رواية عذاب رعد الفصل السابع عشر
عند ملك وكرم
ملك بصريخ فوق ياحبيبي ارجوك فوق
كرم ..بيحاول يفتح عنيه مابين الدم اللى بيزل على عنيه ..وبيحاول يمسح دموع ملك ..وبصوت خافت ...دموعك دى انا مستلهاش ..انا أذيتك وجرحتك ارجوكى سامحينى ارجوكى
ملك مابين دموعها ...هشش بلاش تتكلم دلوقت بلاش ويله عشان نروح المستشفى
كرم بتعب واعتراض منه..لالا خلينى كدا على الاقل اكفر عن اللى انا عملته معاكى
ملك مش ممكن اسيبك كدا حتى لو انتى أذتنى مش ممكن
وفعلن ملك ودتت كرم المستشفى بمساعده محمود صاحب كرم
الدكتور خيط لكرم الجرح ...الدكتور بسؤال لو حابب نعمل محضر فأنا ممكن..كرم بمقاطعه لا مفيش داعى انا متشكر لاهتمام حضرتك وانا هاخد حقى بايدى لانى مش محتاج محضر عشان اخد حقى
الدكتور ..وانا تحت امرك حضرتك لو غيرت رايك وحبيت تعمل محضر ...وسابه وخرج
كرم لملك ..ارجوكى سامحينى يا ملك عمرى
ملك..ممكن ترتاح دلوقتى وبعدين نتكلم
كرم ..ارجوكى خليكى جنبى ومتسبنيش
ملك ..انا جنبك اهوا بس انت ارتاح دلوقتى
كرم فعلن غمض عنيه وذهب فى ثبات عميق أثر تعبه.و..ملك فضلت جنبه وبعد شويه هى كمان نامت
كرم فاق من نومه لقاها نايمه على الكرسى جنبه ...وبيملس على شعرها ووشها بحنان ورقه ..ملك حست بيه وصحت
كرم بحب ...أرجوكى سامحينى انا بحبك ومقدرشى استغناء عنك ابدا
ملك بدموع وانا عمرى ماهسمحك ابدا انت اكتر شخص حبيته فى الدنيا وبرده اكتر شخص جرحنى وكسرنى
كرم ..والله غصب عنى انا اتجننت اما لقيتك بالمنظر ده ارجوكى سامحينى واول مارعد توصل هنتجوز على طول
ملك بدموع..وانكسار معدشى ينفع خلاص كل حاجه حلوه كانت بينا انت كسرتها كنت ادينى فرصه تسمعنى وانا كنت قولتلك الحقيقه بس انت زيك زى غيرك
كرم بأسف...انا اسف إنى مددتكيش فرصه تدافعى عن نفسك
ملك انا كتبتلك اللى حصل فى الرساله مش عشان ادافع عن نفسى انا كتبتهالك عشان تعرف انى كنت محتاجه لحمايتك ومحتاجه لحبك ..مش محتاجه لقسوتك واتهامك ليه
كرم ...ادينى فرصه واحده بس وانا هعوضك عن كل حاجه وعن كل اللى انتى شوفتيه بس سامحينى وتعالى نبدا صفحه جديده مع بعض
ملك ...انا اسفه بس كل حاجه ضاعت خلاص وانت اللى ضيعتها وسابته وخرجت
كرم غمض عنيه بوجع وافتكر الجواب بتاع ملك ليه
فلاش بااااك
ملك انا كتبتلك اللى حصل فى الجواب ده عشان تعرف اد ايه انت ظلمتنى وكسرتنى ...وهحكيلك عن اللى حصل معايه فى اليوم اللى جيت وشوفتنى فيه
شاب من بتوع شبكه الدعاره كان على علاقه بى مى صحبتى وكانت بتحبه جدا وهو لاسف مكنش بيحبها وكان واخدها تسليه ليه وعشان
يوصلى عن طريقها وانا لاسف مكنتش اعرف أنه هو من شبكه الدعاره دى غير وانا فى السجن بعد ما اقبطوا علينا
ملك لى مى ..انتى بتقولى ايه انتى اتجننتى اكيد ازاى اتجوزتيه عرفى وكمان حامل منه
مى...بدموع .. والله ياملك هو اللى ضحك عليه وفهمنى ان هو بيحبينى ...وانا عشان كنت بحبه صدقته ...واما عرض عليه الجواز العرفى بحجه ان هو عايز يحط باباها قدام الامر الواقع عشان يوافق عليه عشان انا مش مستواهم
اتجوزته وسلمتله نفسى ودلوقتى انا حامل وهو مش عايز يعترف بكدا ابدا
ملك...عشان انتى هبله وصدقتيه كان لازم تعرفى ان واحد زى عدنان ده استحاله يتجوزك لانه مش بتاع جواز ولا ارتباط اصلا
مى...ارجوكى ياملك ساعدنى ارجوكى
ملك بجديه ..انا ...ممكن اقول لكرم وهو يتصرف
مى بخوف...لالا كرم لا انا مش عايزه الموضوع يكبر ارجوكى بلاش كرم
ملك طيب انتى عيزانى اعمل ايه مع حيوان زى عدنان ده
مى...عيزاكى تكلميه هو ممكن يسمع كلامك انتى
ملك باعتراض لا مش ممكن اكلم حيوان زى عدنان وبعدين كرم لو عرف ممكن كل شئ بينا ينتهى
مى بدموع...وهو هيعرف منين ارجوكى ساعدينى ياملك ارجوكى
ملك بتفهم لحالتها....ماشى هكلمه وربنا يستر
وفعلن ملك راحت لعدنان ...فى كافتريا الكليه بتاعتهم
ملك ...ممكن اتكلم معاك شويه
عدنان بمكر...شويه بس قوليلى شويتن تلاته اربعه
ملك بجديه...انا جايه اتكلم معاك فى موضوع مى وعيزه اقولك انى عارفه كل حاجه وانك لو مصلحتش غلطتك ...هتكون ندل وزيك زى اى حيوان
عدنان بخبث...بدل ماتقفى كدا تدينى محاضره كنت اديها لصحبتك بدل ماتجرى تسلم نفسها لى اول واحد يقابلها
ملك ...انت عارف ان مى بتحبك ومتقدرشى ترفضلك طلب فااكيد لما تعمل الفيلم الهندى ده اكيد هتصدقك ومش هتفكر
عدنان ...وانا مبحبهاش لانى بحبك انتى وبس
ملك ..نجوم السماء اقربلك منى ...وخلى بالك انى مخطوبه وخطيبى مش اى حد انا ممكن اخليه يوديك وراء الشمس
عدنان وانا مبخفش و اللى عندك اعمليه وابقى خلى خطيبك يشوف حد يستر على صحبتك ...ولسه هيمشى..ملك مسكت دراعه...وبرجاء ارجوك ياعدنان ارجوك متتخلاش عن مى والله هى بتحبك ارجوك اتجوزها
عدنان عجبه اوى ملك وهى بتتحايل عليه كدا وجتله فكره شيطانيه فى دماغه وبمكر انا موافق اتجوزها بس بشرط
ملك بسرعه ..ايه هو قول بسرعه
عدنان بخبث ومكر ..تيجى معاها وانا هجيب الماذون يوم الخميس وهتجوزها رسمى
ملك بتوجس ..طيب انا لازمتى ايه
عدنان ...ولا حاجه بس عايز اثبتلك انى انسان كويس
ملك طيب لو عملت حاجه او منفذتش كلامك
عدنان بمكر ...عندك خطيبك ابقى قوليله
ملك ماشى عشان خاطر مى ... وانك هتتجوزها انا موافقه
عدنان بخبث ...ماشى على ميعادنا يوم الخميس فى المكان...ويله روحى فرحى صاحبتك
بعد ما ملك مشيت ...عدنان ضحك بشر ومكر ...والله ودخلت عليكى ياملوكه قلبى انتى ...يله كلها كام يوم وتيجلى زى الهبله وسعتها اعمل فيكى اللى انا عيزه
وفعلن جه يوم الخميس اللى رعد كانت محدده فيه الهجوم على شبكه الدعاره ...وعدنان ماهو الا ابن المعلمه بتاعت الشبكه عذاب رعد بقلمى دى دى فتحى..اللهم اسالك الفردوس لوالدى
ملك ومى ...وصلوا فى الميعاد والمكان ...وعدنان كان مختار مكان فى المجمع بتاع الشبكه ...اشبه بمكان الضيوف عشان ملك ومى مايشكوش فى حاجه
ملك بسؤال لعدنان...امال فين الماذون والشهود..عدنان بخبث ومكر طيب ...مش لما تشربوا حاجه الاول
ملك احنا مش جاين نشرب حاجه احنا جاين عشان تتجوز مى
عدنان بخبث...طيب هو انا انكرت انا بقولكم اشربوا حاجه عما الماذون يوصل
ملك ومى...شربوا العصير وبداو يدوخوا ..ملك لسه بتقوم عشان تلحق نفسها ...عدنان شدها من وسطها عليه وملك بتزق فيه عشان يسبها وبتوهان سبنى ياحيوان سبنى كرم هيقتلك... ودقايق وكانت ملك مغمى عليها بين ايد عدنان ...
عدنان شالها ودخلها اوضه نوم ونده لوحده وقالها عيزيك تخلعهالى وتسيبى بس هدومها الداخليه وفعلن اللى معاه عملت كدا
وهو بدا يصور ملك بشهوه ورغبه وصورها كذا صوره وهو بيقاوم رغبته فيها بشده ...وبعد ماصورها ..ضحك بشر ولنفسه خلاص ياملك قلبى تفوقى بس وافرجك على صورك وسعتها مش هيكون قدام اختيار غير انك تكونى زى صحبتك الغابيه اللى مغمى عليهابره و اخد اللى عايزه منك عشان تبقى ترفضينى كويس
رعد وفريقها كانوا وصلوا المجمع ودخلوا على ملك وهى كدا وعدنان جنبها بيمشى ايده على شعرها ووشها
وطبعا ملك عرفت باقى اللى حصل من ساعه ماشربت العصير لغيت لما كرم ورعد راحوا من البنت اللى خلعتها بعد ماملك اترجتها وهما فى السجن مع بعض عشان تطمن ان عدنان استغلها ولا لا
باااااااك
كرم غمض عنيه بحزن ووجع ...ولنفسه والله لادفعك تمن اللى انتى عملته ده غالى اوى ياعدنان الكلب ...وقرر يروح الجهاز عشان ينتقم من عدنان ..ويعرف مؤمن وعدى وصلوا فى التحقيقات لى فين
كرم فعلن راح الجهاز وبسؤال لظابط هناك ...انا عايز اعرف الرائد عدى والنقيب مؤمن فين انا كل اما اسال حد يقولى منعرفش هى ايه الحكايه بالظبط
الظابط...والله يافندم مش عارف هما فين...بس هما مش باينين من امبارح وحتى اللواء صبرى مختفى
كرم بصدمه واهتمام يعنى ايه الكلام ده...انا لازم اعرف ايه اللى حصل تعاله معايه بسرعه
@@@@@@@@@@@@@@
عند جاسر
جاسر لشخص فى التليفون ..خليك مراقبها واوعوا تغفلوا عنها ولاثانيه واحده وانا فى خلال ساعات هكون عندك
الشخص ...تمام ياباشا انت تأمر
عدى بعنف لجاسر...والله لو لمست شعره منها هيكون اخر يوم فى عمرك
جاسر بشر ومكر ...تؤ تؤ تؤ أنا مش هلمس شعره بس أنا هعمل اللى انت مقدرتش تعمله فى العشر سنين اللى فاتوا وباستفزاز ...اصل الحاجات دى بتبقا عيزه جراه ورجوله واكيد هى مشفتشى فيك كدا
عدى فى لحظه هجم عليه وضربه عدده لكمات والحرس بتوع جاسر كانوا دخلوا وضربوا عدى
اللواء صبرى.بعنف وغضب..لجاسر طلع رعد من حاسبنا ياجاسر انت ظلمتها كتير وعذابتها اكتر أبعد عنها وخلينا نصفى حسابنا سوا
جاسر بشر...لازم ادفعها تمن اللى هى عملته فيه ومساعدتك لها عشان تدخلونى السجن مش جاسر الدمنهورى اللى يسيب حقه انا لازم انتقم منها
عدى بعنف...انت حيوان وانا هقتلك لو قربت منها ولا فكرت تأذيها
جاسر بشر...واستفزاز...اسيبك انا بقا عشان اروح لحبيبه قلبك أجبها عشان اسمعك صريخها وهى بين ايدى...وبخبث أه نسيت اقولكم الرساله اللى انتم كنتوا بعتينها لكرم عشان يروح يبلغ رعد وينقذها منى ..وصلت لايدى...قبل ماتوصله فى الجهاز... وبكره لانى عندى عين فى كل مكان وبكره اكتر وبيقرب منهم ...لان دوال عشر سنين سجن من عشره ايام ...ويله سلام عشان اروح اجيب رعد قلبى...عذاب رعد بقلمى دى دى فتحى...اللهم اسالك الفردوس لوالدى
اللواء صبرى بخوف وقلق ...على رعد هقتلك ياجاسر هقتلك لو قربت من رعد والله هقتلك
جاسر بشر...هنشوف مين هيقتل مين وسابهم وخرج
عدى غمض عنيه بحزن ووجع ..ولنفسه معقوله حبيبه عمره حد هيذيها وأنا متكتف كدا ومش قادر أعمل حاجه ...وبدموع لنفسه يارب احميها يارب احميها يارب
وحال اللواء صبرى لايختلف عن حال عدى كتير...دعوات من قلبه لرعد ان ربنا يحفظها ويحميها من جاسر
@@@@@@@@@@@@@@@
عند رعد
فضلوا طوال اليوم يعملوا تدريبات على القفز فى الداوئر الناريه ...والتدريب على الزحف على الرمل وايديهم متكتفه وراء ظهرهم
ادهم وهو بيزحف لاسف تعبان قرصه وبصوت يمله تعب الحقنى يا يامن الحقنى أااانا قرصنى تعبان واغمى عليه
يامن بصريخ ...ادهم ادهم فوق
رعد جرت عليهم بسرعه وبسؤال فيه ايه حصله ايه حساسيه صدره برده
يامن بدموع وخوف على صاحب عمره ...لا قرصه تعبان
رعد بفزع ايه...قرصه تعبان وانت ساكت ليه
يامن ...انا ملحقتش اعمله حاجه
رعد ...وطتت على ادهم وفكتله ايده بسرعه وشافت مكان قرصه التعبان ولسه هتسحب السم ببوقها
يامن بخوف ظاهر ...لالا انا اللى هعمل كدا انتى لا
رعد مفيش وقت للكلام ده لازم الحقه قبل السم ماينتشر فى جسمه كله وفعلن سحبت السم ببوقها من رجل ادهم
وبأمر ليامن ...شيله بسرعه وودايه لخيمته وانا هجيب شويه إسعافات عشان لو كان السم انتشر منه حاجه فى جسمه مياثرش عليه
يامن شال ادهم ووداه خيمته ورعد جابت شويه اسعافات وعملتهم لادهم اللى حرارته كانت ارتفعت من اثر قرصه التعبان
رعد فضلت جنب ادهم اللى نايم ومش حاسس بنفسه من المسكنات والمضادات اللى رعد ادتهاله
وهى ويامن عملوا لادهم كمدات وكانت خايفه عليه جدا ...عندها احساس ان هو حد غالى عليها حد شافته قبل كدا بس مش فكره هو مين بس ملامحه هى حفظاها وعارفاها بس هو مين ده اللى هتوصله فى الايام الجايه
يامن كان مضايق جدا من اهتمام رعد لادهم ..وبغيره ظاهره ..ممكن تسبيه بقا وانا هكمل ولاسيادتك مبسوطه بكده
رعد نبره الغيره اللى فى صوت يامن عجباها جدا هى مش عارفه ليه بس هى عجباها
وبمكر واستفزاز...لا انا اعمل اللى انا عيزاه وانت ملكش دعوه باللى انا اعمله فاهم
يامن مسك دراعها بعنف ...متحوليش تستفزينى عشان انتى مش كدا اللى انتى بتعمليه ده
رعد شددت دراعها منه ...انت اتجننت ولا ايه ابعد عنى وعموما انا ماشيه لانى خارجه اتمشاء شويه
يامن بخوف ظاهر ...انتى عارفه ان الوقت متاخر ومينفعشى تخرجى لوحدك دلوقتى
رعد بعنف وانا مش هقولك تانى انى حره فى تصرفاتى وانا اقدر احمى نفسى كويس ...فاهم انا اقدر احمى نفسى كويس...وبعدين مش واحد زيك هو اللى هيحمينى
يامن بغضب ...مسك دراعها تانى بعنف وقوه ...يعنى ايه واحد زى ...هو انا مش مالى عنيكى ولا ايه ليه دايما بتستلقى بيه ردى عليه ليه بستلقى بيه ليه
رعد زقت ايده ولسه هتخرج...يامن حس بوخذه فى قلبه شد رعد ليه وبرجاء ارجوكى بلاش تخرجى دلوقتى ارجوكى انا خايف عليكى الوقت اتاخر وممكن حاجه تأذيكى انا ممكن اخرج معاكى
رعد حست اد ايه يامن خايف عليها....بس كابرت وعاندت معاه وسحبت نفسها منه وانا قولتلك هخرج لوحدى يعنى هخرج لوحدى وبتحذير ...اياك تيجى ورايه لان مش واحد زيك اللى هيقدر يحمينى
يامن بغضب ..وانا اوعدك انى مش هاجى وراكى حتى لو انتى طلبتى منى كدا
رعد وانا عمرى ماهطلب منك انت حاجه لان اقدر احمى نفسى كويس اوى ...ولسه هتخرج من الخيمه بصت لادهم وليامن وحست بواخذه فى قلبها وخوف لاول مره تحسه
يامن بصلها بغضب عشان مسمعتشى كلامه لانه خايف عليها ...بس اقسم مابينه وبين نفسه انه مش هيروح وراها...وفضل يفكر ويسترجع المواقف الحلوه اللى حصلت بينه وبين رعد لغيت لما ذهب فى ثبات عميق
@@@@@@@@@@@@@
رعد راحت لمكانها اللى بتقعد فيه وبتعيد احداث الليله اللى فاتت وهى فى حضن يامن ...وادايه حست بالامان وهى بين ايده ولنفسها...يااااه ايه الاحساس ده انا اول مره أحسه ...ياااه يا يامن لوتعرف قربك بيعمل فيه ايه
وهى بتعيد الاحداث لقت حد بيقرب منها ...وبيغمى عنيها
رعد بفرحه .وبتشيل اليد اللى مغميه عنيها..يامن ابعد ايدك وبعدين مش انت قولت انك مش جاي ابعد بقا
جاسر بشر وكره ...بس انا مش يامن انا جاسر جوزك حبيبك
رعد بصت وراها بخوف ظاهر ...اإااانت إااايه اللى جابك هنا إااانت
جاسر بشر ومكر..وبيقرب منها ...اهدى ياقلبى دانتى المقدم رعد ومش لايق معاكى الخوف ده ابدا بس انا عارف انك تقدرى تواجهى الدنيا كلها الا جاسر ...وبكره وبشاور على قلبها عارفه ليه عشان انا زرعت الخوف جواكى وكبرته واستحاله تقدرى تتغلبى على الخوف اللى جواكى ده وتواجهينى
رعد بترجع لوراء بخوف ورعب وحست ان الوحيد اللى هيقدر يساعدها ويحميها فى الوقت ده يامن ...وبتلقائيه ...نادت عليه بصوتها كله ...ياااااامن ....ياااااامن
جاسر بضحكه شر ...وبيمسكها من شعرها جامد وهو انتى ايه مش راحمه نفسك مؤمن وعدى ويامن وبكره ومكر ...بس خلاص انسى مؤمن وعدى و يامن ...لان خلاص جوزك حبيبك جه خلاص وهيخفيكى عن الكون كله وبعدين احب اطمنك يامن اللى انتى بتنادى عليه ده نايم فى سابع نومه والنايم زى الميت ياقلبى وحتى لو صاحى مش هيقدر يحميكى منى ابدا...
رعد ...غمضت عنيها بوجع على غبائها مع يامن لو كانت سابته كان قدر يحميها دلوقتى من جاسر بس هى بعنادها وغبائها ضيعت اخر أمل ليها
جاسر شال رعد ووداها العربيه ...ورعد بتزق فيه وتضربه وبصريخ ابعد عنى ياحيواااااان ابعدى عنى ياحيواااان
ولاسف جاسر ركبها العربيه بتاعته تحت انظار رجاله جاسر اللى مستنين اى اوامر منه
