رواية مصير مجهول الفصل السادس عشر
على واقف قدام باب الشقه ومصدوم : يادى النيله .. يادى النيله عليك يا محمود وعلى معرفتك السودا .. وبيزعق وراح للحمام .. انت يالا .. اطلع من جوا
محمود اتعدل جوا البانيو : يالهووووى نسيتك تانى وبيقفل حنفية البانيووو .. وقام لبس البورنس وحط فوطه على راسه وطالع يتسحب زى الحراميه .. على اول ما شافه مسكه من قفاه وبيهزه جااامد
على : أعمل ايه فيك وفى عمايلك فينا جننت أمى
محمود بضحكه : امك ماتت
على : قرب عليه جااامد ومحمود بيرفع ايده عند وشه بخوف مصطنع وربنا ما حد عاملها غيرررك .. ناقص ادخل احميك واخرجك زى العيال
محمود زقه : خلاص ياعم الحمقى .. اعملها انت ها تذلنى
على بيشاور على الشقه : ماعاش ولا كان الا يذلك مع نفسك وبيبعتله بوسه وبيعمله باااى انا داخل اريح شويه تكون الشقه اتمسحت وسابه ودخل على جوا
محمود بصوت عالى : بالسلامه .. انت جاى تقرفنا .. ماكنت قاعد فى الشقه وانا ملك زمانى وبيبص حواليه وشهق جااامد .. وقلب صعيدى .. يا وجعتك الا زى وشك يا محمود .. انا خربت الدنيا خربيت وراح لعلى الاوضه ولسا بيفتح الباب
على بصوت عالى : اخرج برا واقفل الباب
محمود : هى دى الاخوه يا على احنا على الحلوه والمره سوا
على اتعدل وقام راح ناحية المطبخ ووقف يعمل قهوه
محمود : كنت عارف انك جدع ولا يمكن تتخلى عنى
على خلص القهوه وشربها وقاعدله على الكنبه ومحمود راح لبس شورت وجاب المساحه والشرشوبه والجردل
محمود : خد يا على انا ها ازق الميه بالمساحه وانت الحقنى بالشرشوبه
على : زق بعيد عنى وهاتلى الريموت دا .. وربنا منا عامل حاجه ياغبى .. ياغبى .. الناس بتملى البانيو وبعدين تتنيل تنزل فيه .. انت بتنزل فيه وبعدين تفتح الحنفيه وتنام مجنون يالا .. ياله زق من هنا
محمود : ابو شكلك .. وبدء يمسح الشقه ويغنى اطبخى امسحى روقى وعلى قاعد يضحك عليه .. خلص ورمى نفسه جمب على وحط راسه على رجله وبيكلمه
محمود : ايه الا جابك مش قولتلى ها اجى بعد يومين
على ضربه على وشه بهزار : وحشتنى جاتك القرف
محمود : ههههههه مش ناوى تاخدنى معاك مره اتفسح واشوف الدنيا قبل ما سالم يطربقها على دماغنا
على : مش عايز نظهر مع بعص بقدر الإمكان وكمان انت هنا بتقضى مصالح كتيرر انت عارف شمس صعب ابعد عنها فتره طويله وبتخرج من عمليه تدخل التانيه وسالم مش ها يسيبك تروح فى حته اصلا
محمود : ربنا معاها وبمكر وهبه عامله ايه
على بنفس المكر : وانت مالك .. اصلها قالتلى صاحبك دا رخم
محمود اتعدل : انا رخم دا هى الا ستين رخمه وقام من جمبه
على بيضحك : خد يالا رايح فين عايزك .. وربنا ماقالت حاجه
محمود ابتسم ورجع تانى وبعدين قلب وشه : عايز ايه
على : شمس قررت نلعب بيهم شويه وانت تدخل وسطهم
محمود : ماعنديش مانع طبعا احنا منتظرين اى خطوه من زمان بس ناويه على ايه
على : قص عليه كل الا حصل وايه خطتهم .. ها ايه رايك
محمود : وانا ها اخلص مع العقربه دى ازاى
على : بقولك ايه شوق ولا تدوق يا صاحبى دى اكتر حاجه تجنن اى ست واى راجل واهم حاجه ما تقعش فى الرزيله
محمود : يعنى يوم ما اقع اقع فى عقربه .. ما علينا وها ادخل عليها ازاى
على : سالم معين مراقبه كبيره عليها وقالى فى الوقت المناسب ها يدخلوك وسطهم
محمود : تمام .. ربنا يستر ..
مر اسبوعين على الاتفاق واول ما حصلت الحادثه لفريده استغلو خروج راضى من العربيه ونقلوها بسرعه لشقه تبع سالم .. وابتدت تنفيذ الخطه الاولى ومقابلة محمود بفريده ... مر شهرين وهما كل يوم بيقربو من بعض وعلى بيسافر يطمن شمس ويشوفها ويرجع تانى
**********
بعد عدة شهور والامور تمام مع محمود
على قاعد بيستمع وساكت
سالم : محمد مش عايزهم يتنفسو نفس واحد من غير ما نعرفه
محمد : ها نكبس على نفسهم ما تقلقش .. ورجوع شمس ها يقلب الدنيا لصالحنا
سالم : دول كلاب سعرانه يا محمد عندهم استعداد يبيعو ابوهم عشان القرش
محمد : اذا كان فيهم باعو بلدهم وعندهم استعداد كل يوم وكل لحظه يبعوها .. بيتحالفو مع الشياطين .. اسكت يا سالم الواحد قرف
سالم بقولك ايه : لما تبقى ماشى فى طريق الضلال وبتسقف بجهل وبتقع وعايز تقع بمزاجك اقع وغور فى داهيه ما تلموش غير نفسك ودا الا هيتم فيهم ها يقعو كلهم لوحدهم ان شاء الله .. انا ها اقوم عشان على مسافر لشمس وكنت عايزه ومعاد طيارته قربت
على : لسا بدرى يا باشا خد راحتك
محمد ابتسم : اهو قالك خد راحتك . انت ها تفضل بعيد عن شمس كتير
سالم : لازم افضل بعيد واعودها تعتمد على نفسها .. مش عايز اكرر غلطى فى حق مليكا .. كفايه الا حصل
محمد : مش حل .. انت يا تبعد خالص وتستمر فى كرهها ليك يا تقفل عليها خالص
سالم : كدا احسن لها وليا خليها هى تفكر وتجرى تجيب حقها وتدور على الحقيقه لكل سؤال تعبها فى يوم من الايام وقام وقف
محمد : انا مبسوط انى بقيت اشوفك كتيررر والله بسبب القضيه
سالم : اعملك ايه ما انتى عاملى فيها ظابط مخابرات مهم ومش عارفين نكلمك
محمد ضحك : غصب عنك مهم .. تروح وترجع بالسلامه يا على
على : الف شكر يا فندم .. وبيسلم عليه والله انا مبسوط انى اتعرفت عليك
محمد : وانا كمان والله ومبسوط انى بشوف زيك كتيررر رجاله يعتمد عليها
على : تسلم .. واتحرك هو وسالم .. وفضلو طول الطريق يتكلمو فى كل حاجه .. وعلى دخل المطار وبعد وقت طلع الطياره وسافر واتفاجئ بشمس مستنياه فى المطار ..
شمس بأبتسامه : حمدالله على السلامه
على بنفس الابتسامه : الله يسلمك وحشتينى
شمس ضربته فى كتفه لو وحشتك مش ها تسيبنى شهرين وداخلين على التالت من غير ما اشوفك
على بيبص لها بجمب عينه : ومين الا معاكى كل يوم لايف لحد ما يروح فى النوم وهو بيكلمك
شمس : مش كفايه .. لازم تبقى قدامى اشوفك واطمن انك فى حياتى
على : لسا دا كله ما اتطمنتيش انى فى حياتك
شمس اتعدلت وهى ماشيه معاه وماشيه فى وشه وبترجع بضهرها وهو بطئ مشيته : تفتكر بطمن فى بعدك او المكالمه دى بتقرب المسافات .. بالعكس دا حاجز كبير نفسى اكسره انى اشوفك قدامى واتكلم معاك احلى بكتير من اى حاجه
على بفرحه : هو انا ممكن اشيلك واطلع اجرى
شمس بضحكه ودلع : توء يا علووشى . بس ممكن احط ايدى فى ايدك ونجررررى وبدئت تجرررى وهو بيجرى معاها وبيضحكو جااامد ووقفو مره واحده وهما بينهجو ها تيجى معايا الشقه تاخد شنطه هدومك الا سايبها عندنا
على : اكيد .. امال ها البس ايه
شمس : فضلى شهر يا علوووشى وانزل مصر وافضل جمبك على طول
على : تعرفى انى ميت من الخوف عليكى
شمس : اوعى تخاف او تقلق .. عارف انا ها ادمرهم وخصوصا ان محمود اتمكن من فريده تمام .. بس قبل ما ارجع بيومين لازم تخرجو بابى
على : حازم بعد ما قابلته واتاكدت فعلا من كلامك قالى عنده استعدا يساعدنا
شمس بخوف : حازم يخرج منها خالص .. الحاجه الوحيده الا حازم يعملها يتاكد ان الحقن والحاجات الا بيهدو بيها صحة بابى تقف ويديلو بدالها فتامين
على : هو فعلا بيعمل كدا .. بس ازاى محمود ها يخرج ابوكى لوحده
شمس : عم عبده يا على .. تعالى نطلع ونتكلم فوق مش ها ينفع هنا وطلعو على فووق
على : هبه فين
شمس : لسا مرجعتش من برا اكيد .. تعالى ما تخافش منى انا مسالمه
على بضحكه خبيثه : لا انا خايف عليكى انتى
شمس بثقه : ولا تقدر تعملى حاجه
على : تحبى تجربى
شمس : هههههه .. ها تتغدى معايا
على : ها تغدينى ايه
شمس : سندوشات بانيه ووقفت وبتعمل الاكل وهى بتكلمه .. وخلصت وقعدت ولسا ها ياكلو .. هبه دخلت وجريت عليها شالت طبق على
هبه وهى بتاكل : حمدالله على السلامه يا على .. انا فرحانه انكو عملتو حسابى فى الاكل
شمس قربت طبقها وبتناول على ساندوتش : خد دا عشان لو قربنا منها ها تاكلنا
على : وعلى ايه بالهنا يا ست هبه
هبه : مفيش زيك والله يا علوش .. انا بقى ها اكمل اكل فى الاوضه واغير واطلعلكم
شمس : طيب هاتى ورقه وقلم
هبه جابتهم : اتفضلى ودخلت الاوضه
شمس اتعدلت لعلى : ركز معايا يا على .. بابى موجود فى الاوضه دى ورسمت مداخل الاوضه ..وعم عبده مكانه هنا ورسمت المطبخ .. فى فالمطبخ مفتاح كبير بيفصل الكهربا عن الفيلا كلها ومهما عملو مش بترجع غير بيه وبيبان انه عطل .. المفتاح دا موجود ورا المطبخ من فوق عم عبده على علم بيه ها يقفل النور ويقطع كبل المحول الاحطياطى قبل ما يقفل النور ...
على : استنى بس انتى عارفه ان فى كاميرات مراقبه موجوده فى كل الاوض دلوقتى وعندها الامكانيه تصور من غير نور ولا كهربا وفى الضلمه عادى لانهما بتتحول على بطاريات لو فصلت الكهربا عنها
شمس بتأكيد : عارفه ودى بقى مهمة حازم الوحيده .. اليوم الا ها تتم فيه عملية خروج بابى .. حازم يعطل كل الكاميرات دى ويخرج من الفيلا نهائى
على : انتى كدا بتشركيه معانا اهوو
شمس بنفى : لا يا على .. حازم ها يبقى بعيد ومش ها يعرف مداخل ومخارج الفيلا .. انت ومحمود بس الا ها تبقو على علم بيها .. ممكن تسيبنى اكمل
على : اتفضلى
شمس : بص هنا كدا ورسمت اوضه تالته .. دى اوضه اللعب بتاعتى وانا صغيره .. كان فيها سرير صغير ودولاب .. وقبل اى تحرك حازم يتاكد ان هى مفهاش كاميرات مراقبه .. محمود ها يدخل الاوضه دى ويلف الدولاب بتاعى بايده ها يلاقى وراه باب زيه زى الحيطه بالظبط ها يزقه جهة اليمين ها يدخل جوا الحيطه وينزل درجتين ها يلاقى نفسه جوا المعمل بتاع مامى .. ومنه لحديقه كبيره فيها باب زى باب الفيلا الرئيسى .. الباب بتاعها موجود هنا فى الشارع دا ورسمت الشارع وكتبت اسمه .. انت ها تستنى محمود على الباب دا وتاخد منه بابى وهو يرجع كل شئ زى ما كان بالظبط ويرجع الفيلا تانى
على ضحك جاامد : قاعد مع رئيسة عصابه
شمس : 😂😂 بابى كان بيخاف على مامى جدا فوق ما تتخيل .. قبل ما ننقل على الفيلا دى هو الا عمل التصميم بتاعها بنفسه بحكم انه مهندس معمارى .. وخلق لمامى جزء كبير من الحريه اتعاهدو ان مفيش حد يعرفه ويكون خاص بيها وبشغلها لانها طول الوقت بتفكر فى جديد وبتعمل ابحاث وهو عارف خطورة دا كويس جدا لان العلم دا بحره كبير وواسع بيتنافس عليه دول كبيره وعامله مافيا فى كل مكان واولهم اسرئيل الا تم اغتيال كتير من العلما والباحثين على ايديهم خصوصا العرب
على هز راسه : عندك حق قريت كتير عن الموضوع دا وزعلت على كل العلماء والمفكرين الا بيخصو الوطن العربى الا بيتفننو ازاى يخلصو منهم لو مقدروش يكسبوهم لصفهم .. طيب هو ها يعمل ايه فى راضى وفريده لو موجودين جوا الفيلا
شمس : على لو الجن الازرق جوا الفيلا وعم عبده قطع كابل محول الكهربا وفصل المفتاح الرئيسى الا قولتلك عليه دا على الاقل ها يقعدو ساعه على ما يقدرو يشغلو المحول تانى هما يتلخمو فى الكهربا ورجوعها وانتو تخلصو .. العمليه دى مش ها تاخد منكم عشر دقايق على حسب حركة بابى ووضعه الصحى
على : تمام المفتاح فين بقى بتاع البوابه
شمس فى مفتاح احطياتى موجود فى المعمل تحت اول ما ينزل ها يلاقى صندوق صغير متعلق على الحيطه فيه مفاتيح كتير لكل حاجه فى الفيلا .. هو مفتاح مميز فيهم ولونه اصفر
على : تمام قوووى كدا وان شاء الله الامور كلها تتم زى ما احنا عايزين
شمس : ان شاء الله ها تتم زى ما احنا عايزين واكتر والا يضمنلى دا ان البحث لسا بعيد عنهم
على : شال الورقه وطبقها حطها فى جيبه وبص لها . انا عايزك تخلى بالك على نفسك ولو حسيتى بالخطر ارجوكى ابعدى
شمس بأبتسامه : خلاص يا على مفيش خطر فى حياتى او بمعنى اصح بقى اتفه حاجه ممكن احس بيها دول قتلو فيا المشاعر والخوف من اى حاجه
على : وانا جمبك لازم تفضلى بمشاعرك وتعيشى حياتك . ها نجيب حقك وها تاخديه بايدك عشان ما تفضليش طول الوقت تفكرى وتلومى نفسك وتعيشى على جراح الماضى .. ها نقفل الصفحه دى فى يوم من الايام للابد وها تشرق شمس صافيه من جديد
شمس ابتسمت وحست بقلبها الفرحان : ها تشرق ياعلى وها يشرق معاها وطن وحب وأمل طول ما فى ناس زيك وزى محمود
هبه : انتوو ما بتزهقووش كل ما اشوفك الاقى بوذكم فى بوذ بعض ونازلين رغى
شمس : هههههههه هادم الملذات طلع من الجحر
على : هههه جايبه لنفسك الكلام وربنا
هبه : خليكو بناركو .. انا ولا شئ يهزنى .. ها افضل صامده ومصممه على موقفى
على : الا هو ايه بقى
هبه بتفكيرر وماشيه تخبط صباعها على راسها : الا هو ايه يا هبه . الا هو .. الا هو .. ولفت وشها لعلى وربنا ما اعرف بس اكيد فى يوم من الايام ها اعرف واقولك عليه وبتنادى ..على
على : نعم
هبه : هو صاحبك وبستعباط الا اسمه .. اسمه ايه يا شمس
شمس بغمزه : ياااه بتنسى كتير انتى يا هبه وبصت لعلى .. محمود ياعلى فاكره
على برخامه : لا مش فاكره 😂
هبه : ازاى يعنى وانتو لازقين فى بعض .. ما علينا هو بيفكر يعمل ايه فيما بعد
على : الصراحه يا هبه . هو زيك ما بيفكرش غير فى مستقبله والاكل ههههه
هبه : حلووو قوى دا اعملك معايا عصير بقى
على قااام : لا لازم امشى .. فين شنطتى الا هنا
شمس قامت جابتها : اتفضل وخدها ونزل
استمرت الايام بينهم على كدا وفضل على يخطط هو وسالم ومحمد ومحمود ويرتبو لكل دا .. لحد قبل رجوع شمس بيومين .. كلم حازم وراح يقابله
حازم دخل مول كبيرر .. وبعدين الحمام الا فيه المول وغير هدومه ولبس كاب ونضارة شمس وخرج من باب تانى خالص .. ركب تاكسى وراح لعلى الكافيه
على سلم عليه وقعدو الاتنين
حازم : انا بعمل انجاز عشان اجيلك
على : بتعمل ايه يعنى
حازم : عارف رجدى اباظه فى فيلم الراجل التانى .. اهو انا دلوقتى بهرب من المراقبه الا على زى رجدى ..وناقص السيجار واخد طلقه فى اخر الفيلم واقعد اضحك
على ضحك جااامد : معلش بقى كله يهون عشان شمس .. المهم دلوقتى انا عايز منك خدمه
حازم : اتفضل
على : ها تقدر تعطل الكاميرات الا موجوده فى الفيلا كلها لمدة ساعه واحده لو النور قطع
حازم : ها احاول .. عشان انا ممنوع ادخل المكتب ودا فيه غرفة المراقبه لكل شئ بيتم .. كل الحكايه ها نسحب البطاريه الابتشتغل لما النور يقطع وبتعيد تشغيل الكاميرات دى والا ممكن يقوم بالمهمه دى عم عبده لانه دخل لفريده اكتر من مره المكتب ويشغلهما تانى عادى
على بأستعباط : هو موثوق فيه
حازم : جدا وبيحب مليكا وشمس وكامل حب لا يوصف
على : يعنى ممكن تتفق معاه
حازم : خلاص اعتبر الموضوع اتحل .. بس انت ناوى تعمل ايه
على : ها اعمل محاوله اهرب بيها كامل يا نجحت يا فشلت .. مطلوب منك انهارده باليل الساعه 7 تكون برا الفيلا وملكش علاقه بالموضوع نهائى ...
حازم : ماشى
على : ممكن سؤال رخم شويه انا اسف
حازم : قول على طول اكيد السؤال يخص فريده
على : الصراحه .. اه .. مين الواد الا لازق لها بقاله فتره كبيره دا
حازم بإحراج : البرنس .. دا واحد بيقلب عيشه ملوش فى اى حاجه هى مشكلته الوحيده انه وقع فى سكتنا وانا بحاول ابعده
على هز راسه : ليه اختك مش طالعه زيك
حازم : فريده طموحها قتلها .. دايما عندها طموح بس مش بتكتفى با الا عندها بتبص على غيرها ودا وقعها فى الطريق الا هى ماشيه فيه الخاين دايما والعدو بيدور على الطماع الا دايما يبيع ما يشتريش لانه ملوش مبدء دا الا انت عايز تسمعه
على : انا اسف .. انا استغربت ان شمس بتثق فيك بس لما اتعاملت معاك عرفت اد ايه انت نضيف
حازم : وممكن فريده تبقى احسن منى .. بس الا حصل .. انا الا عندى سؤال بيموتنى كل لحظه بقابلك فيها
على : خايف على فريده
حازم بتاكيد : ايوا احنا لينا اهل كتير بس فريده هى كل أهلى .. عارف لما تفتح عيونك على الدنيا وتلاقى شخص ماسك ايدك وبيمشيك اول خطاوتك بفرحه كانت فريده .. هى اول خطواتى يا على واخرها .. وضميرى بيعذبنى انها تسببت فى دا كله بغباء وانانيه لناس مشفناش منهم غير كل خير .. لولا كدا عمرى ابدا ما اكون ضدها ارجوك وصل لشمس كلامى قولها يوم ما تسامحى فريده يبقى بتسامحنى انا
على حط ايده على كتف حازم وبيخبطه : ليا الشرف انى عرفتك .. كل الا انت عايزه ها اوصله ما تقلقش . ياله عشان تكلم عبده
حازم : تمام .. وقام ورجع المول ولبس لبسه اشترى شوية حاجات ونزل عادى جدا وركب عربيته ورجع على الفيلا .. وفى الوقت دا كان سالم كلم عبده واتفق معاه على كل حاجه وبلغ على ان كله تمام .. وتمت خطة خروج كامل بسلام وزى ما هما عايزين ..
بعد وقت كبيررر عبده كلم على وبالهفه
عبده : الحق يابنى ابن ال.... ضرب حازم وحبسه
على وهو بيتاكد ان شمس فى امان بعد روجوعها ومحاولش يقابلها ووصل لها رساله ان خالها حبسه تانى .. رد على عم عبده : عرفت منين يا عم عبده
عبده : انا مخرجتش من الفيلا .. استخبيت فيها عشان اشوف الدنيا ها ترسى على ايه وها يتفقو على حاجه والا لاء زى ما سالم بيه طلب منى .. اتفاجئت انهم بيتهمو حازم انه هرب كامل بيه ونزلوه البدروم والزفت الا اسمه راضى بيضربه
على : ما تقلقش .. عندك استعداد نخرجه زى كامل بيه
عبده بعياط : انا اديله روحى
على : اهدى يا عم عبده والله ها يبقى بخير وها نخرجه .. معاك مفتاح للبدروم دا
عبده : لا يابنى المفتاح معاهم هما بس
على افتكر كلام شمس والمفاتيح الا تخص كل حاجه فى الفيلا وموجوده فى المعمل : خلاص يا عم عبده انا ها اجيب المفتاح وها نخرج حازم لما اكلمك تانى تنفذ قطع الكهربا
عبده : مستنى الاوامر .. انا ها اقفل سلام
على قفل معاه واتصل على سالم بلغه بكل الا حصل وسالم قاله ها ينفذ خطة خروج حازم زى كامل وبدء يأمنهم كلهم هو ومحمد ورجالة الامن الا طول الوقت مراقبين الموقف من بعيد عشان لو حصل اى حاجه يتدخلو على طول
سالم : شمس قابلتها وسألتنى عليك زى ما اتفقنا
على : اكيد طبعا مش ها اقول لها حاجه .. انا لازم اكلمها وها افهمها انى هربت منك
على : اتصل على شمس طمنها عليه و سألها على شكل مفتاح البدروم وعرفت بموضوع حازم وقالتله على المفتاح وفضلت متوتره لحد ما اطمنت ان حازم كمان اتحرر من ايديهم وعلى هو الا دخل الفيلا عن طريق المعمل ونزل على البدروم خرج حازم ولما راضى نزل ليهم وهما بيخرجو عبده كان وراه بخشبه كبيره ضربه على راسه وخرجو بسرعه هو وعلى عن طريق المعمل
عبده : يابنى هانرجع الدولاب ازاى مكانه قبل ما نقفل الباب
على : الباب مفتوح انت لف الدولاب بايدك يا عم عبده يرجع مكانه والباب ها يتقفل من هنا عااادى مفهاش حاجه .. وخلصو وخرجو برا
عم عبده : والله يابنى بقالى زمن معاهم اول مره اشوف المكان دا
على : معلش بقى يا راجل يا طيب كامل بيه انت عارف انه كان بيخاف على مراته
عبده : هو فى زيهم فى الدنيااا .. الله يرحمك يا ست مليكا عمرى ما شوفت فى طيبتها ولا انسانيتها ابدا .. محمود قرب عليهم بعد ما دخل من البوابه الا ورا
على : اتاخرت ليه
محمود : بتاكد انى فى السليم . محمد باشا لما قالى اقرب وادخل دخلت
عم عبده تنح : مش انت
محمود ضحك : معاكو يا راجل يا طيب
عبده ضرب كف على كف : لسا ها نشوف ونسمع ونتفاجئ يا ولاد
على ومحمود ضحكو ومحمود شال حازم الا فاقد الوعى على كتفه وغادرو المكان كله وصلو المخرن ودخلو الاستراحه
كامل بالهفه : ماله عملو فيه ايه هو كمان المجرمين دول
على : ما تقلقش عليه هو كويس كدمات بس ..
ومجدى وصل وكشف عليه وفوقه
مجدى : محمود طول ما انت قاعد جمبه كمدات ميه ساقعه على كل الكدامات دى والمرهم دا وطلعه من شنطته والمسكن دا ياخده لما بلغتونى انه انضرب عملت حسابى وجبتهم معايا
محمود : ماشى تمام
كامل : وديه المستشفى يا مجدى
مجدى : لايمكن يظهر دلوقتى يا كامل ها يفضل هنا حالته مش خطر وانا لازم امشى
حازم باصص لهم كلهم وخصوصا محمود ومصدوم وساكت
محمود : كيفك دلوجت
حازم مبرق له وبيلف راسه قوووى
محمود ضحك وبيمد ايده : انا محمود محمد السوهاجى .. ابن عمك واخوك ومش البرنس
حازم بص لعلى : انتو بتلعبو بيا
على : ابدا والله بس لا يمكن كنا ها نقولك محمود تابعنا
حازم : اختى يا على .. اختى فيها كل العبر بس توصل بيكم انكم ونزل راسه فى الارض بزعل
محمود : لاه يا ولد عمى .. بفضل الله ما اجعش انا فى الا حرمه ربنا كل الحكايه ان كان لازمن يبجى فى واحد واسطيكم وكان الواحد ده انا .. انما قسما بالله مافى اكتر من الكلام بينى وبين اختك
كامل بحزن بيبص لحازم وساكت
حازم انتبه : انا اسف على كل الا عملته اختى يا كامل بيه وبحزن اكتر مش عارف اقولك ايه
كامل : وانت ايه ذنبك .. الذنب ذنبى من البدايه .. ارجوك اقفلو السيره دى
على : شباب خلى قعدتكم لطيفه مع بعض .. محدش فيكم غلط فى حق التانى
عم عبده : اه والله يابنى . برغم انى كنت بدايق منه وبيشاور على محمود إلا انى عمرى ما شوفته فى وضع مش تمام
حازم ضحك : لا وكمان عم عبده معاك .. طيب كنت قوله على طول
على : يا صاحبى انت فى موضوع كبير ما تعرفش مين فيه عدوك ومين حبيبك لو كشفت ورقك كله تضيع .. بس واحده واحده بتنجى بنفسك و با الا حواليك وكان لازم اتاكد انك تبقى برا الفيلا عشان ما يبقاش فى خطر عليك شوف عملو فيك ايه
حازم : تمام ليك عذرك وانا الوحيد الا مش من حقى اتكلم
محمود : اباااه عليك ما تجفلش معانا ما يبجاش مخك تخين عاد وخليك حلوو
حازم ابتسم : وكمان صعيدى
محمود : مالهم يا ولد عمى
حازم : اجدع ناس ياعم .. بس اللهجه ماكنتش باينه عندك خالص
محمود : انا خطير
حاازم : وانامش طايقك
على اسيبكم انا بقى عشان فى حاجه مهمه بينى وبين عم عبده .. وخد عم عبده يكملو خطة شمس لانها كانت رجعت القاهره .. وصل بيه مبنى المخابرات وهناك كان سالم ومحمد وظباط تانيه
سالم : بص يا راجل يا طيب .. بكرا راضى ها يختفى هو ورجالته سواء كان برا الفيلا او جواها ومطلوب منك مهمه جديده وها يتعاون معاك وبيشاور .. اللوا محمد بنفسه
عبده : انا تحت امركم . المهم تنضف
محمد : تمام يا راجل يا طيب .. فريده فى اى وقت وهى فى الفيلا ممكن تفكر تهرب بعد اختفاء راضى ودا احتمال قووى جدا .. المطلوب منك اول ما تدخل اوضتها يتقفل عليها من برا وانت يكون معاك مفتاح الاوضه وتتاكد ان مفيش نسخه تانيه
عبده : سهله يا بيه
سالم : انت مش ها تسيب الفيلا نهائى .. واداله مسجل لصوت اقدام .. دا بقى تشغله مرتين تلاته وهى مقفول عليه .. شمس ها تظهر فى الفيلا تانى يوم الساعه .... وها تتكلم بردو مع فريده والباب مقفول ها تفضل على الحال دا يومين
عبده بفرحه : هى شموسه رجعت يعنى بخير
محمد : بخير وها تكلمها وتتطمن عليها بنفسك
عبده رفع ايده : الحمد ليك والشكر ليك يارب .. طيب ما تقبضو عليها يا بيه على طول
محمد : احنا مش ها نظهر فى الصوره يا راجل يا طيب .. فى ناس ورا فريده لازم يظهرو الاول . وكلام ومواجهة شمس لها ها يبين كل الحقيقه .. الا انا عرفته ان القزاز ضد الكسر بتاع الفيلا كلها .. فا احنا ها نعمل بلاك اوت من برا بحيث يضلم الاوضه نهائى عليها ونكسر اعصابها طول اليومين دول عشان المواجهه تجيب نتيجه
عبده : امرك والا تشوفه سعتك
محمد : معاك حضرة الظابط مؤمن واحمد .. ها يفضلو جوا الفيلا بعد خروج راضى منها وها يساعدوك
سالم راح لعلى : اتصل بلغ شمس ان كل حاجه تمام زى ما هى عايزا وتعتبر راضى وفريده تحت ايديها
على : كدا كدا ها اكلمها عشان كامل بيه مصمم يشوفها
سالم : اكيد ها تهرب من خالد
على : اكيد وياريت خالد يخف عنها او يعمل نفسه بيلاحقها عشان الوضع يبان طبيعى
سالم : اعتبره حصل .. ياله انتى روح لهم
وكل شئ تم زى ما شمس خططت وهما كلهم نفذ مع بعض الاضافات التأمنيه لكل شئ .. وبقت فى امان وبرغم كدا بيتأمن دخولها وخروجها لاى ظهرف تانى
**************
باااك
محمود : اباااه عليك يا على البطه رجعت يا راجل ومعاها محشى وانت جاعد سرحان بجالك ساعه
على قرب على الاكل و بياكل وبعدين اتكلم بوجع : تعرف انى مش حاسس بطعم أى حاجه من غيرها
محمود : ومين سمعك وبعدو عن الاكل ورجعو لهمومهم من تانى .. يابنى لازم شمس تسمع منك الحقيقه
على : لا يا محمود لازم تسمع الحقيقه من خالها زى ما وصلت له .. لو واثقه فيا ها ترجعلى وساعتها ها اتاكد انها خلاص اتخطت كل حاجه فى حياتها غير كدا لا
محمود : ولو انتكست ورجعت اوحش من الاول
على : يبقى كل الا عملته ضاع فى الهوا وكنا غلط من الاول .. لو اتمسكت بالحياه ها ترجعلى غير كدا يبقى لسا مريضه ومش بتميز بين الوحش والحلو وممكن تبعنى فى اى لحظه
محمود : وبالنسبه للمليون جنيه وفلوس شغلنا طول السنين دى مع سالم .. الا هى لسا لحد دلوقتى ما تعرفش انك حطتهم بأسمها فى البنك
على : بعد اختيارها ها تعرف ومن اول يوم وانا حاسس انى مليش فيهم جنيه وانت كمان طلعت اجدع منى .. الا بيتبنى على باطل من الاول يحرم علينا يا صاحبى .. اى قواضى تانيه كنا بناخد حقنا فيها وبنصرف منها طول الوقت .. انما تمن اتفاق على طفله وعدتها انى افضل جمبها ولا ابعها يبقى كنوز الدنيا ترخص و دا حقها مش حقنا
محمود : ربك يعدلها يا ولد عمى
*************
سالم : دا كل الا حصل من ساعة ما سافرتى .. ولحد قبل ما ترجعى ووصلك خبر انى حبست على ونزلتى وواجهتينى بحبسه كان بعلمه وترتيب مننا وكلمك وقالك انه هرب منى وها ينفذ كل خططتك عشان تتاكدى انى بعيد وعدو زى ما انتى شايفنى .. كنت عايزك قويه ما يهمكيش حد حتى لو انا .. والهانم الا بتقول لابوها انها بتحب محمود هو ما يفرقش كتير عن على .. وواقفته جمبك بأتفاق زى على وقبض التمن ومفيش نفس فى حياتك ماكنتش اعرفه
شمس بانت على وشها الصدمه وقامت من مكانها وكلهم عيونهم عليها .. مجدى وهبه وسالم
سالم قرب منها : دى كل العقود الا بينى وبينه اتفضلى ومسكتها وقرتهم واتاكدت من امضة على الا هى حافظها .. وبدأت تضحك بهستريه وبتخبط على رجلها لدرجه خوفتهم كلهم من تحول شمس لشئ مخيف فعلا و مدمر
