 |
رواية بيت الخبازه الجزء الثاني الفصل الثلاثون بقلم زهرة الرمان
#بيت_الخبازه_ج٢....#البارت٣٠الاخيررررر
استبرق
ماكدرت اجاوب حنان إلا كلمه اسيل تعرف ؟
حنان
الموضوع حاليا بيني وبين أمير وهو دزني أخذ منج كلمه تفكرين أو إذا عندج أي سؤال أو استفسار
استبرق
زين حنان انطيني مجال
حنان
اتركج هسه عيوني أنتي
استبرق
شنو يخطبني وهو مشايفته إلا مرة وحده
وآسيل شعجب متدري بهيج موضوع وهمه ببيت واحد
بقيت بيومها ساكته وما تواصلت وياها
اسيل
موقفي واضح حنان خابرتها وكالتلها انطيج وقت. والبنيه ما خابرتني بعد واضح لأن تسأل نفسها هي صديقتي هي المفروض تكلي هيج موضوع
شنو تريد اخابرها واكللها تفضلي هذا رقم أخوي يريد يخابرج ترا واكفه
أمير
مو واكفه ولا شئ أنتي مكبره الموضوع
إني أريد اطلعج من الالتباس الصار مو تخافين تخسرين صديقتج
إني اوفر الطريق عليج
أستبرق
يومين ما إتصلت اسيل واني كذلك
حجيت لصفا
صفا..
هو احتمالين اما اخوهن يعني مو هلكد واسيل مرادت تتفشل وياج
او حنان عجبتيها وهي الي من راسها طلبت هلطلب تريد اخوها يستقر مثلا
استبرق.
بالحالتين ليش ما تواصلت أسيل تسولفلي كلشي هي وأصلا ادق التفاصيل تسولفلي عنهن
اني احساسي الموضوع بيه انه
صفا.
وإني رأيي تتصلين عليها وتعرفين منها إذا ماتدري فواجب الصداقه يحتم تكليلها وإذا تدري اسمعي منها حتى تعرفين سبب طلب اختها وهي متدري
وإني خليني أروح لأن اليوم قشعم عازم حمزه وحيدر إخوانه
استبرق
. روحي يلا اشوف راح اتصل عليها واشوف
أتصلت على اسيل وأعرف وقتها
دك أول ثاني دكه
اسيل
هاك شوف استبرق تتصل
أمير
أي جاوبيها
أسيل
أهلا استبرق شلونج
استبرق
شنو صار يومين ماكوو خير
أسيل
شويه تعب ماكو شي
استبرق
اها سلامتج الف سلامه بصراحه اشتاقيتلج أولا اكيد وثانيا صار موضوع لازم أنتي أول وحدة تسمع
اسيل
اها وأشر لأمير شجاوب هسه
احجي استبرق اسمعج
استبرق الصراحه قبل يومين او ثلاثه اتصلت حنان اختج
اسيل
أي وأكل باضافري
استبرق
استغربت طلب حنان مني خمنت أن هي اتصلت عليه بدون متدرين أو يعني هي طلبت مني هالطلب
اسيل
اها
استبرق
هواي صرفتي هاوهاا أنتي تدرين بطلب حنان ؟؟
أسيل
أي اقصد لأ يعني اقصد
استبررق
أسيل هاي أول مرة احسج ممتوازن كلامج فهميني شنو الموضوع
أسيل
شوفي استبرق إني اعرف بالموضوع وحنان دزها تتصل عليج أمير هذا طلب أمير بنفسه
بس إني
استبرق
أي شبيج تكطعين بالكلام
اسيل
إني جنت معترضه على جزئيه معينه بالموضوع
استبرق شنو هي
أسيل
ماعرف شلون احجيلج
الموضوع شويه بيه فروع وماريدج تفهميني غلط
استبرق
هذا كلامج فروعه تتوهه أكثر احجي مباشر اسيل ممكن
أسيل
شوفي إني هيج ولا هيج اريد ازوركم ولشوف عمو موفق صح
اعزم نفسي يمج باجر واجيكم وتسمعين وتحكمين لأن خلي ببالج أنتي أغلى صديقه عرفتها يعني من الطفوله عندي صديقات وجارات والدراسه والكرايب بس أنتي اقرب وحده لگلبي وافهمج يدون ما تحجين واعرفج تفهميني أكثر من حنان نفسها
استبرق
هاي الفره عليمن تعالي ونسولف افضل
ثاني يوم اجت ممعروف حتى شكلها كمام وكفوف ومعقمها بيدها
رحبنه بيها واسولف وتكول نفس ما وصفتي عمو موفق
اسيل
عمو أنت أحلى بكثير من ما وصفتك استبرق
موفق
هله بيج بنتي
استبرق
سلمت على هبه وعلي وشيرين دوراها اخذتها
للغرفه
تعالي هاي جاي بكلاص جبير حتى تصحصحين وتفهميني
أسيل
قبل لانسولف لازم توعديني ما تزعلين مهما سمعتي وهم شئ ثاني
تتاكدين أنتي أغلى صديقه
تتذكرين من انكسر تلفوني اتصلتي جاوبج رجال ونطاج رقم تلفوني ما سالتي إذا التلفون مكسور شلون جاوبت شلون انطيت الرقم
استبررق
بوقتها ما انتبهت تصدكين هسه يلا ركزت صح
اسيل
هذا هو الموضوع أمير بفتره من فترات طليقي جان يوميه يدخل بحساب أو يريد ارجعله فجان فاتح حسابي حتى ما ينطي فرصه يأثر على قراري
و
استبرق
أي وبعدين كملي
اسيل
شوفي استبرق أخوي امير مكان عنده نيه سوء بس جان يشوف محادثات إلي بينه وامانه مكان يدخل على كلامنه متعمد وعندي هواية صديقات بس أنتي انعجب بيج من كلامي وشويه من كلامج بمراسلتتنه
استبرق
يعني جان يشوف كل إلي يدور بينه هيج جاي تكولين
اسيل
مو بالضبط مو
استبررق
شنو مو بالضبط حساب مفتوح وشوكت ما يعجبه يشوف كلامنه
يعني وثقت بيج إني بلهلبساطه
إني ما اعرف أمير اعرفج الج صار سنه ونص صديقتي شنو مثلاً أمير يريد يكول جنت اشوف نص كلامجن لو شنو وإني سولفتلج حياتي من الألف إلى الياء
أسيل
لأ تعتقدين إني مو أهل ثقه مستحيل ولأن حبيتج وعرفو إخواني بقربج اليه
طلب خطبتج
استبرق
مصدومه معقول اكو هيج ليش أسيل
ترخصت وراحت
سولفت لصفا
وشيرين هم سولفتلها
صفا
هذا الانترنيت ما خله خصوصيه للبيوت صدمه بصراحه
شيرين
إني تركتج صار اربع ايام وشفتج مآثر عليج الموضوع
استبرق
مو الموضوع إلي أثر عليه إلي مأثر بيه صداقتي إلي حسيت اني مغفله
شيرين
اخذيها من الجانب الإيجابي
بصراحه أسيل كان ممكن تكلج اخوي إني وأختي رشحناج اله وحمدته وحلته بعيونج ومحد يدري عن موضوع الحساب ولا هم يحزنون بس لأن تريد تصير صادقه وياج وصارحتج لازم ما تخسرين إنسان صادق وياج
استبرق
يعني شسوي اكللها اشكرج اعترفتي اخوج يراقب بحسابج شنو مراهقات احنه لأ إني هيج بدون كلشي حياتي بيها ألف طگعه انوب أخو أسيل طلعلي
بعد هذا الموقف ما اتصلت أسيل وإني كذلك قفلت منها
مرت ايام وزاد الوضع سوء بسبب الوباء
تواصلت وي طبيب عمو موفق
وما نصحني اخذه اله كال حالياً الوضع صار سيئ لاتعرضينه للتقارب مع احد احرصي أن يتقلل عليه الزيارات من الاقارب لحمايته لأن مناعته أصلا هي نازله
بليل وبديت اقرأ بكل محادثات إلي بينه إني واسيل مستفزه من تصرف اخوها
واجاني مسج صوتي
ترددت افتحه
بس أصلا مفتوحه هي المحادثه فتحته خليت هيدفون
أول مرة صوت اسيل
اسيل
صعب عليه إني اخسرج او ما أتواصل وياج كلنه معرضين للخطأ بس لازم اكو فرصة ثانية
وامير يريد هو يخليج تسمعين منه اترجاج استبرق اسمعي منه ولو مره وحده وبعدها تحضريني أو تبقين بكيفج تقررين
استبررق
دزت بعدها اتصل ؟؟
دزيت ملصق يعني اوك
اتصلت مباشرتا
اسيل
اشكرج لأن نطيتي فرصه ثانيه لعلاقتي بيج استبرق اسمعي منه وبعدها بكيفج
استبرق
بقيت ساكته أسيل تفهمني إني تفبلت اسمعه
أمير
السلام عليكم ومو ضروري تردين السلام
إلي راح اسولفه يحوز ايطول كلامي بس اسمعيني لآخر كلمه
اشرت لاسيل تطلع
لمن تاكدت طلعت أسيل
لحظه استبرق اريد اكعد واسولفلج بهدوء
شوفي يمحفوظه
اسيل هاي إلي تشوفينها لسانها متر وتحسينها قوية تحدت حدسي بطليقها
جانت حيل متمسكه بيه بس إني جان مكشوف كدامي بس ما اقتنعت
من كشفت خيانته جان يتوقع إني لأن ما أدخل راح كلمتين يقشمر أسيل ويرجعها وهي ماقصرت لاتشوفينها هيج رجعتله مره وزاد بخيانته لمن جبته منه لگيته ممخلي مكان بجسمها ما مطبع من الضرب جان يضربها وتضم ويهينها وتخاف جان يخوفها بضرب
وجانت تخاف عليه تتوقع يضربني وتصير مشاكل
من اخذته من بيته اجتها ايام تخوتل وتضم بالتلفون اعرف اخلاق أسيل وافهمها كلش
اخذت تلفونها وفتحته
لكيته يقشمرها بكلام كلت خل أشوف وين توصل وياه اجتني تريد ترجعله وإني هنا إذا منعتها ترجعله كوه عليه بديت إني اكتبله وخوفته وبحزم سديت الطرق بوجهه ومرض أمي الله يرحمه صدك ينطبق عليه رب ضاره نافعه أكثر الاوقات اخليها يمها إلى أن أول مرة صار يتفاجاه من ردودي وياه إلى أن صار احضره من حساب ويجي بحساب آخر مو لأن يحبها بس مريض يحسبها مساله ثأر وكرامه ويريد يرجعها ويتركها بكيفه
صارت بعد مساله حق أختي وخفت عليها لأ تضعف
مجان عندي شك بيها واحد بالميه حتى افتح حسابها إلا حمايتها من طليقها حتى حسابات بنات سوا واكشفه لحد فترة بسيطة هو جان بعده يدور حولها ولكيته رايح للمدرسه الها وهناك قضيت بيه التوبه طلعت كل ضربه ضربها لأختي
آسف هواية حجيت بس لازم تعرفين الدافع الحقيقي لتصرفي مجنت قاصد اراقبها وبروح أمي أي محادثه مع أي صديقه إني ما افتحها أو أدخل بيها
لأن اعرف صداقات أسيل وقتيه فتره وتتركهن لأن شخصيتها مو اي وحده تبقى وياها لأن صريحه تلقائيه عفوية ماتحب تمثل
وسبحان الله هالصفات وجدتهن بيج بقت بشكل يومي تسولف عنج
بس ولا مره أخذني فضول حتى افتح محادثات البينكم إلا من اتصلتي عرفت صداقتكم أنتي وهي حقيقيه
رفعت التلفون من اذني اشوف بعدها على الاتصال
بعده الاتصال ياترى بعدج أنتي وياي على الخط
استبرق
ما اجاوب بس اسمع من كال بعدج على الخط
رديت نعم بعدني
أمير
من جاوبتج كصديقه ل اسيل ورا الإتصال وكع نضري على سؤال لاسيل الج أن أنتي حالياً تعتنين بزوج امج اخذني الفضول شلون يعني شابه تعتني بزوج امها وامها متوفيه وعذراً عذرا الجاي نشوفه من المصايب رساله تجر رساله شفت استبرق إلي حقها اسيل تعلقت بيها غير نوايا ماعدنه لأ إني ولا اختي
ولأن إني ناضج مو مراهق وتجرفني عواطف وهميه مباشرتا طلبت من اخواتي يخطبونج كلت هاي الانسانه إلي اريد اكمل حياتي وياها
وإلي تصير ام لاولادي
اكو مثل دوم تكوله أمي الله يرحمها
المابيه خير لاهله مابيه خير للناس
بس إلي يضحي بايام عمره ومستقبله لاهله هذا مكسبه غنيمه لأن راح يصير الك سند
لهذا طلبت ايدج إني حجيتلج كلشي وهسه جاي يقرا القران راح يأذن الفجر
شاهد ربي ورقيب على كل كلمه كانت صدق مابيها أي كلمه خطا أن قبلتي ب أمير هذا فضلين مو فضل واحد وأن سامحتي اسيل عن خطاها إلي ماتدري هي أصلا بيه هذا فضل
بس ابقى بسيئه وياج
استبرق
أنت مالك ذنب إني جنت ما متعمقه وانطيت مساحه امان
أمير
ميسموه ذنب هذا سيئه إني سويتها اكو فرق بين الذنب والسيئه
استبرق
شنو الفرق
أمير
الذنب هي الخطايا آلتي بين العبد وربه
أما السيئه هي بين العبد والعباد الي تتعلق بحقوق الناس سرقه غيبه مثل حالتنه أن تجسست علئ غافلين هنا يتوجب تكفير السيئه إلا من العبد أولا ثم الرب وأنتي هسه لازم تسامحين من كل گلبج حتى رب العالمين يسامح
استبرق
رب العالمين هو بجلالته يسامح تبقى إني البشر الخطاء ما اسامح خلص فهمت
أمير
بس ميكفي فقط سماحج
استبرق
لعد بعد شكو
أمير
غير الشطر الثاني من الموضوع طلب أختي حنان منج
استبرق
هذا الموضوع محسوم تبقى أسيل صديقتي وحالياً احترمتها لأن ما غشت من البداية اعترفت
بس الطلب مرفوض
أمير
شنو سبب الرفض من حقي اعرف
استبرق
هواية أسباب وأولها مسؤوليتي إتجاه عائلتي
أمير
وإني ما يشكل عندي أي عائق عائلتج تصير عائلتي وأنتي عرفتي وضعنه هم لأ خال ولا عم
خوالي قاطعوا أمي بسبب ابوي لأن اصم
وأهل أبوي اعتبرو أبوي اقل منهم رغم واصلين بالمجتمع المفروض يساعدونه هم لأ نبذوه على عاهه من رب العالمين مجان اله يد بيها وهملوه جان أبوي خياط ملابس عسكرية معروف
بس اخوانه ما انطوه حقه بقينه طول عمرنه نبني نفسنه بنفسنه وكملنه ثلاثتنه دراسه بدون مساعده غير رب العالمين
استبرق
اذن الأذان تصبح على خير
أمير
مع ذلك أنتضر راح الرد استبرق
استبرق
غلقت التلفون ورحت توضيت وصليت
وجنت نعسانه حيل دخلت لهبه وعلي غطيتهم وعمو موفق شفته
ورجعت لفراشي
منو ذوله وشعدهم ببيتنه
العلويه
ذولي خطارنه اجو يسوون الكهربائيات
استبرق
بس خاله هاي مابيهن شي
العلويه
لالا امج هسه تجي من الحج اريد نتلاكاها باضويه زينه
وهاج هاي القطعه مالت القماش الج
استبررق
خاله هذا اللون مال القماش حلو
العلويه
ادري ويلوگلج يلا استعجلي امج راح تجي من الحج
اخخخخ فتحت عيوني تميم يضرب بوجهي اكعدددي
ووين وين ادور بديه أمي راح تجي من الحج وينها لكيت صفا واكفه ويمها تميم
صفا
اسم الله عليج شبيج استبرق
استبرق
غطيت وجهي باديه ليش كعدتوني ليش جان شفت أمي جايه من الحج
صفا
تحلمتي بأمي كعدت يمها سولفتلي الحلم
القماش خير بالحلم أن شاء الله خير
يلا كومي كوه قشعم خلاني اجي يكول عدوى ومرض اريد طرشي تسويلي مشتهيه طرشي
استبرق
بلا صفا بلا ما اشتهيت وحبلت وربج اشرد شرده الرضا لايران لاتخلفين كافي ثنين
صفا
لالا ولج مو حامل بس احتياطا لأن نخاف من الفايروس منشتري قشعم خبلني ميقبل نشتري أكل من برا يكول فايروس الخضروات ويبقى يغسل بيهن ساعتين
استبرق
سويت طرشي لصفا ومربى وهوايهةا شغلات وتعويد إذا سويت شئ ادز صورته لاسيل دزيت صورهن
وهي بسرعه أتصلت
أسيل
جنت انتضرج كلت بعد ما تتواصل وياي
شفت الصور خابرتج
استبرق
لأ كلت لامير إني مسامحتج واحترمتج اكثر لان اعترفتي من البداية
أسيل
إني اعترف حتى ع نفسي بس كليلي أخوي خوما طبق عليج سوالفه
استبرق
ياسوالف
اسيل
هاا لأ بس هو يلح كلت معقول تركج بسلام بدون ماياخذ موافقتج وخاصة شفت الوقت مال المكالمه متأكدة ولا نطقتي أنتي اخوي واعرفه خلفه سوالف يبقى يومين متواصل إذا تاركته يحجي
استبرق
لأ حجه وجه نضره وإني رفضت طلبه وخلصنا
اسيل
اهاا يعني رفضتي طلبه
استبرق
أي
أسيل
ع العموم اريد طرشي طرشي استبرق طرشي طرشي اريد
استبرق
شبيج شكل لسانج
أسيل
مو الحموضه وكفت بلعومي وإني ضعيفه كدام الطرشي ومنظره طيب
استبرق
ادللي راح اعزلج علبه
اسيل
كبري العلبه
غلقت من استبرق
هاا شبيك
أمير
شوكت تروحين تجيبين الطرشي إني اخذج
استبرق
شيرين وفطومه وصفا استلمني ذمه كل وحده اسولفلها تحجي موشح
صفا
إني جنت ضد الزواج مال الانترنت وكله جذب وقشمريات من إلي نسمعه بس شو اشوفه مناسب وحجولج كلشي عن حياتهم وما جذبوا وكالولج احنه واحنه وحتى كعدتهم بالإيجار كالولج عنها
شيرين
الولد سولفلج موضوع عن وكفته وي اخته هيج رجال ينشد بيه الضهر كلشي يصير على المره تحتاج رجال يوكفلها
فطومه
بالنسبه اليه جنت ما تفرق عندي الزواج بس استبرق البنيه من تكبر تريد طفل يشيل اسمها ويلم كبرتها وهلتشوفين من تزوجت افتر اريد طفل أحس كبرت رغم بعمري يكولون صغار بس لاوالله الطفل يكبر وي كبره اهله حتى ما يفرق الجيل هواية عنهم
استبرق
كعدت كبال عمو موفق
عمو قبل جنت بأمل يجي يوم ويرجع سيف ماعرف هالشي غلط أو صح ما انطينته وعد بس أمل أن هو يحبني واليحب ينتظر بس أنتضر هواية سيف وبعدين راح وصارت اله عائله ومشاعري بقت اسيره بداخلي هواية ما تحررت منها
بس واقعاً اريد شخص يوكف وياي قشعم رغم مثل أخوي وزوج صفا بس حياته هم اخذته
عمو نورني شسوي
عمو موفق اليوم خلص كله ميعرف هو منو أو شنو حوله بس اني اشوفه قدوه اليه بصبره وقوته وثفافته
اتصلت أسيل
ألو
أسيل
شلونج استبرق بصراحه اكلج أكل گلبي أمير يريد تحجين وياه
استبرق
ع شنو
أسيل
حبيبتي هذا رقمه راح يتصل عليج وحليها من يمج
استبرق
دزت رقم أمير ويعدها صار يدزلي مسجات وفويس
بس اسمعهن وما ارد يدز شعر او خواطر
أمير
لاتعتبرينه اتحارش إني جاي اتحارش صحيح بس إني من النوع الما يترك الموضوع بسهوله
انطي أي شرط المهم توفقين تحجين وياي
استبرق
صار يومياً يدز صباح الخير أو صباح الورد
ويدزها بصوته
شنو يسوي يدز
من يأكل من يروح للدوام وحتى من يدخل الدرس لازم يدز مقاطع الفيديو
من المعهد وطلابه وخطه بشكل يومي
يسولف عن نفسه بكل شئ يسوي شنو يحب شنو يكره وإني ما اجاوب
اخيرها دز
أمير
مازال تقراين اغفر وادتشوفين الفيديوهات معناها اكو أمل
استبرق
بعد شهرين متتاليه لأ يمل ولا يتغير أمير
توقف فجاه بدون سابق انذار
يوم يومين ثلاثه ماكو خبر منه
اربعه ايام أي شيء ما دز
اليوم الخامس
اجاني مسج منه
صوره اله وجهاز الأوكسجين بوجهه
يااا
اتصلت على أسيل
شنو أمير مصاب
اسيل
ايييي استبرق مصاب والمشكله ابد ما جنت اعرف عازل نفسه ومندري
ولما ساءت حالته يلا عرفنه
استبرق شبيج أسيل ذيج الايام جان يدزلي مسجات وفيديو
اسيل
أي صحيح يدزلج بس هو ماخذ اجازه وكاعد اول ما طالع تحليله وقافل على نفسه ويراسلج قبل عشر ايام و هاي الأسبوع يلا اشتدت حالته
استبرق
الفيديوهات الجان يدزهن من دوامه
أسيل
أي هاي بس أول فتره جان يداوم بعدها لاحضي يدز بس كلام من اشتدت حالته حتى فويس ميدز لأن الكحه زادت عده
استبرق
بقيت مقهوره وتواصلت لأول مرة وياه اسأل عنه بس هو ميكدر يحجي مخلينه على الأوكسجين كوه يتنفس
إني اجه دوري اسولف وياه واحجيله
وهو ميقطع الخط يكول خليه اسمعج إني اشوفه وهو ميشوفني مغطيه كاميره التلفون واشوفه ميجي أحد يمه إلا المعالجين لابسين ملابس معقمه ودرع حتى يدخلون لردهه العزل
عرفت اني عندي المشكلة أي شخص يدخل حياتي هيج مصيره
تعلقت بيه جنت بالبداية اكول شفقه لأن مريض بعدها اراجع كلامه كتاباته شفت شكد هو انسان غيور صاحب نخوه محترم يحب الخير وبديت افقد الامل أن راح افقده لأن ماتوا هواية بهاي السنه
واخرهم سمعت ام رحمن توفت صديقه إمي بالوباء دخلت صدمه من الناس الجاي يموتون زاد خوفي على عائلتي
وعلى إلي حواليه اتصلت أسيل كالت ادعي لأمير كعدت المغرب بجيت وخفت عليه
يآرب رجعه لاخواته إني شفت عازه العائله وهو بس هو لإخواته واكفلهن
يآرب إذا صار زين نذر عليه اقبل بيه
حجيتها هيج
بعد اسبوع تقريبا صار يتحسن ويستجيب للعلاج بالبداية ايسو اخواته منه
بده يتحسن وإني كل تفكيري بنذري شلون انفذه واضحك على نفسي وشيرين لزمتها عليه بس يصير أمير زين اكله استبرق ناذره تقبل بيك إذا تصير زين
بالفعل نسولف إني وآسيل وصارت التواصل بس بالتلفون والدراسة هم بس بالتلفون
كالت شيرين بصوت عالي ..
شيرين
أسيل ترا استبرق ناذره تقبل بامير إذا صار زين وتفك شدته هسه صار زين
اسيل
لزمتج من كلامج يعد خلي ابشره
استبرق
يااا اكعدي شبيج صار حضر الحمد لله حضر تام يعني ميصير لازواج ولا خطوبه ولا تقارب ولا شئ
حضي كاعد ومتربع
أسيل
خلي أول ايشره بقبول الزواج ويحلها رب العالمين
استبرق
مرت سنه ٢٠٢٠ بفتره يتواصل وياي أمير بالتلفون بس
عرفت كلشي عنه كل شئ يخصه
عن خطوباته الفاشله وجان حيادي مجان يكول هنه مو زينات أبد انطا لكل وحده سبب الرئيسي إلي عرفته بعدها أن هو قريب شخصيه عمو موفق دقيق
بديت اتعلق بيه نسولف كل مواضيع تخصنه سولفتله عن التشوهات إلي بجسمي وخاصه إلي برجليه والعمليه التجميل إلي بوجهي ماا انطا أي اهميه ودوم يكول الماضي راح وي الراحوا انطي لكل وقت حقه بفرح وحزن
علاقه جانت ناضجه بوعي مني ومنه جان ملتزم دينيا جدا بنفس الوقت منفتح للحياه مو متزمت انما يحب يطلع على أمور دينه ويحب كل الثقافات يكره شئ اسمه طائفيه أو عرق عرف عني الاشياء إلي مكان أي بشر يعرفهم واعي لدرجه صار يحتويني بكل تحولاتي ومن كلت إني عندي اخوان
أمير
يصيرون إخواني
استبرق
وعمو موفق
أمير
أخوي الجبير واعاونج على مراعاته لاتنسين أبوي اصم وإني اول ما وعيت للدنيا إني اراعي ربتني أمي على هالاساس أكون عون لابوي
استبرق
ومكان عيشتنه
أمير
هنا إني راح استغلج واطمع بيج
إني وآسيل كاعدين ببيت ايجار بس صاحب البيت من الثمانينات مهاجر ادزله الايجاز لكنده
وحتى اثاثنه معتزين بيه لان بيه ذكريات أمي وأبوي تباحثنه بهذا الموضوع إني وآسيل
وبصراحه بالبداية اسيل اعترضت تترك بيت أهلي بس لأن أخوها واكع بحب صديقتها قبلت ننطي الاثاث لاختي حنان
واحنه تضيفونه ببيتكم إني أي مشكله ماعندي لأن منطقتكم أحلى بهواي من منطقتنه
استبررق
من سولف حسيت تناقض بينما قبل اسيل سولفتلي تعلقه بهذا البيت واثاثه
أسيل
الصراحه هو إلي جان ميكدر يترك البيت مو إني بس حبا بيج استبرق ميريد يخسرج أو يحس أكو شي يبعده عنج ضرفج حاكمج وما عندج حل تنتقلين هو كال استبرق تستاهل
استبرق
حسيت شكد هو حاب يتمم زواجه بكل صيغه بس حتى مايخسرني
عرفت أن الضروف هي حجج إذا تعارضت مع الأشياء إلي نريدها
اليريد يوصل يكدر يخلق هو الصدفه ويغير القدر
بسبب وباء كورونا صرت أعرف أمير ويعرفني لأن اتفقنه ما نرتبط إلا الأمور تهدأ من المرض
وما تم كلشي إلا سنه واكثر انتظرنه صارت أحلى علاقه بينه انبنت صح بتصرف عقلاني
صار يحبني بجنون وإني اعترفت لنفسي اخيرا من صار بينه خلاف بسيط بقينه يومين إني معانده ما أتواصل وياه وهو يدرس اون لاين
اشتاقيتله وجنت ممتوقعه اشتاق لشخص هيج فصرت اعرف إني حبيت أمير
وجان ينتظر شوكت اكله تعال لعمو موفق إني ااجل بموضوع جيته لعمو موفق بسبب صحه عمو موفق
وبعد ما اجه وخطبني من عمو موفق
موفق
كل اب يحب يشوف بنته سعيده وإذا تكدر تسعد بنتي تزوجها وإذا تشوف عندك متعلقات بشخصيتك لأ تقرب استبرق مو ناقصه مرضى لحياتها
استبرق
اختاريت أكثر وقت عمو موفق شفته زين صار يومين اتصيد إني وشيرين اليوم إلي نخلي امير يجي لعمو موفق وهو زين بس فاق التوقعات وتصوري وحبيت جوابه حضنت عمو موفق وبچيت لأن عمو مر بتعب ومرض ومن يصير زين شايل همي
أمير
من اليوم عم موفق إني اخوك الصغير واخ وزوج والصديق لاستبرق وأن شاء الله ما اخيبلك ضن
استبرق
من قرأ الفاتحة وي عمو موفق كتله عمامي بغير محافظة وأخوي كال هاي الفاتحه لعمج موفق تقديراً اله ولتعبه وياج وحياته وياج لازم نرد مجازات الابوه
أروح لاهلج وهناك اطلبج
فطوم
هسه شوكت يجي هو وزوج اخته وابن عمه
استبرق
المفروض باجر وأخذ رقم عمو عمار.
فطومه
يعني معناها هسه متصل بابوي موو
استبرق
مادري تأكدي خابري
فطومه
اخابر منو يمعوده
استبرق
ورا ساعه اتصلت فطومه
فطومه
ولج ولج بابا متصل على فضل كايله اكو مدرس يريد يخطب استبرق راح يجينه باجر
استبرق
يعني باجر يوصل ويحجي وي عمو
بعدها بيوم أمير أول ما وصل وياي على التلفون لحد ما وأصل لبيت عمو عمار ولاكي عمو واثق وعمو رشيد ومسولفلهم
اريد بنتكم واختي صديقه استبرق
گايلله عمامي اهم شي هي توافق ونردلك خبر
يومين وعمو عمار اجه وكالنه وانطيته موافقتي
.. عمار
اهم شي عندي عمو أنتي تصيرين بخير وتنسعدين مو اشكال يكعد وياكم تصيرين قريبه على بيت السيد بكيفج أنتي
استبرق
وبالاخير كال
عمار
أي شئ تحتاجينه احنه موجودين تتصلين ونجيج
استبررق
عساك سالم عمو
اجو لبيت عمو موفق المشيه وخطبوني واجو فطومه وفضل وصفا وقشعم
وعمامي مناك لأن وباء اجه بس عمو عمار وي فضل
خطوبتي بدون أي حقله او تجمع لأن ممنوع ومرض
من خطب وعقدولي حتى حلقه ما اشتريت يوقتها كلت بعدين اشتري
وبوقتها جنت بقلق على عمو موفق أخاف ينصاب احد يسال أتوسل ييه ما يجي بالغت بخوفي على عمو موفق لأن ماعنده مناعه يعني إذا فلاونزا بسيطه ابقى أتصل على الطبيب وأخذ احتياطات
لهذا اجلت العرس والتجهيز
تم عقدي على أمير الحمد لله
وبعدها بكم يوم راد يكمل أمير عقد المحكمه
موفق
كومي استبرق اكو جنطه مال معاملات تلكينها بذاك الجرار
استبرق
فتحت الجرار بيها مستمسكاتنه بس ما فانحتها
طلع المستمسكات ووكعن اوراق جمعتهن
شفت ورقه مال مكتب حج وعمره
بيها اسم أمي
عمو هاي شنو
موفق
هااي شنوو شنو
استبرق
بقى يريد يتذكر نسى خطيه
يومين وتذكر عمو موفق
موفق تعالي اسولفلج لأ تروح السالفه من رأسي
هاي اكو ناس من الكافلتهم خالتج انعام
راحو للحج ومن اجت المره جابت هاي الورقه العلويه موصيتها تحج نيابه وتعمر نيايه عن امج
وقبل فتره جابت الورقه هاي كاتبه بيها اسم امج
استبرق
يعني أمي وصلت حجتهاا حلمي بمحله خالتي انعام وياي وأمي هم
٢٠٢١يوم ٢١/شهر ١٢
تقرر زواجي من امير
وانتقل هو واسيل يمنه تفرغت الاستقبال السواها عمو موفق ايام ما اجه فضل وعمه عزيزه صارت غرفه اليه وغرفه لاسيل وكبرها أمير سوا بيها صاله وكبرها أكثر
وصحيات هم بنى حتى ما ناثر على إخواني أو عمو موفق وخطاره
وخاصه عمو موفق متعلق بغرفته صارت قريبه على غرفتي الزوجيه
بعد فتره من تواصلوا اولاد اخت عمو موفق محد حجه كلمه سلبيه لأن أعرف ياسين ورضا لجانبي وام يزن دوم تعرف اخباري وأعرف اخبارها وفرحتلي
ام يزن
عاشت ايده امير كسر قوانينج واخذج
استبرق
كبرت عائلتي بناس صح مو من دمي ولحمي عمو موفق وام يزن وامير وآسيل وشيرين
بس جانو بجانبي بأيام العسر واليسر رغم تاذيت من گرايبي بس صار مبدأ تعلمته من أمير عيشي حياتج بوقتها لاتتندمين على الفات ولا تفكرين بخوف على المستقبل بالماضي مازال ماضلمتي أو اذيتي فلاتتندمين
وبالح
اضر سوي العليج وابقي مستمره بحياتج والباقي على رب العالمين
ماكو شي بالحياه صدفه
كل شئ مكتوب إنما التغيير من عزيمه العبد فإن ثابر وتحرك الله يكن يعونه يتغير القدر
معكم نختم قصه بيت عراقي
بكل احزانه آلتي مرت على كل العراقيين
وافراحه آلتي تكون في العراق افراحنا قليله ممزوجه بدمعه
مع خالص تحياتي وشكري لمن شاركنا حياته
ابطال هذه القصه
مع اعتزازي لمتابعاتي الحبيبات اللواتي كانوا بمسيره بيت الخبازه
لمتابعه روايات سكيرهوم زورو موقعنا علي التلجرام من هنا
