.jpg)
رواية عذاب رعد الفصل الثلاثون
يامن بعد مارعد قفلت مرنش عليها تانى بس فضل يشرب كتير عشان يقدر ينسئ حبيبته ...فضل سهران مع اصحابه وروح البيت بمساعده اصحابه وهو سكران وشكله يغنى عن السؤال ...دخل اوضته ووقع على السرير من كتر الشرب جى جى نامت فى حضنه وهو ضمها بتملك على اساس انها حبيبته اللى افتقدها وافتقد كل حاجه فيها
رعد خلصت شغلها وهى حزينه بس قررت تروح الحفله وتكون اشيك بنت فيها
تانى يوم رعد بعد ما خلصت شغلها راحت هى وكرم وراحوا اشيك سنتر للملابس ...وفضلت تختار هى وكرم ...وكل اما تختار حاجه كرم يرفضها ...لانه كان اختيارها كلاسيكى ...وهو عايزها تكون اشيك واحده ...لغيت لما رعد لفت نظرها فستان فى قمه الروعه والجمال...رعد انبهرت بيه هى وكرم...رعد لصاحبه السنتر ممكن تجبيلى الفستان ده عشان أقيسه
صاحبه السنتر...باسف انا اسفه يافندم بس الفستان ده محجوز ومدفوع تمنه
رعد بشبه حزن...طيب مفيش واحد تانى او قريب منه
صاحبه السنتر لاسف يافندم الفستان ده جاى مخصوص من باريس لصحبه اللى حجزه
رعد خلاص هشوف واحد تانى
كرم بهجوم لصاحبه السنتر ...يعنى ايه الكلام ده ولما هو محجوز ليه لسه عرضينه
صاحبه السنتر...والله يافندم كنا لسه هنشيله حالا ونبعته للعنوان اللى صاحبه ادهولنا
رعد بدفاع عن صاحبه السنتر...خلاص ياكرم حصل خير..انا هختار حاجه تانيه وفعلا اختارت فستان تانى ولتانى مره هتلبس فستان واخده ومشوا
وبعد وقت رعد بدات تلبس وكانت فى منتهى الشياكه والجمال ولبست (( فستان أسود وعليه بعض اللؤلؤ الخفيف ...وضيق من فوق ونازل بوسع ...يتنصفه حزام فضى وجذمه فضى عكب عالى )) وميكب خفيف وتركت للشعرها العنان ولبست عقد الماظ فى غايه الروعه كانت الداده فاطمه بتاعها ادتوهولها وقالتلها ده بتاع مامتك وسيبهولك ...رعد لبسته وحطت برفان خفيف لكنه يخطف القلوب
رعد اخدت كرت الدعوه وراحت الحفله وعنيها بتدور بس على حبيبها يامن...ومحدش عرفها بهيئتها دى غير يامن اللى خطفت قلبه وعقله بمنظرها ده ...ونظرات الكل عليها لجمالها الشديد اللى خطف قلوبهم هما كمان ...
قرب منها كذا شاب وعايزين يرقصوا معاها...يامن معدتش ينفع يتجاهلها اكتر من كدا لان غيرته اتحكمت فيه ...راحلها وقلبه مولع من الغيره على حبيبته ومراته اللى عيون الكل بقت عليها ...راحلها بخطوات سريعه وشدها من ايدها واخدها وراح على التراس ...وبغيره وعنف ممكن اعرف ايه اللى انتى عملاه ده ولازمته ايه وعشان ايه
رعد بحب واشتياق ...عشان حبيبى وجوزى ميشفش حد غيرى وقربته منه وعشان وحشتنى وعشان مقدرش ابعد عنك اكتر من كدا ...ومسكته من لايقه قميصه ..ورفعت نفسها ليه..وبتلمس خدها بخده...وبهمس يخطف القلوب ...فيه حد يسيب حبيبته ومراته كدا ...انا زعلانه منك كتير عشان انت وعدتنى بعد ماتجوزنا انك مش هتبعدنى عن قلبك ابدا ...وبهمس شديد قولى بقا انا موحشتكاش ...على فكره لو قولت لا هرفع عليك قضيه واسجنك عشان سايب مراتك ومش بتسال عنها وبهمس هااااا ايه ريك بقا ...ارفع عليك القضيه ولا مش هتبعد عنى تانى...كل ده ورعد بتتكلم بهمس وبتلمس خدها فى فى خده برقه شديده
يامن خلاص معدش قادر يتحمل كلامها بالطريقه دى ولا ملامسه خدها فى خده ...كل ده
واقل كان كفيل انه يشعل بركان حبه واشتياقه ...وبحب وشراسه التهم شفايفها بعشق وشوق جارف ...ورعد كمان بادلته بوسته بكل الحب والعشق اللى جواهاوبعد وقت سابوا بعد عشان يتنفسوا ...يامن سند جبينه على جبينها انا بحبك اوى اوى ارجوكى خليكى جنبى ...رعد بهمس بلاش انت تبعدنى عنك ومتنساش ابدا انى مراتك ...وانت دايما بتبعد عنى ...يامن وهما على نفس وضعهم ...انا مش هقدر اسيبك تانى يله عشان نسافر ونهرب من هنا ...رعد باستغراب ايه نهرب طب ليه ...يامن ارجوكى وافقى ارجوكى...رعد مسكت وشه بحب وعشق ...انا موافقه ياحبيبي وطمن قلبك انى هفضل جنبك دايما ومعاك..يامن اخدها فى حضنه ان شاء الله ياحبيبتى اعملك احلى فرح هناك...عشان نعرف الناس كلها ان احنا متجوزين ....و بعشق وخوف طب يله نمشى ونسافر دلوق....ولسه مكملش
دخلت عليهم سرايه زى الاعصار هى وجى جى ورعد اتكسفت وبعدت عن يامن
سرايه بخبث ومكر ...انت فين يايامن وواخد المقدم رعد مننا ليه وحرمنا منها
رعد اول ما سمعت صوتها ...رفعت وشها وشافت سرايه وقلبها دق بخوف ورهبه منها وبصت ليامن اللى الحزن مالى عيونه ووشه
جى جى قربت من يامن...وبدلع واستفزاز ...بيبي روحت فين كل ده كنت بدور عليك ...بس بجد انا مش عارفه اقولك ايه على الفستان ده بجد تحفه يابيبي يعنى انتى جبته من باريس مخصوص عشانى بجد مش عارفه اقولك ايه
رعد بصت لجى جى و اخددت بالها من فستانها ولاسف كان الفستان اللى رعد وكرم شافوه فى السنتر ...غمضت عنيها بوجع ولنفسها ياااه لدرجدى هى مهمه عنده هى غاليه عنده لدرجه انه يجبلها فستان من باريس وموصلها عليه.....يامن كمان غمض عنيه وحزن حبيبته وظنها فيه السوء كدا كسر قلبه ...وافتكر لما شاف الفستان ده على النت وطلبه من السنتر عشان يجبوه ويبعتوه عنوان رعد عشان يوديه لمراته وحبيبته...هو كان نفسه يشوفه على رعد وهى اللى تلبسه ...بس لاسف وصل لايد سرايه قبل مايوصل لايد رعد لما سمعت مكالمه يامن للسنتر وهو بيدلهم عنوان رعد...وراحت استلمته هى... وسرايه اديته لجى جى عشان تبين ان يامن مهتم بى جى جى وهو لا مهتم ولا نيله هو كان جايبه لحبيبته ومراته رعد قلبه
رعد فتحت عنيها على دلع جى جى ليامن...انا بح بك اوى اوى يابيبي ...يارب اقدر اسعدك زى ماانت على طول بتسعدنى ورفعت نفسها لمستواه وباسته فى خده
رعد خلاص معدتش قادره تتحمل اكتر من كدا ...وبحزن عن أذنكم انا همشى لانى اتاخرت...ولسه هتمشى سرايه مسكتها من ايديها على فين ياسياده المقدم دى الحفله دى معموله مخصوص عشانك...رعد باستغراب عشانى انا
سرايه بخبث ومكر... ايوا عشانك ...تعالى معايه عشان اوريكى المفأجتين بتوع حفله النهارده
رعد بسؤال مفأجتين ايه ...سرايه حالا هتعرفى حالا
يامن بسرعه...لالا ياامى المقدم رعد ...اتاخرت ولازم تمشئ دلوقتى
رعد بصتله بعتاب ...لدرجه دى هو عايزها تمشى
سرايه بخبث ومكر... هتمشى ...بس مش قبل ماتشوف المفأجتين بتوع حفله النهارده ...وكمان ضيف الشرف اللى احنا فى إنتظاره
