رواية مصير مجهول الفصل العشرون 20 والاخير بقلم لولو طارق

شمس طالعه تجرى ووراها حازم .. ولحقها وهى بتركب العربيه على اخر لحظه 

حازم : فهمينى فى ايه وطلعتى تجرى ليه 

شمس دموعها نازله لوحدها ما بتقفش ... حاسه ان الايام والدنيا بتدور بيها موديها على فين مش عارفه  

.. افتكرت الا حصل من ساعات وسايقه العربيه 

فلاااش باااك 

*********** 

شمس قربت من اوضة فريده وسمحو لها بالدوخول بعد استجواب فريده .. دخلت وهى مش عارفه جايه ليه وعشان ايه .. اكتفت من الناس دى كلها وماعندهاش استعداد تتنازل أكتر من كدا 

شمس بتبص لفريده وساكته وحازم قاااعد .. واول ما شافها قام وقف 

حازم : تعالى يا شمس هنا 

شمس : انا هنا كويسه 

حازم : انا خارج برا وانتو اتكلمو براحتكو 

شمس : لا استنى انت مش ها تخرج .. ولفت بعيونها لفريده ..عايزا ايه 

فريده بضعف : عامله ايه يا شمس 

شمس فردت ايديها : زى ما انتى شايفه بعانى من يوم ما شوفتكم فى حياتى .. بنتهى يا فريده عشان تتطمنى 

فريده بندم حقيقى  :  لا يا شمس ها اطمن وانتى بخير 

شمس بضحكه ولفت وشها ورجعت بصت لها تانى : من أمتى .. وبتنطر ايدها ما علينا عشان انا تعبت خلاص ماعنديش اى استعداد الوم او اعاتب خلاص انا اتنازلت عن حقى وحق مامى وبابى  فى اجرامك  .. واعتقد انك حره 

فريده : بس ما سامحتيش من قلبك 

شمس : مش مهم يا فريده مش مهم .. المهم انك حره بعد الا عملتيه كله 

فريده : انا تعبانه يا شمس مابنمش .. وعيطت .. كل احلامى كوابيس بتخنقنى .. ضلمه طول الوقت شايفها حتى وانا مفتحه .. خدى يا شمس العقود دى اتنازلت بيها عن كل قرش فى حسابى من يوم ماعرفتكم .. كله بقى من حقك 

شمس خدت العقووود قطعتها وراماتها فى الباسكت : مش محتاجه فلوووس شبعت منها وبتشاور على نفسها وعيطت انا اللى محتاجه اخرج من الضلمه الا كلكو حطتونى فيها .. حياتى بقت كئيبه نفسى افرح .. وبتشاور عليها .. يوم ما اخرج من الضلمه الا كلكو شدتونى لها ها تخرجى انتى كمان .. ازاى يا فريده عايزا تحسى بالنور والراحه والمظلوم لسا بيتوجع وبيتألم ازاى ... مش عارفه اقولك ايه .. اقولك ان الكوابيس دى بتلاحقنى من سنين وبنرفزه بعض الشئ هروب .. هروب .. هروب وضياع وضلمه واصوات كتير بتحاوطك وايدين بتشدك لتحت .. وتحت قوووى .  انا كل دا 

فريده عيطت : والله يا شمس ندمت وشوفى عايزنى اكفر عن ذنبى ازاى .. انا ها اعترف على نفسى بكل الا عملته 

شمس بصت لحازم : ازاى طيب حازم يعمل ايه من غيرك .. انا دوقت طعم الفراق ومن حبى له مش عايزاه يدوقه هو كمان .. وبأستسلام مسماحكى وبحلك من كل ذنب فى حقى .. حق مليكا وكامل هما بس الا يسامحوكى فيه .. مليكا خلاص انتى وهى خصوم قدام ربنا ..كامل لسا فى أمل يسامحك عشان عايش وسطنا .. انا ماشيه 

فريده : شمس ارجوكى خليكى جمبى .. ارجوكى  شويه صغيره كمان سيبينى ابص فى وشك واعرف انا عملت ايه وخسرت مين للابد عايزا اعرف اد ايه انا قابلت الاحسان بالسوء 

شمس تليفونها رن وكان خالها وردت : الووو 

سالم : على محمد وصل له 

شمس بإرتباك : ايه .  قصدى فين وازاى 

سالم : نقلوه مستشفى ال.... فى العنايه 

شمس سابتهم وطلعت تجرى مش شايفه قدامها وحازم بيجرى وراها 

***************

بااااك 

****

حازم : شمس انتى بتسوقى بسرعه جنونيه هدى السرعه شويه 

شمس : انا عايزا اطير وانت تقولى هدى السرعه بقولك على فى العنايه المركزه  .. وبعد وقت وصلت المستشفى وكل حبايب على موجودين حتى سالم 

شمس قربت على سالم : ايه عملو فيه ايه  

سالم : لسا الدكتور ما قالش الحاله وضعها ايه بالظبط .. ان شاء الله خيررر 

شمس بالهفه : عايزا ادخله .. وجريت على العنايه وبيمنعوها .. انا دكتوره .. وسع انت وهو 

امن العنايه : ممنوع يا فندم 

كامل : استنى يا شمس لما الدكتور يخرج 

شمس بصوت عالى : مش ها  استنى .. وضربت الامن وهما بيحاولو يبعدوها وبصوت اعلى ووشها احمر وعيونها دم .  انتو ايه مش حاسين بيا للدرجه دى  .. 3 شهور مش عارفه عنه حاجه ولما اعرف هو فين يبقى بين الحيا والموت ومش عايزن تدخلونى اشوفه .. 

اللوا محمد جااى من بعيد عليها .. وسكتهم كلهم والدكاتره طلعت على المشكله وكلمهم وعقموها ودخلوها تشوفه وهو معاها عشان ما تعملش حاجه .. وسالم بيحاول يلم الموقف كله هو كامل .. وهبه ومحمود نزلو قبل ما شمس تيجى يدورو على حقن مش متوفره فى المستشفى لازم ياخدها ضرورى ..  

محمد قبل ما يدخل بيها : اتماسكى شويه .. فى حالات غيره جوا .. غلط و  عيب دكتوره وفاهمه تعمل الا انتى بتعمليه 

شمس زى الاطفال بتعيط : والله ما ها اعمل حاجه والله .. اشوفه واقرب منه .. عايزاه يسمعنى ويحس بيا 

محمد بيمسد عليها : ها يسمعك ويحس بيكى ..  هو ولد قوووى وها يتجاوز دا كله .. 

شمس دخلت براحه وبتحاول تكتم عياطها واهاتها .. واول ما قربت من سرير على عيطت بقهرررر فظيع من منظره  ووشه الوارم وعيونه الا كانت بتضحك فى عز الالم والصعب خلاص اختفت وسط ورم كبير حواليها .. نفسه بياخده بالعافيه وبالاجهزه .. وعيونها جت على صدره واتصدمت من الطقله الا واخدها غير التعذيب ومن الواضح ان متعملوش جراحه .. وقعت بين ايدين محمد فقدت الوعى وهربت من المنظر كله .. شالها وخرج بيها برا وكلهم اتجمعو حواليه .  ما قدرتش تتكلم او تقوله انها جمبه .. مفيش غير صدمه والم فوق المها .. حجزوها فى اوضه والدكاتره بدأت تتعامل معاها ومع الصدمه الا دخلت فيها  

كامل قرب على محمد وسالم : مين الا عمل فيه كدا  

محمد : اخو راضى .. لما عرف با إلا حصل لاخوه 

كامل : عرف منين 

محمد : بيقول فى التحقيقات انه راح زياره لراضى فى السجن  .. وحكلو على كل الا على وشمس عملوه فيه .. وقاله عايز ينتقم من شمس فى الواد الا بتحبه ..  واداله مواصفات على ومحمود .. وكان بيراقبهم بقاله فتره لحد ما سمحت لهم الفرصه فى رجوع على للقاهره وباليل والطريق فاضى وعملو عملتهم .. كان على لسا مافقدش الوعى لما العربيه اتقلبت منه طلعوه وخدوه وبدأت رحلة تعذيبه 

سالم : وازاى شمس لما رسمت العيال الاقولتلى عليهم ماعرفتش تجبوهم يا محمد 

محمد : العيال الا شغاله معاه مش مصرين .. عشان كدا ملهمش قاعده بيانات ولا معروفين .  شوية مرتزقه هربانين وهو لاممهم وعامل بيهم عصابات سرقه عربيات وسطو مسلح ودا اكتشفناه لانه كان مستخبى ورا شخصيه وهميه 

كامل : مين الا دلكم عليه 

محمد : حلووو والله كدا لازم كل كبيره وصغيره تعرفوها ... شايفنا عيال قدامك احنا بفضل الله جهاز مخابرات محترف وها اريحك فضلنا ورا العربيات الا عملو بيها عملتهم .. الموضوع خد وقت لاننا لاقانهم فى مخزن قديم ومهجور .. جبنا الحارس بتاع المخزن واستجوابناه .. مااتكلمش فى الاول وبان على وشه الخوف  ولما ضغطنا عليه شويه قال على واحد فيهم والمكان الا قاعد فيه .  ودا جر دا جر دا .  ارتحتم 

سالم : الله ينور .. رغم ان الموضوع خد وقت والواد اتبهدل 

محمد : انت مستسهل ان العربيات مسروقه واختارو مكان مفهوش كاميرات وضلمه والعيلين الا قدرنا نوصل لشكلهم قتلوهم والا شغالين معاهم مش مصرين .. وراضى نفسه ماكناش نعرف ان له اخ .  لازم ياخد وقته على ما الخيوط دى كلها تتربط ببعضها .. 

كامل : ضربوه بالرصاص امتى 

محمد : اخو راضى اول ما حصل الاقتحام ضربه رصاصه وبيهرب .. الحمد لله قدرنا نمسكه  

محمود وهبه جاين ورا بعض ومجدى وراهم .. وجايبين الحقن .. ودخلو للدكتور على طول واول ما عرفو بوجود شمس دخلو لها .. وفضلو جمبها  

مر اليوم بعد ارهاق للكل حتى حازم رفض يمشى وفضل جمبهم وكان بيطمن على فريده فى التليفون  .. على تانى يوم دخل العمليات .. وشمس واخده منوم لان حالتها صاعبه ومش ها تتحمل توتر اكتر من كدا .. خرج على من العمليات .. واتنقل العنايه تااانى .. مر وقت كبير وشمس فاقت وقامت راحت لعلى .. فضلت جمبه مش سايباه بحكم انها دكتوره ومعروفه .. 

شمس ماسكه ايد على وباستها : على سامعنى ..وحشتنى قوووى قوم عشان خاطر شموسه .. 

على : داس على ايديها يطمنها انه سامعها وحاسس بيها 

شمس بفرحه ودموعها بتنزل زى المطر موطيه راسها على ايده بتبوسها .. اه ياعلوشى ياقلب شموسه وعقلها يارب ما يحرمنى منك يارب .. كفايه عليا كدا وقوم خدنى فى حضنك اخطفنى من كل دا لحبك وقلبك الطيب .. وهو مسك ايديها جااامد وبحركه بسيطه شدها حطها ناحية قلبه  وشمس مبسوطه انه مستجيب معاها وحاسس بحبيبته .. فضلت كام يوم على كدا لحد ما الورم من وشه خف تماما .. وفاق وحالته استقرت واتنقل اوضه عاديه ... وشمس جمبه ما بتروحش ابدا ومحمود وهبه والباقين لما اطمنو عليه روحو  عشان يرتاحووو .. 

محمود : اخيرا سمعنا صوتك .. كنت بتتكلم بالعافيه 

على ابتسم : احمد ربنا انى اتكلمت .. دا انا خدت علقه  وبيضحك وبيمد فى الكلمه .. اه يا صااااااحبى .. اه 

محمود : قلب صاحبك يا اخويااا .. طلعت فشنك يا علوه  

شمس بتبص لمحمود : اخرررس وبصت لعلى .. علووشى سيد الرجاله 

على بهزار : عارفه سيد الرجاله بتاعك دا اتعمل فيه ايه  

شمس بأبتسامه : ايه 

على : تقريبا كدا كانو متغاظين منى لدرجة الا رايح والا جااى يلطش فيا .. لا وايه فى واحد فيهم عدى كدا من غير ما يمد ايده ندهت عليه 

محمود : ليه 

على : ما ضربنيش يا محمود والفار لعب فى عقلى 

هبه مسكت دراع محمود ووطت راسها بتضحك بهستريه .. وشمس بتضحك .  انت بتقول ايه 

على : وربنا يا شمس انا شوفت العجب لا وفيهم واحد تقوليش راضى الخالق الناطق بس صوته تحسى انه بالع جاموسه واتحشرت فى زوره 

شمس بتضرب كف على كف وبتضحك  : هربت منك يا على 

على : دا هربانه من امه هووو .. الراجل يقعد قدامى ويقرب عليه جااامد ناقص يقعد على حجرى .. وكله كوم وهو بيكلمنى كوووم تحسى انه ها يرجع فى بوئى .. وبيتخن صوته قوووى ..  عاملى فيها حبيب وواد روش  انا ها اطلع عين امك .. وزريبووو فى وشى 

كلهم وقعو على الارض من كتر الضحك 

شمس بصوت مقطع : عمل ايه فى وشك 

على وهو بيضحك  بيقفل صوابعه على بعض وكانه بيضرب حد بالبونيه :  زريبووو فى وشى .. رايح جاااى زريبو لما هارانى  قد التور وبيتشطر على واحد قدى  دا ينفع .. طب يفكنى وانا كنت اوريه 

محمود وهو بيضحك : اسكت يا راجل دا انت بوظت سمعتنا  

على : صدقنى يا حودا انت بالذات لو كنت روحت كان سمعتنا اتدمرت .. تخيل يا صاحبى ولاد المفاجيع بيجيبو الضحيه ياكلوها ما بيصبروش لحد.ما تستوى 

هبه تنحت : ايه دا هما بياكلو بنى ادمين 

على : لا حميررر .. يجيبو الحمار صاحى وبعد شويه تلاقيه بينهق فى بوئهم بعد   وربنا كانت الحمير  بتصعب علياااا 

😂😂😂😂 

شمس وهى قاعده جمبه من كتر الضحك ضربته على صدره 

على بيقول أى وبيتك على ال ..ي .. قووى : ايييييي 

شمس : على الله 

على : بتضربينى وانا متخرشم ومش عاجبك .. كنتى عايزا تعاقبينى ..اهووو مصر كلها راحه جايه تلطش فيا عشان خاطرك .. احنا ها نلحق نفسنا ونتجوز والا ايه حكايتك انتى عشان تعبت وربنا وبيبص لمحمود تااانى اه يا صااااحبى اه  

محمد : 😂😂😂 وبيبعتله بوسه فى الهوا 

شمس : قوم واتنطط زى القرد ... واحنا نتجوز على طول 

على بهزار  : لا ياشمس بتحلمى . انا حاليا مش محصل بطه بلدى .  تقوليلى قرد 

هبه : انت حالتك صاعبه قووى ياعينى 

على بيبص لشمس ومركز فى عيونها : قوووى .  خلاص فاض بيا 

محمود : واحنا يا قمر مش ها تجيبى الموافقه بقى

هبه : شمس تتصرف مع بابى .. مش كفايه متجوز واحده اعوذ بالله كمان مش عايزنى اتجوز اللى انا عايزاه .  هو انا كنت قولتله انت اتجوزت دى بعد.طلاقك من مامى ليه 

شمس : هبوووش لمى  لسانك يا قطه 

محمود : وتلمه ليه خليها تقلب علينا مجدى كمان 

مجدى دخل عليهم ووراه بااقى الرجاله : مين جايب فى سيرتى 

كامل : ما انت عارف مين الا جايب انت ها تمثل 

سالم : ههههه هو غاوى يستعبط 

شمس : انا حاسه كدا خير اللهم أجعله خير انكم رضيتم عننا 

كامل : احساسك فى محله يا شموسه 

هبه بفرحه جريت حضنت ابوها : بجد يا بابى موافق نتجوز 

مجدى حضنها : جد الجد .  بدال ما تعمليها من ورايا  

محمود قرب عليه وبيحضنه : شكرا يا عمى الف شكر 

مجدى بادله الحضن وبيقولها بصوت عالى شويه مبررروك يا سيدى 

على باصص لهم وساكت .. او بمعنى اصح مركز مع سالم الا واقف مستسلم وساكت 

كامل : مش فرحان والا ايه يا على 

على بأبتسامه : دا اليوم الا انا مستنيه من زمان  ونقل نظره لسالم  .. الباشا شكله زعلان 

سالم : ولا زعلان ولا فرحان وبيبص لشمس بعتاب انا مجرد خالها من أكتر 

شمس قربت عليه وحضنته جااامد : انت حبيبى ولا يمكن ها اتجوز من غير موافقتك عشان مهمه عندى .  زى ما انا مهمه عندك 

سالم : مبروك يا شمس ويارب تبقى سعيده فى حياتك .. انا عارف ان طريقتى كانت غلط شدة اهتمامى وخوفى المبالغ فيه اتفهمت غلط .. كنت فاكر ان ابنى ها يحافظ عليكى وكنت غلطان .. اولا عشان مش ها تلاقى احسن من على ولا ارجل منه .. ثانيا عشان ابنى اصلا شاف حياته ونسى ان له اب يرجعله .. ساعتها بس حسيت ان حد بيفوقنى وبيقولى فارض سيطرتك على شمس طول الوقت وناسى ابنك وهو كمان نسيك .. بس والله يابنتى .. بعتبرك بنتى زى امك بالظبط الا كنت بأكلها بايدى وواخدها فى حضنى طول الوقت ... 

شمس بفرحه بتحضنه جااامد وقربت وباسته : احلى خالووو فى الدنيا كلها واجدع خالووو 

كامل بغيره مصطنعه : البت نسيتنى فى ثانيه على طول خاطفهم منى 

شمس ضحكت هى وسالم 

سالم : خليك بنارك .  وبيبص لعلى .  شد حيلك عشان تتجوز وتشوف شغلك ... محامين  الشريكات عكاكين وعرفت قيمتك اتنيل وقوم 

على ابتسم : لو كان كدا ماشى وبيحاول يقوم .. كلهم فى نفس واحد بتعمل ايه ريح 

على رجع تانى وبينام : ان كان كدا ماشى  وشمس هلكانه من الضحك على عمايل  على .. 

مر ثلاث شهور وشمس بتستعد لمناقشه البحث الا ها يخرج للنور رغم انفهم جميعااا .. وخدت المركز الاول .. وتخطت شمس لكل خوفها وعجزها 

وخلاص اتحدد فرحها هى وهبه بعد اسبوع من الان 

*********

على فى شقته : اخرج يا محمود .. يابنى اتنيل واطلع من عندك 

محمود : انت متسلط علياا .. سيبنى فى حالى بقى 

على : يابنى عايز اخد دوش وانزل ما بتفهمش  .. فى حاجات لازم اوديها الفيلا يالا 

محمود لبس البورنس وخارج واول ما خرج على اداله بالرجل جااامد ودخل جرى وقفل على نفسه 

محمود : اه .. ماشى ياعلى وربنا لادهالك .. انا مش ها انسهالك .. 

على فتح الباب بشويش وضربه على راسه وقفل بسرعه وبيضحك بصوت عالى : ها تغنيلى  يا حودا 

محمود : كلها اسبوع واخلص من رزلاتك والشقه تبقى ليا انا هبوووش قلبى .. هبوووش حيااتى وخلص وغور عشان هبوش جايه ومعاه مهندسة ديكور عشان تفرش العفش الجديد 

على خلص وخرج ومحمود طااار وراه وعلى لحق نفسه وقفل الباب وبيضحك : تعيش وتاخد غيرها ياقفل 

محمود بغيظ : انا ها اوريك القفل ها يعمل فيك ايه  ... وراح يلبس هو كمان .. 

 وبدات رحلتهم فى ترتيب وتنظيم عش الزوجيه بتاع كل واحد فيهم ..  مر الاسبوع هوووا .. واتنقل الضوووء لقاعه كبيررره ضما اجمل عريسين وعروستين مع بعض  ..  

 ❤❤ 😍😍

طبل وزامامير كتيرر.. عرايس كتيررر بفستان وطرحه بتطيررر .. محاوطين العروسين وبأعلى صوت هايبرو وبيغنوو  .. 

مين .  مين .. مين .. مين زينا الليله .  وبيشاور على بعض عروستنا حلوه جميله .. ما تصلو .. صلو .. صلو .. صلو على نابينا .. جاين نشوف بعضينا .. وبيفردو ايديهم ويلفوو  

خمسه هنا وهناك .. والا يعادينا واك واك  .. 

واستمر فرحتهم بالليله الا استنوها سنين كتيررر .. واخيرا اتحققت .. وكل واحد خطف عروسته وهرب بيها على العش الخاص بتاعهم  

**********

على فى العربيه مع شمس ماسك ايديها ومبسوط وبيغنى لها .. على عش الحب وطيررر يا حمام  وبعدين اتعدل وخالد ضحك عليهم وهو سايق 

على : اوعى تعملى فيا الا عملته شاديه فى رجدى 

شمس بمكر : انا .. انت فاهمنى غلط 

على : خالد رامى ودنك ياحبيبى 

خالد : حبيبى يا علوه اعتبرنى مش موجود 

على ضم شمس وبغمزه : ها نعتبره مش مجمود  وصلو الفيلا بعد ما جهزوها وخلوها من اجمل ما يمكن .. شالها وطلع بيها وهى متشعلقه فى راقبته  

غيرو وصلو مع بعض .. والاتنين قربو على بعض بالهفه 

على قرب من وشها ومشى شفافيه على وشها وبهمس .. بعشقك يا شموستى .. ومش مصدق انك خلاص بين ايدى وبيبوسها بالهفه  شوووق .. شالها بين ايديه وضمها ورافعها شويه عن الارض بعد وشه وبيبصلها ومبتسم  .. بحبك 

شمس : بعشقك  ياعلوشى .. بعشقك  واندمج مع بعض وببعض .. عاشو وكملو قصة حب مختلفه من نوعها 😍😘😘

*************

فى شقة محمود 

محمود : هبه .. هبوووش .. مبرروك يا قلبى 

هبه بكسوف : الله يبارك فيك 

محمود قرب عليها .. وحضنها جااامد وباش مقدمة راسها .. ايه ياقمر .  هاتفضلى واقفه كدا .. ياله عشان تغيرى هدومك ونتوضى نصلى 

هبه : حاضر وماشيه 

محمود بيتهز جااامد وبفرحه : هبوووش المطيع .. وماشى وراها .. معانا يارب  ودخل وقفل الباب 

هبه بشهقه وقربت عليه وشدته من شعره : انت بتقفل الباب ليه هااا .. فاكرنى لقمه طريه 

محمود بصوت عالى : لا يا هبوووش لمى ايدك .. انتى الا فاكرنى اهبل تعالى اهنه .. دا انا صعيدى مخى انشف من مخك .. وشالها فى حضنه وبيصالحها 😜😜😜😜😂😂

النهاية