رواية اليتيمه الفصل الثاني بقلم فاطمه الدليم
#اليتيمةة
#قصه واقعيةة ()
الكاتبه فاطمه الدليمي
البارت الثاني🦋🩵
ونرجع ونكول السلام عليكم
وبعد اشهر من العطله الصيفيه بدء العام الدراسي
الجديد عام 2017/2016 اخر مرحلة للمتوسطه
درست الثالث وجان بداية صعبة لكن بمرور الايام
والتحضير اليومي سهل كلش عليه اني وصديقاتي
وندرس ونسولف ونضحك في كل مره صديقاتي
يحجن عن امهاتهن ماما سوتلي هيج وجابتلي
هيج الصراحه جنت كلش اضوووج وانقهر بداخلي
واشتاق لامي واشتاق لكلشي وياه بديت ابتعد من
صديقاتي يحجون عن الام اتوفهن واكوم وكل هذا
الالم بداخلي مااحجي وارجع مكسورة گلب وانام
من القهر واستمرت الدراسه اجت الامتحانات
نصف السنه وامتحنت والحمدلله نجحت وره نص
السنه هم درست لحد يوم اجوو تسليم بطاقه
الامتحان استلمته وكلش فرحانه والحمدلله
دخلت وزاري بزودي من دون قرار وبديت
احضر للامتحان الوزاري وتمت الامتحانات
ونتضرت النتائج وهم الف الحمدلله نجحت
من الدور الاول وراه بفتره بدت مشاكلي ويه
عمامي ميقبلون اكمل دراسه واني عاندت الكل
وكملت الرابع العلمي ونجحت وره فتره اخوي كلش يحبني ومتعلقه بي فجاة تمرض وكمنه
نراجع بي دكاتره ولحد ماا اكتشفنه انو اسم الله
عليكم بي ورمه براسه لازم عمليه وهناا خلال
اسبوع كملنه تحاليل وسوينه العمليه بس للاسف
وره يومين من العمليه خسرته توفه وهنا زادكسري
وابجي واضل احجي ويه رب العالمين واعاتبه
اكله ياهو الي احبه تاخذه مني وضليت بحزني
لحد مابدء العام الدراسي الجديد وبديت احضر
للخامس العلمي جنت احلم اصير دكتوره واعالج
المرضى لان اهلي واحد وره الثاني يموتون
لهذا كلت اكبر واسوي الي اكدر عليه شويه جنت
مو كلش بدراستي لان الصراحه طاقتي نفذت
من كد الشوق لامي واخوي هسه تكولون وابوج
صح والدي متوفي من عام 2003لهذا السبب
جنت صغيره ماحسيت بمعنى وجود اب بحياتي
صح جنت اكول الله يرحمه برحمته الواسعه
بس كسرتي امي واخوي😔💔وره سنه من
وفاة اخوي توفه ابن خالتي الي هوا حاله حال
اخوي الي توفه جان مثل مايسويلي اخوي هوا
مثله وين مايروح وياا جان ينتظرني ارجع من
المدرسه حته ياخذني وياا الصراحه كلش تاذيت
بعده وكملت الحياة وراه بالعطلة الصيفية سجلت
معهد حته ابلش دراسه السادس الاعدادي وراهاا
صارت مشاكل ع المعهد نغلق المعهد وضليت اقرا
بالبيت لحد مابدء العام الدراسي الجديد
وقريت وتعبت ولكن شهرين من دراستنه صارت
بداية المرض الوبائيّ الي اسمه (كورونا) هنا انتهك
العام الدراسي ضلينه كاعدين بعد فتره نزلت الوزاره قرارا انو الكل داخله وزاري وبلشت ارجع
ادرس من جديد لكن اخر شهرين قبل الامتحانات
بديت اتمرض واوكع وادخل القاعه الامتحانيه
اوكع وجانت اختي وياي تروح لان جانت حالتي
كلش تعبانه 💔الحمدلله كملت الامتحانات نتظرنه
النتائج والف الحمدلله نجحت وبمعدل 64هنا
نقهرت بس بعد طاقتي نفذت مو مال ارجع اعيد
السادس المهم اهلي سوالي حفله تخرج بسيطه
والكل فرحانه بس اني لا جنت اريد اعلى من هذا
المعدل بس حكم ربي اقوى وكعدت ارتاح وره
فتره لازم ابلش جامعه ولازم اشد حيلي هنا
