 |
رواية كدبه لا يمكن التخلص منها الفصل التاسع والثلاثون 39 بقلم حنان أحمد
في الصباح سونا بتفتح عينها و بتحس بصداع رهيب بعدين بتحس بتقل في أيدها ف بتبص بتلاقي انور انصدمت و شدت ايديها
انور حس ب كده صحي لاقها صحيت فرح وقال: سونا حبيبتي انتي صحيتي قرب منها حضنها وكمل: كنت خايف اخسرك كنت هموت فيها
بعد عنها وقال: انا هروح انادي علي الدكتور يا حبيبتي ماشي استني هرجع بسرعه وسبها وسط زهولها مش فاهمه ايه اللي حصل وازاي بيكلمها بطريقه دي
اما عند مهند في بيته بنلاقي حد بيخبط على الباب مهند: ايوه حاضر حاضر مش كده في ايه الباب هيتكسر يا اللي بره
بيفتح الباب وبيتصدم وبيفرح وبيقول: بابا
حكمت بابتسامه وهو بيبادله الحضن: عامل ايه واحشني يا ابني
مهند بعد بفرحه وقال: كويس بعد ما شفتك يا حبيبي انت اللي واحشني قوي فينك كل دي غيبه يا بابا
حكمت بابتسامه: ما فيش غيبه بعد كده خلاص زمن حكمت رجع انا هستقر في اسطنبول ومش هرجع اسافر تاني ولا اسيبك يا حبيبي
مهند بفرحه: احسن خبر سمعته ايوا كده يا حكمت بيه
حكمت: طب ايه هفضل واقف علي الباب كتير ولا ايه النظام
مهند ضرب علي رأسه وقال: يا من فرحتي نسيت وربنا ادخل يا حبيبي وانا هدخل اعملنا الفطار يلا
في بيت عزت حياه بتصحي وبترن علي أسر وبتقوله أنها محتاجه في موضوع مهم ف هيجي علي العنوان اللي هتبعتوا ليه وبعدين بتتصل علي شخص تاني وبتكون ريتاج بتشتغل في الشرطه ومن أكبر الظباط اللي بيشتغلوا بكفاءة بتحب شغلها جدا حتي أنهم سموها الفهد بسبب شطرتها وقوتها وهي بنت لطيفه برضو وده من مميزتها أنها بتقدر تفصل الشغل عن الحياه الشخصيه
حياه : الو انا محتجاكي في موضوع مهم
ريتاج بضحك: طب الناس بيقولوا ازيك وحشتيني كده يعني بقلنا كتير مش بنتقابل وفي الاخر تقول محتجاكي في موضوع مهم
حياه بدموع وجمود: الموضوع اللي محتجاكي فيه كبير اوي لو سمحتي تاعلي علي العنوان ده انهارده
ريتاج بقلق علي صاحبتها: طيب يا حبيبتي متقلقيش هاجي من عيني هخلص شغل بسرعه واجي
حياه بابتسامة: شكراً يا حبي
ريتاج: علي ايه يا قلبي احنا صحاب برضو يلا سلام علشان الحق اخلص شغل
حياه قفلت معاها لفت لقت مراد قدامها ومدايق اتخضت وقال: انا نفسي في مره متخضنيش بطريقه دي هتوقفلي قلبي يا مراد
مراد بتريقه: سلامه قلبك يا حبي
حياه باستغراب: مالك في ايه اللي مدايقك
مراد بغيره: لا ابدا داخل علي حبيبتي لقتها بتتكلم في التليفون بتقول لحد حبي وكلام فاضي عايزاني يبقي مالي
حياه ضحكت عليه وقالت: بالله عليك ده وقت غيره ده مش شايف احنا في ايه ولا في ايه
مراد شدها عليه وقال: اللي احنا فيه ميمنعش انك حبيبتي انا اللي احنا فيه ميمنعش انك بتاعتي وانك حبي الاول والاخير وميمنعش كمان اني اغير عليكي
حياه ابتسمت بحب وهي بتبصله في عينه وحطت ايديها علي خده وقالت: بحبك اوي يا مراد بحبك
وحضنته وهو بدالها الحضن بعدين بعد عنها بسرعه وقال بغيره واضحة جدا في عينه: انتي مفكره أن الكلمتين دول هينسوني يلا يا هانم قولي كنتي بتكلمي مين
حياه ضحكت علي جنانه وقالت: دي صاحبتي يا مراد صاحبتي والله
مراد هدي شويه وقال: طيب بس بعد كده تناديها باسمها فاهمه
حياه بضحك: انت هتغير من صاحبتي ولا ايه
مراد: اه هغير وبعدين انا حبك مش هي ف بلاش شغل المجاملات ده
حياه سكتت وافتكرت سونا وزعلت مراد حس بيها وقال: انا كنت جاي علشان اقولك يلا هنروح لها انور اتصل بملك وقال إنها فاقت
حياه فرحت : بجد
مراد ابتسم: اه حتي أنه كان ساعتها رايح يطلب الدكتور علشان يقول ايه حالتها
حياه: طب يلا خلينا نلحق نروح
حياه ومراد وملك وامير راحوا المستشفى
اما عند مهند وحكمت كان حكمت قاعد لوحده في الاوضه وبيتكلم في التليفون مع شخص وبيقول: ها عملت ايه جبتلي معلومات عنهم ولا لسه
الشخص: اه تمام جبت دلوقتي سونا في المستشفى وحياه وملك وانور معاها ومعاهم شخصين تانين
حكمت بغضب: وانت مستني اسألك مين هما ما تنطق يلا
الشخص بخوف : حاضر والله دول امير ومراد أوغلو صحاب شركة MA.Net
حكمت بتفكير: وايه اللي يخلي شخصين زي دول مع ملك وحياه ووقفين جمبهم علي طول
الشخص: اصل امير بيحب ملك ومراد كمان بيحب حياه واعتقد أنهم هيعرضوا عليهم الجواز
حكمت بغضب: وانت كنت مستني اسأل يا حمار علشان تقول مش كده
الشخص بخوف : انا اسف جدا يا حكمت بيه
حكمت: المهم دلوقتي عايزك تنفز اللي هقوله بالحرف الواحد فاهم
وبدأ حكمت يقول خطته واللي منها عايز يقضي علي حياه وملك من خلالها
في المستشفى في غرفه سونا كان انور قاعد قصادها وهو بيجهز الاكل علشان تاكل وبيقول بحماس : الدكتور قال انك هتخرجي انهارده عادي مافيش خطر علي صحتك بس الاهم انك لازم تاكلي دلوقتي علشان الدوا يلا يا قلبي
ولسه هيحط الاكل في بقها إلا أنها منعته وكان بتبصلوا باستغراب شديد وعدم فهم مش فاهمه هو بيعملها ليه كده وكمان مش عايزه تحن لأن قلبها مش مستحمل حنيته دي كلها وشويه وهتعيط فضل باصص في عيونها فهم هي بتفكر في ايه شال الاكل من قدامه وقرب منها حاوط وشها بايده وقال بحنيه : انا عارف انتي بتفكري في ايه انا غلطت يا سونا عرفت الحقيقه كلها بس في وقت متأخر عارف ومتأكد انك زعلانه مني ازاي صدقت حاجه زي دي بس صدقيني قلبي كان بيوجعني جامد مكنتش مصدق أن حبيبتي حبي الاول والاخير تعمل كده وتخون ثقتي فيها انا اسف يا روحي لو سمحتي سامحيني
سونا بدأت دموعها تنزل وقالت بعياط: عرفت ازاي
انور بيتكلم وهو بيمسح دموعها: مش مهم عرفت ازاي عرفت وخلاص
سونا بتعيط ومش عارفه ترد عليه تقول ايه
انور : حبيبتي لو سمحتي متعيطش علشان خطري انا قلبي مش مستحمل يشوف دموعك كفايه يا قلبي
خدها في حضنه هي فضلت حضنا شويه بعدين بعدت عنه وقالت وهي بتمسح دموعها : مش هينفع يا انور مش هينفع نكون مع بعض هيأذيك وانا مش هقدر اشوفك بتموت قدام عيني
انور كان لسه هيرد فجأتهم حياه وهي بتقول: مش هيقدر انا مش هسمحله كفايه اللي عمله زمان مش هسمحله يأذي حد تاني كفايه لحد كده
سونا بصت علي حياه بدموع اخيرا بعد مده شافت صديقه عمرها واللي بتعتبرها اختها حياه قربت منها وحضنتها وقالت بدموع: وحشتيني اوي وحشتيني يا بارده
سونا ضحكت وهي بتحضنها : انتي اللي وحشتيني و وحشني جنناك يا مجنونه
حياه ضحكت وملك قربت منهم وهي بتقول بهزار: اعتقد كده انا مليش مكان وسطكوا صح
سونا بصت عليها وقالت: انا كده شكلي بحلم مش معقول انتوا الثلاثة مره واحده
ملك ضحكت وقربت منها حضنتها و سونا بدلتها الحضن بعدين بعدت عنها وقالت بحزن: مش هينفع كده هيعرف انكوا معايا ومش بعيد يكون عرف اساسا
حياه بجمود: وهو ده المطلوب اصلا
انور بص عليها وقال: انتي بتفكري في ايه
في الوقت ده دخل شخصين حياه راحت قفلت الباب وبالمفتاح وقالت: اعتقد انتم عارفين أسر مش لازم اعرفكم علي بعض ودي ريتاج صاحبتي هتسعدنا في الموضوع ده بس انت يا أسر متعرفهاش ولا هي ف اتعرفوا لانكم هتشتغلوا مع بعض
أسر بص علي ريتاج بعدين بص علي حياه: انتي عارفه أن شغلنا مافهوش هزار ازاي بقه هشتغل معاها ده انتوا لما ظافركوا بيتكسر بتعيطوا
حياه ضحكت وكانت هترد بس ريتاج مدت ايديها وقالت بغيظ : اعرفك بنفسي انا فهد المخابرات لو مكنتش تعرف يعني وكمان انا مش بطول ضوافري علشان تبقي فاهم
أسر اتصدم مكنش متوقع أبدا أن فهد المخابرات ده يبقي بنت مد أيده وسلم عليها وهو لسه في حاله زهوله حياه ضحكت عليهم ريتاج بصتلها بغيظ وقالت: انتي بتضكي علي ايه ممكن افهم
حياه حضنتها بضحك وقالت: ابدا يا رورو بس زي ما توقعت انكم هتحبوا بعض جدا
ريتاج قالت : تواقعتك مش في محلها يا ست حياه
حياه بعدت عنها وقالت: بكره تشوفي يا قلبي
حياه راحت وقفت قدام مراد وقالت: انا عايزاك تبقي واثق فيا و مش عايزاك تخاف خالص عليا لاني اللي هعمله ده الصح
مراد بقلق: انتي هتعمل ايه ايه حياه فهميني انتي بتفكري في ايه
ملك قربت منها بقلق: حياه انتي عايزه تعملي ايه ممكن تفهمينا
حياه: هو ده بالظبط اللي جمعتكوا علشانوا وراحت قعدت وكملت كلامها وقالت: بدل ما حكمت ينصبلنا الفخ احنا اللي هننصبوا
ريتاج بجمود: بتفكري في ايه يا حياه
حياه بصتلها بابتسامه لأنها فهمتها : في اللي انتي بتفكري فيه
كلهم بصولها بقلق وبدأت خطتهم من هنا
بعد شويه خرجوا من المستشفى بس وهما خارجين حياه قالت: يا نهار ابيض نسيت التليفون هدخل اجيبه واجي بسرعه
مراد وقفها: استني هجي معاكي
حياه ابتسمت: متقلقش عليا هاجي بسرعه
كل ده وفي حد بيراقبهم وكان مستني أن حياه تبقي لوحدها علشان ينفذ الخطه حياه دخلت الاوضه علشان تجيب التليفون اخدته وجت علشان تطلع في حد هاجمها وخدرها وخدها من غير ما حد ياخد باله
كلهم ركبوا العربيات الا مراد كان قلقان وقال: هي اتأخرت كده ليه انا هروح اشوفها
امير وقفه وقال: اهدي يا معلم هتلقيها جت
ملك بضحك : ما هو من ساعت اعترفوا لبعض وهما كده مش عايزين يبعدوا عن بعض لحظه
امير ضحك ومسك مراد وقال: يا عم اهدالك شويه هتلاقيها جايه دلوقتي
مراد كان قلقان جدا وحاسس بنار جواه خايف ل يكون حصلها حاجه بس قال يفضل شويه يستنا لو مجتش هو هيدخل يجبها بنفسه
بعد شويه وقت بتفتح عينها بتلاقي نفسها في مخزن كبير متعرفش هي فين ولا ايه اللي جابها هنا بتلاقي حد بيقرب منها وبيقول: والله ليكي وحشه كبرتي واحلواتي يا بنت كايا
حياه بتبص علي مصدر الصوت بغضب : علي قد ما انا مش فاهمه انت عايز مني ايه علي قد ما انا فرحانه انو اخيرا التقانا
حكمت ضحك بشر وقال : ودي اخر مره هنلتقي يا حلوه وهتبقي اخر مره تشوفي فيها النور كمان قولي باي باي لحياتك يا حياه
طلع مسدس من جيبه وصوبه ناحيتها حياه بصت عليه بخوف حكمت داس علي الزناد بتاع المسدس وانطلقت طلقه في الهوا ساعتها كان مراد والباقي وصلوا المكان ومراد قال بخوف حياه...............
