رواية قصة ذهب كامله جميع الفصول بقلم جمانه السعيدي
#قصة_ذهب
البارت الاول
جمانه السعيدي
اليوم اول يوم بلمدرسه
صف اول ابتدائي مدرسة الاحرار
اني كلش فرحانه بلمدرسه اني و اختي رند
رند ازغر مني بثمن اشهر
اني لازم من السنه الي فاتت اسجل بلمدرسه
بس امي ماقبلت اتسجلني
تريدني اني ورند نسجل سوا بلمدرسه
حتى اشترتلنا نفس الملابس
لان رند تزعل اذا امي اشترتلي ملابس غير ملابسها
احنا نلبس نفس الشي
امي وصتني على رند اكثر ما توصيني على نفسي
احس نفسي جبيره ومسؤوله عن اختي
صح اني مو اكبر منها هواي
بس اني من زغيره امي محملتني مسولية رند
ديري بالج على اختج
روحي اشتري الاختج
روحي غسلي الاختج
روحي شوفي اختج وين
لاتوكع ديري بالج عليها
اذا بيدي اكله راسا امي تكول انطي الاختج منها
اذا عندي ملابس تعجب رند
تكول امي انطيهن الها خطيه زغيرونه
تعلمت من اني زغيره اني مسؤله عن اختي
جمانه السعيدي
اليوم اول يوم بلمدرسه
امي وصلتنا للمدرسه
امي...ذهب ديري بالج على اختج اكعدن بنفس الرحله
انتبهي الاختج مو توكع
مو تعوفن جنطجن بلصف هاج هاي الفلوس اشتري الاختج اذا تريد تروح للصحيات روحي وياها
لا تعوفيها وحدها
ذهب....امي كافي شكد توصيني على رند كافي
كل ذني السوالف اعرفهن وحافظتهن
امي...عفيه بنيتي
ذهب...دخلنا للصف وامي اطمنت كعدنا اني ورند نفس
الرحله
رجعت امي للبيت وهي مطمنه
لان تعرف اني كد المسؤليه
اني صح زغيره بس شاطره ونبهه وافتهم
وحريصه على نفسي وعلى اختي
دخلت المعلمه
كان الصف هوسه وكفنا
المعلمه...اكعدو اهلا بلطالبات الحلوات شنو هذا الجمال
والترتيب
خل نتعرف على اسمائكم
بدينا نوكف وحده وحده ونعرف على نفسنا
وصلة اليه
ذهب....اني ذهب على سلوم
قبل لا توصل الرند
ذهب...هاي اختي رند
المعلمه...ماشاء الله انتم توم
ذهب...لا اني اكبر بس امي اخرتني علمود نجي للمدرسه
سوا اني ورند امي تخاف عليه
المعلمه...يله رند سمعينا صوتج
رند...اني رند علي سلوم اختها واشرت على ذهب
المعلمه...عفيه برند الحلوه
جمانه السعيدي
استمرت المعلمه تسئل الطلبات عن اسمائهن
اكو بيهن يبجن واكو خايفات
بس اني جنت مسيطره
الدرس الي بعدا اجت المعلمه نفسها وبيدها سجل بأسماء الطالبات
تريد تثبت اسماء الطلبات حتى تعرف كل صف شكد بي طالبات وشنو اسمائهن
بدت تصيح وحده وحده
تذكر الاسم الثلاثي الكل طالبه
وصلت الاسمي
ذهب علي سلوم وكفت وكتلها نعم ست
رند يوسف محمود
بقيت صافنه وانتظر صاحت الاسم مرتين
بس محد وكفت
المعلمه....منو رند ووين رند
رند....اني اسمي رند
المعلمه...ليش متكولين نعم
ذهب...ماكدرت اصبر
...ست هاي اختي اسمها رند علي سلوم مو رند يوسف محمود
المعلمه...بس هنا عندي مكتوب بلسجل
رند يوسف محمود اكو بعد وحده اسمها رند
الكل سكت محد اكو بهذا الاسم
المعلمه...رند يوسف محمود محد اكو غيرج هنا رند
رند...لا اني رند علي
المعلمه...خلاص اني اتأكد من الاسم وارجع
كملت المعلمه الصف كله
وراحت للاداره ورجعت
المعلمه...رند حبيبتي انتي اسمج طلع صحيح
رند يوسف محمود
ذهب..كمزت من مكاني لا ست انتي غلطانه هاي أختي
المعلمه...اني امشي على السجلات الي عندي
جمانه السعيدي
ذهب...كلش ضجت وكرهت المدرسه والمعلمه
شنو يغيرون اسم اختي
اني بعد باجر مااجي
اكلهم اختي هاي اختي يكولون لا هاي رند يوسف
محمود
بقينا نفتر بلمدرسه واني كلش ضايجه
احس نفسي ماكدرت احافظ على اختي
احجي بكلبي على المعلمه
عود ليش ما تصدقني قابل السجلات تفتهم اكثر مني
هاي اختي واسمها مثل اسمي
تكول الامي ماما
وتكول الابوي بابا
بعد ليش هاي المعلمه كوه تغير اسم اختي
اريد الدوام يخلص حتى ارجع للبيت واحجي الامي
لازم تجي باجر وتصحح اسم رند
اني زغيره والمعلمة ماتاخذ كلامي
بس اكيد راح تصدك امي
خلص الدوام ورجعنا للبيت بنص الطريق امي اجت
امي...هاا طلعتن اجيت اخذجن
ذهب...اني بعد مااروح للمدرسه
رند...اني هم مااروح
امي...الله يستر ليش ماترحن
ذهب...هاي المعلمه ماتفنهم اكله هاي اختي رند
تكول لا هاي اسمها رند يوسف محمود
امي...هههه وانتي ليش عصبيه
ذهب...اذا ماترحين باجر ويانه وتفهمين المعلمه وتكولين
هاي اخت ذهب واسم ابوها علي
بعد مااروح للمدرسه
رند...اني هم مااروح
امي...اي ميخالف باجر اني اروح وافهم المعلمه
بس بسرعه امشن لان الجدر على الطباخ
باجر تجن وحدجن وترجعين وحدجن اني مااكدر يوميه
عايفه بيتي وجايه رايحه
هنا شارعين حالجن حال البنات
ذهب...لا باجر تجين ويانه تكولبن للمعلمه ذني خوات
حتى تكتب اسمنا نفس الاسم
وصلنا للبيت بدلنا ملابسنا وامي جهزت الاكل وكعدنا نتغدا
جمانه السعيدي
احنا من محافظة بغداد
عائلتنا تتكون من اخت جبيره هي أكبر وحده
مزوجه بأطراف بغداد بلشهر تجينا مره تبقى عدنا
٣ ايام وترجع البيتها عدها اطفال ثنيين ولد وبنيه
واخ عمرا عشرين سنه السنه اخيره معهد نفط
امي بعد ما صار اخوي عامر كعدت ١٣ سنه بدون حمل
جانت ادور ليل نهار
بلكت تحمل تريد بعد اطفال
بس بعد ما راجعت وملت كعدت
واقتنعت هذا حد رزقها بنيه وولد هاي هي
الحد ما كشفت بلصدفه هي حامل بعد ١٣ سنه من ولادة اخوي عامر
حست بطنها تكبر هي كانت تعاني من القالون العصبي
توقعت هاي اعراض القالون
لمن راحت للدكتوره اتفاجئت بلحمل
امي هنا كان عمرها ٣٩ سنه
من انولدت اني امي دخلت بالاربعين
بابا صمم يسميني ذهب يكول اني وامج مثل الي نمشي بصحراء ولكينا ذهب
انتي ذهب
اسمي كلش مميز وكل واحد يسمع اسمي يتعجب بي
جمانه السعيدي
بعدين اني مااذكر اي شي عن ولادة اختي رند
لان احنا تقريبا نفس العمر
مرحله الطفوله
ناكل سوا ونلعب سوا ونام وحدا بصف الثانيه
امي تشتريلنا نفس الملابس
بس مثل ما كتلكم بلبدايه
امي تعتبرني مسؤله عن رند
مرات اضوج وانزعج من هاي المسؤليه
بس بعدين اهدء
هاي اختي الزغيره واني احبها ومتعلقه ببها
حتلو نتعارك نرجع نتصالح بنفس اللحظه
اني حتى مسؤله عن جيس الجبس افتحه الها
والنستله والبسكوت والعصير
احسها ماتكدر تسوي اي شي بدوني
يمكن امي نجحت تخليني احس اني مسؤله عنها
ولازم انتبه الها
نرجع لليوم الاول بلمدرسه
اول مابدينا ناكل
كان بابا موجود وعامر وامي واني ورند
ذهب...هاي اامعلمه ماتفتهم أكلها رند اختي واسمها نفس اسمي
تكول لا هاي اسمها رند بوسف محمود
شكد غبيه الخاطر الله
