رواية حب بعد عناء الفصل الثالث عشر 13 بقلم شيمو

رواية حب بعد عناء الفصل الثالث عشر بقلم شيمو 

(حب بعد عناء) الحلقة 13 

فى صباح يوم جديد تشرق الشمس وتستيقظ نور من نومها على ضوء الشمس وتقوم تتوضا وتصلي وتدعي ربنا انه يشفي اسر ويقوم بالسلامه انا اسر الحب الحقيقي اللي دخل قلبها اول ما شفته واعدت تدعي ربها وقت طويل سماع سرحت في كل الذكريات اللي بتجمع بينها وبين اسر ثم تسيل الدموع على خدها بدون ماتحس تتفاجئ بطرق على باب غرفتها تمسح دموعها وهي تقول

نور.... ايوه حضرتك وتتجه لتفتح الباب ‏ فتتفاجئ ب مامتها وباباها 

منى وهى تحضنها .... حبيبتى وحشتينى اوى يا نور عيني 

نور اول ما شافت مامتها انهارت وفضلت تعيط بهستريا وهى تحضن مامتها 

منى.... اي دة نور مالك يا حبيبتي فى اى 

نور /....... 

يوسف و هو يحضنها.... فى اى يا نور اتكلمى 

نور بتعيط بس ........ 

منى ل مروان و حسام 

منى..... فى اى ايه الحصل مالها نور مين فيكم زعلها 

مروان باستغراب..... والله يا ماما ما كلمتها وبعدين اصلا هى دى حد بيقدر يكلمها مستحيل دى بالسانين 

منى... متقولش على اختك كده دى نور ست البنات 

مروان.... طبعا ما هى الدلوعه هانم 

منى.... اه هى الدلوعه مالك انت 

مروان..... ماشى يا ست ماما الدلوعه الدلوعه 😂😂😂

يوسف لاحظ سكوت حسام 

يوسف..... حسام 

حسام.... نعم يا بابا 

يوسف بزعل.... اى الحصل لنور وصلها للحاله دى 

حسام وهو باصص لنور.... مش عارفه يا بابا والله حضرتك اسالها هي ما تسالناش احنا احنا ما نعرفش حاجه و ما نعرفش مالها لان هى كانت كويسه لحد امبارح ومنعرفش اى الى حصل 

 حسام وهو بيتكلم كان بيبص لنور جامد ونور حست انه حاسس بحاجه و استغبت نفسها انها ضعفت قدام حضن مامتها اللي كان وحشها قوي 

يوسف.... نور اتكلمى فى اى 

نور بدموع..... اصل ماما كانت واحشانى اوى 

منى.... حبيبتى وانتى كمان كنتى واحشانى اوى البيت كان واحش من غيرك 

يوسف..... طيب يا ستى ربنا يخليكم لبعض 

نور وهى بتمسح دموعها ... ويخليك لينا يا بابا 

مروان.... يا ختى يا صغنن بتعيطى علي ماما 😄😄😄

حسام.... بس يالا ملكش دعوه ب نور 

مروان.... طيب كلكم عليا علشان خاطرها 😢😢😢

منى ... اة كلنا عليك 😽😽😽

نسيبهم شويه يكملو كلامهم مع بعض ونروح ل مكان اخر

 فى المستشفى بالتحديد فى العناية المركزة 

فريده بتكلم اسر 

فريده بدموع..... اسر اوم يا اسر انا ما ليش غيرك ما تسبنيش انت ضهري وكل حاجه لي في الدنيا اوع تسيبني الدنيا هتبقى سوداء وحياتي هتقف من غيرك علشان خاطري قوم يا اسر قوم متسبنيش انا ماليش غيرك تعرف لو سبتني انا هاموت يا اسر الحياه من غيرك ما لهاش لازمه

وبدا صوت عياطها يعلى بهيستريا وجه الدكتور علي صوت عياطها وفضل يهديها لحد ما هديت وخرجت بره الغرفه 

الدكتور ل فريده 

الدكتور.... انسه مينفعش اللي حضرتك بتعمليه ده لازم تكوني اقوى من كده مش علشان خاطرك كمان عشان خاطر اخوك لازم تبقى قويه

فريده.... انا بحاول بس مش قادره امسك نفسي اكثر من كده و بدات بالعياط مره ثانيه

فريده بدموع.... اصل حضرتك ما تعرفش هو ايه بالنسبه لي هو كل حياتي انا ماليش حد غيره وهو مالوش حد غيري انا وهو ما لناش غير بعض بعد بابا وماما ما ماتوا هو اللي رباني و كبرني هو كان بالنسبه لي كل حياتي هو بابا وماما و صاحبي واخويا كل حاجه بالنسبه لي كان اسر

الدكتور.... معلش دي فتره وان شاء الله هتعدي و لازم تبقى اقوى من كده علشان تقدر الفتره دي تعدي و انا حاسس بك كويس جدا و حاسس باللي انت حاسه بيه ومقدر ده كويس وان شاء الله استاذ ياسر هيبقى كويس و هيقوم بالسلامه باذن الله بس انت لازم تدعي له مش تعيطي لان العياط مش هيفيدنا بحاجه وان شاء الله يا استاذ اسر هيقوم بالسلامه

فريده.... يارب يا رب ان شاء الله و ميرسي جدا لحضرتك و لمشاعرك النبيله شكرا جدا يالدكتور 

الدكتور.... العفو على ايه ده شغلي بعد اذن حضرتك واتمنى انا ما شوفتكيش كده ثاني 

فريده.... ان شاء الله 

الدكتور... بعد اذنك يا هانم 

فريده.... اتفضل اه نسيت اقول لحضرتك انا اسمى فريده 

الدكتور.... تشرفت بمعرفتك استاذه فريده 

فريدة.... الشرف ليا 

الدكتور...... بعد اذنك ولو احتاجتي اي حاجه قولي بس انا عايزه الدكتور احمد وهتلاقيني عندك 

فريدة.... ماشى يا دكتور ميرسي 

الدكتور.... العفو بعد اذنك 

فريده..... اتفضل 

دكتور احمد لنفسه..... فعلا فعلا انسانه جميله قوي حاسس كده ناحيتها مشاعر جميله بس يا ترى هي في احد في حياتها ولا لا انا لازم اتاكد من الموضوع ده اللي في الخير يقدمه ربنا 

فريدة لنفسه.... هو ما جاش ليه لحد دلوقت ياترى حصل ايه هو قال لي ماشي الصبح هيكون عندي عشان لو احتاجت حاجه هو تاخر كده ليه ايه ده هو انا بافكر فيه قوي كده ليه

 في مكان اخر

حسام وهو بيبوص فى الساعة...... ياه ده انا اتاخرت قوي علي الانسه فريده انا لازم اروح لها دلوقتي

نور بترجي.... خدنى معاك يا حسام 

يوسف.... هيخدك معاه فين 

نور........

يوسف.... ما تردي عايزه تروحي معه فين هو انت رايح فين يا حسام 

حسام..... المستشفى عند اسر صاحبى 

منى..... اسر صاحبك بيعمل اي فى المستشفى وبيعمل اي هنا اصلا 

قصه عليهم حسام كل ما حدث معه 

منى.... لا حول ولا قوه الا بالله زعلتني فعلا يا حسام ربنا يشفيه يا رب ويقومه بالسلامه

يوسف.... ربنا يشفيه بس ايه علاقه نور باسر علشان تطلب تروح معك 

نور بالخبطه ملحوظه...... اصل.. اصل يا بابا انا يعنى 

قطاع كلامها حسام وقال

حسام..... اه يا بابا اصل انا حكيت عنو لنور وهو صعب عليها جدا وقالتلي لما تيجي تروح خذني معك علشان ازوره وانا وعدتها اني هاخدها معايا بعد اذن حضرتك نور هتروح معي

 نور بصت لحسام وابتسمت 

يوسف.... ماشى يا حسام بس متتاخروش 

حسام... حاضر متقلقش 

ثم وجه كلامو لنور 

حسام..... نور عشر دقائق وتكونى جاهزه 

نور.... حاضر  

نور وحسام جهزوا و نازلو من الفندق 

فى عربيه حسام 

حسام.... نور 

نور باحراج..... نعم يا حسام 

حسام..... ممكن تحكيلى فى اى بينك وبين اسر 

نور....... 

الفصل الرابع عشر من هنا