 |
رواية حب بعد عناء الفصل الثامن عشر بقلم شيمو
نور.. نعم اخوكي
فريده.. اه اخويا في ايه يا بنتي مالك
نور بصدمه..... هو انت بتتكلمي بجد يعني اسر اخوك مش
جوزك
فريده بستغرب.. جوزي ازاي يعني في ايه يا بنتي هو انت ده كله ما تعرفيش انا اسر اخويا
نور بدموع وضحك في وقت واحد.... احلفي كده انت بتتكلمي بجد يعني انت مش مراته انت اخته
فريده بتعجب... مراته ؟
نور وهي بدأت تستوعب ال بيحصل..... فريده انا مش عارفه اقول لك ايه بس كل اللي اقدر اقوله لك اني مش فاهمه حاجه
فريده..... طيب بالراحه كده عليا وقولي لي انت عايزه تفهمي ايه وانا افهمك
نور... عايزه افهم اسر اخوك ازاي
فريده متناحه... يعني ايه اخويا ازاي
نور.... يعني اخوك ازاي مش المفروض ان هو جوزك
فريده.... يا بنتي انت عبيطه جوزي ازاي اسر اخويا وابويا وامي وكل حاجه لي في الدنيا
نور بدموع..... طيب لما انت اخته فين مراته انا اعرف ان هو متجوز فين مراته
فريده بحزن شديد... للاسف امراته انفصلت عنه سابوا بعض من حوالي اسبوعين وانا نزلت مصر علشان ابقى جنب اخويا وقلت اغير عنه وقلت له يلا نطلع الغردقه ويا ريتني ما جيت مكانش حصل لكل ده
نور بدموع.... يعني اسر مش متجوز ما فيش حد في حياته
فريده بابتسامه .... لا مفيش
نور بفرحه.... الحمد لله
فريده... تعالى بقى هنا انت مهتميه بالموضوع ده ليه احكي لي انت بقى
نور... هقولك على كل حاجه ثم قصه عليها كل ما حدث
نور... بس يا ستي
فريده بضحك.... ههه يعني انت كنت فاكراني امراته ههه مش قادره اصدق
نور.... لا صدقي انا فعلا كنت فاكراك امراته وكنت زعلانه من نفسي ان انا باحب احد متجوز و هاخذه من بيته من مراته بس بصراحه كنت مكرره ان انا عمري ما هفكر فيك ثاني بس لما شفته في المستشفى ما قدرتش بس قررت برده ساعتها اني لازم هبعد بعد ما يخف واعرف واطمن عليه انه بقى كويس بس الحمد لله انك ما طلعتيش امراته ههههه
فريده بحب.... انت انسانه طيبه قوي يا نور ربنا يخليكم لبعض ان شاء الله اسر هيخف وهيخرج ونطمئن عليه وتبقى مع بعض للابد
نور بتمنى..... يااارب ادعيلي يا فريده
فريده.... يارب ان شاء الله حبيبتي
نور.... احكيلي بقى كل حاجه عن أسر وايه سبب طلاقه من مراته
فريده... مش عارفه اقول لك ايه
نور... قولي اللي حصل قولي لي كل حاجه
فريده.... طيب بصي يا ستي....
فضلت فريده ونور يتكلموو في الموضوع بتاع اسر ومريم لحد ما ناموا بس نور اخذت قرار انها عمرها ما هسيب اسر مهما كان
اما فريده فقررت انها تقرب من العيله دي اوي لانها حسيت بالامان وسطهم حست بدفا الاسره حاسه بالحب اللي عمرها ما حست بي الا النهارده ونامت وهي واخذه القرار انها عمرها ما هتبعد التاني
وكل واحد فيهم نام وهو اخذ قرار لحاجه غير تاني بس كلهم على نفس النمط الحب
في صباح يوم جديد اشرقت الانوار و هللت العصافير واستيقظت فريده ونور بسعاده لانتظار يوم جديد مليء بالفرحه والبهجه
فريده بابتسامة..... صباح الورد والياسمين حبيبتي
نور.... صباح الخير حبيبتي
نور... يلا نغسل وشنا و نتوضي ونصلى الصبح و نشكر ربنا
فريده... يلا حبيبتي
بالفعل قامت نور وفريده وصلوا وفطرو طلبو من حسام انهم يروحوا المستشفى و فالطريق لاحظ حسام السعاده اللي في عين نور وسال بفضول
حسام بابتسامة... ايه يا نور مالك
نور بستغرب.... مالي
حسام َ.. ما فيش اصل ال يشوفك امبارح ما يشوفكيش النهارده وانتي مبسوطه بالشكل ده خير ما تفرحينا معكي
نور بلخبطه.... مفيش حاجة عادي ممكن يعني علشان فريده نامت معايا فا فرحت بس
حسام باستعباط.... علشان خاطر فريده نامت معاكي اه قولتلي ههههه
نور بإخراج.... اه امال علشان ايه
حسام بضحك... هههه لا مش علشان حاجه انا قولت حاجه
نور بغيظ... انت مستفز والله انزل واسيبك
حسام بضحك هستيري.....هههه لا لا خلاص يا مجنونه باهزر معاكي
نور.... هزارك تقيل اوي
حسام... عارف ههههههه
اما عن فريده اللي كانت ميته من الضحك علي نور وحسام وكانت متاكده ان حسام عارف ان نور بتحب اسر بس ما كانش فاهم هما يعرفوا بعض ازاي و ال كان عاوز يوصل له حسام انها بتحب أسر فعلاً ولا أعجب بس
ووصلوا المستشفى
نور كانت سرحانه وفجاه فائت على صوت حسام
حسام.... يلا وصلنا انزلو ادخلوا عقبال ما ا اركن العربيه
نور وفريده... تمام احنا هندخل
وبالفعل نزلو ودخلو المستشفى واتجهت نور الى غرفه العنايه مباشر بدون كلام واتجهت خلفها فريده وفجاه توقفت فريده على صوت
الدكتور..... انسه فريده
فريده.... نعم
الدكتور بنظره إعجاب. َََََ... اتاخرتي ليه
فريده بستغراب.... نعم؟
لدكتور بلخبطه... احم اقصد حضرتك اتاخرتي واحنا كنا محتاجين حاجات
فريده بتعجب.. َ حاجات؟ حاجات ايه
الدكتور بلخبطه... احم خلاص خلاص التمريض جابها بعد اذنك ولسه هتدخل فريده العنايه
سمعت حد بينادي بصوت عالي
حسام بغضب.... فريدددده
التفتت فريده إليه
فريده بهدوء.... نعم
حسام بغضب.... انتي واقفه كده ليه وفين نور
فريده.... نور دخلت عند أسر
حسام... وانتي ما دخلتيش معها ليه ايه اللي موقفك هنا
فريده.... كنت واقفه مع الدكتور
حسام... الدكتور اه قولتيلي
فريده..... اه مع الدكتور وبعدين في ايه مالك بتتكلم معي كده ليه
حسام.... لا ما فيش يا هانم بس انت جايه تقولي لي واقفه مع الدكتور وعايزاني اسكت لا شاطره
فريده..... اللله هو في ايه
حسام.... انتي بتسالني انا
نسيب دول يتخانقوا مع بعض شويه ونروح نشوف نور
نور..... الحمد لله انا باحمد ربنا الف مره ان فريده طلعت اختك انا كان قلبي وجعني اوي ان انت متجوز وانا هاخدك من مراتك وانا عمري ما كنت هاقبل اني اتجوزك وانت متجوز بس ربنا عالم انا باحبك اوي يا اسر فوق علشان نبقى مع بعض على طول ونعيش سوا العمر فوق علشان خاطري يلا قوم يا اسر علشان نبقى مع بعض ونعيش حياه جديده سعيده
وفجأه دخل حسام عليها وعلى وجهه علامات الغضب
نور بتوتر..... ح... سام
