رواية مغرور احب ملتزمة الفصل الحادي عشر
بعد مرور شهرين
فى منزل عمر
جورى :يلا ي عمر اصحا بقا ،معاك شغل ي حبيبى هتتأخر
عمر بنعاس :سيبينى ي جورى عايز انام خمس دقايق وهقوم
جورى : بقالك ساعه بتقول خمس دقايق وهقوم ،يلا قوم صلى الضحى وبلاش كسل
عمر بنعاس:خلاص قومت اهو
جورى بابتسامة : صباح الخير
عمر بادلها البسمة : صباح الفل والياسمين
جورى: صباحك جنة ي حبيبى يلا قوم اتوضأ وصلى الضحى وانا هنزل احضرلك الفطار
عمر : انتى صلتيه
جورى: ايوا ي روحى سبقتك وصليته الحمد لله
عمر : أسأل الله الثبات لى ولكى ي أميرتي الصغيرة
جورى : اللهم آمين
قالتها ثم خرجت من الغرفه بعد أن احكمت حجابها ونزلت فهى لا ترتدى النقاب فى المنزل فكل العاملين فيه فتيات وأما والد زوجها فعمر قد طلب منها ان تكون بخمارها فقك أمام والده لصعوبة ارتداء النقاب والتحرك فى المنزل فيه ووجد أن عندها صعوبة حتى فى الجلوس على الطاولة معهم فاستجابت لطلبه
عمر قام وتوضأ وصلى ثم جلس على سجادة صلاته يتذكر ما مضى من يوم أن طلب من جورى أن يتزوجها ،وهى وافقته بعد أن طمئنها الزواج لن يعيق دراستها ابدا وتذكر قبل زفافهم بأسبوع
فلااااش
جورى : لا ي عمر مينفعش فرح مختلط واغانى لا
عمر : بس انتى عارفه انى رجل أعمال ي روحى والطبقة إلى احنا فيها تتطلب الحاجات ده
جورى : وده مش مبرر ي عمر ،انت عارف الأغانى حرام والاختلاط مينفعش احنا كده بنجاهر بالمعصية انت مش عايز نكون فى الجنة مع بعض 🥺
عمر تنهد ثم مسح على وجهه بارهاق: ي جورى ي حبيبتى الظروف تقتضي كده ده حاجه مش بايدى
جورى : خلاص ي عمر نلغى الفرح انا مش عايزة فرح
عمر بضيق :الأمور متتحلش كدا ي جورى
جورى بدموع : اومال تتحل ازاى ي عمر ،انا مش عايزة اعصى ربنا وانا عارفه انى الحاجه ده حرام حتى لو كان ايه ي عمر ،احنا لازم نبدأ حياتنا صح برضا ربنا وعشان انا عارفه انه الليلة ده أحلى ليلة فى حياتنا عشان كده مش عايزة اعصى ربنا فيها
عمر بتفهم وقام بمسح دموع جورى : طب والحل دلوقتى ي جورى انا مش عارف اعمل ايه مش عارف افكر
جورى بعد ما هدأت : طب ايه رأيك ي عمر نعمل فرحنا على يخت صغير تكون بس عيلتى وعيلتك وصحابنا المقربين بس
عمر بتفكير : فكرة هايلة ي جورى وبعدها نعلن جوازنا عادى
جورى بابتسامة : وبكده نبدأ وبرضا ربنا
عمر بفرحه : بحبك ي جورى بحبك
جورى بابتسامة : وانا كمان ي قلب جورى ،يلا بقا نقول للكل على قرارنا
عمر :يلا
اند فلاااش
قام من سجادته ليرتدى ملابسه الرسمية لبدا عمله
........
عند جنى ومراد
جنى : مراد
مراد بنوم : اه
جنى : انا شامة ريحه رنجه
مراد :نامي ي جنى احنا لسه الصبح ي روحى
جنى يتذمر: بقولك عايزة رنجه ،وماما قالتلى انه مينفعش اشم ريحه حاجه وماكولهاش انت عايز ابنى يطلع فيه رنجاية فى وشه 🥺
مراد : لا طبعا ميرضنيش ،ثم نظر إلى بطنها وكأنه يكلم صغيره : ظبط مواعيد طلباتك ي أستاذ
ثم قام ارتدى ملابسه واحضر رنجه وأعدها لها ثم أحضرها إليها لتأكل.
اكلت جنى من الرنجه ثم شكرت مراد عليها كثيراا
مراد : يلا ي روحى قومى اتوضى عشان نصلى الضحى
جنى : حاضر ي روحى
........................
فى شركة عمر ،وخاصة فى مكتبه
زياد وهو يجول فى المكتب : ده المرة الرابعة ي عمر إلى أتقدم فيها ومترضاش حتى تشوفني
عمر وهو ينظر له :تستاهل ،انت نسيت عملت ايه
زياد :مكنتش اعرف انه مينفعش وكمان كنت فى بداية التزامى .
عمر : تقوم تعمل نفسك شاروخان وعاليخت ويوم فرحى تتقدم لها ولا ويبجاحتك ياخى تعترف ليا بحبك وخليت منظر البنت مش كويس ،بس والله البنت طبعت جدعه رزعتك حته دين قلم وفاكر قالتلك ايه
زياد بغيظ وهو يتذكر كلامها
سارة: انا حذرتك قبل كده ،وكمان افهم بقا انه إلى بتعمله حرام ي بنى آدم اتقى الله بآخى ،وبطلو التحرر إلى انتو فيه وشوفو انتو بتعصو مين .
عمر : فووق ي جدع ي بنى
زياد بتوهان : ها ايه
عمر : احمد ربنا انه مفيش حد غيرى شاف الموقف ده
زياد : بس هيا بعدها اعتذرت منى
عمر وهو يرفع حاجبه بتعجب : نعم ي خويا
زياد وهو يقص على عمر ما حدث بعدما تركه :
فلاااش
سارة : احم
نظر زياد إليها: لسه فى اهانة وقلم تانى عايزة تضربيه
سارة : انا اسفه على القلم بس مش اسفه مش على الكلام ...أنا مش من حقى اضربك فاسفه جدا بس
زياد : ايه كمان
سارة : بص حضرتك انت لازم تفهم انه إلى بتعمله حرام ،مش انا إلى افهمك أصول دينك لانه حضرتك مسلم فالمفروض تكون عارف قول ربنا سبحانه وتعالى[ولا تواعدوهن سرا ]
وفاكر بردو قول ربنا سبحانه وتعالى[وليس البر بأن تأتو البيوت من ظهورها ولكن البر من اتقى وأتو البيوت من ابوابها]والى عملته انهاردة مينفعش وكان هبيوظ سمعتى لو عملته قدام حد
زياد بتفهم : انا اسف مفكرتش فى كدا
سارة بتفهم : بص ممكن تنسى لو سمحت وتبطل تلحقنى او تحاول تكلمنى اعتربنى زى اختك ترضى ده ليها
زياد : حاضر واسف مرة تانية
سارة : ولا يهمك ،بعد اذنك
زياد اوما لها برأسه
اند فلااش
زياد : اكيد بتحبنى صح
عمر ببعض الغضب على غباء صديقه : ي مغفل ده خافت لتعمل حاجه فيها بعد القلم عشان كده حبت توضح الموضوع مش اكتر انت بتسمع عن حالات البنات إلى بتموت كل يوم بسبب ناس مريضة وبسبب ضعف الإيمان عن البعض والشيطان بيستغل ده فى صالحه وبيلعب بعقولهم
زياد باحباط: طب انا اعمل ايه دلوقتى ،انت عارف ي عمر انى اتغيرت الحمد لله بس عايزها هيا بس مش مدياني فرصة اثبت انى اتغيرت وعايزها فى الحلال وبرضا ربنا
عمر : ادعى ي صاحبى انها تكون ليك
زياد :بدعى والله ي صاحبى وواثق فى ربنا انها هتكون ليا
عمر ابتسم لصديقه : طب يلا بقا هوينا ي عم معايا اجتماع مهم
زياد : وانا كمان هروح اشوف شركتى سلام ي صاحبى
عمر : سلام
.............
عند جويرية
جورى : مش معقول ساارة وبسمة
سارة بضحك :ايوة
بسمة : اوعى ي بت كدا أوقف على رجلى
جورى : معاكى حق بقيتي عاملة زى البطيخه ،تعالو ي بنات اتفضلو
وبعد أن جلسو
جورى :قوليلى ي بسمة عاملة ايه ي حبيبتى واخبار جوزك وبيتك
بسمة : الحمد لله كلنا بخير وفى انتظار النونو يشرف
جورى بضحك : خيرا بإذن الله وانتى ي ابو الصراصير مش ناوية تحنى
بسمة بذهول : فى ايه ،انا إلى فاتنى
سارة : لا لسه لما يتأدب الأول
بسمة : متفهمونى الأول وبعدين اتكلموا
جورى حكت لها كل شئ
بسمة : يخربيت كدا ي سارة ولا قصص الروايات ي بت
جورى : علفكرة ي سارة من كلام عمر باين انه اتغير فبلاش عناد الراجل شاريكى ماشى قولنا الأول طريقته كانت غلط بس دلوقتى اتغير واتقرب من ربنا اكتر ارجعى ي سارة عن العند إلى فى دماغك لانه مفيش غيرك هيندم
بسمة : فعلا جورى معاها حق ي سارة ،انا كنت الأول مش هوافق على معتز وقولت اكمل دراستى الأول بس قولت اديه فرصة واخد بنصيحه جورى والحمد لله ربنا أكرمنى بيه شخص متفهم جدا وبيفهمنى ويساعدني انا مش متخيلة ايام امتحاناتى كان بيعقد معايا يذاكر وبيشجعنى ومكانش بيخلينى اقوم من مكانى
جورى : ربنا يديم وجودكم لبعض ي روحى ،ها ي ست سارة قررتى اى
سارة بتفكير : هفك البلوك
جورى بضحك 😂: ايه هفك البلوك ده
سارة: اصل ي بنتى اتقدملى من اسبوع تقريبا وانا علقته وقولتله بفكر وطلب يشوفني فأنا قولت لبابا لما اصلى استخارة عشان اعرف اتكلم معاه وبابا كل ما يسألني اقوله لسه الجواب مجاش 😂
بسمة : يخربيت عقلك ي مجنونه
جورى : لا ده طلعت دماغ 😂
سارة : اومال 😎
جورى : من تواضع لله رفعه ي ست سارة 😒
ضحك الكل عليهم
جاءت والدة عمر إليهم بابتسامتها البشوشة
والدة عمر : ازيكم ي بنات
بسمة وسارة : الحمد لله
جورى : حمد الله على سلامتك ي أمى ،اخبار جنى ايه
جلست الام بارتياح: مطلعه عين مراد ي جورى اتخيلى حد ياكل رنجه ٧الصبح 😂
جورى :حقها تدلع عليه براحتها
والدة جنى :عقبالك ي حبيبتى ثم نظرت إلى بسمة : انتى فى الشهر الكام دلوقتى ي بسمه
بسمة : فى الشهر السادس
والدة عمر : ربنا يتمم شهور حملك على خير ويأتي الصغير طيب معافى بإذن الله
بسمة : اللهم آمين
ثم قالت لسارة :إلى مطلعه عين ابننا عاملة ي سارة
سارة : ايه ي حجه انتى مش كنتى واقفة فى صفى
امسكتها والدة عمر وتدعى ايمان من خدها : بطلى لماضة ولكى الحصار عشان الواد هيطير
سارة بألم: حاضر حاضر .بس إيدك تقيلة خالص
جورى : تستاهلى 😜
ثم رن هاتف بسمة
بسمة : بعد اذنكم ي جماعه
ثم ذهبت لترد على الهاتف
سارة : لمى شنطتك ي سارة ،شكلنا هنمشى،انا غلطانه اصلا انى اطلع مع واحده متجوزة
جورى وإيمان ضحكو عليها 😂
ثم جاءت بسمة : بعد اذنكم ي جماعه يلا ي سارة عشان معتز مستنينى بره
جورى : طب كنتى بقيتي شوية ي بسمة
بسمة : معليش وقت تانى ي جورى مع السلامه
جورى: مع السلامة ي حبيبتى خلى بالك من نفسك ومن المجنونه إلى معاكى
بسمة : حاضر
.....ثم غادروا.........
بعد مرور يومين
اتصل والد سارة بزياد ليأتى للرؤية الشرعية ،كانت صدمة بالنسبة لزياد وفرحه لا يصفها
ذهب زياد مع عائلة عمر فزياد يتيم الاب والأم ولا عائلة لديه فلذلك نشأ وحيدا وكان صديق عمر من الحضانه ووالدى زياد توفيا عندما كان عمره ١٧ سنه واعتنت به والدة عمر ووالده إلى أن كبر وذهب إلى منزل عائلته ولم يقبل بالعيش فى منزل عمر بحجه انه يريد أن الاعتماد على نفسه وأنه يريد العيش فى منزل والديه لانه فيه ذكرياتهما واستثمر فى شركة والده بعد أن أتم عمره القانوني للميراث وكبرها بمفرده فهكذا يكون قد نفذ مقوله [استثمار الوقت يأتى بالنجاح ]
بعد أن وصلو لمنزل سارة وتركهم ليتكلمو سويا كان الكلام كنقاش ولم يذكر زياد شيئا فقد كان يسالها كأنه اول مرة يقابلها وهى كانت تفعل كذلك
أبدت موافقتها لوالدها واتفقوا علشان يكون الزفاف فى نهاية هذا للشهر وعقد القران والخطوبة فى يوم الجمعه القادمة .........
.............
