رواية قصة ذهب الفصل السادس بقلم جمانه السعيدي
#البارت__6
#قصة_ذهب
#البارت السادس
جمانه السعيدي
ذهب...تعدلت رند كم يوم وبعدين رجعت
تتحجج بلمرض اني متاكده مابيها شي بس حتى لا تشتغل
اني بعدني مامداومه تعرفون المرحله الأولى تتأخر بلدوام
الحمد لله اني انقبلت كليه تربيه قسم انكليزي
رند تجي يم امي تتمسكن واني مامرتاحه واحس نفسي تعبانه ومااكدر
واني ما متعلمه على شغل البيت
كل هاي السوالف بس حتى اني اروح انضف بيتها
شكد اعجوزيه الخاطر الله
تريد الناس تخدمها وهي كون كلشي ماتسوي
امي...يمه ذهب روحي ساعدي اختج
ذهب...يمه كافي الخاطر الله اني بعد مااكدر اتحمل
شنو اني خدامه عدها
كل شويه ذهب روحي ذهب تعاي
عو فيها هذا بيتها وهي الي لازم تتحمل هاي المسوليه
مو اني
شنو اني ابقى العمر كله انضفلها وحايره بيها
خليها تعتمد على نفسها
امي...مو مريضه خطيه يمكن عدها فقر دم
اني شاكه عدها طفل البنيه نحلانه وبس نايمه مابيها حيل
ذهب...واذا تعتبر نفسها مزوجه بغير محافظه وتعتمد على نفسها
امي...يمه فتره وراح تتعلم
ذهب..هاي الحجايه سمعته من اني زغيره كلشي تربده رند
اني اسوي ابمكانها
بسببج وانتي ماكو على السانج غير زغيره باجر تتعلم
كافي بعد خليها كدام الأمر الواقع
خليها تعتمد على نفسها
ماكو وحده طلعت من بطن امها تعرف كلشي
لازم الإنسان يجرب حتى يتعلم
جمانه السعيدي
امي...ولج زوجها غريب خاف يطلكها خلينا نتعاون اني وياج بلكت الله يرزقها بطفل وتستقر وتتعلم تشيل المسوليه
ذهب...ولله مادام انتي تسديلها النقص بحياتها بعمرها مراح تتعلم
اني بعد فتره راح اداوم شلون هم ترديني اروح انضفلها
ترا مايصير هيج
اني شنو ذنبي ابتليت بيها خوما ابتليت
امي...شدعوه هيج كلبج اسود عليها هاي اختج مو غريبه
ذهب...ولله اني كلبي مو اسود واحبها بس انتي خربتيها
كافي دلال خليها تعتمد على نفسها
ذهب.دخلت غرفتي وطبكت الباب نمت للعصر كعدت مالكيت امي
بديت انضف وارتب وحضرت العشى امي مااجت
اجا بابا من برا
ذهب...بابا وين امي
بابا...راحت الرند تريد تساعدها بشغل البيت
ذهب...بله هسه هذا حجي
رند عمرها ١٩ سنه وامي عمرها ٥٩ سنه امي تنضفلها
وين اكو هيج شي
بابا...عوفيها براحتها
حضرت العشى وتصلت عليه
ذهب... ماما .يمتى تجين
امي....شويه بس اخلص طبخ وفراس يجيبني
ذهب...شنو طبخ عدهم مناسبه
امي...لا بس طبخت كم مركه علمود رند تخليهم بلمجمده
ذهب...ضلي تسدين الرند لمن خربتيها فد نوب
رجعت امي بلبل بس شنو خطيه تون من رجليها لان واكفه على الطباخ
امي...رجليه يوجعني من الوكفه
ذهب...خل اجيب ماي دافي ودهن ادهنهن اللج
امي...جيبي حب الضغط وياج لان نسيت مااخذت حب ضغط
ذهب...اي
جمانه السعيدي
اني عاندت ابد مااروحله ولا الي شغل بيها
تتصل عليه تتعارك وياي ابد عبالك مااسمع كافي خل تعتمد على نفسها بطرانه تريد خدم ست رند
وامي كل يومين رايحه عصريه يم رند تطبخلها
وتنضف وياها
عبر ٣ اشهر على زواج رند
واني بديت اداوم للكليه
كاعدين نتعشى راسا اندكت الباب قوي
طفرت فتحت الباب رند وبيدها جنطة ملابسها
ذهب..خير شكووو
رند....ولي انتي من كدامي مالج شغل بيه
دخلت امي من شافتها هي وبابا عافو العشى وكامو
بابا.. خير
رند...اني تعبانه وراسي يوجعني وهو تعاي نضفي اغسلي ملابسي اكله تعبانه مايفهم
امي...ارتاحي حبيبتي ارتاحي
ذهب...حضري عشى الاختج
رحت حضرتله عشى كعدت تاكل ولا كأنما ضايجه لان زعلانه
امي....اني باجر اخذج اسويلج تحاليل
خاف عندج طفل
ثاني يوم امي اخذتها تسويلها تحاليل
وفراس لا حس ولا خبر ولا اتصل عليه تردون الصدك الله يساعدا عليها
رجعن للبيت
ذهب..... هاا خير شبيها رند
امي...باركيلها حامل
ذهب...صلاوات بلعافيه
رند...شفتي مو اكلج تعبانه مااكدر وانتي تكولين تتعايرين
امي...اتصلي بزوجج خل يعرف
رند...لا مو اني اتصل خل ذهب تتصل علي
بس مو تكولين رند كالت
كولي رند زعلانه وماتقبل انت تعرف بحملها
واني اتصلت من وراها
خلي يجي يعتذر مني يله ارجع
ويجيبلي هديه ووويااا
ذهب...ليش يعتذر هو ضربج
رند...يااا ولله عوزه يضربني
ذهب...ولله اني لو بمكانه لوما حامل ماارجعج
رند...اي حقج تغارين مني
ذهب.. فتحت عيوني حيل .اني اغار منج وليش اغار بله
رند...ازوجت قبلج وعندي بيت وراح اصير ام
ذهب...واني راح اتخرج وتصير عندي شهاده وازوج ويصير عندي ببت و اطفال
بشنو انتي احسن مني
رند...ماما تعاي خل ذهب تفك مني اني تعبانه
امي...ذهب روحي ماما اتصلي بفراس خل يعرف زوجته حامل
جمانه السعيدي
دخلت للغرفه دزيت رساله
ذهب...هلو فراس
انتضرت تقريبا عشر دقايق
فراس.. هلو ذهب شلونح
ذهب...فارغ احجي وياك
فراس.. اذا الموضوع يخص رند مااريد احجي بي
لو مربي مطي وكل يوم اعلمه شغله جان تعلم
طاح الساني وهي كلشي ماتفهم
انتي مو اختها شلون عايشات بيت واحد ليش هي مو مثلج
ذهب...بس اني عندي الك خبر حلو
فراس...اذا يخص رند مااريده
ذهب....راح تصير اب
فراس... صدك تحجين
ذهب...اي بس اليه الحلاوه
فراس...ولو من رند مااريد اي شي
ذهب....لا يكون كلبك قاسي ترا رند تحبك
فراس...تعبت ذهب تعبت منها لو واحد غيري جان طلك من زمان
ذهب.. ولله اعرف انت كلبك جبير وماكو منك
فراس...الخاطرج راح اجي بليل اخذها
بس احجي وياها هي ليش ماتصير مثلج
ذهب...كل واحد طبعه شكل
فراس.. الخاطرج
ذهب...شكرا
ذهب....رند فراس يكول بليل اجي اخذها
رند...كتيله يجيبلي هديه ذهب خوما ارجع هيج
ذهب.. احمدي ربج قبل يرجعج هو انتي تنجرعين
رند...ياا وين يلكه مثلي اخبل
ذهب...وهو شيسوي بخبالج يريد بيت نضيف واكل طيب
مو وحده يدخل بطلع نايمه
رند...ماازوج خدامه ليش خطبني
ذهب...انتي الكلام وياج ضايع
عفته ورحت انضف بلبيت
بليل اجا بس وجها ضايج
ذهب.. اشرتله ونزلت حواجبي ليش ضايج
فراس... اشرلي على رند عود ضايج من رند
ذهب...اشرتله اضحك
جمانه السعيدي
ذهب....هااا ماكلت تريد ولد لو بنيه
فراس...كلشي الجان نعمه
رند...اني اربد بنيه تساعدني
فراس... بيش بله تساعدج خطيه طايحان اديج من الشغل
رند...هاا رجعنا الهذا الحجي
فراس....باعي رند كدام امج وابوج اذا ما تنعدلين
اني وياج مالنا عيشه سوا
لو مو حامل لو اجيبين ولي العهد
اني تعبت منج
امي....كول يالله هي بس من الحمل تعبانه
بابا....رند بابا ديري بالج على ببتج
فراس...اني قبلك تعبت من الكلام
ذهب...يله عاد خلينا نفرح بلحفيد الجديد
جمانه السعيدي
اخذها فراس وراح للبيت
هذا الحمل وكع براسي امي ماتكدر تروح تخدم رند
ورند عبالك بس هي حامل بهاي الدنيا
وامي وابوي مايرودن بيتها يخرب
اني اروح بين يوم ويوم انضف واطبخ وفراس يجيبني
للبيت
رغم عندي دوام وتعبانه بس امي تلح عليه
ورند زودتها حيل كل النهار نايمه وماتقبل نكوم من فراشها حتى ملابسها اني اغسلهن
واذا مارحت الها
تتصل باامي حتى تحجي عليه
وضل تشكي اني تعبانه مااكدر بتج ليش ما تنطي من نفسها شصار اذا تجي تنضفلي البيت
هي برائيها جاي تستغل فترة الحمل حتى اني اخدمها
وهي ترتاح
مع العلم حملها كلش زين حتى ما تتقئ بس لكتها حجه
بس الشي الي ماتعرف رند ولا اني اعرفه
ولا لحظه شكيت بي
وجودي الدائم بيت رند وكلامي وياا فراس
حرك مشاعره اتجاهي
يجي ياخذني من البيت طول الطريق يسئلني عن الكليه
مرات يرجع للبيت من وكت يكعد يسولف وياي ويتشاقا ويضحك
اذا اطبخ يوكف وياي بلمطبخ يكول علميني شلون اطبخ مثل طبخج
اذا انضف يجيب الماسحه ويساعدني
مره اغسل بلبيت لابسه نعال اصبع انكطع النعال وزلكت
وهو انخبص بيه خبص
فراس... هااا تاذيتي
ذهب...ماادري بس مااكدر اكوم
فراس.. انطيني ايدج خل اكومج
سحبني من ايدي وكفت
فراس...هااا تاذيتي
ذهب...رجلي من الورك توجعني
فراس...اخذني على كيف كعدني على الكرسي
اخذج للمستشفى
ذهب...لا هسه اصير زينه شوية وجع وهسه يروح
فراس...اني راح انشف الكاع
رند صاحت من غرفتها هااا شكووو
فراس...ذهب وكعت
اجت تمشي للمطبخ
فراس.. على كيفج لا ازلكين
رند. هااا شبيج
ذهب.. مابيه شي وكعت انطيني شي البسه ملابسي تبللن
راحت جابتلي تراك جويتي وبي أقلام ابيض
دخلت للحمام اجر برجلي جر
غسلت وبدلت وطلعت
فراس...اذا توجعج رجلج خل انروح للمستشفى
ذهب...لا ماكو داعي
رند .لا خل ياخذج فراس
ضلو ثنيبنهم يلحون عليه
رحت اني وفراس للمستسفى
نزل من السياره قبلي فتحلي الباب لزمني من ايدي
ونزلني بقا لازم ايدي ويمشي على كيفك
اخذني للدكتور وبعدين للاشعه الحمد لله طلع رض بسيط
الدكتور انطاني ابره وحبوب وكال ارتاحي يومين
