 |
رواية بيت الخبازه الجزء الثاني الفصل الرابع والعشرون بقلم زهرة الرمان
اتصلت على قشعم مايرد شلون يربي خليت هبه وعلي بالسيارة ورحت لبيت صفا دكيت الباب طلعت صفا
ووينكم
صفا
شبيج استبرق
استبررق
وين قشعم
صفا
راح التحق
استبرق
هاج أخذي انزلوا بسرعه
صفا
شكو
استبررق
عمو مدعوم بسيارة اروح واطمنج عود
صفا
اسم الله عليك عمو ولج شكالو
استبررق
مافهمت من الجاوبني بس انطاني العنوان ديري بالج على الجهال سدي بابج رايحه
صفا
ترحين وحدج
استبررق منو النه غيره
صفا
مو عدج رقم ام يزن زوجه ياسين يمعوده مهما كان يكولون خالهم شلون
استبررق
إني مسطوره توترت هسه هسه خلي اروح اشوفه گلبي صاير نار يلا صفا ما اوصيج على اخوانج خيه
طلعت للمستشفى وصلت ودكيت على عمو موفق لأن التلفون بيد الرجال الخابرني كال انتظرر احد من اهله يلا اروح
دخلت والتلفون يدك
وصلت للممر جاوبني ودلاني وين اوصل بقى على الخط لمن وصلتله
حضرتك داعمه لو لكيته وينه شبيه عمي
=لحظه اختي عمج حالياً يمه طبيب وكالو لازم محضر وشرطه واصلا ما قبلو إني لكيته بالشارع الله وكيلج مو أهل بغداد جاي عدي شغل واجيت بس غيرتي ما تسمح اترك بشر على الأرض
استبررق أريد اجمع كلامي ماكدرت بس كتله هسه وينه اريد اشوف عمو موفق
فتت للغرفه بيها هواية رياجيل نايمين وعمو مو هنا
همي اشوف عمو موفق عايش لولا
الطبيب
أختي صوتج
استبررق
دكتور بس گلي حاله عمي
الطبيب
موفق لطيف صح هو مريضكم
استبررق
أي أي دكتور
الطبيب
حالياً سووله اشعه لراسه ولاتخافين أن شاء الله مابيه شي الضربه مو قويه بس نتأكد إذا اكو نزف بالدماغ اولا
استبررق
يمه مضروب براسه
شيصبرج ياروحي
صعدت الانعاش مخلينه هناك وما خلوني ادخل
خابرت على ام يزن كلت لازم يعرفون
بقيت أتوسل بالرايح والجاي يدخلوني ومحد خلاني ممنوع يكلولي بعدني كاعده واجه ممرض
ممرض
خويه اطلعي منا روحي هناك
استبررق
فدوه خليني بس اشوف عمي بس دقيقه وحده واطلع والله اطلع
الممرض
خويه ممنوع وبجي طبيب او مدير المستشفى تصير عليه
استبررق
دقيقه وحده فدوه وبچيت
الممرض
لاحول ولا قوة الا بالله تعاي خويه شنو هي
استبرق
دخلني وصلني لسرير عمو موفق نايم وبس الاجهزه يمه تخبلت
سحبني الولد من الغرفه
طلعت بباب الانعاش وبقيت الطم عمووو مو تدري محد اليه عمو المنو تعيفني عمووو لأ تنام هاي النومه
ابجي بحركه وسمعت رجال
خويه كولي لامن المستشفى إني مجرد لكيت الرجال بالكاع وجبته مخليني هنا ليش لأن سويت معروف وما خليته بالارض ينگطع سبيل المعروف شلون
استبرق
مسحت وجهي عندك جهال
=أي عندي والله
استبررق
بداعه جهالك مو أنت ضارب عمي
=وعيون جهالي وعافيتي لكيته مكلوب على وجهه عبالي ميت كلت اشوفه لكيت بيه نفس جبته ركض لأ ضاربه ولا طاخه ولا اعرفه
استبررق بقيت ابجي ولطمت وجهي سوده عليه عمو حجيت وي ابو الأمن خلو يروح لحال سبيله
رجال الامن
أنتي مسؤؤله عن اخلاء سبيله
استبررق
بقيت انتظر خبر أحد ينطيني على عمو موفق يصير زين كاعده والطم على وجهي شطلعك وحدك عمو إني مو دوم أمشي وياك وبن ما تروح شجاني وخليتك عمووو
ياسين
استبرق هاا
استبررق
رفعت راسي لكيت ابو يزن وواحد ثاني ماعرفه
ياسين
وين خالي
استبرق
بس اشرت وابجي والطم حجو وي طبيب وبقوا هواية يرحون ويرجعون وإني على نفس كعدتي خابرني قشعم سألني عارف بعمو موفق ووضعه اسولفله
قشعم عمو خليته يطلع وحده وانضرب كله بسببي إني السبب قشعم
قشعم
أنتي قويه استبرق وعلمتينه نصبر أهدي رب العالمين راح يطلعه سالم كولي يالله
استبررق
قشعم مالي بالدنيا غيره هو خيمتي وسندي قشعم منو اليه غيره عمو يكره المستشفيات ولا يحب يتمرض وينام
راح قشعم بقيت لحد ما صارت ساعه ٩بليل مادري الوقت ليل نهار لمن أبو يزن حجه
ياسين
استبرق روحي للبيت خويه احنه يمه لأ ماكله ولا كاعده من الضهر لهسه
استبررق
أبو يزن ما إلي حركه منا لمن عمو موفق يحاجيني واسمع صوته
ياسين
لاحول ولا قوة الا بالله العلي العظيم
زين هاج يمعوده هاج اكلي لكمه
استبرق
ما يدخل ببلعومي الزاد لمن عمو اشوفه كاعد أبو يزن إذا تريد تساعدني خلي الأطباء يشوفون ليش نايم عمو ما كعد
بقى ياسين واخوه لما اجه الطبيب وطلعت الاشعه عنده نزيف لكن خفيف وبعد شويه كال الطبيب يصحى ونشوف مؤشراته الحسيه
بقينه منتظرين لمن بعد ساعه وحده
كعد عمو وبقى يمه الطبيب وإني لازك وجهي على الباب انتظر كلمه حتى اشوفه ودموعي متسكت
بس سمعت الممرض كال فوتوا شوفو عشر دقايق واطلعوا لاتاذون المرضى بهدوء
دخلت اركض
موفق
بنياتي بنياتي اشششش لالا تبجين مابيه شي وداعتج
استبررق
عمووو عمووو إني السبب خليتك تطلع وحدك
موفق
قدر بنياتي هذا قدر لاتلومين نفسج وهسه ماعندي شي زين زين
ياسين أبني أخذوا استبرق للبيت اخوانج وحدهم بنياتي
استبررق
عمو اعيفك شلون
موفق
ماعندي شي بنياتي روحي ارتاحي بعد ابوج ياسين يلا ابني اخذها وصلوها ولاتبقون
ياسين
عقيل يوصلها وإني باقي يمك
عقيل
إني رجال ماعندي احد يحاسبني إذا مارجعت للبيت أبو زيوني روح أنت للبيت
ياسين
لأ أنت تروح يلا يلا امشي
عقيل
بكيفك بس غرفتي ما افرغها من تنطرد
موفق
ملعون أخذ استبرق ودير بالك اترك سياقتك المرعبله يلا
عقيل
تفضلي استبرق
استبررق
عمو إني جايه بسيارتي مااحتاج أحد يوصلني
ياسين
أخذ سيارتي وصلها أمشي وراها لمن توصل وانوب روح للبيت
استبررق
طلعت بباب المستشفى
تكدر خويه تروح إني ما عليه شئ اكدر اوصل وحدي
عقيل
خالي موفق كال وصلها للبيت لازم اوصلج وأنتي وين شوفين بهالليل عيونج خلصن دموع
استبرق
تركته بدون رد وصعدت السياره
امشي وهو بقى وراي
لحد ما وصلت لبيت صفا اخذتهم طلعتهم وهو واكف نزل
عقيل
شنو شو طلعو من بيتهم هجرتيهم
استبرق
أخذ إخواني وأختي وابنها يمي زوجها ملتحق
عقيل
جيبي علي وهبه يمي
استبررق
لأ إني اكول منا وروح الله وياك تعبتك
عقيل
ماكو تعب بكل الأحوال الامانه امانه توصلون يلا اروح
استبرق
بقى يمشي ورانه وإني سولفت لصفا كلشي وهبه تسال عن عمو
حبيبتي بابا سافر كم يوم ويرجع
صفا
يعني وضع عمو مستقر
استبررق
ماكدر اكلج مستقر االطبيب كال مازال وعى من الغيبوبه وموشرات الحسيه طبيعيه معناها يتشافى بمرور الوقت
وصلنه لبيتنه
اجه عقيل
شال علي
ورجع شال تميم نايمين
عقيل
ولكم مخلينكم زلم تالي تنامون وتخلون النسوان كاعده
هبيه بطله
هبه
إني هبه مو هبيه
عقيل
ترعد بت خالي
استبرق
دخلنه وتشكرت من عقيل وراح
بقى عمو موفق اسبوع بالمستشفى نتناوب اروح الكا لو عقيل لو ياسين لو رضا لو ابن رضا
أخذت ملابس وغراض لعمو
بعدها كالو يطلع
باجر لاتجين
نزل قشعم وراح جابه هو وولد ام رضا
وصيت قشعم على ذبيحه تنذبح على رجل عمو موفق
بباب البيت وعمو لازمينه من ذبحوا الطلي
عقيل
شنو ذنب الطلي خالي داعمك شنو عده عداوه وياك طحتو بيه وذبحتوا شمسوي
استبرق
خليته على سريره ويمه هبه وعلي وإني وصفا واولاد ام رضا
سويت غدا
عقيل يم عمو موفق
عقيل
يابه المعلاك اليه والفشه لهبه
هبه
شنو فشه بابا صيح بعقيل
موفق
اسكت عقيل
عقيل
خالي هبه من اليوم خطيبتي تقبلين بيه
هبه
مجنونه انخطب لواحد مثلك
عقيل
شبيه حلو وعافل عقيل عاقل
هبه
مكروه
موفق
اترك هبه ولك
هبه
إني ما اتزوج ابقى يم بابا حبيبي
استبرق
سويت الغدا وصبيت وقشعم أخذ لغرفه عمو موفق الولد يمه
وبقينه إني وصفا بالمطبخ صفا كاعده يمي وإني سويت جاي وحضرته
بقوا يمه بيومها لليل يلا راحوا
وبقيت اراعي عمو موفق
صفا روحي لبيتج قشعم تعبان نازل مجاز
صفا
أنتي هم تعبتي خليني يمج
استبرق
معليج روحي ماعندي شي تعبي جان لأن عمو مو بالبيت
راحوا بليل كلش
وإني والجهال نمنه يمه افز كلساع واشوفه خاف يحتاج شي
استمر وضعنه هيج صعبه عليه الحركه بعده يتحرك بحذر ا ورا كم يوم رضا وياسين ونسوانهم
بقوا على الغدا ام يزن علاقتنه كلش قويه وصديقه صارت اليه
لابسه اسود بعده الحزن مخيم عليهم وكل ما يسولفون لازم يذكرون ام رضا وابو رضا ويبچون وابن نضال إلي حالها يصعب على اليشوفهه
دخلت يمي ام يزن وزوجه رضا ام علي
ضيفتهم وبعدين سويت غدا اعرفهم يحبون السمك وتمن أحمر
تساعدني ام يزن وام علي باشياء بسيطه
ام علي
ماشاء الله عليج استبرق
سريعه بالطبخ وايدج حلوه بسرعه تكملين كلشي
استبررق
تعويد شمره ايد أمي الله يرحمها تحب الشغل بسرعه وبنظافه
راحوا بس عمو موفق بعدهه حالته الصحيه تعبان
اتصل عمو عمار كال الجمعه نجي
الجمعه اجه عمو عمار ووياه بشار وفضل يشوفون عمو
بقو يمنه للعصر سألتهم عن فطومه عمو كال لاتسالين كأبه تبجي اربع وعشرين ساعه
صارو كرايب عمو موفق على طول يمرون النه يشوفونه
بس متابعته اني ما اعيفه ابد خاصه إذا يريد بطلع الا اني وياه
صرت اراعيه كلش أخاف يصير عليه شى
تجربه الحادث الصارله صرت حذره كلش
صاروا أولاد أخت عمو هوايه يجون النه حبآ بعمو هم من فقدو أمهم وابوهم صاروا أكثر تعلق بخالهم لأن هو أبن عم أبوهم بنفس الوقت
علاقتي ب ام زين حلوه تسولفلي عن كلشي هى من النوع اذا انفتح موضوع تبقئ مسترسله تدخل بغير موضوع واني أسمع وما اقاطعه
تجي صارت هواي هى وأبو يزن
يبقون يمنه لليل يلا يرحون
بدت بوقتها الأجهزه الذكيه تنتشر
عمو اشترئ جهاز دوز. اله واليه هم
يتواصل وي رامي وبعدها فكره السفر يريد يصفى كلشي ويطلعنه
أيام وهو يتواصل وي رامي
إني ما احجي خليته براحته
صاير بسرعه يعصب ويشكل لسانه ع الحرف من يحجي سألت طبيب عرف
نراجعه ع طول نحس هو يعرف كل الأمراض إذا طفل تمرض او جبير او اي احد اي شي نروحله كال حتى لو ما تضهر أعراض بالضربه ع الدماغ فأكيد يخلخل شي بعدين تحسون بيها بس مو مؤشر مخيف بمرور الوقت تروح
صار برنامج فايبر تواصل غير الماسنجر صرنه نسولف اني وصفا هواي. بالفيس شفت صوره بشار ابن عمو عمار طلبت صداقه شفت الأصدقاء فضل وكم شاب اصدقاءه
فضل ناشر صوره لأبوي قديمه رجعتني لبعيد كعدت اباوع عليه فضل صاير اكثر بعد يشبه أبوي
طلبت من بشار اريد احجي وي فطومة كاسره خاطري صارت سنه ع وفاه وزوجها وهي بعدها بنفس العزله والكابه
اول مره ما قبلت تحجي وياي بس بقئ بشار يلح عليها
الوو
الوو
أعرف انتي مالج خلك تحجين بس مشتاقتلج
فطومه
إني استبرق مو مالي خلك إنما ع ساعه اشرد من ألبيت
استبرق
ياا تعوذي من الشيطان شبيج
فطومه
شبيه فوك مصيبتي امي تنك فوك مخي
استبرق
ياا سرئ شبيها
فطومه
خاب شحجي حتى عيب عليه..
استبرق
شكوو
فطومه
صارت تدخلي وتطلع ارمله بعز شبابها منو بعد يأخذها وبعدين ترجع تكول يلا هسه هي بيا حال
ويوميه نفس الاسطوانه واني مو فطيم الأوليه والي خلك اطك صايره امي بدل ما توكف محنتي هامه منو ياخذهه اكثر من مره كلتلها اصير زينه واشتغل واشيل نفسي ما ابقئ عاله ع احد تعبتني استبرق امي انوب فاضحتني كدام صديقاتها ادلل بيه احسها
استبرق. امج محبه بيج خايفه عليج تره
فطومه. من شنو تخاف
اشو الخفنه منه صار
مات زوجي شنو بعد أكبر مصيبه ه؛هذا ابوي يسالني شتردين شبيج يطلعني نوبات حتى بشار يرحم اكثر منها
بشار
خاب مو صوجن اني صوجي مخليجن تهذرن بتلفوني تجيبي عمى جيبي
استبررق
ماعندي طريقه إلا اصبرهه
وبده عام دراسي جديد وصفا هم ماكدرت تكمل دراستها لأن قشعم يخاف على تميم
الوو
قشعم
هله استبرق شلونج
استبرق
الحمد لله
اكلك صار اسبوعين من داومت للمدارس والجامعات خلي صفا تكمل هي سنه
قشعم
وتميم منو اله وإني مو بالييت على طول منو ياخذها ويرجعها
استبرق
هي سنه تركض ركض خليها خط وتميم يمي ماعندي شي
قشعم
صعبه والله
استبررق
والله مو صعبه
خل بس تأخذ شهادتها سنه على سنه صايره الدنيا خربطه وحرب
قشعم
نشوف نشوف يلا محتاجين شي
استبررق
سلامتك
صفا
عاشت ايدج
كلامج لقشعم سحر ياستبرق
استبرق
مايحتاج بها روحه للقاضي سنه وهسه طار شهر تلحكي واخذي شهادتج حتى لو تعلكينها أو تنكعينها وتشربين ميها بس هاي امنيه أمي بناتها يخلصن جامعه والروح تعلم
صفا
لأ اخذني للسوك واشتريت ملابس وراح اداوم واخلي تميم على گلبج خاف علي قليل شر
استبرق
علي السنه مدرسه يعني الحمد لله اهون
وعمو موفق هو مبتلي بيه اشتراله ملابس وكلساع مرجعه للسوك هذا ماعجبني وهذا موحلو وهبه أكثر بعد شالعين گلب عمو موفق
بدا للدوام وإذا قشعم بالدوام تبقى صفا يمنه وتميم يبقى يمي لمن ترجع من الكليه
ادرس هبه وعلي اسويلهم أكل ياخذون وياهم
لاحضت نكعد بالصاله نسولف لو ادرس بالجهال لو نلعب وي تميم الگا عمو موفق غافي هاي طبيعه جدبده بيه يغفى وهو كاعد
ما انكر زاد التعب عليه تميم وهبه وعلي تدريسهم وعمو موفق يحتاج رعايه ومتابعه
موفق
تعال نتفاهم بالتلفون مينحجي بهيج مواضيع
وينج بنياتي
استبرق
ها عمو
موفق
بنياتي ولد أم ياس جايين محتاجه مسواك شى خاف يتغدون يمنه
استبرق
لاتشيل هم عمو
هسه أطلع
موفق
لآلا اني أروح
استبرق
هو وينه هنا براس شارعنا ابقى معليك
طلعت للشارع أخذت احتياجاتي صعدت بالسياره طبك كدامي واحد ونزل دكيت هورن حتئ ينتبه
ما التفت نزلت وصلت يمه بلا زحمه أريد اطلع سيارتك طبكتها ع سيارتي
==اصبري هسه طالع
شنو اصبريلي ابقى انتظرك غير مكانها وأرجع تسوك
=شبيج اصبري شنو هاللغوه وخري من وجهي من صباح الله وينك عباس اريد گيمر عرب
استبرق
أنت اشو ماعندك ذوق إني ابقى واكفه إني أريداطلع وانت طبكت دكيتلك هورن
=شلون مصباح اكشر بوجهج صبحت
استبرق
اكو كم شخص واكفين كلوله بنيه وموكفها مايصير بقئ يباوع عليه وصاح بصوت زمخ بوجهي
=شخبصتينه
استبرق
شفته بس من انسحل كدامي باوعت عقيل ابن ام رضا
عقيل
يلا يلا بلا صوت طلع سيارتك عندك دقيقه وينج انطيني السويج
استبرق
أخذ عقيل السويج طلع راسه افلشها لو اطلعها صار الرجال مثل أفلام كارتون بيب طلعها
عباس ابو المحل يصيح عليه تريد الكيمر لو شبعت
=مخلين نسوانهم تسوق وبعدين يصيرون بس همه وبس
سمعه عقيل ونزل ركض عليه
عقيل عيفه عيفه
عقيل
ولك تقل احترامك ع اعراضنه تسوق سياره أفضل من الاعبات طوبه هنه ملفلفات أبن الزن.......
استبرق كوه العالم خلصو الولد منه عمو موفق يتصل
اشرلي عقيل اصعدي
صعدنه وشباب واكفين صوفرو لعقيل عود رباه هذا الرجال
طلع راسه
ادللو ويضحك
شجابك
عقيل
جنت فايت منا وخابرت خالي كتله جاي عليكم كال استبرق يم أبو المخضر لكيته يصيح عليج
ربه يحبه فلت من ايدي
استبرق
وصلنه للبيت فتح الصندوك نزل الغراض
اسمعه بالصاله كاعد يم عمو موفق يسولفله وعمو يجاوبه
الله يطيح حضه
ويكول لعقيل أي عفيه
إني انشغلت اسوي الغدا وأحضر منا ومنا اتحرك اجه عمو موفق
موفق
اساعدج بنياتي
استبرق
لأ عمو ماعندي شئ رح اكمل
طبخت البرياني واللحم لكيته مستوي من رجعت طبخت مركه
والدجاج گليته وخليته فوك التمن ودخلو توقعت بس ولدها جاي ياس هو مرته وبناته ثنين شابات
وام ياس
وابنها الثاني هم
دخلو سلموا سلامهم طبيعي تعودت عليهم يسلمون بلا مبالاه وإني ارد بنفس طريقتهم
دزيت مي ورجعت مخدره جاي
كالت ام ياس عدج جاي رأسي يون عليه
صبيت للكل
وحده من بنات ياس
=منشرب جاي عيوني
استبرق
اها براحتج
طلعت كملت الغدا ودخلت عمو اصب العدا
ام ياس
بعد شويه مساعه تريكنه
استبرق
رجعت للمطبخ اكمل الغدا وما اعرف مناسبه وجودهم
موفق
إني ارجع واكول احنه أولاد عم وطليقه عقيل بنيتنه وعقيل وليدنه والسبب جان كلش تافه
عقيل
مو تافه السبب خالي وأنت تدري وسولفتلك بالتفصيل
موفق
إني مو كتلك تسكت
عقيل
كملوا حجيكم إذا ما احجي المن كاعد
موفق
وين مولي
عقيل
للمطبخ خالي جعت
استبرق
طلعت حافظه طرشي أحمر اريد احضر كلشي حتى اروح اصلي
عقيل
هذا طرشي سوك
استبرق
لأ إني اسوي
عقيل
شنو وشنو
استبرق
مخاضير الشتا كلهن يصيرن طرشي شونذر شلغم المازه فلفل حار وثوم وخيار نوعين
عقيل
رحت للجدر اكلت شويه تمن
واكلت زلاطه
استبرق
اصبلك
عقيل
بس اتغدا يكولون ماعدك احساس تاكل واحنه مجموعين نحل موضوعك وهو محلول من كاعه
استبرق
ع بنت ام ياس ؟
عقيل
أي عليها
استبررق
الله يسويلكم الصالح
عقيل
حلكي بيه اكل ودخلت عمتي
ام ياس
تاكل هتا وي هاي
عقيل
وإذا أكل شنو حرام وهاي عدها عمه اسم إسمها استبرق
وكل الكلام الج ولخالي موفق
شيقرر هاي هيه
أم ياس
شكول عليج انعام الله برحمج اجمعين راسين بالحلال وهو مايريد يستقر
استبررق
اسمع وما احجي طلع بالكراج عقيل ويدردم
أم ياس وصلت يم الصاله كالت أصلي الفرض وصبي
اجن بنات ياس يمي كالن نساعدج
كلت خليهن
شهد
انتي شكد عمرج
استبرق
عمري 25سنه ونص
رند
يعني بگد عمه وسن
استبرق
لا وسن اصغر مني
أنتم شكد أعماركم
شهد
اني الثالث متوسط
رند
واني بالأول متوسط
شهد
شگد عمرج ومات ابوج
استبرق
اسم الله عليج وع ابوج بعمرج بالثالث جان عمرى 15
ب2004
رند
ليش لسه مامتزوجه اختج اصغر منج تزوج
استبرق
بعد
يلا تساعدوني لولا كملت صب الغدا تغدو عمو كعدني يمه مقبل ناكل الا اكعد يمه
كلما أوكل علي الگا عقيل يباوع عليه مفهمت شبيه
خلصت ع السريع وحضرت الجاي
انطيت الجاي لشهد واني لملمت المطبخ ونظفته صرت أسمع عياط عقيل
عقيل
خالي تكلي رجعها آمنت بالله تبقالها بومين اخذني لاهلي اخذني لاختي
موفق
شنو المشكله شعندك. ولك يزي عاد تسافر تطلع تروح وتجي شتري تحبسها
عقيل
والله خالي مو هيج بس عمه لاتزعلين المره الي تقارن حياتها بالناس ما يقنعها شي تروح لمكان وكالت بس اني ماعندي
لو أجيب مال الدنيا كلها مايرضيها
ام ياس. والله ولآ تستحي تحجي هيج انت بخيل ع بنتى بس من تطلع وحدك حلال
موفق
مرتك ترجعها وخلص لا تبقئ مسربت هيج
ام ياس
وآلله ترجع مهر جديد جهاز جديد
عقيل
شنو متزوج جديده اسمع خالي شلون ما تتفرعن كوثر
موفق
مي خالف عليه كلهن خلص أم ياس يلا حددوا وقت ترجعها
استبرق
أخذت الاستكانات من الصاله واخذت علي ابدل ملابسه
و رجعت لكيتهم يريدون يروحون
سلموا
عقيل بعده راحوا بيت ام ياس
يسولف وياه عمو موفق
موفق
ابني المرأه بالبيت تخلي استقرار وهاي بنيته ميصير تبقئ هيج
استبرق يجاوب عمو ويباوعلي مشطت علي ونام ع رجل عمو موفق رحت أجيب التلفون طلع عقيل
عقيل
عاشت ايدج بس الأكل أليوم طيب بس الوجوه تگلب المعده شسوي أمر خااو موفق بعد
استبرق
أشكرك اليوم ادخلت بالوقت المناسب
عقيل لأول مره أسوي شي الوقت المناسب دوم تفوتني أمور بعدين احس هى جانت فرصه
باي هبيه خطيبتي
هبه
ولي
استبرق
العصر سمعت
عمو موفق يحجي بالتلفون
موفق
اني قبل اشوفه مسربت بصراحه يسافر يروح مايكول لأحد كالت أنعام ياخذ كوثر كلت كوثر احسن منه شكد كالت أنعام عقيل زين مجنت اصدك وهي رادته لأبن اختها بعد ما رفضته استبرق
هسه نريد بس تسلك ببيتها كوثر طمع أم ياس ومازالت براسها بيتها ما يعمر والله يستر
استبرق
شگد مااولاد اخوات عمو يحبونه بس الدنيا تلاهي وكلمن همه شكل
اكثر الأوقات اني وعمو وحدنه حت صفا أنشغلت بيتها
و صارت دوره السنه لسيد رؤؤف ود وا علينه نروح وياهم
صفا خلت علي وهبه يمها
بس اني عاهدت نفسي ما افارگ عمو موفق اخاف عليه
اجه ياسين بسيارته كال ويانه تروحون
طلعنه للمقبره اني وام يزن وابو يزن بسيارتهم
وصلنه
عمو بقئ يقرأ شعر أيا ديار الا فيك من يرد سلامآ من اهالي الدنيا اتا" محملا بشوق وشوك
خلصناها بجي اخذت عمو وگفنه ع كبر امي وخالتي انعام انهاريت وكأن اليوم فاركني
يمه حملي ثكيل خاله حبيبج تعب كسرتن ضهره
التفت مالكيت عمو موفق بقيت افتر وادور وينك عموو عموو
اجه من بين القبور ياسين ويمه عمو موفق
عيوني مليانه دموع خايفه
موفق
شكووو استبرق ليش واكفه هنا.....
استبرق
شنو عمو وين جنت اني هنا يم امي وخاله انعام
موفق
امشي ودوني شنو هنا موكفيني
استبرق
عمووو شش
