وابدئ من جديد وبلاش انهزاميه
لتشد فى ضمه وتبكى قائله وانت ولميس هتعمل معاها أيه
ليرد عصام بحيره مش عارف القرار فى ايد لميس
لو حبت نكمل ونبدء من جديد وننسى الماضي هكون اسعد إنسان
لتنظر له ليلى وتقول وهتنسى أنها كانت متجوزه من شاهر
ليرد بالم لازم انسى علشان اقدر أكمل وكمان اهزم حقد شاهر الى خلاه ينتقم من أنسانه ضعيفه لمجرد انه يفوز فى انتقامه الى بدون سبب
لينظر اليها ويقول انا بعتولى من النيابه اننا نستلم جثة شاهر علشان اجراءات الدفنه والعزاء وانتى لازم تكونى معايا
لتنظر إليه ساخره تقول أصعب حاجه أنك تكون مضطر تمثل قدام الناس الحزن على أكتر انسان ازاك وموت جواك مشاعر كان نفسك تعيشها معاه
وتنظر إليه بلوم وتقول انت ليه كنت بعيد عنى يا عصام
ليرد عصام وهو يزيد فى ضمهالسه قدامك الفرصه أنك تعيشى حياتك البدايه دايماً موجوده وإحنا الى بنختارها واوعدك انى عمرى ما هبعد عنك تانى انتى اختى يا ليلى حتى لو مشققه ام واحده بس بيجمعنا دم واحد
لتنظر له ليلى مبتسمه بأمل.
🌿🌺🌿🌺🌿🌺🌿🌺🍃
استفاقت نغم تشعر بحرقان ذالك الانبوب بأنفها لتنظر حولها لتجد معها بالغرفه والداتها تجلس على أريكة بالغرفه وجوارها طاهر تستند برأسها على كتفه
لتهمس قائله ماما
لتنتفض نجوى وتقف وتذهب إليها لتميل تقبل وجنتها وتقول حمدلله على سلامتك أخيراً فوقتى
الدكتور كان هنا من شويه وعاينك وقال ان صحتك يقت كويسه بس دا تأثير البنج مع الغاز الى شمتيه
لترد نغم بسؤال ليه هو انا نايمه بقالى كتير
لتبتسم نجوى وتقول من إمبارح
أنتفض ايضاً طاهر وذهب إليها متبسماً حمد لله على سلامتك يا حبيبتي انا اطمنت عليكي هسيبك مع ماما وهرجع تانى
لتبتسم نغم وتقول الله يسلمك يا عمو
وتنظر الى نجوى بعد مغادرة طاهر وتقول ماما أيه الى حصل أنا اخر حاجه فاكرها ان حد قطع علينا الطريق وخدرنا ولما فوقت حسيت بألم كبير فى بطنى وسمعت صوتك مع حد بس من الوجع مكنتش مركزه ايه الى بيحصل
لتسرد نجوى لها ما حدث
لتقول نغم يعنى منصور الفهدى كان عايزك فخطفنا علشان يجبرك تروحى له
وتكمل قائله حقير زى بنته
لتقول نجوى قصدك على موضوعها مع فيصل واتهامها له باغتصابها
بس ربنا نجاه من شرها
لتنظر نغم الى نجوى وتقول قصدك أيه
لتسرد نجوى لها دليل براءة فيصل وشهادة زوج فجر السابق
لتندهش نغم وتقول يعنى هى عملت دا كله علشان يتجوزها ومين الى قالك على الحكايه دى
لترد نجوى واضح أن فجر وابوها عندهم ازمه فى الأخلاق ويعملوا اى حاجه علشان يوصلوا للى هما عايزينه حتى لو بغصب الى قدامهم والى قالى على القصه كلها كان طاهر
وفيصل كان هنا ومشى من شويه راح يطمن على ميجو وأنا قولت له ميحبوش هنا
علشان احنا فى مستشفى فشدى حيلك كده وبعدين تعالى هنا قولى لى انتى مش كنتى بتاخدى مانع حامل ازاى كنتى حامل
لتنصدم نغم وتقول هو انا حامل
لترد نجوى بحزن للأسف كنتى لان الجنين نزل
لتزفر نغم أنفاسها وتقول الحمد لله أنا لما لقيت فيصل نفسه فى ولاد تانى كنت بطلت اخد المانع من حوالى اكتر من اسبوعين كده بس الحمد لله انه نزل
لأن أنا وفيصل هننفصل
لتنظر نجوى باستغراب وتقول ليه
لتقول نغم أنا هسافر مع لميس فرنسا أنا حاسه انى بدور فى دواير مفرغه كل ما بدء واقول هوصل الاقينى فى نفس النقطه يمكن دا القدر هو الى عايز كده وكمان عايزه ابعد وافكر فى حياتى وبدء اسس ليا أنا وابنى حياه خاصه بنا بعيد عن هنا
لتقول نجوى انت ولميس بتهربوا خايفين ومجروحين بلاش وخليكم هنا وحاولوا مره تانيه وبلاش هروب
لتقول نغم دا مش هروب يا ماما دا قدرنا ويمكن اما نبعد نوصل للراحه والهدوء الى عايزينهم.
...........،،،،،،،،،،،،،🌿🌺🍃
كان فيصل يقف أمام باب الغرفه وسمع حديث نغم مع والداتها كاملاً للحظه فرح فهى ارادت أن تسعده وتنجب منه مره اخرى ولكن للقدر اراده اخرى
ولكن لم تدم الفرحه وهو يسمعها تختار ان تبتعد عنه
ليجد والده ياتى ببعض العصائر
ليبتسم له ويقول نغم فاقت وشكلها بقت كويسه وانا كنت عند الدكتور وسألته عليها هى ولميس وقال ممكن يخرجوا النهارده من المستشفى
ليبتسم فيصل متوجعاً ويقول الحمد لله ربنا يشفيهم
ليقول طاهر مش هتدخل تطمن عليها
ليقول فيصل لأ هدخلها انا شوفتك استنيت ادخل معاك
طرق طاهر على الباب ثم دخل يقول بفرح أنا سألت الدكتور وقالى أن نغم ولميس حالتهم مطمئنه وكتبلكم على خروج
لتدخل لميس دون طرق على الباب وخلفها عصان والجد
لتقول لميس أيه ده فوقتى دا قولت هتفضلى فى الغيبوبه ست سبع شهور كده
ليضحك من فى الغرفه على مزحها عدى فيصل الذى يشعر بألم أنها تختار البعد عنه
لتقول نجوى بحنو وهى تنهض انتى بقيتى كويسه ليه جيتى وانتى تعبانه وشك شكله مجهد
لتقول لميس أنا مش بحب المستشفيات وهخرج دلوقتى
ليبتسم الجد بحنان ويقول
يلا شدى حيلك كدا يا نغم وحمدلله على سلامتك وينظر الى فيصل قائلاً وربنا يعوض عليكم ويرزقكم بطفل تانى
ليتحسر فيصل ويبتسم ساخراً بداخله
ليقول طاهر الدكتور كتب لكم على خروج
لتقول لميس أنا هروح بيت بابا
ليشعر عصام بالحزن
لترد نغم سريعا وانا كمان هاجى معاكى
لينظر الجد الى عصام وفيصل ليتحدثوا ولكن صمتهم سيد الموقف
ليقول الجد تعالوا عندى السرايا
لترد لميس لأ يا جدو أنا عايز افضل فى بيت بابا لحد ما سافر انا ونغم
لينصدم الجد ويقول لأ واضح الموضوع كبير وعايز مكان ووقت علشان اعرف ايه الى حصل
عمتا انا هبعت معاكم شغاله من عندى فى السرايا تخدمكم
وينظر الى عصام وفيصل وهما يبدو عليهم الحزن فيبدوا انهم يتعذبون بعشق هاتان العنيدتان
🌿🌺🌿🌺🌿🌺🍃🍃
بداخل القسم دخل ذالك الشاب
ليقف لقائده بانتباه يؤدى التحيه العسكريه
ليقول العقيد اقعد يا سامى
ليقول تمام يا افندم
انا سلمت التسجيلات الى سجلتها لمنصور الفهدى طول الفتره الى فاتت
ليبتسم العقيد قائلاً انت قدرت تجمع لنا معلومات مهمه كانت السبب فى وقوع أكتر من خليه اجراميه مرتبطه بمنصور ورجالته بهنيك يا سامى ومتوقع أنك هتكون من اكفأ رجال الداخليه
كفايه التسجيلات دى لمنصور واعترافاته وهو تحت تأثير المخدر الى كنت بتحطه له فى المشروب لما كنت واهمه أنك خدامه المطيع وكمان لما كنت بتنصحه وتحرضه على الشر ودا الى خلاه مكنش بيشك فيك
ليرد سامى زوج بنت منصور الفهدى الاول
كان قائد ليا وكمان انا كنت معاه فى المهمه الى استشهد فيها وكان قالى على شكه فى منصور وادارته لعمليات مشبوهه وكمان المصنع بتاعه الى بينتج مواد كيماويه مسممه
وسبحان الله يا افندم انه زى ما كان بينتج مواد مسممه بتأدى للسرطان ربنا كان صابه بمرض السرطان فى صدره والست الى قتلته دى معقبتوش دى كانت رصاصة الرحمه له كان المفروض يتعذب بالمرض شويه لكن يقابل ربه يحاسبه بعدله على افعاله السيئه وعقابه هيكون اقوى
انا لسه جاى من عند بنته دى منهاره جداً وحالتها سيئه ورافضه تصدق وبتهذى بكلام غريب والدكتور عطاها حقنه مهدئه
واعتقد انها هتحتاج لدكتور نفسى
ليقول العقيد عقاب ربنا اقوى عقاب يمهل ولا يهمل وأنا فخور بيك جدا وبمجهودك ومتوقع انك هتكون صاحب شأن كبير فى الداخليه وهنتقابل تانى يا حضرة الضابط سامى السماحى.
🌿🌺🌿🌺🌿🌺🍃
مرت عدة أيام 🌺🌿🌺🍃
بمنزل اهل لميس جلستا نغم ولميس على اريكه بغرفة المعيشه
لتتنهد لميس وتقول أنا زهقانه وعندى ملل
لترد نغم ومين سمعك أنا اكتر
لتقول لميس طيب ما تفكرى فى حاجه نعملها
لتقول نغم ماليش نفس اعمل اى حاجه
لتقول لميس انا هقوم اعمل فشار وانتى اختارى فيلم كوميدى نسمعه سوا
لترد نغم ماليش مزاج انا بفكر اخد منوم واتخمد
لتضحك لميس وتقول وهتتخمدى دلوقتي وبالليل هتعملى ايه هتسهرى وترجعلك نفس الحاله
يلا يلا على عمو طاهر ما يجيب ميجو وجوانا ويجى على بالليل
لترد نغم ماشى هشوف فيلم بس متحرقيش الفشار
لتضحك لميس وتقول مش عاجبك قومى انتى اعملى وأنا اجهز الفيلم
لتقول نغم ماشى هعمل انا الفشار وانتى جهزى الفيلم
بس كوميدى الحاله مش ناقصه
بعد قليل دخلت نغم بطبقين كبيران من الفشار لتجد لميس تشغل الفيلم
لتكتشف انه فيلماً رومنسياً
ليندمج الفليم مع حالتهم المزاجيه الى ان إنتهى
لتقول لميس أنا بعد الفيلم زادت عندى حاله الملل
لتقول نغم قولتلك فيلم كوميدى شغلتى رومانسى
واحنا ما شاء الله إتنين داخلين على طلاق
لتقول لميس ومين سمعك
أنا قولت ان عصام هيجى ورايا ويستعطفنى لكن الظاهر انه صرف نظر عنى
دا حتى فيصل قولت هيتذللك
خاصتا بعد ما شوفته وانتى فى المستشفى دا كان هيتجنن عليكى لكن واضح أنهم ما صدقوا
لتقول نغم أنا غلطت وتهمته واتسرعت بس انا معذوره كله من فجر الحقيره
لترد لميس اهى اخدت جزائها جدو قالى أنها جالها حاله عصبيه ودخلت مستشفى للعلاج النفسى
عمتا هنسافر بكره وهناك هننسي كل حاجه وننتبه لمستقبلنا
لتنظر نغم الى لميس باشمئزاز وتقول لها ايه الى انتى لابساه ده
لتقول لميس دا شورت وبادى قط عايزانى البس ايه فى الجو ده
وبعدين انتى ايه الى لابساه الى يشوفك يقول هتخرجى
لتقول نغم انا لابسه كده افرضى حد زارنا على غفله
لترد لميس مين الى هيزورنا يا حسره
يا جدو ياعمو طاهر يا طنط نجوى الى فى بالك من الواضح انهم خلاص بخ طاروا
لتقول نغم الهى يطير عقلك
لتقف لميس وتقول واضح أن وحشك الضرب لتقوم برميها ببقايا الفشار فى وجهها
لتقف نغم هى الاخرى وترمى بوجهها الفشار
ليسمعن من يقول بتعملوا أيه
لتنخض نغم وكذالك لميس وتتجها بنظرهما الى من يتحدث
لتنظر لميس وتتعجب وتبتسم ببلاهه
لتنظر نغم وتقول بحرج أبداً مفيش اهلاً يا عصام
ليبتسم عصام ويقول أنا كنت جاى عايز اتكلم مع لميس اسف انى جيت بدون ميعاد
لترد نغم لأ أبداً البيت بيتك اتفضل تحب تشرب ايه
ليرد عصام ولا حاجه الموضوع مش مستاهل اشرب حاجه
لتقول نغم أنا عندى مكالمه مهمه عن اذنكم
كانت لميس صامته
ليقترب عصام منها يقول أنا هدخل فى الموضوع مباشرة
ليضع عصام تلك الحقيبه التى بيده على الطاوله ويفتحها ويخرج منها بعض الاوراق
ويقول
دى أوراق تثبت بنوة جوانا لشاهر أنا كنت مضيته عليهم قبل ما يموت وكمان عملت اتصالات ليا باصدقاء فى الخارجيه وسهلو الموضوع واثبتوا بنوة جوانا لشاهر يعنى تقدرى تسافرى بيها وترجعى بدون اى مشاكل
لتبتسم لميس وتقول له شكرا يا عصام انا متشكره قوى
ليقترب عصام منها وينظر اليها بتقيم
ليسحر بها
شعرت لميس بنظراته إليها لترتبك وتخجل وقبل أن تتحدث جذبها عصام مقبلاً شفتيها بعشق ورومانسية ليغيبا عن الوجود كان يشعر وهى بين يديه انها كقطعه السكر التى تذوب فى الماء الساخن سريعاً أراد أكثر ولكن خشى أن ترفض
ليبتعد عن شفتيها ويضع جبهته على جبهتها متنفساً يقول ولو معملتش كدا كنت هموت هتوحشيني يا لميس يا إمرأة حياتى ليتركها سريعاً ويغادر
لتقف متعجبه تضع يدها على شفتيها لتشعر بجفاف شفتيها لتخرج لسانها تبلل شفتيها لتتذوق طعم قبلته المُسكره
........... ـــــــــــــــــــ
مساءا
فتحت لميس الباب لتجد أمامها فيصل لتنظر اليه متعجبه
ليقول فيصل أنا جيبت الولاد نايمين معايا فى العربيه
لتقول له طيب هاجى معاك اخد جوانا وهات انت ميجو
ذهبت لتحمل طفلتها من السياره وتدخل أمامه
لتشيرلميس له وتقول دى الاوضه الى بينام فيها ميجو روح حطه فيها
ليذهب الى تلك الغرفه التى اشارت له عليها
ليدخل ويضع صغيره النائم على الفراش بهدوء
ليستدير يجد نغم تدخل الى الغرفه لا ترتدى سوى منشفه وبيدها منشفه أخرى تجفف بها شعرها
ليُسحر بها ولكنه تمالك نفسه لثوانى
الى أن رأته نغم
لتخجل منه وتقول بتعلثم
فيصل
ليقول فيصل أنا جيبت مجدى ولميس قالت لى ادخله هنا
لتبتسم وهى تشعر بنظراته تخترق جلدها كادت ان تتحدث لكن
جذبها فيصل يضمها الى صدره بقوه يمسد بيديه على ظهرها العارى
لتشعر نغم بدغدغة مشاعرها اقتربت حصونها امامه على الانهيار
ليعيد رآسها للخلف
شعر بدقات قلبها السريعه وجسدها المرتجف بين يديه
شعرت أن لمساته على جسدها كأنها كالشمعه تحرقها نيران العشق
رفع رأسها ليرى وجهها كانت فاتنه حد الهلاك
ليميل يقبلها عاشقاً يذيب جليد قلبه
ظل يقبلها الى أن شعر بعدم انتظام نفسها ليترك شفتيها وينظر الى وجهها ليراها مغمضة العين
ليشفق عليهما هامساً يقول مش هتوحشينى يا نغمى لانك ساكنه قلبى
ليفك عناقه لها ويتركها سريعا ويغادر الغرفه
لتتنهد نغم تمنت لو ظل لدقيقه لانهارت جميع الحصون بينهم وتنازلت هى عن عندها وظلت معه بين يديه تتنعم بعشقه وبحضنه التى لاتريد سوى أن يكون صدره هو متكئها لكن يبدوا ان الفراق بينهم امرا محتوم
🌿🌺🌿🌺🌿🌺🌿🍃
فى اليوم التالى بالمطار
أصر جدهما على توصيلهما الى المطار وظل معهم
الى أن أقلعت الطائره
كانتا لاخر لحظه تنتظران أن يأتيا إليهما ويعودن إليهم لكن كل الامانى انتهت بمجرد ان ركبن الطائره واقلعت.
عادتا من شرودهن على حديث اطفالهن
ليبتسمان لهم بقلب ينزُف من العشق
🌺🌿🌺🌿🌺🌿🌺🌿🍃
هبطت الطائره ليخرجن الى صالة الوصول ليجدن بانتظارهن
نيره التى استقبلتهم بحفاوه
ليخرجوا من داخل المطار الى خارجه
لتقول لهم نيره أثناء السير
جوزى واقف مستنينا بره
ليذهبوا الى مكانه ليجدوه يقف وخلفه سياره سوداء فارهه
لتقول لميس لنيره بمزح هو جوزك اختلس ولا سارق العربيه دى
لتضحك نيره وتقول لا شحتها من واحد زميله يلا بقى بطلى رغى تعالى اركبى انتى ونغم
ليفتح زوج نيره لهن الباب
لتركب نغم وطفلها وايضا لميس وطفلتها ليغلق الباب
لتسير العربيه بهن فوراً
لتستغربن نغم ولميس
لتنظر نغم الى لميس
لتقول لميس أيه ده العربيه مشيت ونيره وجوزها مركبوش مين الى بيسوق
ليفتح الزجاج الفاصل بالسياره بينهم وبين قائد السياره
لتسمعا عصام يقول فى خدمتك يا ملاكى
لتنظرا نغم ولميس ويتحدثان بصوت واحد عصام أيه الى جابك هنا
ليسمعا صوتاً اخر يضحك لينظرا إليه
لتقول لميس بتفاجؤ فيصل
صمتت نغم من المفاجأة
ليبتسم مجدى ويقول بابا أنا مش قولت لماما أنك هتسافر زى ما قولتلى
لتنظر نغم ولميس الى بعضهن بتعجب
لينظر فيصل لنغم ويقول أنا ونغم معملناش فرح بس لازم نعمل شهر عسل حتى لو كان متأخر شويه لتبتسم له نغم موافقه
ليقول عصام واحنا كمان هنعمل شهر عسل
لتنظر لهم نغم وتقول بس انتم وصلتوا إمتى
ليرد عصام إحنا جينا على طيارة الصبح
ليكمل فيصل شايفكم مش مبسوطين نرجع تانى
لترد لميس بتسرع لأ دى مفاجأة حلوه بس ليه مش قولتوا لنا وكنا سافرنا كلنا سوا
ليرد عصام وتبقى مفاجأة ازاى بقى
لتقف السياره أمام احد الفنادق
ليقول عصام وصلنا يلا اتفصلوا
لينزلوا من السياره ويدخلوا الى الفندق ليجدوا نيره تقف ومعها زوجها
لتنظر نيره لهم وتبتسم بسعاده وهى ترى السعاده بعين نغم ولميس
لتقول بود انا هاخد جوانا وميجو يباتوا عندى الليله
لتنظر نغم ولميس لها
وتقول لميس كنتى متفقه معاهم بقى
لتضحك وتقول لأ والله انا الى اتفق معايا جدو حافظ وأنا نفذت الى قالى عليه
لتنظر كلا من نغم ولميس الى فيصل وعصام بخبث قائلتان يعنى جدو هو الى ضغط عليكم بقى
ليبتسم عصام وفيصل وهما يتذكران
فلاش باكـــــــــــــــــــــــــــــــــــــــــــــ🌺🌻
دخل الجد برفقة ماهر الى غرفة المكتب ليجدا كلا من فيصل وعصام ينتظراه كما امرهما
ليجدهما يجلسان يبدوا عليهم الحزن
لينظر إليهم بخبث قائلاً حلوين قوى وانتم مرسوم الحزن على وشوشكم زى الولايا
يا خيبتك القويه فى احفادك الرجاله يا حافظ يا غُمرى
لينظر لهم ويقول طالما بتحبوهم قوى كده بتزعلوهم ليه
ليصمت كلا من فيصل وعصام ويضحك عليهم ماهر بخبث
لينظرا له بتحذير
ليدعى ماهر الخوف منهم
ليقول حافظ شاطرين بس تروحوا القسم تضربوا الى كان هيقتلنى وكمان اتفقتوا توقعوا شاهر سوا إنما حته بنتين زى النسمه مش قادرين تتنزلوا عن غروركم وتروحوا تعترفوا لهم انكم عاشقينهم ودايبين فيهم
يكون فى علمكم أنا هساعدكم علشان خاطرهم بس ويكمل بأمر
ارمى قدامهم يا ماهر الى قولت لك عليه
ليرمى تذكرتان سفر
لينظرا الى التذكرتان معاً
ليقول فيصل والتذاكر دى ليه
ليرد الجد دول تذكرين سفر لكم هتسافروا بس قبلهم أنا اتفقت مع نيره وجوزها وهما حجزوا لكم جناحين فى احد الفنادق هناك وهتسافروا قبلهم
ونيره وجوزها هيساعدكم هناك
لينظر اليه فيصل وعصام ويبتسمان بامتنان
ليقول الجد وهو ينظر الى عصام وانا هفضل هنا انا وماهر ابن عاطف وهندير الشركه علشان حكيم بعد ما اتوفت إقبال وهو تعبان نفسياً بعد ما عرفنا كل خططها الخبيثه الى عملتها ونفذتها بيراجع نفسه
فماهر هيساعدنى على ما ترجعوا بس اتمنى انكم تنجحوا وتقدروا على احتواء نغم ولميس ودى اخر فرصه لكم
ليبتسمان بأمل
عودهـــــــــــــــــ🌺
بعد ان غادرت نيره واخذت معها الطفلان
ظلت كلا منهن مع زوجها
ليدخلا الى جناحيهم بالفندق
............
بغرفة عصام ولميس
بمجرد ان دخل الى الغرفه جذبها عصام اليه يحتصنها بشوق ويقول اسف انى اتحكم فيا غضبى يمكن مبعرفش فى كلام الحب والعشق بس أنا بوعدك يا لميس أنك تكونى امرأة حياتى الناعمه لتبتسم لميس وتقول له الحب والعشق مش بالكلام يا عصام الحب هو الموده والرحمه أنا زمان كنت مفكره ان كلام الحب هو السعاده بس اكتشفت أن مفيش أرخص من الكلام
الإحساس بالأمان والراحه والرحمه هما الابقى من الكلام الكذاب
ليبتسم عصام مقبلاً بعشق شفتاها يهمس قائلاً وانا لقيت معاكى الأمان والحب الى كنت دايما عايزهم الحب مش تعويض نقص.. الحب اكتمال روح
و. انتى امرأة حياتى الوحيده ليسطو العشق ويدمج القلوب والاجساد معاً
.................
بغرفه نغم وفيصل
وقف فيصل ينظر الى نغم بعتاب
لتشعر بذالك لتقول بخجل فيصل أنا اسفه انى صدقت كذب فجر واتهمتك
ليشدها فيصل الى حضنه ويحتضنها بقوه ويضمها إليه ويميل يلثم عنقها بقبلاته ويقول من بينها انسي كل الماضى يا نغم خلينا نبدأ من جديد ومن غير
أوهام واكاذيب
نغم أنا مفيش فى قلبى غيرك حبيتك امتى معرفش صدقنى أنا كنت بفكر بسطحيه واعجبت بشخصيه او اتمنيت شخصيه معينه بس طلعت وهم وكدب لما بعدتى عنى حسيت انى سطحى كان الانتقام وسيلة مش غايه أنا عشقتك يا نغم من أول مره شوفت فيها بنت صغيره عندنا فى البيت كانت بتقرب،منى وكل الى عايزاه مكان حتى لو صغير فى قلبى
بس انتى مكانك كل قلبى يا نغم عـمـر الــحــــب
ما يكون بالغصبّ ولا بالمجــاملـة
الـــحـب
يـكـون بطيبة القـلـب
وانتى ملكتينى بطيبة ونقاء، قلبك
ليميل يقبلها بوله وشوق ويسحبها معه لعالم العشق
............
بعد ايام
دخل ماهر الى غرفة الجد متذمراً يقول
أنا والله دكتور جراح قلوب الناس اداويها
ليرد الجد انتا جاى تغنيلى هنا عايز ايه
ليرد ماهر أنا مبفهمش فى شغل الإداره والبزنس ده ليلى بتتريق عليا بتحاول تفهمنى وأنا مش فاهم حاجه اعفينى أنا من المهمه دى
ليرد الجد غبى زى ابوك أنا ياغبى بقرب بينك وبين ليلى
واعمل حسابك فى لجنه من وزارة الصحة هتجى بكره المصنع وانتا عليك تتعامل معاها وليلى هتكون معاك أتمنى تشرفنى قدامهم
ليرد ماهر طالما ليلى هتكون معايا اطمن يا جدو وزارة الصحة دى فى جيبى
ويكمل بخبث أما اروح اتفق بقى مع ليلى على مشاريب اللجنه
ليضحك الجد وهو يتمنى ان تجد ليلى السعاده كغيرها من احفاده
................🌻🌺🌻
مر العمر بأفراح واطراح عاشها الجميع
ليعود الربيع ويزهر فى القلوب
🍃🍃🍃🌿🌺🌻
أستيقظت نغم على تلك الزهره التى يمسد بها فيصل على وجنتيها ويقبلها قائلاً
صباح الورد وعطره
لتبتسم نغم وهى تنظر له بعشق ازداد تورداً
ليميل يقبل ثغرها مبتسماً يقول بعشق
يلا اصحى
زمان الجميع هيجى على هنا فى الاستراحه علشان يقضوا شم النسيم
لتبتسم بمرح وتقول له وابنك عازم زمايله يشوفوا الكلاب الى فى المزرعه
ليبتسم سعيداً بوجودها بحياته اعطت له سعاده لم يكن يتوقع أن يحصل عليها.
.............🌺🌿🌺
بعد قليل تجمع الجميع بالمزرعه تحت ظلال الاشجار
ليمرحوا ويلعبوا ويستمتعوا بعيد الربيع
وسط مزحات الجميع
وقفت لميس تمزح وتقول بمرح لنغم ايه السبب فى تأخيركم هى الرومانسيه عندكم مش بتخلص
ليبتسم فيصل بمرح يقول عندنا ليكم خبر حلو
لينظر له الجميع بلهفه لمعرفة هذا الخبر
ليقول فيصل امبارح بس شوفنا طاهر واطمنا على صحته
لينظر له طاهر بتعجب
شوفتنى ما أنا قدامك طول الوقت
ليضحك وهو يمسك بيد نغم قائلاً لأ طاهر فيصل طاهر العفيفى
ليقف طاهر ويقترب من نغم ويقبل رأسها متمنياً لها السعاده بحمل طفلها بين يديها
لتقف لميس ونيره أيضاً ويقتربان من نغم ويضماها بفرح لتقول لميس باستغراب بس ازاى عرفتوا انه ولد وانتى لسه فى بداية حملك
لترد نغم مبتسمه انا حامل اربع شهور وداخله على الخامس وقبل ما تزعلوا اوتسألوا إحنا خبينا أنا وفيصل لحد منتأكد أن الحمل ثبت مش زى كل مره بعد مده ويجهض
لتقف ليلى وهى تشعر بغصه بقلبها ولكن تنحيها وتقترب من نغم وتهنئها وتحتضنها وتقول مبروك يا نغم ربنا يقومك بالسلامه
ليقترب ماهر قائلاً بتهنئه عندى ليكم خبر حلو أنا كمان
اخيرا ليلى قبلت أننا نتجوز وحددنا ميعاد للكتب الكتاب وهيكون يوم الخميس وكلكم معزومين ما عدا جدو حافظ
ليضحك حكيم ويقول يبقى انسى كتب الكتاب
ليقول ماهر سريعاً بمزح وهو انا اقدر دا هيكون الشاهد الأول
ليضحك الجد وهو يشعر بالسعاده
لتقول لميس انا عندى ليكم انا وعصام خبر حلو انا كمان حامل بس شهر ونص
لتقف نجوى وتقول بصدمه أيه بتقولى أيه
لترد لميس جرى ايه يا نوجا بقول انى حامل دا بدل ما تفرحى ليا وتقولى لى مبروك
لترد نجوى بنزق مبروك على أيه ما انتى هتخلفى وانا الى هتنيل بيه زى ولادك التؤام حافظ وحكيم خلفتى من هنا ورميتهم عليا وأنا الى اعتنيت بهم وانتى فى الطراوه
لترد لميس قائله عيب عليكى يا نوجا يعنى انا مش كنت بساعدك واكلهم
لترد نجوى بتساعدينى وتأكليهم ولا علشان تاكلى اكلهم أنا كنت بحضر لهم الاكل وانتى تاكليه وارجع انا احضر غيره
لتقول لميس الحق عليا بسليكى بعيالى بدل ما تيتو سايبك طول الوقت وقاعد علشان جلسات المجلس فى القاهره وسايبك لوحدك
لتقول نجوى لا متشكره ليكى واهتمى بولادك أنا هروح اقعد مع طاهر فى القاهره
لترد لميس كده يا نوجا بتهربى من رسالتك الساميه فى تربية النشأ الجديد
ليضحك الجميع على نقارهم
بس قولى لى يا نوجا مش ملاحظه ان بناتك الاتنين مش بيخلفوا الا صبيان
لتبتسم نجوى وتتذكر معايرة سلفها لها ذات يوم بانها ليس لديها الحق بشىء لأنها أمُاً للبنات وهو والد للذكور
ليتبدل القدر وينجب ابنائه جميعاً البنات وبنتاها تنجبان الذكور لتبتسم لسخرية القدر
....
جلس على رأس طاولة الطعام حافظ غُمرى ينظر حوله الى احفاده ويبتسم حقق ما كانت تتمناه زوجته يوماً ربما ليست معه فى هذه اللحظه بجسدها ولكن روحها تطوف حولهم بسعاده
..............ــــــــــــــــــــــــــــــ🌺🌻
بعد مرور عده أشهر
صحوت لميس من نومها لتوقظ عصام من جوارها
لتقول له بتذمر اصحى يا عصام انا تعبانه باين هولد
ليصحو بضيق قائلا
لميس حبيتى انت لسه يا يدوب داخله فى السابع وكنا عند الدكتوره إمبارح وطمنتنا إنك انتى والولد بخير والحمدلله ومفيش احتمال ولاده مبكره كل الى عندك دا اوهام من يوم ما نغم ولدت وانتى موهومه أنك هتولدى وبعدين يا حبيبتى دى مش اول ولاده ليكي يعنى اطمنى واهدى كده يا حبيبتى
لتنظر له وتقول طب انا جعانه وبتوحم
لينظر لها بغصب ويقول بتتوحمى على أيه انتى مفيش حاجه متوحمتيش عليها ارحمنى يا حبيبتى شويه
لينظر لها بمكر ويقترب منها ويقول بخبث ما تتوحمى عليا حتى الولد يطلع شبهى
ليقتنص شفتاها ويقبلها بشغف وعشق لتتوه معه فى مدن العشاق.
......... .ـــــــــــــــــــ
جلس فيصل ونغم على فراشهما يفتحان ذالك الالبوم الملىء بالصور
لينظروا اليها ويتذكروا لمحات من حياتهم ويبتسمان الى أن
أغلقت نغم الالبوم وهى تبتسم بدمعه بعيناه
ليدير فيصل وجهها اليه وينظر الى عيناها ليرى تلك الدمعه تلمع بعيناها
ليميل يقبل عيناها ويسير بشفاه لتتلاقى مع شفتيها ليقبلها عاشقاً أراد يوماً الانتقام ليقع تحت سطوة العشق.
🌺🌻🌺
هكذا ستمضى الحياة
بين إبتسامة وأهات
ترسُم وجوهنا
عشقً يبكينا
انتقاماً يعمينا
سطوة تتمكن منا
لتصنع نغماً يشجينا
لنكمل الروايه
فنستمع الى
نغم سطوه العشق والانتقام
انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر
لزيارة عالم روايات سكير هوم
لمتابعة روايات سكيرهوم زوروا قناتنا على التليجرام من هنا
