رواية عشقي الابدي الفصل الخامس بقلم سلمي عبد الجليل
طلعت من اوضتي لقيت بابا وفهد قاعدين يتكلموا وماما ف المطبخ بتعمل الفطار وساعه م بابا وفهد شافوني سكتوا
شهد وهي بتضيق عينيها: القعده دي اكيد بيتقال فيها اسرار
فهد: ي شيخه اتنيلي اسرار ايه دا فيه مشكله ف الشغل كنت بسال عمي احلها ازاي
شهد: طب م تقولولي يمكن اعرف احلهاا
احمد: مش هتعرفي يلا روحي ل ماما المطبخ ساعديها
شهد بضيق: ماشي
بعد م شهد مشت
احمد: الحمدلله انها مسمعتش حاجه
فهد: ايوه دا انا كنت مرعوب لتسمعنا
احمد: يلا حصل خير كمل بقاا
ياتري ايه الحاجه الي كان احمد وفهد بيتكلموا فيها ومش عايزين يعرفوا شهد؟؟؟ هنرف بعدين يلا ع المطبخخخخخ
شهد: صباح الخير ع حبيبه قلبي
سلوي: صباح النور ي حبيبتي
شهد: مصحتنيش بدريليه اساعدك ي سوسو
سلوي: ي حبيبتي انا لما دخلت لقيتك نايمه صعبتي عليا لانك التلت ايام بتوع الجامعه كنت بتصحي بدري ف قولت اسيبك ترتاحي انهارده
شهد: حبيبتي انتي ي ماما دايما خايفه عليا ربنا ميحرمنيش منك يارب
سلوي: وميحرمنيش منك ي حبيبتي يلا نطلع الفطار ع السفره عشان ابوحميد وفهد ميجوش يقتلونا
شهد بضحك: يلا اصل البشمهندش دا مفجووع اوي
وضحكوا هما الاتنين وطلعوا الاكل
ع الفطاررر.....
فهد: شهد انا قولت لابوحميد اني مش هاجي معاكوا ف الخروجه بتاع انهارده لاني زي م انتي عارفه اني متفق مع يوسف
شهد بزعل بس نجحت انها تداريه: عادي بما انك انت واسد ويوسف هتخرجوا انهارده هقول لفاطمه تيجي معانا وخلااص ولو خلصت قعدتك مع صحابك ابقي تعالي المكان الي بنقعد فيه بتاع كل جمعه
فهد: خلااص ماشي
شهد: ابوحميد حبيبي... عادي اجيب صاحبتي معانا
احمد: اكيد ي حبيبتي هو انا اقدر ارفضلك طلب
ادته بوسه ع الهوا وقالتله: والله انتي الي حبيبي ي ابوحميد ي عسل انت
سلوي بتصنع الزعل: يعني انتي حبيبه ابوحميد وابوحميد حبيبك انا حبيبه مين بقاا
فهد بضحك: حبيبه قلبي انا ي سوسو
سلوي: قلب سوسو انت
وضحكوا كلهم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف ڤيلا اسد......
ع الفطار
اسد: فطووم حبيبي فهد كلمني وقالي ان شهد عازماكي تخرجي معاهم لان انا وفهد ويوسف وعمرو هنخرج ومش هعرف اخرجكوا لقيه بيكلمني ويقولي ان شهد عازماكي
فاطمه: ايه رايك ي بابا اروح
حسن: ايوه ي حبيبتي روحي
اسد: تمام ابقي كلمي شهد عرفيها
فاطمه: حاضر بس هاخد ليلو (ليلي مرات اسد) معايا
اسد: عايزه تروحي ي ليلي والي ف بطنك دا اخاف يجرالك حاجه
ليلي: متقلقش ي اسدي مش هيحصل حاجه وبعدين احنا هنروح نتنطط يعني دا احني هنخرج
اسد: خلااص ماشي هبقي اوصلكوا عند بيت عمي احمد واخد فهد ونمشي
ليلي وفاطمه: ماشي
خلصوا فطار وفاطمه كلمت شهد
فاطمه: ايوه ي شوشو وافق اصلا انا مقلتلوش انك كلمتيني انا لقيته هو الي بيقولي ان فهد كلمه وحكتلها الي اسد قاله... ف لما لقيته موافق قولت اشطاا
شهد: طب الحمدلله نتقابل بقاا عندنا ف البيت
فاطمه: تمم وانا اصلا عاملالك مفاجاه
شهد بفضول: ايه هي
فاطمه: وتبقي مفاجاه ازاي يلا سلام ي شوشو
شهد: سلام ي اختي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في مكان ما
مجهول1:الحمدلله اخيرا الورق بقا معايا دي اهم صفقه كان هيدخلها يوريني بقا هيدخلها ازاي
مجهول2:بس انا بردو مش عارف ي باشا ليه بتعمل كدا دا
مجهول1:دا تار قديم ولازم اخد حقي دلوقتي
مجهول2:الي تشوفه ي باشا انا معاك ف اي حاجه
مجهو1 ابتسم بشررر وقال: واخيرا مسكتك من ايدك الي بتوجعكك ي حسن
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الساعه 5..
ف بيت شهد..
شهد: انا خلصت ي ماما ايه رايك؟ كنت لابسه دريس كحلي ف ابيض ولابسه الخمار ابيض
سلوي بحب: قمر ي حبيبتي ربنا يحميكي يارب
شهد: تسلميلي ي ماما انا هكلم فاطمه اهو اشوفها جهزت ولا لا انا عايزه اشوفها بسرعه عشان اعرف المفاجاه الي عملاهالي
سلوي: ماشي ي حبيبتي يلا روحي انتي كلميها ع م البس انا كمان
خرجت من اوضه ماما لقيت بابا وفهد قاعدين ف الصاله فهد لابس تيشرت ابيض وعليه زي رسمه كدا لونها اسود وبنطلون اسود تنحت شويه ياااه ايه الحلاوه دي هو فيه حد كدا ي جدعاان مع اني عارفه اني مليش حق اني ابص عليه او اغير عليه و غيرتي تدفعني لاني اخبيه مش عايزه حد يشوفه غيري اناا عايزاه يبقي ليا انااا انا خايفه ليكون المكان الي هيسهروا فيه يكون فيه بناات ياني اكيد هيعاكسوووه طب اعمل ايه فوقت من سرحااني ع رنة موبايلي استغفرت ربناا كتير عشان البص الي بصيته ع الاستاذ فهد دا وربنا بيخليني اخد سيئات منه لله والله يلا ربنا يسامحني بصيت ف الفون لقيتها فاطمه
شهد: السلام عليكم
فاطمه: وعليكم السلام ورحمة الله وبركاته.. انا تحت البيت ي شهد
شهد بفرحه: بجد اشطاا هنزلك فوريره عشان اشوف المفاجاه
فاطمه بضحك: ماشي. ياختي بس بسرعه
شهد هي واحمد نزلوا تحت عشان يستقبلوهم
شهد: فاطمه حبيبتي والله وحشتيني وخدتها بالحضن
فاطمه: انتي اكتر ي شوشو
شهد: فين المفاجاه دا انا فضولي هيموتني
فاطمه: ماشي هتشوفيها اهوو.... اظهر وباااااان
خرجت ليلي م العربيه وكانت بطننها منفوخه ايوه هي ف الشهر السابع وكانت لابسه دريس لافندر وخمار ابيض
شهد: ايه دا مين القمر
اسد: القمر دي تبقي مراتي
شهد: ما شاءلله عسل اوي وسلمت عليها
واحمد سلم ع اسد وقعد يقوله انه يطلع بس اسد رفض وفهد وقتها كان نزل ومشي هو واسد وسلوي نزلت هي كمان وركبوا العربيه بتاعت احمد ومشيوااا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف كافيه ع النيل.....
اتجمع اسد ويوسف وعمرو وفهد وسلموا ع بعض
عمرو: تصدق يلاا انك ندل يعني احنا بقالنا سنتين مش بنتقابل وانتي حتى متعبتش نفسك تدور ع ارقامنا
يوسف: والله غصب عني الظروف اقوي م الكل بابا لما اتوفي من سنتين وسافرت انا وماما الامارات موبايلي اتسرق وجبت مزبايل جديد وللاسف مكنتش عارف اي رقم من ارقامكوا حاولت ادور ع صفحاتكوا او اي حاجه تخصكوا معرفتش اوصل لحاجه
فهد بتفهم: يلا حصل خير
يوسف: الا صحيح انا معرفش حاجه عنكوا ارتبطوا ولا لسه انا عن نفسي متحوز وعندي بنوته اسمها فيروز ع اسم ماما
اسد: ما شاءلله ربنا يحفظهالك يارب انا بقي متجوز من سنه ومراتي حامل ف توام ولد وبنت
يوسف: ربنا يقومها بالسلامه يارب.. وانت بقا ي سي فهد انت والمحروس الي جنبك
اسد: بالنسبه لفهد ف هو عايش قصه حب سريه جداا وضحك جاامد اما بالنسبه لاستاذ عمرو ف هو خاطب بنت واتفقوا الجواز بعد م يخلص جامعه بما انه بيشتغل وعنده شقته وكدا يعني وهس كمان عما تهلص دراستها
يوسف: مبروك ي عموور
عمرو: الله يبارك فيك ي چو
يوسف: امال انت بقاا ي استاذ فهد ايه حكايه قصه الحب السريه دي عمرو واسد ف الوقت دا قعدوا يضحكوا جامد ويوسف زي الاطرش ف الزفه مش فاهم حاجه
يوسف: انا شكلي فايتني كتير احكولي بقا وبالتفصيل الممل
فهد: ارتحت ي استاذ اسد اهو هيشمت اهو من اولها والله ي ابني الحكايه مش زي م انت فاهم كل الحكايه اني بحب بنت ومش قايلها
يوسف: انا مش مقتنع تمام احكيلي بقا عرفتها ازاي
فهد: ماشي
وقعدوا يتكلموااا نسيبهم بقا ونروح للبنات القمر
ــــــــــــــــــــــــــــــــــــــــــــــــــــــــــــــــــــــــــــــــــــــ
ف ڤيلا
فاطمه: واو المكان دا حلو اوي هو بجد بتاعكوا
شهد: ايوه والله بابا اشتراه من كام سنه كدا وبقينا كل جمعه نيجي نقعد فيه و ماما بيتجي تطبخ هنا وناكل هنا ف الحديقه وشايفه الورود الي هناك دي انا الي زراعها
فاطمه: طب ليه مش عايشين هنا
شهد: البيت الي احنا فيه فيه ذكريات كتيره اوي لينا وذكريات لبابا مع عمو الله يرحمه وكدا ف مش قادر يسيب هناك ف اشتري الڤيلا دي قال تبقي لفهد لما يتجوز بس فهد رفض بردو يسيب هناك وييجي يقعد هنا من غيرنا ف بابا قال بما ان الڤيلا دورين هيبقي فيها دور لينا ودور لفهد لما يتجوز ونقعد كلنا فيها
فاطمه: آااااااه طب بقولك ايه م تيجي نلعب اي حاجه
ليلي: م انتو لو لعبتوا هتلعبوا من غيري وانا هزعل ف ممكن نقوم نجيب تسالي ونتسلي شويه ونقعد نتكلم
فاطمه وشهد ف نفس واحد: اشطا وضحكوا هما الاتنين وراحوا جابو لب وسوداني وكاچو وفسدق وچيلي وحلويات وقعدوا يتكلموااا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف الكافيه.....
يوسف: يعيني عليك ي اخويا دا انت مستحمل كتير
فهد: شوفت بقا يلا ربنا يجعلها من نصيبي
كلهم: يارب
اسد طب بقولكوا ايه يلا نقوم عشان منتاخرش عشان فاطمه وليلي عند عمي احمد ومش عايزين نتاخر عليهم
فهد: طب ايه رايكوا تيجو معانا ي يوسف انت وعمرو
يوسف: مش هينفع سايب ماما وعلا وفيروز لوحدهم اعذروني يوم تاني اكيد هبقي اجي
عمرو: وانا مش هينفع اتاخر عشان انت عارف امي بتقلق
فهد: خلاص يلا ي اسد احنا نروح
اسد: ماشي.
وروحوا وهما ف العربيه...
اسد: هتعترفلها امتي ي فهد
فهد: ربنا يسهل ي اسد انا لسه بفكرر ف الموضوع
اسد: ربنا معاك ي حبيبي و ربنا يقدم الي فيه الخير
فهد: يارب
ووصلوا هناك
اسد: انت جايبنا فين يعم
فهد: المكان دا عمي اشتراه عشان لما اتجوز اجي اعيش هنا وهما هيعيشوا ف الدور الي فوقي
اسد: ومعيشتوش هنا ليه ي ابني
فهد: كل ذكرياتي هناك ي اسد حتي لو كانت بسيطه ع الاقل هناك بحس بوجود امي وابويا وعمي بردو كذلك ف خدنا قرار اننا نتقنل هنا بعد م اتجوز ومن يوم م اشتراه واحنا بنيجي كل جمعه مرات عمي بتكلم واحده تيجي تنضف وهي بتطبخ ونقضي اليوم هنا ويلا انت كمان عشان هتقضي اليوم هناا
اسد: لا مش هينفع
فهد: لا ينفع وهتقضي اليوم هناا ي اسد وبعدين اصلا مراتك واختك هنا وزمانهم قاعدين متبقاش رخم بقاا
اسد: ماشي ي سي فهد...... ودخلوا الڤيلاا لقوا فاطمه وشهد وليلي وسلوي قاعدين ف الحديقه واحمد بيتفرح ع ماتش
فهد راح ع احمد هو واسد
فهد: ايه ي ابوحميد قاعد لوحدك ليه
احمد: اخيرا جيت انا زهقت ي بني والله من ساعه م اتغدينا وهما قادعين بره وانا بتفرج ع الماتش لما زهقت
اسد: وادينا جينا نسليك اهو يلا بقا هنعمل ايه
فهد: هنلعب كوره يلا.. ودخل جاب الكوره وراحوا الجزء الخلفي من الڤيلا كانت ع هيئه ملعب صغير
فهد: يلا هروح انده شهد والبقيه
اسد: ماشي
فهد راح ليهم
فهد: شهد تعالو يلا عشان هنلعب كوره شهد فرحت لان اكتر حاجه بتحبها ف المكان دا هي لعبهم للكوره
شهد: ماشي هجبهم وجايه اهوو
وراحوا كلهم قعدوا يتفرحوا عليهم وهما بيلعبوا وبعد م خلصوا راحوا اتعشوا ولعبوا كوتشينه وبعدين اسد استاذن وروح هو وفاطمه وليلي وفهد واحمد وسلوي وشهد روحوا هما كمان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف الببت......
شهد: اه ياني معدتش قادره الواحد مدقدق كانه كان بيحارب بس والله يوم جامد ايه رايكوا نتجمع كل جمعه كلنا ونخلي عمو حسن وطنط صفاء ييجوا معاهم
سلوي: فكره حلو اوي واهو بالمره اتعرف ع والده فاطمه ولا اتت ايه رايك ي احمد
احمد: فكره حلوه واهو بالمره اشوف صاحبي الي بقالي فتره مشفتوش
شهد اتنطط م الفرحه ودخلت اوضتها فرحانه
بره الاوضه
احمد: ابقي عرفهم ي فهد اننا هنبقي نتجمع كلناا مع بعض يوم الجمعه
فهد: حاضر. يعمي تصبحوا ع خير
سلوي واحمد: وانت من اهل الخير
ف اوضه شهد
دخلت خدت دش واتوضت وصلت القيام وقرات وردها اليومي وقرات الاذكار وبعدين وهي بتقوم من ع سجاده الصلاه لقت رقم غريب بيرن شهد مردتش اول مره رن تاني فتحت وقالت: السلام عليكم ورحمه الله وبركاته
...: لا رد
شهد: مين معايا
.....: لارد
شهد: الووو من معاياا
...: لا رد
شهد قفلت الفوون وبعدين لقت مسدج من الرقم محتوي المسدج "صوتك بالنسبالي الاكسجين الي بتنفسه انا اسف اني رنيت بس غصب عني انا بحبك اوي ممكن اكون بتصرف تصرفات طايشه بس دا من حبي ليكي وانا اسف مره تانيه اني رنيت تصبحي ع جنه"
ايه دا للدرجه دي هو بيحبني لدرجه انه بيتمني يسمع صوتي هو فيه حب كدا ايوه فيه ي شهد م انتي بتتمني تسمعي صوت فهد دايما وبتتمني انه يبقي معاكي دايماا بس مين الشخص دا انا همووت واعرف ليه يعني يحبني انااا ليه لما احب احد ميكونش بيحبني ولما حد يحبني انا معرفوش ولاحتي احبه ليه كدااا هذه هي الحياه ي من تريده لا يريدك ومن يريدك لا تريده طب والله انا حكيمه وقونت ضاحكه
فوقت لما لقيته بعت مسدج تانيه بيقول فيها "بحبك وبموووت فيكي وهفضل احبك لاخير يوم ف عمري ي عشقي الاول والاخير"
يااني دماغي هتنفجر اما انام اصل خلااص معدتش قادره وتكه وهعيط
ــــــــــــــــــــــــــــــــــــــــــــــــــــــــــــــــــــــــــــــــــــــ
تاني يوم ف الشركه.....
اسد: الي عمل كدا هو حامد المنياوي ي فهد واتاكدت من دا مشيت ورا سمر وهي رايحه تقابله عشان تاخد الفلوووس وهو الي جابه لنفسه
فهد: طب هو ليه بيعمل كدا واصلا العداوه منتهيه من زمان بينه وبين باباك
اسد: دا لان الشركه بتاعتنا وبقيت الفروع ازدهروا جداا وكبروا في خلال السنتين دول بسبب المناقصات الي كنا بندخلهم ونكسبهم والصفقات الي كنا بنعملها ونتعب و بنشتغل والحمدلله ربنا كرمنا انما هو فضل زي م هو بيدخل ف صفقات مشبوهه وعمل شركته بسبب كدا بس ان شاء الله انهارده هيعرف مين هو اسد الدمرداش والاسهم بتاعته هتبقي ف النازل
فهد: ربنا يجازيه ع اعماله دي بس انت هتعمل كدا ازاي
اسد: سهل جدا هكشف صفقه مشبوهه من صفقاته الي فاتت دي كلها وعينك مش هتشوف غير سقوط اسهم شركات حامد المنياوي وتخلي كبار رجال الاعمال عنه
فهد: يخرب عقلك دا انت داهيه بس انت صح لانه زودها اوي
اسد: وكمان الغبي بعت واحد يسرق ورق الصفقه الي انا كنت حاطه واصلا انا معايا نسخه تانيه ف كدا كدا مش هيعرف ينجح ف دي كمان وتبقي ضربه قاضيه
فهد: م انا الي كان مطمني اننا لما بندخل ف اي صفقه بنبقي عاملين نسخه كمان ف دا الي كان مهديني ومطمني
ــــــــــــــــــــــــــــــــــــــــــــــــــــــــــــــــــــــــــــــــــــــ
عدت الايام واسد نفذ فعلا كشف صفقات حامد المشبوهه واسهمه بقت ف الارض وفي نااس كتير سابته واتخلت عنه ومرات اسد ولدت توام ولد وسماه فهد ع اسم صديق عمره والبنت سماها سما
اما بالنسبه لشهد ف هي كانت مركزه جدا ف دراستها وكل يوم الي بيبعت الرسايل بيفضل يبعت ف رسايل بس هي مكانتش بتديله اهتمام وكمان خالد معدش بيتعرضلها نهائي ودا لسبب هنعرفه بعدين وفضلت مركزه ف كليتها وكالعاده هي وفهد ف مناقراتهم المستمره
اما فهد فكان مركز جدا ف راسته لانها اخر سنه ليه وكمان نفسه يجيب امتياز السنه دي ويبقي معيد زي م بيتمني وبردو كان مهتم بشغله
الايام عدت بسرعه لدرجه ان انهارده اول يوم ف امتحانات شهد
