رواية زواج صعيدى (جميع فصول الرواية كاملة)بقلم ايمان صالح

_ عريس !!! هو انتي اخدتي دور ماما ولا اي 

_اسمعي بس 

_ ها مين 

بوجع _الياس 

_ الياس مين 

_ جوزي 

_جوزك!؟؟

_اها 

_ انتي مجنونه يا ايسيل انتي جايباني من القاهره ل صعيد عشان تقولي اتجوز جوزك ؟

_ افهمي بس 

_ افهم اي وانيل أي انتي في وعيك يا ماما 

_ اها في وعي 

_فوقي يا ايسيل انتي بتقولي اتجوز جوزك لا ده مش جوزك بس ده حب عمرك وانتي بتقولي اتجوزيه بسهوله كده 

_يا اسيف اسمعيني يا حبيبتي الاول 

_ اهو يلا فاهميني 

_ انتي عارفه اني هعمل عمليه صح 

_ اها عارفه وإن شاء الله هترجعي بالسلامه

_ لا مش هرجع 

_ بعد الشر عليكي انتي دخلتي في علم ربنا ولا اي 

_ لا انا حاسه بنفسي 

_ يا حبيبتي إن شاءالله هتقومي بالسلامه وتربي وعد 

_ ما هو عشان كده قولتلك تتجوزي الياس عشان وعد انا مش عايزه بنتي تتربي بعيد عن ابوها وانتي لازم تكوني معاها بنتي مش هطمن عليها مع غيرك 

حضنتها _ يا حبيبتي متقوليش كده إن شاءالله هتقومي بالسلامه وتفرحي بوعد 

_ اسيف اسمعي كلامي 

_ حاضر 

_ اوعديني 

_ اوعدك ب اي 

_ اني لو موت تتجوزي الياس 

ترقرقت الدموع في عينها 

_ بالله عليكي متقوليش كده عشان خاطري انتي هتقومي بالسلامه

_ معلش عايزاكي تهدي و توعديني بالله عليكي وعد و الياس في قلبك 

بعد قليل ذهبت اختها في سبات عميق وخرجت من الباب وهي تتألم علي حال اختها كيف تطلب منها هذا الطلب وهي تعشق زوجها حد الجنون وهو الآخر يعشقها 

Eman Saleh 

عاد من عمله وهو خائف علي زوجته ويدعو لها بالشفاء محبوبته كما يطلق عليها وزوجته وام ابنته مريضه لا يستطيع التحمل فهو  يعشقها حد الجنون دخل الي الغرفه ببطئ وجدها نائمه اقترب منها بهدوء وقبل رأسها في هذا الوقت استيقظت وابتسمت بوهن 

_ الياس حمدالله على السلامه

_الله يسلمك يا حبيبتي عامله ايه

_ الحمدلله اجهزلك الاكل 

_ لا ارتاحي يا روحي انا اكلت 

_ طيب يا حبيبي 

_ اومال فين وعد 

_ نايمه مع خالتها 

_ ماشي 

_ الياس 

_ نعم يا حبيبتي انتي تعبانه 

_ لا متقلقش هو انا ممكن اطلب منك طلب 

_ اكيد يا روحي اؤمريني 

_ اوعدني انك هتوافق 

_ طيب اعرف الاول 

_ اوعدني بس انك هتوافق 

_اوعدك 

_ عايزاك تتجوز اسيف اختي 

_ نعم 

_زي ما قولتلك كده 

_ انتي ازاي تفكري كده

_ بالله عليك وافق انا خلاص هموت 

_ بعد الشر عليكي متقوليش كده انتي هتعملي العمليه وهتبقي كويسه 

_ لا انا حاسه اني هموت 

_ بلاش كلام فارغ بالله انتي لو جرالك حاجه هموت بعدك 

_ بعد الشر عليك انت لازم تنفذ وصيتي عشان وعد 

_ وعد انتي هتقومي وتربيها وكمان هتجبيلها اخوات 

_ مش باين 

_ ليه بتقولي كده 

_ انا حاسه اني هموت بجد ف اوعدني انك هتنفذ وصيتي 

_ ربنا يسهل 

_ لا بالله عليك وحياتي عندك يا الياس لتتجوز اختي 

بعد قليل غفت في سبات عميق ودثرها جيدا وذهب الي الشرفه وجلس يفكر ونظر لسماء ويخرج اوجاعه وهمومه شرد 

Eman Saleh 

كان مع اخيه اول يوم في الجامعه له بعدما أوصله بسيارته الخاصه راي ملاك يمشي على الارض كانت تسير سريعا ذات العيون السوداء وبشره ناصعه البياض طويله القامه أخذ يفكر بها كثيرا علم انها في نفس كليه أخيه ولكن تكبره بعام كان يذهب كل يوم لكي يراها هي فقط أصبح أسيرا لها يعشقها كان يفكر في اول مره اراده ان يتحدث معها ذهب إليها 

_ لو سمحتي ممكن طلب 

_ اكيد اتفضل 

_ ممكن رقم والد حضرتك 

_ لي 

_ هتعرفي بعدين 

نظرت له بعدم فهم ثم أعطته رقم والدها وأخذه وهو سعيد جدا طلب والدها وحدد معه ميعاد وذهب لخطبتها دخل بتوتر وجلس علي الاريكه دخل عليه والدها 

_ ممكن تعرفني بنفسك 

_ احم اسمي الياس المهدي عندي 27سنه خريج كليه تجاره ومن الصعيد من محافظه قنا بشتغل محاسب في شركتنا تبع الصعيد 

_ تشرفت بيك واي المطلوب مني 

_ احم بصراحه جاي اطلب ايد بنت حضرتك 

_ وانت تعرفها منين 

_ بصراحه كده انا شوفتها بس انا معرفش عنها حاجه خدت منها الرقم وجيت حتي انا معرفش اسمها اي 

_ شوفتها فين 

_ في الجامعه وانا بوصل اخويا 

_ اسمها ايسيل بس هي لسه تانيه جامعه 

_ عادي ممكن تكمل عندي 

_ازاي وانت من الصعيد 

_ لا انا عندي شقه هنا وشقه عايش فيها اخويا 

_ طيب انا هدخلها تتكلموا مع بعض 

_ شكرا لحضرتك جدا 

خرج وكان الياس في حاله من التوتر الشديد له بعد قليل دخلت باتزان وجلست بهدوء 

_ السلام عليكم

_ وعليكم السلام اخبارك ايه

_ الحمدلله 

_ احم هعرفك بنفسي انا الياس 

وقمت بتعريف نفسي لها كانت بريئه جدا بعد ذلك ذهبت إلى الصعيد لاخبرهم بذلك ذهبت الي والدي وأخبرته 

_ انت اتچننت في عقلك اياك انت هتتچوز ورد بت عمك 

_ لاه يا بوي ورد لساتها صغيره 

_ لاه ولا صغيره ولا حاچه انت هتتچوزها 

_ يا بوي صغيره وانا بصراحه أكده 

_ اي 

_ انا رايد واحده تانيه 

_انت بتجول اية

الفصل الثانى من هنا