رواية عشقي الابدي الفصل السابع عشر
انهارده كان تاني يوم لياا ف الجلسات روحت وعملت الجلسه وكالعاده جيت هبطانه ومش قادره عملولي العصاير واكلوني خضاار وحاجات مغذيه زي م الدكتوره قالت فضلت اروح الجلسات شهرين كاملين وطول الشهرين دول فهد معايا زي ظِلّي مش بيسيبني وهما ف البيت دايما معايا ومش بيسبوني وفهد فضل يبعتلي رسايل زي م وعدني يوم فرحناا والرسايل كانت عباره عن تشجيع لياا دايماا وحقيقي الرسايل دي كانت بتفرق معايا جامد مع انه دايما معايا بس الرسايل حقيقي بتفرق معايا فضلت الشهرين دول اخد الجلساات وعملت التحليل وانهارده نتيجته
صحيت الصبح الساعه 10 دخلت اخدت دش واتوضيت وكذلك فهد وصلينا الضحي وسبح ع ايدي وباسهم وباس جبيني
فهد: انهارده اهم يووم ي شهد لاازم تكوني قويه وتتقبلي اي نتيجه مهما كانت
مسكت ايديه وقالت: طول م انت جنبي ومعايا هبقي قويه وطول م كل الي معايا هنا جنبي هفضل قويه عشانك وعشانهم
فهد حضنها وقال: وانا اوعدك اني هكون معاكي طول حيااتي
شهد بحب: ربنا يخليك ليا ي حبيبي
فهد: ويخليكي لياا ي عيوني يلاا عشان هما زمانهم بيفطروا
شهد: يلا
ونزلوا تحت لقوا الكل قاعد ع السفره ومستنيينهم وكلهم باين عليهم الفرحه ع عكس كل مره بيتصنعوا فيها الفرحه عشان هي متزعلش او تخااف
شهد باستغرااب: ايه داا ايه الانبساط داا كله ع عكس كل يووم
فاطمه: عادي ي بنتي احنا كل يووم. كداا اصلاا
شهد بشك: ربنا يسترر
فاطمه: يلا بس تعالي افطري
شهد وفهد نزلواا يفطروا تحت نظرااات شك من شهد من سبب فرحتهم دي و هنعرف سبب فرحتهم دا بعدين. قعدوا يفطروا وبعدها الرجال راحوا المسجد عشان يحضروا خطبه الجمعه وبعدها صلوا وكذلك البنات صلوا ف البيت والرجال فضلوا قاعدين بره لحد م العصر أذن صلوا وبعدها رجعوا البيت فضلوا قاعدين مع بعض لحد الساعه م جت 5
فهد: يلا ي شوشو عشان نلبس عشان معاد الدكتوره
شهد بتوتر: ماشي
وطلعوا فوق واول م دخلوا شهد حضنت فهد وفضلت تعيط
فهد: ايه ي حبيبي فيه ايه اهدي
شهد بعياط: خايفه اوي ي فهد النتيجه تطلع ان العلاج مجبش نتيجه واموووت واسيبك ي فهد
فهد: قولت متجبيش سيره الموت دي تاني هتبقي كويسه انا متأكد من دااا ربنا عمره م يكسرني
شهد: يارب ي فهد يارب والله انا مستعده اعمل كل حاجه اقدر عليها عشان اخف وافضل معاك
فهد خرجها من حضنه ومسح دموعها وباس جبينها وبعدين بصلها وقال: ان شاءلله التحليل هيطلع كويس وربنا يبقي استجااب لدعانا
شهد: يارب
فهد: خلااص بقاا يلا ي حبيبي ادخلي البسي وانا هلبس اهوو عشان منتاخرش
فهد وشهد لبسوا ونزلوا لقوا الكل مستنيهم تحت
سلوي: ان شاءلله تيجي مبسوطه ي حبيبتي وربنا يريحك ويريحنا كلنا
شهد: يارب يلاا ي فهد عشان نمشي
مشت هي وفهد بدون م تكلم اي حد هي خايفه ومرعووبه انها تكون لسه مريضه
ركبوا العربيه هي طول الطريق متوتره وخايفه وعماله تفرك ف ايديها وفهد لاحظ دا ومسك ايديها بايديه وبالايد التانيه كان بيسوق واخيرا وصلوا للدكتوره وقبل م ينزلوا
شهد بخووف: فهد بص اطلع انت هاته وانزل
فهد: احنا قولنا ايه ي حبيبي لازم تبقي قويه يلاا عشان احنا اتاخرنا
شهد بتوتر: م ماشي
ونزلوا م العربيه وركبوا الاسانسير وطلعوا للدكتوره
فهد: ها ي دكتور ايه الاخبار
الدكتوره: للاسف النتيجه negative
شهد: يعني يعني العلاج مجابش نتيجه يعني انا هموو... وسكتت فجاه وبعدها بصت للدكتوره وقالت: هو حضرتك قولتِ النتيجه ايه
الدكتوره ضحكت وقالت: قولت negative
شهد: يعني انا خفيت صحح انا خفيت ي فهد خفييت
فهد: ايوه ي حبيبتي خفيتي الحمدلله وبص للدكتوره وقال: شكرا ي دكتور تعبنا حضرتك
الدكتوره: الحمدلله انها بقت بخير ربنا يخليكوا لبعض
شهد: فهد انا بقيت كويسه وهفضل معاك دايمااا اهوو
فهد حضنها وقال: مكنتش هسمح يحصلك حاجه اساسا انتي لازم تكوني معايا دايمااا لو مكنتيش بقيتي كويسه لا قدر الله كنت هسفرك بره وتتعالجي انا مقدرش اعيش من غيرك
شهد: ولا انا اقدر اعيش من غيرك
فهد خدهاا ونزلوا العربيه وطبعاا عرفتوا راحوا فين اكيد الكورنيش المكان الرئيسي بتاعهم راحوا هناك ونزلت هي وفهد م العربيه ومسكوا ايدين بعض ووقفوا ف نفس المكان الي فهد دعاا فيه ليها اول مره ووقفوا وبصوا لبعض وابتسموا
شهد بصووت عالي: شكراا شكراا يارب شكرا ع استجابك لدعواتي ودعواات كل اي حواليااا شكرااا شكرااا الحمدلله بقيت كويسه الحمدلله
فهد باس ايديها وجبينها و بعدها قال بصووت عالي: كان اول مره ادعي فيها ليها كانت هنا ودلوقتي جاي اشكرك يارب ف نفس المكان شكراا يارب الحمدلله انك استجبت لدعائي ومكسرتنيش بيهاا شكراا يارب
وبعدها قعدوا شويه ع الكورنيش وطلبوا حمص الشام لحد م المغرب اذن وراحوا صلوا ف المسجد الي جنب الكورنيش وبعدها ركبوا العربيه ومسك ايديها سبح عليها وروحوا
ف البيت......
شهد وفهد وصلوا البيت ودخلوا ولقوا الدنيا ضلمه
شهد: فهد فيه ايه الدنيا ضلمه كدا ليه
فهد: ممكن تكون قفله ي حبيبتي
شهد: طب فين موبايلك
فهد خبط ع راسه وقال: اوبس نسيته ف العربيه فين فونك
شهد: ف الشنطه وحطت ايديها ف الشنطه وطلعته وفتحته وقالت بضيق: يووه حتي الفون بتاعي فاصل
فهد: طب بصي اقفي هنا احد م اشوف الكهربا جوا انا عارف المكان كويس
شهد بخوف: ماشي بس متتاخرش
فهد بعد عنها وهي فضلت واقفه خايفه وفجاه النور جه وفاطمه وعلاا وليلي فرقعوا البتاع الي بيفرقع ف عيد الميلاد (والله م عارفه اسمه😅) وهي اتخضت وفضلت ساكته مش بتتحرك والكل كان واقف بيضحك ع منظرها وبيشاورا ع مكان بايديهم هي بصت ع المكان الي هما بيشاوروا عليه لقت فهد واقف ووراه شاشه كبيره وعليها صور كتير ليها هي و هو ايام م كانو اطفال لحد م اتجوزوا وصور ليها هي و مامتها وباباها وفهد وصور ليها هي وفاطمه وليلي وعلا وبقيتهم صور كتيره جدا وهي كانت بتتفرج ودموعها عماله تنزل وف نهايه الصور كان مكتوب جمله (Be with me forever and don't be afraid from problems we will solve it, I want you always and forever ❤️I addict you, i love you and i adore you 💜❤️please be safe for me)
your love... fahd❤️
ف اللحظه دي شهد جريت ع حضنه اتشعلفت فيه وهو دموعه نزلت وحضنها بكل قوته كان بيقول للكل انها ملكه ولو طال يدخلها جواه عشان محدش يلمسها كان عمل كداا شالها وهو حاضنها وفضل يلف بيها تحت تصفيق الكل
اخيراا فهد بعد عن شهد وهي وقفت تبصلهم وبعدها حضنت احمد
احمد بدمووع: كنت متاكد انك هتبقي كويسه ربنا عمره م بيردلي دعاء
شهد (بتعيط هي كمااان): الحمدلله لولا وجودكوا جنبي مكنتش قدرت اعمل حاجه
وراحت حضنت سلوي وبعدها فاطمه وليلي وعلاا وبصت لاسد وعمرو ويوسف وقالت: بجدد انتو احسن واجدع اخواات ف الدنيا ربنا يخليكوا لينا ويخليكوا لزوجاتكوا بجد مش عارفه من غيركوا كنت هعمل ايه انتو كنتوا خير الاخوات
اسد: انتي الي احسن اخت ف الدنيا الحمدلله ان ربنا شفاكي مكنتش عارف هقدر اعيش حياتي ازاي من غير اختي التانيه
يوسف: الحمدلله احنا معملنااش حاجه غير الواجب وبما اننا اخواتك ف داا دورناا الحمدلله انك قومتي بالسلامه
عمرو واقف دموعه نازله وخلااص
شهد: فيه ايه ي عمرو بتعيط ليه م انا بقيت كويسه اهو
عمرو بدمووع: مش عارف كنت هعيش انا وفاطمه من غيرك ازااي انا معنديش اخوات لا بنات ولا ولااد بس ربنا عوضني بصحابي انهم يكونوا اخوااتي وانتي بقيتي اختي انا بقيت احس انك فعلاا اختي مش مجرد مرات اخوياا او صديقه مراتي بجد انا كنت بواسي فاطمه وانا بتقطع من جوايا خوف عليكي وخوف ع فهد كنا كلنا تعبانين جدا بجد انا بحمد ربنا انك قومتي بالسلامه
شهد: وانا والله اعتبرتك واعتبرتكوا كلكوا اخواتي انا مكنتش اعرف اني غاليه كدا عندكوا بجد ربنا يخليكوا ليا ومسحت دموعها وقالت: الا انتو عرفتوا ازاي انا مرنتش ع حد فيكوا ولا فهد عرفتوا ازاي و كمان انبساطكوا الصبح كاان غير عاادي وفهد مكنش خاايف ولا انتو ع عكس كل يووم فيه بقاا
فاطمه: الحكايه ومافيهااا
فلااااش بااك
يوم م شهد عملت التحليل كان فهد واقف بره مع الدكتوره
فهد: دكتوره لو سمحتي هطلب من حضرتك طلب وياريت توافقي
الدكتوره: اتفضل ي بشمهندس خير
فهد: نتيجه التحليل هتطلع امتي
الدكتوره: بكره بالليل
فهد: لو سمحتي ينفع تقوليلها انها هتطلع بعد بكره واول م النتيجه تطلع تكلميني وتقوليلي ايه النتيجه عشان لو لاقدر الله فيه حاجه احاول امهد ليها الموضوع او ممكن نقول ان حالتها لسه محتاجه علااج ولو الحمدلله الحاله بقت كويسه بردو أعرف
الدكتوره: انا حاسه بيك والله وعشان كداا هبقي اكلمك ان شاءلله بكره اول م يطلع هكلمك
فهد: طب هي النتيجه هتطلع امتي بالظبط
الدكتوره: ع الساعه 10 كدا
فهد: تمام انا هبقي اكلم حضرتك لانها ف الوقت داا بتبقي صاحيه ف اول م تناام هبقي اكلم حضرتك
الدكتوره: تمام ان شاءلله خير
فهد: يارب
خلصوا التحليل وروحوا وعدوا اليوم وتاني يوم فضلوا قاعدين مع بعض وكل واحد دخل اوضته وفهد طلع الجناح بتاعه صلي القياام هو وشهد وهي نامت وهو نزل تحت لقي الكل قاعد زي م اتفق معاهم قاعدين ف الجنينه وهو بعد عنهم شويه ورن ع الدكتوره
فهد: السلام عليكم انا اسف اني رنيت ع حضرتك دلوقتي بس هي لسه نايمه من شويه
الدكتوره: وعليكم السلام لا عادي حصل خير
فهد: التحليل نتيجته ايه ي دكتور
الدكتوره بفرحه بانت ف صوتها: الحمدلله ربنا استجااب لدعاكوا وبقت كويسه ومفيش ذره مرض ف جسمها
فهد كان بيسمع ودموعه نازله ومش بيتكلم
الدكتوره: بشمهندس فهد انت معايا
فهد: اه اه مع حضرتك الحمدلله انها بقت كويسه وشكرا لاني تعبت حضرتك معايا واسف مره تانيه اني رنيت ف وقت زي داا وياريت هي متعرفش حاجه وتشوف النتيجه هي بنفسها بكره
الدكتوره: الحمدلله انها بخير دلوقتي وقولتلك ان مفيش حاجه وبعدين احنا متفقين انك هتكلمني ف مفيش ازعاج ولا حاجه
فهد: شكرا جدا ي دكتور السلام عليكم
الدكتوره: العفو وعليكم السلام
وقفل معاها وسجد ع الارض يشكر ربناا وهو بيبكي جاامد الكل راح عليه بخضه
اسد بخووف: فهد فيه ايه هي كويسه
فهد قاام حضن اسد وهو بيعيط وقال: الحمدلله الحمدلله شهد بقتت كويسه انا مش مصدق نفسي يعني هتفضل معاياا مش هتسيبني هتفضل معايا
اسد طبطب عليه وقال: لا صدق ي حبيبي هي بقت كويسه
فهد راح حضن فهد وسلوي وكذلك عمرو ويوسف وعمروو طبعاا كان بيعيط وفرحان ف نفس الوقت والبنات فضلوا يضحكوا ويعيطوا وهما مش مصدقين ان خلااص صاحبتهم بقت كويسه
فهد: بصواا بقاا بكره هنفاجئها كلناا ومحدش يحسسها بحاجه وانا هاخدها ونطلع للدكتوره وانتو بقاا عليكوا تجهزوا الڤيلاا من كل حاجه وكمان هنتاخر عشان الوقت ميبقاش فيه نور ف الشارع وانتو تقفلوا الكهربا هنا بردو وتعملوا شاشه عليها صورنا واداهم الصور وكتبلهم الجمله الي هيكتبوهااا وفعلا كلهم وافقواا
بااااك
فاطمه: والباقي بقاا انتي عارفااه
شهد: يعني هان عليكوا خوفي وانا رايحه ي جزم
اسد: جزم!!! متشكريين ي شهد بس احنا عملنا كداا عشان المفاجاه تبقي حلوه
شهد: واحلي مغاجاه من احلي واغلي نااس ف حياتي كلهاا
احتفلوا مع بعض وقضوا اليوم مع بعض وكل واحد راح ع اوضته
فهد وشهد طلعوا الجناح بتاعهم وساعه م طلعوا كانت الدنيا ضلمه شهد شغلت النور من جنبها لقت الاوضه مزينه بطريقه جميله جداا والسرير عليه ورد التيوليب ع شكل اول حرف من اسماؤهم
شهد بفرحه: واوو ايه داا الاوضه حلوه اوي وحضنت فهد وقالت: رينا يخليك لياا ي حبيبي وتفضل معايا دايمااا
فهد بادلها الحضن وقال: ويخليكي لياا يارب تعالي بقاا شوفي المفاجاه التانيه وخدهاا وطلع م الباب الخلفي للجناح بتاعه ونزلوا ووصلوا تحت البلكونه بتاع الاوضه بتاعهم وراحواا عند مكان ورد التيوليب
شهد بانبهاار: الله ي فهد انت عرفت ازااي تجيبه وكمان تزرعه بجد انا بعشقك لاا انا بمووت فيك
فهد بحب: وانا بدمنك ي شهد انتي اكسجيني انا يوم م بدانا الجلسات قولت لاسد وعمرو وچو يجيبوه وظبطناا كل حاجه عشان يوم م تخفي نوريهالك والحمدلله انها عجبتك
شهد: جميله اوي ي فهوود بسس هو انا وردتك بس
فهد: انتي عشقيي بس انا كتبت وردتي بمناسبه ورد التيوليب وكدا
شهد: اي حاجه منك جميله ي فهد
فهد: ايه بقا ي شوشو قصه ورد التيوليب دي
شهد: بص ي حبيبي الورده دي بتسمي ب"زهره الحب "ودا لان كان فيه واحد ايراني اسمه فرهاد حب بنت اسمها شيرين بيحبها جدا ف بعدها وصله خبر موتها فحزن عشانها اوي ولما ياس راح نط بحصانه من ع قمه جبل و ونزف دم ومات ومكان الدم داا الزهره طلعت ومن بعدها بقت رمز لللخلااص ف الحب..... وبعدين م كنت تبحث ع يوتيوب ولا جوجل كنت هتلاقيها
فهد: لا كنت عايز اسمعهاا منك برتاح وانا بسمع صوتك
شهد ابتسمت
فهد:طب يلا عشان المفاجأه التانيه
شهد: ايه داا هو فيه مفاجاه تانيه كماان
فهد: ايوه ودي اهم واحده
شهد: اشطا ي فهوودي يلا بينا
وطلعوا فوق الجناح بتاعهم تاني و دخلها اوضه اللبس بتاعهاا لقت شنطه هدايا
شهد: ايه داا دي هديه
فهد: اايوه افتحيهاا
شهد فتحتها لقتها نقاب ودريس والخمار بتاعه
شخد بدمووع: دي احلي هديه
فهد: طبعاا لاحلي شوشو ف حياتي كلهااا متعيطيش ابوس ايدك
شهد: حاضر مش هعيط
فهد: شطووره افتحي دولابك كداا
شهد فتحت الدولاب بتاعها لقت جنب كل دريس من دريساتها نقاب وفيه ادناآات كتيره بخمار بنقااب
شهد: ايه داا كل دا انا هلبسه ليه كل دا ي فهد
فهد: تعيشي وتلبسيهم ي حبيبتي وبعدين اصلا انا كنت قايلك اني هخليكي تتنقبي ساعة م نتجوز ف معرفتش عشان الجلسات فدلوقتي هتتنقبي ي قلبي وبعدين داكان حلمك اساسا
شهد حضنته وقالت: انا لو فضلت اعبر ليك عن حبي سنين كامله مش هيبقي كامل بردو انت حاجه كدا بعجز عن وصفها
فهد: وانتي اجمل حد واقرب حد ليا ولقلبي انا بعشقك ي شهد
وقضوا الليله بسلاام مع بعض
تاني يوووم...
كل واحد صحي وصلي الضحي ونزلوا للفطار
اسد: انا عازمكوا انهارده
احمد: ليه ي حبيبي احنا كدا كدا هنخرج
اسد: انا كنت قايل لفهد اني هعزمكوا يوم م نطمن ع شهد وتبقي كويسه ولو سمحت محدش يجادلني
شهد: والله انت جدع ي اخي
ليلي: ملبستيش النقاب ليه ي حبيبتي
شهد: معدش غير اسبووع ع الدراسه ف قولت لفهد اني هلبسه من اول يووم بقا ف الجامعه
فاطمه: ربنا يثبتك ي حبيبتي
شهد: يارب .. هتخرجنا فين بقا ي اسد
اسد: الي تشاوري عليه
شهد: مغلطش اما قولت عليك انك اخ جدع
عمرو: وبالنسبه لكوز الدره الي كان هاري نفسه عيااط ايام تعبك
شهد: لالا انت الشق ي عمرو
يوسف: انا اقوم امشي بقاا
شهد: خد بس رايح فيين انتو كلكوا ليكوا غلاوه عندي انتو فعلا اخوااتي ربنا يخليكوا ليا يارب
كلهم: يارب
اسد: مقولتوش بردو هتروحوا فين
شهد: بص ي اسد هنروح حديقه الحيوانات بعد الفطار بعد م نخلص يعني وبعدها نروح الملاهي وبعدين نروح الكورنيش
فهد بضحك: اشرب ي اسود
اسد: عاادي انتي تؤمري ي شهد
عمرو: محسسني انك هتدفع لوحدك احنا التلاته ع فكره انت ناسي ولا ايه
شهد: ايه دا هو انت ويوسف معاه
يوسف: ايوه طبعاا دا كان اتفاق بينا وبين فهد
شهد: بجد شكراا ليكوا جداا
يوسف: ع ايه انتي تطلبي واحنا ننفذ
فهد: اشطاا وانا اطلب براحتي انا كمان
عمرو: لو سمحت شهد بسس ي سكر
فهد: اسكت ي عمرو بدل م احلف لاطلع بمراتي لوحدناا
يوسف: خلااص ي عم متبقااش افووش كدا
فهد: ايوه كدا اظبطوا يلاا بقا الظهر بياذن اهوو عشان نلبس ونروح نصلي يكونوا هما كمان جهزوا
خلصوا فطار وطلعوا يلبسوا وراحوا يصلوا والبنات لبسوا وصلوا هما كمان وبعدها خرجوا راحوا حديقه الحيوانات وقعدوا يتصوروا هناك وبعدها راحوا الملاهي وركبوا الساقيه وكل واحد جنب مراته واتصوروا صور كتيره وبعدها راحوا الكورنيش ركبوا مركب وكلوا حمص الشام وقعدوا شويه وبعدهاا روحوا
شهد: يعني مش هتباتوا معانا انهارده
فاطمه: ي حبيبتي احنا معاكي بقالنا شهريين وبعدين بقيتي كويسه اهو الحمدلله هتحتاجينا ف ايه بقاا
ليلي: هتوحشووني اوي والله وبعدين هتبقوا تنزلوا الجامعه مع بعض وتيجي تزورونا دايماا
شهد: اكيد طبعاا هبقي اجي اشوفكوا وبردو هنتجمع كل جمعه
فاطمه: ان شاءلله ي حبيبتي
اسد: يلاا بقا اصل مش قادر استحمل الدمعه هتفر من بؤي وضحك
شهد: والله ابغي ازعلك بس استحي
اسد: بس ي عسل يلاا ي ليلو اصل دي ناويه نيه مش كويسه وانا مش هستحمل
شهد: رخيييييم
اسد: مشكرين ي اوختشي يلا ي ليلي
ليلي: بطل رخامه بقا ي اسد الله انت هتشلها على م تديها الهديه
شهد بتعجب: هديه؟!!!
اسد: ارتاحتي اديكي بوظتي المفاجاه
عمرو: يلا ي چو ادخل بالمفاجاه
يوسف دخل بصندووق كبير ف ايديه ومسكوه هما التلاته وقدمهولها
شهد: اايه داا دا كتير اوي مش كفايه الفلوس الي اتدبستور فيها بسبب الخرووجه
اسد: مفيش حاجه كتيره عليكي
عمرو: دي حاجه بسيطه والله
يوسف: انتي تستاهلي اكتر من كدا بكتير ي شهد
شهد: شكرا بجد ربنا يخليكوا لياا
كلهم: ويخليكي لينا
وبعدها مشيوا وهي طلعت هي وفهد الجناح بتاعهم وشهد خدت الصندوف من فهد وحطته ع السرير وفتحته
كان فيه تابلوه مرسوم عليه صوره ليهم كلهم كانور متصورينها لما كانو مع بعض
شهد: دي اكيد عمرو الي راسمها
فهد: ايوه دا كان محتار جدا وقعدنا ساعه ع م اخترنا صووره يرسمهاا
شهد: انت كنت عارف
فهد: ايوه بس هما كانوا عاملينها مفاجأه بقاا
شهد: مفاجأه حلوه اوي يلا اشوف بقيتهم و طلعت اسورتين واحده باين عليها رجالي والتانيه بناتي
شهد: ايه داا
فهد لبسلها البناتي ولبس هو الرجالي وضغط ع الزرار الي فيها لقت بتاعها بتنور و بتقول بعشقك
شهد: ايه داا انت الي جايبها
فهد: ايوه انا حطيتها معاهم بقاا
شهد: جميله اوي وضغطت ع بتاعها لقت بتاع فهد بتنور وبتقول بعشقك ضحكت وكملت بقيت الصندوق لقت تابلوه ومعاه كيس فيه صور صغنيه ليها هي وفهد ورتبتهم ع التابلوه اكتملت صوره يوم فرحهم
شهد: الله جميله اوي اكيد دي اسد الي جايبهاا
فهد: اه عرفتي منين
شهد: تخميني بقاا وبعدين الصوره دي هو الي كان مصورهاا وبعتهالنا احنا الاتنين بس ف يبقي مين الي عاملها
فهد بفتكير: عندك حق
شهد حطت ايديها ف الصندووق لقت علبه صغننه وفيها فلاشه طلعت الفلاشه وحطتها ف الشاشه الي ف الاوضه وقعدوا يتفرجوا كانت تجميعه لفيديوهات كانو بيعلموها لما بيتجمعوااا ومكتوب ف نهايه الفيديو(the best sister in the world)
شهد: واو جميله اوي يوسف بيفكر حلو اوي
فهد: ايوه دا احنا قعدنا ندور ف فيديوهات عشان نظبطه
شهد: بجد تحفه اوي
طلعت م الصندووق دريس وكوتش وشنطه وخمار ونقااب
شهد: دي هديه البنات اكيد
فهد: ايوه
شهد: حلوين اوي بجد ربنا يخليكوا لياا يارب
فهد: ويخليكي لينا ي قلبي
وقضوا الليله بسلاام
عدا الاسبوع وشهد بدأت الجامعه بتاعتهاا وفهد كان بيشتغل ف الجامعه عشان بقى معيد وبيخلص ويطلع ع الشركه وكانت الحياه جميله كداا عدت الست سنين بتوع الجامعه ف سلاام وحب بين ابطالناا وفاطمه ولدت بنت وهما ف السنه السادته ف الكليه وكانت شبه عمرو وواخده لون عنين فاطمه وسمتها جميله وليلي خلفت ولد وسمته آسر وفيروز خلفت بنوته وسمتها اسيل وشهد فضلت ع اتفاقها مع فهد ومخلفوش اطفال وانهارده يوم التخرج
شهد: يلا ي فهد هنتاخر
فهد: حاضر ي حبيبتي انا جهزت اهوو
شهد: النقاب مظبوط
فهد: قمر ي حبيبتي يلاا البسي الروب والكاب
شهد: حاضر يلاا جهزت اهوو
ونزلوا تحت لقوا احمد وسلوي جهزوا هما كمان وكان فاطمه وعمرو وجميله معاهم ومامته وباباه واسد وصل ويوسف واتجمعوا كلهم وركبوا عربياتهم وراحوةا الحفله
وصلوا القاعه وقعدوا وشهد سمعت اسمهاا وطلعت واستلمت شهادتها وهتقول كلمتها
شهد: الحمدلله طبعاا اني وصلت للمرحله دي واحب اشكر اهلي وزوجي الفضل كله يرجعلهم بعد ربنا طبعاا دايما كانو معايا وبيشجعوني دايما شكرا ليهم وشكراا ليكوا ع حضوركوا
ووقفت واتنده اسم فاطمه واستلمت شهادتهاا
فاطمه: الحمدلله ع وصولي للمرحله دي احب اشكر اهلي وزوجي الي كانو دايما معايا ودايما بيشجعووني الفضل يرجع ليهم بعد ربنا شكررا
وقفت جنب شهد وتم نداء بقيت الطلاب الي هيستلموا وجه وقت رفع الكاب ورفعوا الكاب وتم التقاط اجمل صوره
طلعوا بعد الحفله اتغدوا ف مطعم وبعدها روحوا
بعد شهرين م حفله التخرج
شهد صحت هي وفهد واتوضوا وصلوا الضحي ونزلوا فطروا وبعدها فهد راح الشغل شهد حست انها هبطاانه ومش قادره وبطنها بتوجعها وحست انها عندها اعراض الحمل راحت جابت تيست حمل وطلعت حاامل
شهد: ياااه الحمدلله اخييرا لالا انا مش مصدقة تفسي انا جوايا حته من فهد لا انا خلااص مش قادره لاازم اتأكد ولبست ونزلت
سلوي: رايحه فين ي حبيبتي
شهد: هبطانة شويه ي ماما هروح اكشف
سلوي: اجي معاكي ي حبيبتي
شهد: لا ي ماما ارتاحي انا هروح للدكتوره ومش هتاخر
سلوي: ماشي ي حبييتي
شهد نزلت وركبت عرييتها وراحت للدكتوره
شهد: السلام عليكم
الدكتوره: وعليكم السلام اتفضلي
شهد قعدت وقالت: دكتوره انا عملت تيست حمل وطلع اني حامل وبما اني عارفه ان ممكن يكون فيه نسبه خطا قولت اجي اتاكد بنفسي
الدكتوره: طب اتفضلي وفحصتها
شهد: ها ي دكتوره انا فعلا حامل
الدكتوه: ايوه بقالك شهر
شخد: بجد يعني انا حامل
الدكتوره: اه والله انا هضحك عليكي
شهد: الحمدلله شكرا ي دكتوره
الدكتوره: العفو بصي انا هكتبلك الفيتامينات دي عشان جسمك ضعيف
شهد: ماشي ي دكتور
وكتبلها العلااج وشهد خدته ومشت
ف البيت..
سلوي: خير ي حبيبتي
شهد: الحمدلله ي ماما كويسه
سلوي: طلع عندك ايه يعني
شهد بفرحه: انا حامل ي ماما من شهر
سلوي حضنتها وقالت: الف مبرووك ي حبيبتي مبرووك
شهد: الله يبارك فيكي ي حبييتي متقوليش لفهد ولا لبابا انا هقولهم بس انا هطلع اظبط شويه حاجات فوق كداا وساعه م ييجوا متقوليش اي شئ
شلوي: ماشي ي حبيبتي
شهد طلعت غيرت هدومها وقعدت تجيب طرق من ع اليوتيوب ازاي تفاجئ فهد بانها حامل والحمدلله لقت فيديو كويس والفكره عجبتها بعدها بشويه فهد وصل وطلع فووق وساعه م دخل حضنته كالعاده وبعدها وقفته قدام المرايه
شهد: الحرف الي هكتبه ع ضهرك امسك القلم دا كدا واكتبه ع المرايا
فهد: لو دي واحده من مقالبك هتزعلي
شهد: لا متخافش وادته القلم وفضلت تحرك ايديها ع ضهره وهو يكتب الحرف الي المرايه لحد م اكتملت جمله I am pregnant (انا حامل)
ف اللحظه دي فهد لفلها وحضنها وفضل يلف بيهااا
فهد: اخيرا ي حبيبتي اخيراا
شهد: ايوه ي حبيبي بقا جوايا حته منك
فهد: دا اجمل خير ف حياتي كلها
شهد: وانا ي حبيبي انا مكنتش مصدقه نفسي وحكتله الي حصل الصبح
فهد: الحمدلله ي حبيبتي
شهد: انا قولت ل سوسو لسه ابوحميد بقاا وبقيت العيله
فهد: بالنسبه لبقيت العيله ف دي سيبيها عليا اما ابوحميد يلا ننزل نقوله
شهد: اشطاا يلا غير هدومك وننزل
فهد غير هدومه ولبس ترينج ونزل هو وشهد
احمد: يلا ي حبايبي عشان الاكل
شهد: مش جعانه
احمد: ليه ي حبيبتي
شهد: اصل احمد الصغير مش جعاان
احمد: معلشي هخليه يااك....... ايه احمد الصغير ميين انتي حاامل
شهد نزلت من ع السلم وحضنته وقالت: اه ي حبييي انهارده عرفت وحامل من شهر الحمدلله
احمد: الحمدلله اخيراا هيبقي ليا حفيد او حفيده
فهد: ايوه ي ابوحميد حلمك اتحقق
اممد: انا مش عايز افوق م الحلم داا ابداا
شهد: انا لسه مش مصدقه اني هبقي ماما وانت ي ابوحميد هتبقي جدو وانتي سوسو هتبقي تيته
سلوي: واحلي تيته لاحلي احفااد
احمد: ي فرحه قلبي لما اسمع كلمه جدو من احفادي هتبقي ليها معني خااص غير لما بسمعها من ولاد اسد ويوسف وهاانت كلها سنه واسمعها من ولاد عمرو والي بعدها من ولادكوا
فهد: ان شاءلله ي حبيبي بقولكوا ايه احنا هنعمل بلالين بينك وبيبي بلو ف اوف وايت ونخليهم ييجوا يقضوا اليوم معانا
شهد: فكره حلوه اوي وانا هلبس ابيض انهارده
كلهم: اشطاا
وجهزوا الڤيلا وكلموهم وطفوا الانوار ف الڤيلا وساعه م دخلوا شغلوا الانوار وكانت شهد قاعده عن كرسي بين البلالين وكل دا تحت صدمتهم كلهم
فهد الصغير: ايه الضلمه دي ي ماما
فاطمه : هبقي خالتووو وجريت ع شهد وحضنتهاا هبقي خالتووو اخييرا
شهد: ايوه ي حبيبتي
علا حضنتها وباركتلها وكذلك ليلي
واسد وعمرو ويوسف باركولها
فهد الصغير: فهوود
فهد: قلب فهوود عايز ايه ي حبيبي
فهد الصغير: هي شوشو هتجيب نونو
فهد: ايوه ي حبيبي
فهد الصغير: هتجيب بنووته ولا ولد
فهد: لسه ي حبيبي مش عارفين وبعدين كل الي يجيبه ربنا كويس ي حبيبي
قهد الصغير: طب انا عايز اشوفه
فهد ضحك وقال: ي حبيبي لسه 8 شهوور عما ييجي
فهد الصغير: ماشي
قعدوا مع بعض طوول اليووم وبعدها مشيوا
عدي ست شهور وشهد بقت ف السابع وقضوا الخمس شهور دول ف هدوء وسعاده واحيانا نكد بسبب هرموناات شهد زي م حصل ف يوووم
فهد جاي م الشركه بالليل فتح الباب شهد راحت عليه حضنته وبعدها عيطت
فهد: بتعيطي ليه ي حبيبتي
شهد: انت لسه بتحبني
فهد: انا بعشقك ي شهد مش بحبك بس
شهد: اومال بحسك زهقاان مني وبعدين انا بقيت وحشه وتخنت اوي ومناخيري كبرت
فهد: انتي قمر ي قلبي مناخير مين الي كبرت دي دا انا بقيت بحس انها صغننه اوي
شهد عيطت تاني وقالت: صغرت يبقي بقيت وحشهه
فهد: لا ي حبيبتي والله اتتي قمر والله العظيم
شهد: ايوه انا قمر عشان انتي شايفني كدا بس يلا ي حبيبي عشان ناكل
فهد ف نفسه: هي عبيطه ولا اتهبلت مش كانت زعلاانه ودلوقتي يلاا ناكل ربنا يهديها
شهد: ايه ي حبيبي سرحت فين
فهد: لا ي حبيبتي ولا حاجه يلا ناكل
وقعدوااا ياكلوا وخلصوا اكل وسلوي دخلت غسلت مكان الاكل عشان شهد مش بتقدر قعدوا شويه ف الجنينه وبعدهاا طلعواا
بعد الفجر.....
شهد بصراااخ: اااااااه هموووت
فهد قام مخضوض
فهد: ايه ي شهد مالك فيكي ايه
شهد بتعب: تعبانه اوي ي فه حاسه نفسي بموت شكلي همووت دا الم فظيع
فهد: لا يحبيبتي اهدي هكلم الدكتوره اهو
ورن ع الدكتوره وقالتله يجيبها وييجي ضروري ع العياده بتاعها فهد اخد شهد وسلوي واحمد كانو صحوا وراحوا معاهم
عند الدكتوره......
الدكتوره: لازم تولد دلوقتي
فهد: بس دي لسه ف السابع
الدكتوره: عادي في حالات بتولد ف السابع متقلقش
فهد: تمام ي دكتوره الي حضرتك شايفاه صح بس هتبقي كويسه
الدكتوره: ان شاء الله بس يلاا نويدها المستشفي عشان مش هينفع تولد هنااا
شهد بعيااط: يلا ي دكتوره اصل انا خلااص هموووت معدتش قادره تعبانه اوي
فهد: اهدي ي حبيبتي هتبقي كويسه ان شاء الله يلااا
واخدها ونزلوا العربيه والدكتوره كلمتهم ف المستشفي عشان يجهزوا غرفه الولاده
وصلوا هناك وشهد دخلت الاوضه وقعدت فتره طويله جوه وبعدها الدكتوره طلعت
سلوي: خير ي دكتوره بنتي عامله ايه واخبار الطفل ايه
الدكتوره: للاسف الطفل مااات
