رواية عشقي الابدي الفصل الثامن بقلم سلمي عبد الجليل
في الڤيلا.....
عند مجموعه الرجاله
احمد: يلا نقسم نفسنا فريقين ونلعب كوره انا بقالي اسبوعين ملعبتش
حسن: انا هبقي رئيس فريق وانت فريق ماشي
احمد: ماشي يلا انا هاخد اسد ويوسف
حسن: ماشي وانا هاخد فهد وعمرو
احمد: يلا انده للبنات ييجوا يتفرجوا ي فهد
فهد قام راح للبنات وهما راحوا وصفاء شايله سما وسلوي شايله فهد وعلا ماسكه فيروز ف ايديها وليلي وفاطمه وشهد ماشيين يتكلموا مع بعض
راحوا هناك ولقوا فيه فريقين قسموا نفسهم هما كمان عشان يشجعوا
فاطمه: انا هشجع فريق بابا
شهد: والله انا محتاره بس هشجع عمو حسن عشان اغيظ ابوحميد ويلعب جاامد ويكسب
فاطمه لانها فاهمه انها بتشجع عشان فهد: ي لئيمه وضحكت
علاا: انا هشجع جوزي قره عيني بقااا وكدا هشجع فريق عمو احمد
ليلي: وانا هشجع زوجي بردو واروح مع عمو احمد
سلوي: انا هشجع ابوحميد طبعاا
صفاء: وانا هشجع حسن
فاطمه: اشطاا كدا انا وشهد وماما بنشجع فريق بابا وعلا وليلي وسوسو بيشجعوا عمو احمد تمم
فيروز: مامي انا هثجع (هشجع) بابي انا كمان عثان(عشان) نبقي كتير بنثجع (بنشجع) ونكثبهم
علاا: طبعا ي حبيبتي احنا هنكسبهم
شهد: معتقدش حد هيكسب هتنتهي بتعادل لان بابا وفهد نفس الكفاءه
فاطمه: طب يلاا نشجع واحنا ساكتين ينفع
كلهم: ينفع
وقعدوا يشجعوا كل واحد فريقه وانتهت اللعبه ع تعادل الفريقين
شهد: مش قولتلكوا
فاطمه: ايوه بس انتي عرفتي ازاي انتي بس عارفه كفاءه عمو وفهد والباقيين لاا
شهد: عشان بابا وفهد هيبقوا الاساس يعني هما الي هيبقوا حرس المرمي ف مفيش حد هيقدر يدخل اجوال ف التاني فهمتي
فاطمه: اه طب يلا نتغدي ونلعب الصراحه
شهد بتوتر: بلاش صراحه نلعب كوتشينه احسن
فاطمه بعند: لاا هنلعب صراحه الكوتشينه انا زهقت منها يلا ي ليلي نيمي فهد وسما ودخليهم جوا وانتي ي علا قعدي فيروز ع المرجيحه عشان نعرف نلعب
ليلي وعلا: ماشي
وفعلا اتغدوا وليلي نيمت فهد وسما
وعلا قعدت فيروز تلعب ع المرجيحه الي ف الجنينه وهما قعدوا ف دائره عشان يلعبوا
وقت اللعب.....
فاطمه: انا الي هلفها الاول مليش دعوه
شهد: ماشي ي طفله يلا لفي
فاطمه لفت وجت عليها هي وعمروو وهو الي هيسأل فاطمه اتورت لكن عرفت تداري توترها
عمرو: ناويه تتخصصي ف ايه
فاطمه: اطفال ابقي دكتوره اطفال انا بحب الاطفال اوي احيانا كان بيبقي نفسي اشتغل ف حضانه
عمرو: ربنا يوفقك ويوصلك للي نفسك فيه
فاطمه: شكرا
شهد: يلا دوري انا الي هلف
فهد: والله م هيحصل مره بنت ومره ولد هو دا العدل
شهد: دا انتت رخم طب بص هلفها المره دي وانت المره الي بعدهاا
فهد: لا انا حلفتت وبعد رخم دي مش هتلفي غير اخر واحده
شهد بتكشيره: مش بقولك رخم يارب تتسال سؤال متعرفش ترد عليه
فهد: نينيني هعرف...... وفعلا فهد لف الازازه وجت عليه وعلي ليلي وهي الي هتسأل
شهد: اساليه سؤال رخمم ي ليلى بالله عليكي اصله بشمهندس رخم اوي
ليلي بضحك: حاضر اسمك ايه ي فهد وبعدين ضحكت وقالت: لا هسأل بجدد.. فيه حد ف حياتك
فهد بعدم فهم: اكيد يعني كلكوا ف حياتي اهو ايه الذكاء دا
ليلي: لا مش دا قصدي انا اقصد يعني بتحب حد كدا يعني
فهد: ايوه بنت جميله اوي اوي لدرجه انها تقول للقمر قوم وانا اقعد مكانك
ليلي: ي سلام ي سلام ع الحبببب
شهد وقتها اتعصبت وشدت الازازه وكله استغرب رد فعلها دا
شهد: انا الي هلفها وبصت لفهد بتحدي
فهد: بتنزلي كلامي يعني ماشي بتجيبيه لنفسك
شهد مردتش ولفت الازازه وجت عليها هي وعلاا وهي الي هتسال
شهد: اتعرفتي ع دكتور يوسف ازاي
يوسف: بلاش دكتور يوسف احنا هنا مش ف الجامعه وهنا اسمي يوسف بس لو سمحتوا
شهد: ماشي يلا جاوبي ي لولو
علا بسرحاان: كنت ماشيه ف الشارع بعيط بعد موت بابا وماما وبعدين لقيت نور جاامد جاي من عربيه عليا وفجأه لقيت العربيه وقفت ف اللحظه دي اغمي عليا ولما فوقت لقيت نفسي ف بيت وفيه ست قاعده جمبي واكتشفت اني بقالي اسبوع ف شبه غيبوبه بسبب الصدمه وفجاه لقيت واحد داخل الاوضه وبيسال الست الي اكتشفت انها مامته
يوسف: ماما هي فاقت
فيروز (والده يوسف): ايوه وسالتني قولتلها الي حصل وبعدين نامت تاني
يوسف: ماشي ي ماما انا رايح المستشفي دلوقتي مع السلامه
مشي وبعدين انا فوقت وقعدت اتكلم مع مامته شويه وبعدين هو جه وكشف عليا وقال اني بقيت كويسه ووصلني هو ومامته الببت ومامته قعدت معايا لحد م بقيت كويسه وهو جه خدها وروحوا واتقابلنا كذا مره بعدها حسيت اني معجبه بيه وف يوم لقيت مامته بتكلمني وبتقول انهم جايين لبست واستنيتهم لحد م جم ولما عرفت انه طالب ايدي قولتلهم هقول لعمي الاول لانه هو ف مقام بابا بعد وفاه بابا وفعلا قولت لعمو وهم جم طلبوني منه ووافقت ويوم كتب الكتاب اعترف بحبه وانه بيحبني من يوم م قابلني وانا قولتله اني جبيته من يومها بردو ودي حكايتي ي ست شوشو
شهد: واو دا ولا الاساطير البطله تتعب البطل ينقذها وتبدا قصه الحب
يوسف: واي قصه حب دي حب حياتي كلها دي هي الي هونت عليا مووت بابا الله يرحمه ربنا يديمها ف حياتي هي وفيروز الصغيره وفيروز الكبيره يارب
كلهم: يارب
اسد: يلاا انا الي هلف ولفهاا وجت عليه هو وفهد
اسد: امتي هتعترفلها بحبك
فهد: يوم تخرجي
علاا: واوو وهتعملها ازاي دي
فهد: لا دي مفاجاه بقا وبعدين اساسا كلكم هتبقوا موجودين انت بقيتوا خلااص اخواتي
علا: طبعا اكيد
كل دا وشهد ماسكه نفسها بالعافيه عشان متعيطش هو عمال يعذبها بكلماته ليه بيعمل فيها كدا فاطمه قطعت افكار شهد وهي بتقولي يلا انا الي هلفهاا ولفتها وجت علي شهد وفهد وشهد هي الي هتسال
فهد: هو فيه ايه ي جدعان هو مفيش غيري يتسال هنا ولا ايه
شهد: ينفع نشوف قمر
فهد: لاا مش هينفع هتشوفوها كلكوا يووم ف التخرح ان شاءلله
شهد: تمام
شهد اتخنقت ف الوقت دا اتمنت لو تمووت ف اللحظه دي ف الوقت دا فاطمه لاحظت ان شهد ع وشك العياط قالتلها
فاطمه: شهد تعالي معايا نجيب تسالي ونجيب الكوتشينه وعلي م نيجي يكونوا كملوا لعب ونلعب بالكوتشيه
شهد اكتفت بهز دماغها وراحت معاها وساعه م دخلوا الڤيلا شهد حضنت فاطمه جاامد وفضلت تعيط وفاطمه تهدي فيها
شهد: مش عاوز يوريهالنا ي فاطمه طب هو ليه بيحبها كدا ليه ليه مش بيحبني اناا هو انا وحشه طب ما علينا من دي هو انا متحبش ي فاطمه
فاطمه: دا انتي قمر ي شوشو ي حبيبتي واي حد يتمناكي المسأله كلها ان دا نصيب وقدر واكيد ربنا له حكمه ف كداا اهدي يلا بس وتعالي اغسلي وشك وتعالي نجيب التسالي وفعلا راحت غسلت وشها وجابوا التسالي ورجعوا وهما لسه طالعين سمعوا ليلي بتسال عمرو وبتقول: انت الوحيد الي متسالتش عن قصه حبك هل انت بتحب خطيبتك
عمرو: لاا عمري م حبيتها بابا جوزهالي عشان هي بنت صاحبه ولما صاحب بابا عرف انها بتحبني طلب من بابا اننا نتقدم ف انا مقدرتش اقول لبابا لاا وروحت و اتدايقت لما شوفتها هي مش زينا كدا لا هي مش محجبه و بتلبس لبس ملفت وبيكشف جسمها ودي عمرها م كانت البنت الي كنت احلم انها تشيل اسمي وتكون ام لأولادي فضلت اتحجج اني لازم اخلص كليتي الاول عشان اعرف اعيش معاها ومتشغلش وكلام دا عشان هي تزهق وتسيبني بس هي لاا لحد م فيوم عرفت انها بتسهر ف كباريهات وبتشرب وكدا ف اللحظه دي رفضت تماما انهاا تكون خطيبتي وروحت لبابها وقولتله وانفصلنا ورفضت فكره اني ارتبطت لحد م لقيت بنت جميله اوي حبيتها من اول نظرره لا عشقتها من اول نظره وحسيت ف عنيها نظره الحب لياا منتظر بس اخلص واروح اتقدم بس انا عارف انها ممكن ترفض عشان ظروف كليتها بس هفضل وراهاا هي دي الي ينفع تكون مراتي
فاطمه من وراه: والله جدع انك سيبتها انا لو مكانك كنت جيبتها من شعرها وهي ف الكباريه دا وخليتها عبره بس والله بتفهم مين بقا البنت الي بتحبها دلوقتي
عمرو بصلها وسرح و بعدين عدل نفسه واستغفر ربنا وقال: دي بنت جميله اكيد هتشوفيها ف يوم من الايام لما تبصي ف المرايا
فاطمه بعدم فهم: يعني ايه
عمرو: لا متاخديش ف بالك جماعه انا زهقت يلا نلعب كوتشينه
كلهم: يلاا
لعبوا كوتشينه وحكموا ع الي هيخسر لو ولد هيعمل 50 ضغط ولو بنت هي الي هتتضف مكان السهره وفعلا لعبوا وعمرو هو الي خسر وعمل فعلاا50ضغط وسط انبهار البنات كلهم وخاصه فاطمه وكان مستعد يعمل اكتر بس هما الي قالوا بلاش لان الحكم 50 بس وبعدين اتعشوا وكل واحد روح
ــــــــــــــــــــــــــــــــــــــــــــــــــــــــــــــــــــــــــــــــــــــ
ف البيت عند شهد....
شهد: انا مش قادره هدخل اناااام
ودخلت اوضتها وساعه م دخلت افتكرت كلام فهد وفضلت تعيط لحد م سمعت فونها بيرن بصت لقتها فاطمه
شهد: السلام عليكم
فاطمه: وعليكم والسلام ورحمه الله وبركاته مالك بتعيطي ولا ايه
شهد قعدت تعيط تعيط تاني
فاطمه: اهدي ي حبيبتي ماالك فيه ايه كل دا عشان فهد
شهد بعياط: عمره م هيشوفني غير اخته ي فاطمه عمره
فاطمه معرفتش تردد وبعدين غيرت الموضوع وقالت: شوفتي عمرو فشكل مع البت خطيبته
شهد هدت شويه: ايوه انا فرحت اوي هو صح انا حسيت انه بيلمح ليكي اساسا ف كلامه
فاطمه: وانا ي تري هو بيحبني زي م بحبه ي شهد
شهد: ايوه هو قال انه بيحب البنت الي شافهاا وحس كمان انها بتحبه وقالك هتشوفيها لما تبصي ف المرايا كل دا معناه ايه غير حاجه واحده
فاطمه بفرحه: انه بيحبنيي
شهد: شطوووره بس غريبه اخوكي وابوكي متكلموش مع ان كل تلميحاته كانت ليكي
فاطمه: م هو دا الي انا مستغرباه
شهد: ربنا يقدم الي فيه خير ي حبيبتي ربنا يسعدك يارب يلا هناام بقا تصبحي ع جنه
فاطمه: يارب.... وانتي من اهلها ي حبيبتي
وقفلت معاها وفاطمه فضلت فرحانه وحست انه معجب بيها زي م هي معجبه بيه بينما شهد فضلت تعيط لحد م جالها مسدج محتواه "بحبك نفسي اقولهالك قدام الناس كلها لاا مش الناس بس قداام العالم كله نفسي اعرفهم انك ملكي انااا وحبي انااا بس اوعدك ان دا هيحصل تصبحي ع جنه ي عيوني"
ياني عليا و ع سنيني انت ي ابني مش بتزهق دا انا زهقتلك سلف بس انت اخترت طريقه تعرف تعبر فيها عن حبك بس انااا لاا انا فضلت ساكته وهفضل ساكته ولازم اتعود واحاول أأقلم نفسي ان فهد مش هيكون ليا وكمان اجهز نفسي للست هانم الي هنشوفهااا يوم التخرج دي طب دا انا كرهتها من قبل م اشوفهااا فيه ايه ي شهد انتي هتتهبلي ولا ايه هي ذنبها ايه هو حبها واكيد هي حبته وربنا قدر انهم يكونوا مع بعض هتعارضي اراده ربنا كمان هتكفري ي شهد يارب استغفر الله العظيم واتوب اليه يارب ريحني بقاا وقامت اتوضت وصلت وقرات الورد ونامت وصحت صلت الفجر. ونامت تاني وصحت الساعه 8 الصبح ذاكرت شويه وبعدين فطرت وقعدت شويه مع سلوي يتكلموا شويه وبعدين الظهر اذن صلت وقعدت تتكلم مع فاطمه وبعدين مع علاا والعصر اذن صلت ودخلت ذاكرت شويه وبعدين المغرب اذن صلت وطلعت اتغدت معااهم
ع الغداااا
فهد: امبارح كان يوم جمييل اوي ايه رايك ي ابوحميد نتجمع كلنا كدا كل جمعه
احمد: معنديش مشكله والقعده اساسا بتبقي حلوه
سلوي: اه والله القعده كانت جميله ونبقي نقول ليوسف يجيب مامته هي كمان تبقي تقعد معانا
شهد: عملت ايه ي بابا ف موضوع تتبع رقم الزفت الي بيبعت
احمد: روحت شركه الاتصالات وقالوا ان دي ارقام وهميه ومش متسجله وصعب الوصول ليها
شهد: طب والعمل انا زهقت
فهد: هو بعت حاجه تاني
شهد: بعت امبارح واحده اهي وورتهم الرسايل
احمد: انتي ملكي ي عم يتنيل يلعب بعيد دا شغل مراهقين سيبك منك ومتشوفيش الرسايل
شهد: عملت كدا لقيته يومها بعت 6 رسايل انا لو شوفته هولع فيه
فهد: هو الحب حراام ي بنتي وبعدين هو اختار الطريقه دي عشان يعبر عن حبه هي طريقه غلط اي نعم بس الحب بيعمل اكتر من كدا يعني عندك انا اهو نفسي اخطف قمري وتبقي ليا لوحدي بس مستني تخرجي بس وهاخدها ومحدش هيشوفهاا ولا حتي انتو هتشوفوني
شهد ف سرهاا: ابو شكلك لابو شكل قمرر لابو شكلي انا كمان مش هقدر اقول غير منك لله
احمد: فهد ركز بكره ف امتحانك وذاكر كويس
فهد: والله بذاكر ي عمي ادعيلي انت بس
احمد: بدعيلك والله ربنا يوفقك انت وشهد يارب
كلهم: يارب
سلوي: وانتي ي حبيبتي عامله ايه ف المذاكره
شهد: الحمدلله ادعيلي بس عشان الماده الجايه تقيله شويه ف خايفه
سلوي: متقلقيش ي حبيبتي المهم انتي اعملي الي عليكي
شهد: حاضر ادعولي انتو بس
كلهم: ربنا يوفقك ي حبيبتي
وخلصوا اكل ودخلوا قعدوا ف البلكونه شويه وبعدين فهد طلع شقته وشهد دخلت اوضتها ذاكرت شويه بعد م صلت العشا وبعدين كلمت فاطمه وصلت القيام وبعدين قرات وردها ونامت وصحت لما الفجر اذن صلت و قبل م تنام سمعتت.صوت مسدج عملت زي م باباها ما قالها ومتفحتهاش جت تنام لقت مسدجات كتيره بتتبعتت عملت الفون سايلنت وجت تنام لقيته بيزن بتبص لقت رقم بيرن مردتش لقته بيرن تاني فتحته بعصبيه
شهد: عايزه ايه انت مش بتزهق ي بني ادم ايه انت خنقتني بجدد حس شويه بقا انت مفييش دم خااالص للدرجه ديي
....: لارد
شهد: ي شيخ دا انت بني ادم سمج انت بجد رخم ومعندكش دم مبتحسش سمعت صوت شهقاته
ايه دا هو بيعيط طب ليه
شهد: فيه ايه انا اسفه والله اسفه انا بجد اتخنقت وانا اصلا فيا الي مكفيني وانت بتيجي عليا بكلامك لو سمحت انساني انساني بقا لو زي م بتقول انك بتحبني انساني وطلعني من دماغك لان انا عمري م هكوون معاااك انا لو مكنتش ل ف.... وسكتت وراجعت نفسها وقالت انا اسفه مره تانيه وقفلت الفون خاالص
ايه ي شهد انتي اتهبلتي ولا ايه كنتي هتقوليله ايه لو مكنتش لفهد مش هكون لغيره وهو مين اساسا عشان تقوليله ع حكايتك راجعي نفسك ي شهد قومي يلا صلي ركعتين عشان ترتاحي فوقت من سرحاني وقومت صليت ركعتين وفضلت ساجده فتره طويله اعيط وادعي ان ربنا يخرج حب فهد من قلبي بعد م كنت بدعي كل يوم انه يكون من نصيبي شوفتوا وصلت ايه وصلت لدرجه اني بتمني ان ربنا يخرجه من قلبي وقعدت ادعي للاستاذ الي بيبعتلي ان ربنا يخرجني من قلبه ويهديه ويوفقه ف امتحاناته مش عارفه انا كنت بدعيله ليه بس هوو بجد صعب عليا وكمان لما سمعته بيعيط قلبي وجعني اوي حاسه ان حبه ليا نفس حبي لفهد للدرجه دي هو بيحبني للدرجه دي بيعيط عشاني يارب ريحه يارب وريحني وريح قلبي خلصت صلاه وقومت نمتت......
