رواية العاصي الجزء الثانى الفصل الرابع والثلاثون بقلم كنزي حمزة
مرت الايام سريعا عليهم وبدأت الدراسه ومزال هذا العاصي مبتعدا كل البعد عن حبيبته
كان يقضي يومه بين الذهاب الي كليته يحضر المحاضرات وبين الذهاب الي الموقع او مكتبه في الشركه
وفي المساء اما ان يجلس مع عدي في الوكاله او في غرفته فوق سطح المنزل
وخصوصا بعد ان دلف ذلك اليوم الي غرفة نومه وجد تلك الهديه التي تركها لها يوم ميلادها بين طيات ملابسه
فتحها وجد بها هذه القلاده الذهبيه ومعاها ذلك الخطاب الذي تركه لها كي يعتذر لها فيه عن كل ما فعله معاها
ولكنها ابت حتي ان تمنحه تلك الفرصه ففضل الصمت والابتعاد عنها
///////////////////استغفرك ربي واتوب اليك
كان جالسا داخل الوكاله بعد ان عاد من كليته يراجع بعض الحسابات الخاصه بها
ويجلس امامه ابن اخيه الصغير الذي لا يصمت
بوده: عدي يا عمو عدي يا عديييييي
عدي:يا بني بس بقي صدعتني عايز مني ايه
بوده:عايزك تحل معاياالهوم وورك
عدي:وهو انت صغير دانت باسم الله مشاء الله في سنه اولي اد الدنيا
بوده:ايوه بس الماث ده صعب اوي انا مش عارف احله
لتصيح تلك الصغيره التي تجلس امامه
طمطم:عثان انت عبيط عمال تلعب من الثبح ولسه مس خلست الهوم وولك بتاعك
انا خلسته من بدلي ياعدي مس انا اسطل منه بقي
عدي:طبعا يا قلبي اشطر منه ده واد فاشل اصلا
بوده بغيظ:كده يا عدي طيب مش عايز منك حاجه وانا هاوريكي يا ست طمطم مين فينا الاشطر
واذا به يفتح كراسه ويباشر حل واجبه
غمز عدي الي تلك الصغيره وابتسم لها بمكر
طمطم وهي تكركر:انا هاطلع عند تياو ليا العب معاهم
عدي:لو بيزاكرو سيبيهم وانزلي تاني يا طمطم ماشي
طمطم:ماسي ماسي
///////////////////////لا اله الا الله محمد رسول الله
كانت ليا تجلس علي الفراش وتيا تجلس علي ذلك المكتب الصغير يستذكرون دروسهم
دلفت عليهم تلك الصغيره وجلست بجوارها علي الفراش
ليا:اهلا انسه طماطم اي ريح طيبه اتت بكي الينا
طمطم :يعني ايه ده اللي بتقوليه
تيا:ههههههههه يعني ايه اللي جابك هنا دلوقتي
طمطم خلست الهوم ولك بتاعي وبوده لسه بيعمله فقولت اطلع اسوفكو انتو كمان خلستو ولا لسه
ليا:اه بالنسبه ليا انا لسه انما بقي الاخت تيا
تيا:مالها تيا ياختي انا كمان خلصت اوبا النور قطع
طمطم بصراخ: انا عايزه مامي
تيا :طب بس متعيطيش كده دلوقتي النور هايجي تاني
طمطم: لاء انا خايفه نزليني عند مامي
ليا:نوري كشاف الموبايل يا تيا بسرعه
تيا:الموبايل بتاعي فاصل شحن هاتي موبايلك انور بيه وتعالي ننزلها تحت
ليا:لاء خدي الموبايل ونوري شمعه هنا انا اصلا عايزه انام
تيا بعد ان اضأت كشاف الهاتف واحضرت لأختها تلك الشمعه وانارتها ووضعتها علي حرف المكتب: نامي بقي براحتك يا ستي انا هنزل الزنانه دي ليهم تحت
ليا وهي تغفو:ماشي تصبحو علي خير
تيا:تصبحو علي خير الساعه ٦ دانتي اوڤر
واخذت ابنة عمها وخرجت من الغرفه مغلقه بابها ثم خرجت من الشقه بأكملها
///////////////////////////////الا بذكر الله تطمئن القلوب
دلف عليه داخل الوكاله في هذا الظلام الذي لا يتضح منه الا ضوء صغيرا يصدح من هواتفهم
وجد الصغير يجلس حزينا
عاصي:مالك ياض قاعد زعلان كده ليه
بوده:سيبني في حالي ياعاصي الله يخليك انا مدايق جدا دلوقتي
عاصي وهو ينظر الي عدي:ماله ده ايه اللي مزعله اوي كده
عدي: كان يا سيدي قاعد بيحل الواجب بتاعه وشركة النور عملتها معاه هههههههههه
عاصي:هههههههههههههه ليه هو قاطع بقاله كتير ولا ايه
عدي:اه بقاله حاولي ساعه مش عارف طول كده ليه النهارده
واذا بهم يستمعو الي صيحات الشباب من الخارج
وصراخ يأتي من داخل البيت جرو خارج الوكاله وهم مفزوعين ورفعو رأسهم الي الاعلي لينصدمو من تلك النيران التي تخرج من شرفة غرفة بنات عمهم
عدي:ينهار اسود
عاصي:هات طفاية الحريق وحصلني بسرعه يا عدي صعد الدرج سريعا وليتقابل معهم علي الدرج
غمزه بصراخ شديد:ليا بنتي اللحق ليا يا عاصي
لم يلتفت اليهم لم ينتظر حتي يعرف اين هي صعد الي شقة عمه وبدءيكسر بابها وانفتح الباب امامه
وجد كل شيء بها كما هو الا غرفتها المغلقه التي تصدح الادخنه من اسفل بابها
وسريعا ما زج الباب بقدمه ليجد النيران تأكل كل شيء بالغرفه الستائر السجاد واحد الاسره الذي لم يتبقي منه شيء
صرخ بأسم معذبته باعلي صوته وهو يبحث عنها بعينه.
لييييييييا
وسط اللسنة النيران القويه التي تأكل كل ما تطوله رأها اخيرا
نائمه كالملاك في فراشها الذي كادت ان تصل اليه
القي بجسده داخل الغرفه وهو يحاول ان يطفيء تلك النيران بيديه
واخيرا حملها بين يديه واتجه بها خارج الغرفه لتهمس وهي تسعل بشده
ليا:عاصي
عاصي: مش هسمحلك تروحي مني فاهمه يا ليا
ليا ردي عليا سمعاني يا حبيبتي
لم تعطيه اي اجابه و وذهبت في اغماءه طويله
دلف عليه عدي وهويحمل بيده مطفئة الحرائق ومن خلفه الشباب وشرعو في اخماد تلك النيران بكل شجاعه
تركهم هو وخرج بها من الشقه بل من البيت كله ومن خلفه والدته ووالدتها وجدتها
ارقدها علي الاريكه الخلفيه وجلست بجانبها والدتها داخل السياره
وجلس علي مقعد الساءق ولم ينتظر احد ساق بأقوي سرعه الي المستشفي
غمزه وهي تصرخ بشده:ليا بنتي هي مبتردش عليا ليه يا عاصي
عاصي بخوف علي حبيبته:اهدي ياغمزه هتبقي كويسه اكيد الدخان هو اللي عمل فيها كده
غمزه:بنتي بتموت مني ليا هتموت يا عاصي
عاصي وهو يدق بيده علي جلة القياده: لاء ماتقوليش كده هتبقي كويسه ان شاء الله هتبقي كويسه
اوقف سيارته بأهمال امام المستشفي وحملها بسرعه بين يديه ودلف بها للداخل
واخذها منه الاطباء وقفت هي بعيد عنه تبكي ابنتها وتنتظر ان يأتي لهم احد يخبرهم عنها شيء
اتجهه اليها وضمها الي صدره وهي تبكي بشده
غمزه:بنتي ليا
عاصي: ماتخافيش يا غمزه ربنا مش هيضرنا فيها وهتخرج لينا دلوقتي
//////////////////////////الحمد لله وسبحان الله ولا اله الا الله
حضرو بسيارتهم ليجدوهم يقفون جميعا بالاسفل وعدي يخرج هو والشباب من المنزل
انفزع عاصي من رؤيتهم هكذا وصاح:وقفين كده ليه ايه اللي حصل
فضالي:النور كان قاطع والعيال ولعو شمعه وسبوها في اوضتهم النار مسكت في الاوضه
صرخ عاصي لعدم رؤيتها امامه بنتي ليا البت فين وغمزه فين
بوده ببكاء:في المستشفي يا بابي اصل ليا كانت نايمه في الاوضه وعاصي طلعها وراحو المستشفي
جري الي سيارته وامسك حمزه زوجته ووالدتها واتجهه بهم الي هو الاخر الي سيارته
وصل الي المشفي وهو مرعوب ان يستمع الي خبر ما يحزنه عيناه تبحث عنهم في كل مكان الي ان راه امامه يقف يحتضن زوجته الباكيه ولا يبالي الم يده المحترقه
عاصي:غمزه ايه اللي حصل ليا فين
غمزه: عاصي ليا خدوها مننا جوه ومافيش حد خرج طمنا عليها
عاصي الصغير:ماتخفش يا عمي ليا مافيش فيها حاجه هو بس اختناق من الدخان
عاصي:وانت مش حاسس بأيدك دي مافيش حد يشوفك هنا
عاصي الصغير:اما نطمن عليها هي الاول
لم ينتظره عاصي وظل يبحث عن طبيب ليراه وحضر به اليه
الطبيب:اتفضل حضرتك معايا
عاصي الصغير: لاء مش هاروح في حته الا لما نطمن عليها الاول
الطبيب اطمن حضرتك هي بس بتاخد جلسة تنفس وهتبقي كويسه
عاصي: روح معاه يا عاصي واطمن انشاء الله هتقوم بالسلامه
اومئي له برأسه والتفت للطبيب وذهب معه
لطيب له جراح ذراعه ويربطه له
ثم عاد اليهم ليطمئن علي معذبته ليري الجميع قد حضرو
وافاقت هي ووقف هو بجانب الباب وجرت والدته اليه
غزل: يا حبيبي يا عاصي حصل ايه لأيدك
التفتت برأسها اليه لتري ذراعه الملفوف بالضمادت الطبيه فاسترسلت الدموع دون ان تشعر
عاصي الصغير وهو ينظر لها: متخافيش يا ماما انا كويس
ليهتف عدي:لولا عاصي كان زمانك بقيتي في خبر كان يا بنت الايه انتي انكتبلك عمر جديد علي ايده
حمزه:عاصي طول عمره جدع بس هو اللي مش بيحب يبين الا في وقت الشده
عاصي:هو هيطلع لمين ياعني ده ابن حمزه وعاصي فضالي مش كده يا واد ولا ايه
التفتو جميعا اليه ليجدوه قد رحل من امامهم
//////////////////////////بقلمي /كنزي حمزه( مياده
مرت الايام وهدأت الاجواء بعد ان خرجت ليا من المشفي واستعادت كامل صحتها
ولكنه ظل يتجنبها ولم يتكلم معاها لم يتقابل حتي معها
كانت تجلس بجانب اختها في غرفتهم
بعد ان جددها لهم ابيها وتيا تتحدث مع زوجها عبر الهاتف
زين: يعني هي بقت كويسه دلوقتي
تيا: ايوه الحمد لله بقت كويسه جدا
زين:قولتيلي بقي مين ال لي ولعت الشمعه دي
تيا:خلاص بقي يازين هو انا يعني كنت اعرف ان كل ده هيحصل
زين: ما هو ياحبيبتي حاجه بسيطه اها لكن شوفتي اتسببت في مصيبه اذاي
تيا :الحمد لله انها جات علي قد كده وعاصي مش حصله حاجه
انا بس اللي مزعلني ان ليا مش بقت تتكلم ذي الاول
زين: هما لسه مش اتصالحو
تيا:لاء لسه يا زين هو اصلا بقي يأما في الكليه يأما بيتأخر باليل
زين: معلش يا حبيبتي بكره يتصالحو تاني المهم انتي وحشتيني اوي
تيا:وانت كمان وحشتني اوي اوي هاتيجي امتي بقي
زين:هانت ياروحي كلها عشرتيام واجي
تيا:تجيلي بالسلامه حبيبي
//////////////////////////
حضر اليوم باكر من عمل دلف اليهم وهومرهق الجسد جدا ليراهم جميعا جالسون الا معذبته
التي فضل ان يبتعد عنها حتي لا تدرك انه بفعلته هذه كان يطلب منها الصلح
ولكن اين هي لماذا الجميع موجود الا هي
عاصي:سلامو عليكو
غمزه: وعليك السلام يا حبيبي
غزل: مالك يا عاصي انت تعبان ولا ايه
عاصي:اه النهارده تعبت اوي في الشغل يا ماما وعايز انام
روقيه: طب كل الاول وبعدين ادخل. ارتاح
عاصي :ماشي بس بسرعه بقي انا هدخل اغير هدومي وانتو الحقوني بلأكل
غزل:حاضر يا حبيبي ادخل انت وانا هاحضر ليك الأكل بسرعه
عاصي: وانتي بقي يا كلبوظتي تعالي معايا عشان وحشتيني
طمطم:وانت كمان فين السيكولاته بتاعتي
عاصي وهو يحملها ويدلف بها الي غرفته :اتفضلي يا ستي انما قوليلي انا شايفكو كلكو قاعدين
وتيا قاعده بتذاكر علي السفره لوحدها وليا يعني مش معاها
طمطم:ليا راحت عند مي تقعد معاها من بدلي
عاصي: راحت عند مي من بدري طيب يا طمطم روحي شوفي ماما خلصت الاكل ولا لسه
طمطم: حاضل ياعاثي وجرت من امامه لتدلف اليه والدته
وتزج امامها عربةالطعام الصغيره له وقف امامها وامسك من يدها تلك العربه وجلس علي الفراش ليأكل
عاصي :تعالي كلي معايا يا ماما
غزل:لاء انا كلت يا حبيبي كل انت بالهنا والشفا بس كنت عايزه اسألك علي حاجه ممكن
عاصي: اه طبعا اتفضلي يا حبيبتي
غمزه:انت هتفضل لحد امتي زعلان انت وليا يا عاصي
عاصي:ماما ممكن ماتفتحيش معايا الكلام في الموضوع ده
غمزه: عشان خاطري يا عاصي البنت حالتها النفسيه بقت وحشه اوي
ده حتي باباها النهارده هواللي اتصل بيها وقالها سيبي المذاكره وروحي اقعدي مع مي
عشان يخرجها من اللي هي فيه ده
عاصي:يعني انتو قولتولي ابعد ولما بعدت راجعين تقولو نفسيه وزفت
وانا يا ماما محدش بيحس بيا ليه
غزل:ياحبيبي انا قصدي
عاصي:خلاص يا ماما والنبي سيبني انام انا جاي تعبان من الشغل وعايز ارتاح بقي
غزل: طيب متزعلش يا حبيبي وكمل اكلك عشان خاطري
عاصي: خلاص يا ماما انا شبعت
////////////////////////////////////////
كان يجلس داخل الوكاله يتحدث اليها بعد ان سمح له والدها بحديثه معها عبر الهاتف
عدي:ايوه مش فاهم بردو يعني ايه مش بتحبي تزاكري الكيميا وناويه تشيليها دي
دانا:معرفش يا عدي بصراحه بقي مش بفهم الكيميا دي ودمها تقيل علي قلبي
عدي: طب بدل ما تقولي كده ماتحاولي تفتحي الكتاب واحده واحده وانتي هاتلقيها سهله
دانا: ماهو بابي جابلي مدرس وبيديني درس بس بردو انامش بفهم منه حاجه
عدي:طب بصي ايه رأيك اجيلك انا اذاكرها ليكي والله هاتلاقيها سهله مش صعبه
دانا بفرحه: بجد يا عدي موافقه ااقصدي يعني اجرب الله ايه الصوت العالي ده
عدي اقفلي يا دانا دلوقتي وهاكلمك تاني
اغلق معها الهاتف حين استمع صوت ابنة اخيه وهي تقف امام الوكاله تصيح في هؤلاء الشباب اللذين ظلو يلقو علي مسامعها الفاظا بزيئه وكلمات لم تسمعها من قبل
ليا: بتقول لمين الكلام ال.......... ده يا صايع منك له انت مش عارف انا بنت مين ولا ايه
ماندو:ايه ده انتي بتعرفي تكلمي اهو اومال ساكته ليه من الصبح
حماده:بس تصدق ياض ده حتي صوتها حلو
عدي:في ايه مالكم بيها عايزين منها ايه
ماندو:انت تعرفها يا عدي طب ماتظبطنا معاها
عدي :احترم نفسك يا صايع منك له وانتي اطلعي علي فوق يلا
حماده :تطلع فين خدي بس اما اقولك كاد ان يمسك رسغها الا انه تلقي لكمه قويه في وجهه
عدي:اطلعي فوق بقولك يلا
ليا :عدي تعالي اطلع معايا وملاكش دعوه بيهم
ماندو:انت بتمد ايدك علي مين ياض انت دانت عايل طري ملاكش فيها
واذا به يرد له اللكمه في وجهه وبدؤو الشجار سويا
جرت هي الي الاعلي وهي تصرخ لهم وتصيح
ليا :يامامي الحقوني اتصلي بي بابي بسرعه
قابلتها اختها بسرعه وسألتها
تيا:في ايه مالك يا ليا بتصرخي كده ليه
ليا:الحقو عدي بيتخانق في الشارع
استيقظ من نومه بعد ان استمع لصراخها وجلس علي الفراش يستمع ما تقوله
غمزه:عدي بيتخانق ليه ياليا انطقي
ليا :كان في ولدين ماشين ورايا من اخر الشارع لحد هنا وعدي شافهم
وقالي اطلعي فوق بس في واحد حيوان منهم حاول يشدني من ايدي وعدي ضربه
انتفض من مجلسه اثر سماع تلك الكلمه وخرج من الغرفه مندفع واتجه بغضب نحو الجدار المعلق عليه سيف عمه الكبير
امسكته روقيه لتجذب منه هذا السيف وصاحت رايح فين سيب البتاع اللي فايدك ده
عاصي وهو يلتفت اليها:ليه هي الجامليه نسيت مين هما ولاد الحج فضالي ولا ايه واذا به يجذب يده من يدها ويتجه للأسفل..
