رواية لفي بيا يا دنيا الفصل الثالث 3 بقلم لولو طارق


 رواية لفي بيا يا دنيا الفصل الثالث بقلم لولو طارق 

لولو برغم حالة الطوارئ والكل نزل جرى لاستقبال الحالات إلا إنها فضلت مكانها ما نزلتش .. مسكت الستاره بايدها والتوتر بان على وشها ... 
الدكتور محمد وعدد من الدكاتره تحت بيجرو كل واحد بحاله شكل . 
محمد : فين لولو يا منى 
منى : ماعرفش يا دكتور خد منها على كدا دى استاذه فى الخلعان 
محمد : جهزو العمليااات بسرعه .. ودخلوه حالا .. راح هو للولو بنفسه لقاها واقفه مابتعملش اى رد فعل وبصوت عالى نوعا ما .. ايه موقفك كدا 
لولو : دكتور انا مابحبش استقبل حالات ارجوك إعفينى انا كفايه أطمن على حالات المرضى 
محمد بصيغه الأمر : تعالى ورايا انا وقت الجد مابحبش تهريج انتى جايه هنا زيك زى المقاتل بالظبط هما واقفين يستقبلوووو الرصاص فى صدرهم عشانا كلنا وحتى لو تعبان دا وجع فيهم  واحنا بنستقبلهم بنحاول نعمل الا علينا تجاههم .. اتفضلى قدامى 
لولو بنبرة صوت مخنقوه : ارجوك يا دكتور 
محمد بنفاذ صبر وبيشاور بصرامه قدامه : اتفضلى بقولك 
لولو مشيت وهو معاها جهزت نفسها واتعقمت كويس جدا ودخلت معاه العمليات واقفه تدعى وبتحاول تركز وتستجمع قوتها من تانى بتاخد نفس ومحمد ماحاولش يضغط عليها قوووى وقف مساعده جمبه منى .. ولولو بتناوله حاجات .. واقفه مصدومه .. طلقه طلعت .. وبعدها طلقه وبعدها طلقه .. اربع طلقات من مكان تقريبا واحد .. خلص الدكتور العمليه بعد ما عدى أكتر من 5 ساعات واقفين على رجلهم وخرجووو .. 
محمد : اسبقينى فوق يا لولو على غرفه 51 عشان ها نغير على جرح كبير 
لولو بتعب : دكتور .. قاطعها 
محمد : اتفضلى .. انتى عارفه انك جراحه يعنى تعب وارهاق آكتر من العادى ياريت تاخدى على كدا وتغيرى من نفسك 
لولو كشرت وبنبره حاده نوعا مااا : حاضر 
محمد بتلطيف جو  : بنت 
لولو : بنت ايه انا فاضلى ريش واعمل زوبعه باليل من الا بشوفه 
محمد : هههههه لولو 
لولو موطيه راسها بزعل وباصه للارض ونفسها تعيط وماسكه نفسها بالعافيه : نعم 
محمد : أنتى ممتازه فى شغلك وبجد اول مره ارتاح فى الشغل مع حد كدا 
لولو شبح ابتسامه ظهر على وشها : شكرا يا دكتور .. والله لو قولت كدا قدام زميلاتى ليقولو انى برشيك  
محمد : عارف كل حاجه ..  انتى شدى حيلك واثبتى انك قدها واحسن من كدا بكتير حتى  لو غصب عنك ورفع ايده وكتفه عسى يكمن الخير فى ما نراه شر ..  ياله مش ها نضيع وقتنا فى الكلام .. 
كلمه بسيطه جدا غيرت معنوياتها وطلعت جرى على فوووق وقفت قدام الباب وخبطت : تن تن تن 
حاتم : اتفضل 
لولو : السلام عليكم 
حاتم بأبتسامه : وعليكم السلام .. فينه الدكتور محمد 
لولو : طالع حالا بس أقيس الضغط ونطمن على الشكليات اولا .. 
حاتم : انا والشكليات اهووو اتشاكلى وانا فى الخدمه 
لولو : مسكت ايده حطت جهاز الضغط وقاسته  وادته البرشام .. تمام كدا .. 
محمد داخل وبابتسامه : بطلنا عامل ايه 
حاتم باحباط : قاعد زى مانا لا قادر اتحرك ولا قادر اعمل حاجه زيى زى العاجز 
محمد كشر : يا راجل ما تقولش كدا انت زى الفل مسئلة وقت الجرح يلتئم شويه وهاتقوم ان شاء الله أحسن من الاول وبيفك الرباط الا على رجله ومد ايده للولو ادته مقص .. قص بعض الحاجات وغسل الجرح بمحلول ملح ... لااااه ماشاء الله الجرح زى الفل اهووو يا بطل 
حاتم كامش وشه من الوجع : اااه مش قااادر دى قايده نار 
محمد : ها تاخد حقنه ها تضيع  الألم تماما بعد ما اخلص .. خلص وقلع الجونتى من ايده ورماااه ولولو لمت كل حاجه .. 
محمد مسك كشف كتب على حقنتين ونوع برشام جديد .. خدى انزلى هاتى دول من تحت واطلعى اديهملو .. 
لولو خدت الكشف : حاضر نزلت جابت المطلوب وطلعت كان محمد راح لغيره .. لولو بعد ما دخلت :  كنت بتضحك ودلوقتى مكشر انا سمعت عنكم كلام كبير لايمكن الجرح دا الا يهزك كدا 
حاتم : سمعتى ايه بقى اننا دنيا وانتووو دنيا اهوو على الاقب انتو بتشوفو بعنيكو 
لولو لفت ايديها : ماهو الصراحه لازم تبقووو دنيااا لوحدكو انا دخلت معركه واحده كنت ها اموت فيها شعرى طرقع وشاب 
حاتم : طرقع .. ومعركه .  انتى جايه من زمن  ابو لهب 
لولو : هههههه .. مش مصدق .. وياااه كان فيها رصاص وقانبل وحزام ناسف 
حاتم هز راسه : كمان انتى المفروض مدربه على الاشتباك وبتعرفى تتعاملى تحت اى ظروف مش زى التمريض العادى انا حاسس انى بسمع أختى الا ماتعرفش حاجه عننا اخرها تتفرج على التلفزيون وبس 
لولو : ههههه الصراحه 
حاتم : لازم اسمع الصراحه انتى صدمتينى 
لولو : وانت برا الحدث حاجه مهما كان تدريبك وانت جوا الحدث واول مره تتعرضله حاجه تالته خالص .. يعنى احنا وبتشاور على نفسها بنبقى فرحانين بالشكل الخارجى قوووى بس مانعرفش ايه وراه  وانا اساسا جبانه ما انكرش ان قلبى بقى جااامد من يوم ما دخلت التمريض بس لسا محتفظه بحتة جبن كدا تخصنى 
حاتم ضحك : لا يا شيخه حته ايه انتى إحتفظتى بيه كله وطمعتى فى الباقى لو حد سمعك ها تبقى مهزله 
لولو اتنهدت بأسف : انا مكانى مش هنااا  فعلا فى أحسن منى بكتير .. دايما كل واحد له قدره على الاحتمال وفى ناس بتستحمل وناس لاء يعنى سها . منى .. اميره .. عليا .. كتير قوى فى المستشفى بيسدو حتى فى المعركه بيسدو انا لاء 
حاتم : معركه تانى .. وبستفسار نجحتى ازاى فى المعهد 
لولو : نجحت عشان شاطره 
حاتم كشر وشه : ازاى مش فاهم منين مش حابه ودا مش مكانك ومنين شاطره فى دراسة التمريض والاشتباك والقتال 
لولو بتشاور على نفسها : انا بحب الرياضه فا مكنش عندى مشكله فى اداء رياضى اشتباك غيره .. اما التمريض بقى بعد وجودك فى المستشفى والتعامل مع كمية الجروح والناس الا بتتألم والا بتموت بجد وضع تانى انا مش قادره عليهحاتم هز راسه : تعرفى انك ها تنجحى فى مجالاك دا جدا .. هو كدا الا بنعيشه ونمارسه غصب بننجح فيه جدا ..  بدليل تبصى على الناجح فى حياته وتعرفى حياته قبل كدا يقولك ماكنش بيطيق الشغلانه الا هو فيها ولا دراسته . عارفه ليه 
لولو : ليه 
حاتم : عشان الناس بتبقى شايفكووو زى المتخدرين طول الوقت نايمين لا منكووو فايده ولا منفعه فا بيستفزكووو بأكتر كلام يجرح وآد ايه ملكوش لازمه فى الحياااه ويتفاجئو بعد كدا بأداء مبهر لانه استفز قدرتك على الرد عليهم و أدائك المكبوت جواك  
لولو خلصت الحقنه وضافت عليها الحقنه التانيه وعدلت ايده وبتشوف العرق : يمكن بس مهما حصل محدش بينجح إلا اذا كان يستحق حتى لو الناس كلها شايفه عكس كدا .. 
حاتم : أكيد انا معاكى وبص على ايده وابتسم خلصتى 
لولو رفعت السرنجه : والله ماشربتها ادتهالك معقول ما حستش 
حاتم : 😂😂😂 شكلك بيقول انك شربتيها وبتنصبى 
لولو هزت راسها : مش مهم المهم انك ها تخف ان شاء الله  بسرعه وترجع مكانك عشان انت شكلك بطل كبير ..  ومدت ايديها ببرشامه .. اتفضل 
حاتم : هاتى وخد البرشامه وناولته ميه شربها وابتسم .. متشكر يا ستى تسلم ايدك 
لولو : بعد اذنك والف سلامه عليك 
حاتم : الله يسلمك واتمنى انك انتى الا تتعاملى معايا على طول مش عايز حد تانى يدخلى  اسمك ايه 
لولو : اسمى لولو وأكيد لو الدكتور طلب منى اباشر حالتك ها اباشرها .. مفيش هزار انت عارف 
حاتم هز راسه بتاكيد  : كنت محتاج حاجه 
لولو : اتفضل كل الا أنت عايزه انا تحت أمرك 
حاتم : الأمر لله وحده .. عايزك تبعتيلى اى واحد من الا شغالين هنا وقت كل صلاه عشان يصحينى لو نايم و يوضينى انتى شايفه ما بقدرش أقوم لوحدى لو مش ها أتعبك 
لولو : مفيش تعب فى حسنات جايه من غير تعب .. حاضر كل صلاه حتى الفجر انت الا قولت 
حاتم ابتسم : انا الا قولت ما تقلقيش 
لولو : بعد اذنك وخرجت ... عشر دقايق وبعتت احد العاملين بالمشفى فعلا عشان يصلى العصر ..  وبعد الوقت جاله وقت صلاة المغرب وبعد وقت العشااا  وهكذا يوم اتنين تلاته والوضع تمام وطلابته مجابه واى مصاب بتدخله طلابته مجابه ومحمد مشغلها صح كما يجب ما بتلحقش تاخد نفسها بدأت نوعا مااا تاخد على الشغل الحقيقى ولسا بردو فى حالها وبعيده عن زميلاتها ... 
لولو بعد شغل مرهق وكبير جدا جدا فى اوضه بتجمعها ببعض زميلاتها فى الا بيريح وفى الا فى نبطشيه بيكمل شغله لحد ما غيره يجى يستلم مكانه ... 
اتوضت وصلت وقاعده فى هدوء مع نفسها بتقرء قرأن فى جمب كدا .. خلصت وفردت جسمها على المصليه فى الارض  ... 
منى داخله الاوضه ومعاها سها .. 
سها بتضحك : شوفتى منظرها انهارده ضحكنى لما قولت بس 
منى ضحكت : انا مش عارفه انتى مركزه معاها ليه .. هى شكلها لسا ماجاتش احسن بردو 
سها ضحكت أكتر : أسكتى يا منى مش قادره انا ببص عليها لقيت أريل طالع من تحت الطرحه منظرها كان عره قوووى والدكتور محمد قالها ايه ..   لولو  شعرك باين الحقيه 
منى : 😂😂 هو ها يقع والا باين مش فاهمه وبتلف من جمب السرير لقتها نايمه فى الارض مفتحه عيونها واتصدمت او اتحرجت ووقفت ساكته ووشها إحمر 
سها : مالك اتكتمتى كدا ليه مره واحده .. ولفت اتفاجئت بالولو وبصوت عالى .. انتى هنا مش تقولى اى حاجه بدال شغل الجاسوسيه دا 
لولو بصت لهم ولفت وشها عنهم وساكته تماما غمضت عيونها ونامت مكانها او هربت من سيل التريقه الا ما بيخلصش عليها ابدا .. اول ما شقشق الصباح قامت صلت ولبست بعد ما كوت لبسها جهزت ونزلت عشان الطابور الصباحى 
سها هى ومنى لسا بيبلسو 
منى : شكلنا وحش قوى قدامها انا اتكسفت
سها : هى عارفه ان الكل بيتريق عليها بدليل ان مفيش مره بتدافع عن نفسها فيها .. سيبك منها 
منى : بردو يا سها والله ادايقت جدا لو كانت قالت أى حاجه ماكنتش ادايقت كدا 
سها : خلاص يامنى ما تندعق كبرى دماغك .. 
لولو واقفه فى الطابور وبتمر عليهم المشرفه اللى  بتفتشهم .. بتبص فى وش لولو جااامد وبصوت ظاهر وكشرت : انتى مركبه رموش 
لولو تنحت : رموش .. لا والله طبيعى 
المشرفه مدت ايديها : ورينى كدا وشدت رموشها 
لولو : اااه .. صدقتى انها طبيعى 
المشرفه : اقفى تمام والا عايزا جزا
لولو كشرت ووقفت تمام لقتها بتبص لها جااامد احولت وهى واقفه انتباااه وبتلقائيه 
لولو : فى حاجه تانى يا ابله 
المشرفه : ابله 
لولو : احممم .. قصدى يا فندم 
المشرفه مسكت خدودها وشدتها جامد : حصلت تتمكيجى وحطالى روجاجوه 
لولو : اهئ .. والله نفسى بس مش حاطه 
المشرفه : والله حاطه خدودك حمرا كدا ليه بقى دا طبيعى 
لولو فى سرها : الله أكبر يا حيزبونه .. طبيعى والله اعمل ايه ربنا خلقنى حلوه اقول لاء 
المشرفه طلعت منديل : ومسكت خدود لولو بتمسحها جااامد ... اهووو اهوووو .. وبصت فى المنديل مفيش حاجه 
لولو : صدقتى حلو كدا خدودى اتخدشت 
المشرفه : جزا ها تنزلى نبطشيه يومين زياده عشان تردى قوووى .. وزعقت العسكريه انضباط مش تهريج فاهمه العسكريه حدود والكلمه بحساب  وسابتها ومشيت بتشوف غيرها 
لولو بهمس : وليه مفتريه بحس انى بكلم عبد السلام النبولسى ..  خلصو وطلعو على شغلهم فى همه ونشاط .. 
*********** 
لولو : اسماعيل .. فين الدكتور 
اسماعيل : فى اوضة الدكاتره مريح شويه تعب 
لولو : طيب شكرا ليك روحت للنقيب الفجر 
أسماعيل : ايوا يا فندم روحتله والله ما بنسى خالص 
لولو طلعت فلوس : خد دول صباحك زى الفل 
اسماعيل بفرحه : ربنا يفرحك زى ما بتفرحينى كل يوم والله انا بساعد النقيب لله مش عايز حاجه 
لولو : عارفه ودا ملوش علاقه بالنقيب روح هاتلك فطار انت بيطلع عينك .. وخد دول هاتلى معاك فطار 
أسماعيل : عنيه ليكى طيب خلى واجبلك انا المره دى 
لولو : روح يا اسماعيل انا جعانه  
واسماعيل مشى راح يجيب الفطار راحت اوضة الأطباء وخبطت كذا خبطه ..دكتور محمد 
محمد ؛ ادخلى يا لولو 
لولو فتحت وهى على الباب  : مش ها تقوم عشان تمر على الحالات 
محمد :  محتاج ارتاح شويه بجد فاصل تماما .. قربى خدى الكشف الا على المكتب  ومرى عليهم انتى ولو فى حاجه قوليلى وانا اقولك تعملى ايه 
لولو : حاضر خدت الكشف ومرت على حاله حاله وكل المطلوب منها عملته .. دخلت لحاتم آخر واحد ..
حاتم : اخيرا شوفتك مختفيه ليه من أمبارح 
لولو : كنت برتاح منكم مش من حقى 
حاتم : حقك يا ستى حقك والباب خبط ودخل باسل .. ياااه والله ما صدق .. فعلا لما بتفرج بتفرج مره واحده الناس الا عايزين نشوفهم بنشوفهم مع بعض 
باسل : حبيبى .. ولولو واقفه بتشتغل فى صمت .. 
إسماعيل خبط ودخل : انا جبتلك الفطار بس انسه سها قالتلى وديهولها فى اوضة النقيب حاتم 
لولو لفت واتصدمت اول ما شافت باسل وديقت عيونها .. وباسل فرد صباعه شاور عليها وبمكر لف لأسماعيل : هات انت وانا ها اديهولها .. وخده منه السندوتشات  ولولو واقفه مربعه ايديها وبعصبيه : ايه ها تاكله دا كمان 
باسل ضحك : اه وبص لحاتم وغمزله .. حقى والا مش حقى 
حاتم بجديه : حقك يا وحش 
لولو لفت بصت لحاتم ؛ يا سلام مش كفايه سرق العسل منى الاستاذ  
باسل وقف وهو بياكل السندوتشات وبيمط فى الكلمه : أقطع لسانك لو قولتى سرقت مش واخده خمسين جنيه يا نصابه فين الباقى هااا .. دا بقى وبيشاور على الفطار بتمن الباقى 
حاتم بضحكه : هو انتى صاحبة العسل .. خلاص يا باسل بقى واتعدل نص عداله هات الباقى يا طفص انا جعان 
باسل بيديله باقى السندوتشات : انا عنيه ليك يا صاحبى خد بألف هنااا .. أنت تأمر .. يا سلام 
حاتم خد السندوتشات ومد ايده للولو : خدى ماكنتش ها تيجى غير كدا اصله رخم بزياده 
لولو ابتسمت : بألف هنا ليك ومشيت من جمب باسل وقربت وبهمس بالسم 
باسل بنفس الهمس : على قلبك 
خرجت وقفلت الباب جااامد .. 
حاتم : ليه كدا يا رخم 
باسل : اسكت يا أخى دى روشتنى فى الاتوبيس .. عارف اللمبى وهو مقرب على الكاميرا وعمال يصرخ ويقول من كل  رجل قبيله وبيعوج بوئه وبيتخن صوته وهو بيتكلم ..  تخيل الجعوره دى كانت فى ودانى وهابشه فى راقبتى مش مساكها .. لما عمتنى وطرشتنى 
حاتم : 😂😂😂 مش قادر .. وماسك بطنه .. 
باسل : والله يابنى البنات سمعت الكلام وتقريبا كدا كانوو متماسكين إلا دى والمصيبه انها مش جديده ولا حاجه غريبه عليها وبيرفع صوته أكتر وبيقلد لولو .. عاتف الهى يركبه حماره هبله هو السبب .. انا لو من عاتف دا كنت علقتها وبعتها على جاموسه مش حماره هنا 
حاتم  بصباعه بيحركه بمعنى لاء مع ضحك مستمر من ريئكشنات باسل  : لا لا لا .. لولو مش كدا    
باسل بيضم شفايفه قوووى : لولو .. دانت الا لولو .. وبغمزه انت مرمى هنا تشتغلنى انت ولولو وبيمشى ايده على برا .. قوم ياد قدامى كفايه عليك كدا أدى أخرة الدلع ..
حاتم بيشاور على رجله : كل دا ودلع أمال لو مش دلع 
باسل : يبقى سلم على الشهدا الا معاك يا خفيف احنا مابنهزرش 
حاتم هز راسه بأسف : صح .. فعلا  عندك حق .. أهل حاميدو عاملين ايه 
باسل اتنهد والضحكه أختفت : الحمد لله ها يعملو ايه يا حاتم غير الحزن سلمو أمرهم لله وإلا مصبرهم ايمانهم بربنا وان دى كانت أمنية إبنهم 
حاتم بزعل : ربنا معاهم ويصبرهم 
باسل قااام وبجديه : انا جاى أسلم عليك اجازه يومين بس وراجعالك 
حاتم : خلى بالك من نفسك وأمن  طريقك وانت ماشى .. الكلاب دى مش مضمونه وأنت من ضمن المطلوبين عندهم 
باسل رفع ايده لفوق وفارد صوباع التوحيد : كلها على الله ما تقلقش .. المهم ارجع ان شاء الله الاقيك زى الفل 
حاتم بابتسامة رضا : الحمد لله انا كنت فين وبقيت فين ها تلاقينى طرزان وواخد مكانى للكلاب دول ان شاء الله حتى لو برجل واحده 
باسل : عاش يا وحش .. وسلم عليه سلام رجولى  اشوفك على خير 
حاتم : ان شاء الله يا حبيبى فى رعاية الله .. 
باسل اتحرك بعربيته الا معاااه وراكانها تحت المستشفى ومشى مسافه كبيره نوعا ما بعيد عن المشفى على طريق صحرا وبيلف بعيونه يمين وشمال وبيكلم نفسه .. جاب سلاحه بيعمره .. وبصوت مسموع شكلهم كدا مراقبنى ياله إستعنا على الشقى بالله ... ومره واحده ايدين اتلفت حوالين راقبته بطريقه مش متوقعه والعربيه بقت تيجى يمين وشمال 
تعليقات



×