رواية عذاب رعد (3) معركة عشق الحيتان الخاتمة الجزء الرابع بقلم ديدي فتحي
📌📌و لسه بتوع الإسعاف هيشيلوا يامن يركبوه في العربيه يودوه مستشفى المجانين
رعد بصريخ و دموع و غضب وشدت يامن لحضنها اوي اوي و بصريخ و هستيريا.... ابعدوا عنه ابعدوا عنه
الناس بجدية... انتي تعرفيه ياست انتي
👈رعد بوجع و دموع... اه اعرفه لأنه يبقا جوزي و حبيبي و معشوقي و ابو ولادي و كل حاجه ليا في الدنيا
بتوع الإسعاف بجدية... ابعدي يا ست عنه احنا هناخده و نوديه مستشفى المجانين ابعدي و لسه هيشدوه منها
📌📌رعد شددته من ضمتها ليامن اللي لسه مغمى عليه في حضنها👈 و رعد بصريخ و غضب و صوت زي اسمها و طلعت مسدسها اللي دايما و أبدا بتاخده معاها في أي مكان👈 و بصوت الرعد الغاضب.... اللي هيقرب من جوزي و حبيبي و ابو ولادي هفرغ المسدس ده في دماغه والله هفرغ المسدس ده في دماغه فاهمين فاهمين
الكل خاف و رجع لورا
👈👈 و رعد بتهز في يامن و هو في حضنها و بدموع و أنين... فوق يا حبيبي فوق يا جوزي يا ابو ولادي فوق يا عشرة عمري فوق ياكل حياتي فوق ياقلب وعقل ودنيا رعد فووووق.
📌 بس يامن ماستجبش ابدا لنداها وهي ضميته اوي لحضنها وبجنون وخوف علي حبيبها وبأمر لبتوع الاسعاف يلا بسرعه ودوني لاقرب مستشفي بسرعه
ورعد ركبته وركبت معاه و بتوع الاسعاف اتحركوا بسرعه و ودوه المستشفى ورعد نزلت وشالت يامن وبهستيريا... عايزه دكتور عايزه دكتور بسرعه و الكل اتلم حواليها ولسه هياخذوا يامن منها رعد رفضت وباصرار لا محدش هياخده مني انا هدخل معاكم بيه
👈 وفعلا دخلت اوضه الرعايه والدكاتره دخلوا وراها وحاولوا يشدوا يامن من رعد عشان يكشفوا عليه👈 بس يامن كان ماسك في هدوم رعد جامد
وهي بدموع وبجديه... اكشفوا عليه وهو كده يلا بسرعه مستنيين ايه
الدكاتره كشفوا عليه باستغراب وذهول من اللي هما شايفينه قدامهم وبعد الكشف عليه
الدكتور اتكلم وبجديه... هو معندهوش حاجه يا فندم
رعد بغضب وبزعيق... و لما هو ما عندهوش حاجه حاله الاغماء اللي هو فيها دي من ايه هااا ردوا عليه
الدكتور بجدية اكثر... ده من الارهاق والتعب يا فندم و تقريبا بيمر بأزمه نفسيه صعبه وهي اللي عامله فيه كده... ونتمنى ان هو يتخطى الحاله اللي هو فيها دي بسرعه ويفوق لانه وسكت...
رعد بجديه وغضب و سؤال... لانه ايه انطق الدكتور بجديه لان ممكن عقله الباطن يرفض الرجوع للواقع اللي كان بيعانى منه قبل ما يغمي عليه و...
وقبل ما يكمل رعد بمقاطعه و عنف وغضب... كفايه مش عايز اسمع حاجه تانيه كفايه هو هيفوق ويرجع تاني احسن من الاول 👈وبتبص لأيد يامن اللي ما زالت ماسكة هدوم رعد.. و بدموع... هو هيفوق لانه عارف ومتاكد ان رعد قلبه رجعت تاني ومستحيل هتسيبه غير لما يفوق ويرجع احسن من الاول كمان و لو سمحتوا اخرجوا بره وسيبوني انا وهو لوحدنا
وفعلا الدكاتره خرجوا وسابوهم وهما مستغربين من كلام رعد ومن ثقتها انه هو هيفوق وخرجوا بعد ما علقوا ليامن محاليل تقويه و تقوي جسمه وتساعده ان هو يفوق
👈و رعد اخدت يامن في حضنها ودموعها نزلت بوجع وغضب من نفسها وقلبها اتوجع اكثر واكثر علي منظر حبيبها ومعشوقها و هي مازالت ضامه يامن اوي لحضنها و دموعها نازله
📌 وبحب وعشق وعتاب ودموع... ليه يا حبيبي وصلتنا لكده ليه توجع قلبي وتعذبني كده ليه... وليه مقولتليش عن اللي كان ناوي عليه المنشاوي ليه توافقوا على عذابي وعذابك بالشكل ده ليه... وليه ما قولتليش والله لو كنت قولتلي كنت هساعدك يا حبيبي
وبدموع اكثر ووجع... طب كنت سيبته يموتني على الاقل مكنتش هموت على ايدك انت بدل المرة ميت مرة... وبوجع وكسره... والله انت متعرفش باللي انت عملته قلبي اتكسر ازاي وخصوصا وانت بتتجاهل مشاعري و حبي وعشقي لك
👈 و فضلت رعد تعاتب معشوقها وحبيبها وتتكلم معاه و دموعها نازله لغايه لما راحت في النوم وهي مازالت حضناه اوي اوي
📌 و بعد وقت ليس بقليل رعد فتحت عيونها ولاقت نفسها ضامه يامن لحضنها اوي و يامن ماسك في هدومها جامد... وفضلت تتأمل فيه وفي ملامحه و اد ايه وحشها ملامحه وهو واحشها اوي اوي... و بتلمس على وشه بحب وعشق واشتياق وقربت شفايفها من شفايفه و بتلمسهم ببعض بشوق واشتياق وعشق جارف👈 ولحظات من حركه رعد دي واخدت شفايف يامن بين شفايفها بعشق وشوق جارف و نهم ومازالت شفايف حبيبها ومعشوقها بين شفايفها... وبهمس وبصوت خافت وانين فوق بقا فوق و بشراسه وهمس اكتر ولا انت عايز حركة الرعد اللي انت دايما وابدا بتحبها اعملها لك... بس ولا يهمك لان رعد قلبك كمان بتحبها عشان انت بتحبها يا حبيبي و في لحظة كانت واخده شفايف يامن تاني بشراسه و عنف وعضه شفايفه بشراسة وعنف اكتر
👈 و لحظات من حركتها دي لاقت ايد يامن اللي ماسكه هدومها بتضمها ليه اكتر واكتر وشفايفه بتتجاوب مع شفايفها بعشق و اشتياق وشوق... وبعد وقت كبير اوي من وضعهم ده حاسوا ان الاكسجين خلص من الاوضه و من الدنيا كلها
وسابوا بعض غصب عنهم وما زالوا قريبين اوي مع بعض
يامن بصلها بحزن و وجع ودموعه نزلت بوجع وبدموع... يا ريتني كنت موت بجد يارعد قبل ما تبعدي عني كده يا ريتني كنت موت يا حبيبتي
رعد شدته لحضنها اوي وبدموع وعشق... بعد الشر عليك يا قلب و عمر ودنيا رعد يا ريتني انا اللي كنت مت قبل ما اعمل فيك كده يا حبيبي
يامن بيحضن رعد اوي وبدموع ورجاء... ارجوكي يا رعد سامحيني ارجوكي وبلاش تبعدي عني تاني انا بموت في بعدك عني والله لاني مقدرش اعيش حياتي من غيرك ولا ثانيه واحده
👈 والله وافقته غصب عني بعد ما كان هيرميني من على الوادي وشك أن انا ابنه لاني شبيه امي اوي واتاكد من العلامه اللي كانت في صدري اللي انا مولود بيها اني فعلا ابنه ومرضاش يرميني ورمى واحد تاني من رجالته مكاني وكنت فاكر باللي انا بعمله ده ان انا بحميكي طلعت بعذبك و بجرحك مش بحميكي ... بس والله العظيم انا اتعذبت واتجرحت واتوجعت اكثر منك فارجوكي سامحيني يا حبيبتي ارجوكي لاني من غيرك مسواش حاجه ابدا ابدا والله دي الحقيقة ياحبيبتي
رعد بحب و عشق و طلعته من حضنها ومسكت وشه وبحب وعشق... هعمل ايه بس مقدرش غير اني اسامحك لان حبيبي مجنون وعاشق بس المشكله الكبيره ان هو غبي في حبه لحبيبته ومعشوقته وفي طريقه حمايته لها فلازم استحمل غباء حبيبي ده طالما انا كمان بحبه و بعشقه
وبوجع ورجاء... بس ارجوك بلاش موت تاني ولا بعد تاني و كفايه كده عليه كفايه وجع وجرح وعذاب
📌 وبدموع اكتر و رجاء... ارجوك يا حبيبي انهي عذاب رعد بقا ارجوك وخليك دائما وابدا سبب سعاده و فرح رعد وبس👈 #وأنهى_بقا_عذاب_رعد_وللابد
يامن رمي نفسه في حضنها و بدموع و انين و رجاء... ارجوكي انتي سامحيني يا حبيبتي ارجوكي لاني انا بحبك اوي وبعشقك اوي اوي وانتي امي وابويا واخويا واختي وصاحبتي وصاحبي وكل حاجه ليه في الدنيا و ما اقدرش اتصور حياتي ابدا ابدا من غيرك ولا ثانيه واحده
رعد بعشق... وانا كمان بحبك يا حبيبي ما اقدرش اعيش في الدنيا دي من غيرك لانك كل دنيتي يا عمري انت و طلعته من حضنها
و بحب وعشق... يلا نرجع يا حبيبي يلا علشان ولادك وبيتك مشتاقينلك اوي اوي
👈 يامن بجدية وعشق و سؤال... و رعد مراتي وحبيبتي كمان مشتاقة ليامن حبيبها وجوزها و ابو ولادها ولا...
📌 رعد حطت ايديها على بقه و منعته يكمل كلامه وبحب وعشق واشتياق وشوق جارف... عارف كلمه مشتاقه دي لو قولتهالك هبقا ظلمت نفسي ومشاعري بيها👈 لان اللي ليك جوايا كثير اوي ويفوق اي حب او اي عشق او اي اشتياق في الدنيا 👈 لان انا اتعديت مرحله العشق ده ودخلت في مرحله الجنون
و شدته عليها من ياقة هدومه و بهمس و صوت خافت... فاهم فاهم يعني ايه عديت مرحله العشق و دخلت في مرحلة الجنون... وبهمس... يلا بينا بقا عشان نسافر لولادنا ونجوزهم ونروح لمكانا في الجزيره و ساعتها بس هثبتلك صدق كلامي ده 👈وكمان محضرالك مفاجأه حلوه لما نروح الجزيره بتاعتنا هبقا اقولك عليها هاااا ايه رايك
يامن بهمس وحنون...مفيش رأي بعد رايك يا رعد قلبي انتي
👈 و بعد وقت ليس بكثير رعد اخدت يامن و اشتريت له هدوم غير اللي عليه ورجعته لهيئته الطبيعيه تاني... وقربت منه وبمشاكسه و مراوغه وبغمزه... ايه الحلاوه دي في حد حلو بالشكل ده
يامن قرب منها وشدها من وسطها عليه وبجنون عاشق... معشوقتي وحبيبتي هي اللي عيونها حلوه عشان كده شايفة كل حاجه حلوه
رعد بهمس يلا بينا نسافر لولادنا ونكمل كلامنا في مكانا لان كده مش هينفع خالص
يامن بهمس وصوت خافت.. هو ايه اللي مش هينفع خالص
رعد بعشق وبغمزه... حلاوتك مع سهوكتك وقله ادبك دي مش هينفعوا هنا خالص خليهم لما نروح مكانا في الجزيره ونضربهم ونعمل بيهم كوكتيل ونشوف الكوكتيل ده هيطلع طعمه ايه🙈
يامن بهمس اكتر وانين ... اكيد هيبقا احلى واجمل كوكتيل يا رعد قلبي
رعد بمكر وخبث... طب يلا بينا عشان نخلص الموضوع اللي احنا رايحين له ونشوف موضوع الكوكتيل ده بعدين و بعد وقت ليس بقليل سفروا ورجعوا تاني
****************************معركه عشق الحيتان ج٣ لعذاب رعد... بقلمي #دي_دي_فتحي... صفحتي علي الفيس باسم.... اللهم أسألك الفردوس لوالدى
✍️✍️ عند الجنرال صبري👇👇
اللي اول ما شاف ورقه الجواز العرفي بتاعه صقر و بسنت وقرأ اسم بسنت و انصدم لما شاف الاسم وهو بيقرأ و بيردد 👈 بسنت اسماعيل الاسيوطي
و اخد عربيته وراح عند كرم اللي اتفاجأ من وجوده وبصدمه و دهشه... الجنرال صبري في ايه ورعد حصل لها ايه طمني في ايه
صبري بجدية وهدوء بعد ما قعد... فيه اني لاقيت بنتك اللي الاسيوطي خطفها منك من 25 سنه
كرم بصدمة ودهشه... انت بتقول ايه
صبري بجدية وتاكيد... بقولك اني لاقيت بنتك اللي الاسيوطي خطفها منك من 25 سنه
كرم بدموع وصدمه... بنتي انا معقول طب هي فين و لسه عايشه ازاي
صبري... قدم له ورقه الجواز العرفي... وبجدية وهدوء... بص للاسم ده واتشبه للبنت دي كده
كرم مسك الورقه وبدموع... مش معقول مش معقول و صبري لسه هيرد
قاطعهم ملك اللي اتكلمت بدموع وحزن و وجع... والله العظيم كنت حاسه من اول ما شفتها في الفرح مع مازن انها دي بنتي روبا وكان نفسي اخذها في حضني بس قولت يخلق من الشبه اربعين وخصوصا ان الاسيوطي خطف بنتي وهي كان عندها لسه اربع سنين وحرق قلبنا عليها
كرم بدموع و وجع... يعني بسنت تبقا بنتي مش معقول
صبري بجدية... مش معقوله ليه ما انت عارف ان هو مكنش له غير ابن واحد ومات في عمليه من العمليات اللي الاسيوطي كان بيعملها... وابنه كان مشترك فيها👈 ولانك انت وقت الاشتباك في العمليه انت اللي موت ابنه خطف بنتك👈 وكان المقصود بالخطف ده ابنك ادم عشان يموته زي ما انت موت ابنه بس هو خطف بنتك وقالك وقتها ان هو دبحها عشان يحرق قلبك عليها... و اتحكم عليه بالاعدام وقتها و اتعدم بسبب جرايمه اللي لا تعد ولا تحصى وكمان بسبب قتله لبنتك روبا اللي احنا افتكرناه موتها فعلا بعد ماعملنا كل محاولاتنا وملقنهاش وقتها
كرم بجدية وبدموع... بس ازاي بنتي وانا كل اللي اعرفه من ياسين ان حاله البنت الماديه دي مش اد كده
صبري بحدية وفهم... مش محتاجه تفسير لان وقتها كل ثروه الاسيوطي اتصدرت واكيد مراته مكنش حيلتها حاجه لاننا وقتها سيبناها لما اتاكدنا ان هي ملهاش في نشطات جوزها واكيد اخدت البنت ربتها وخليتها معاها
ملك بدموع و وجع... طب ازاي قبلت علي نفسها انها تاخذ بنت مش بنتها وتخليها معاها و يفضل قلبنا محروق عليها وافتكرها فعلا انها ماتت ازاي يجيلها قلب تعمل كدا ازاي
صبري بجديه... هو ده اللي احنا هنعرفه دلوقتي يلا بينا نروحلها عند ياسين
وبعد وقت ليس بكثير وصلوا فيلا ياسين اللي قرب منهم و بجدية وسؤال خير يا جنرال خير فيه ايه
👈 صبري بزهق وغيظ... الله يخربيتكم هو انا كل اما اروح مكان النهارده تحسيسوني اني طوفان وداخل عليكم ولا ايه 👈ما تتهدوا بقا وتقولوا هدينا بدل ما اطلع اللي فيه فيكم كلكم يلعن ابو شكلكم في الارض عيله مستفزه و مجنونه🌚
و بجدية... انا عايز اشوف مامت بسنت دلوقتي
بسنت كانت نازله وبدموع و خوف... ليه عايز ماما ليه(لانها كانت فكراه عرف حاجه بخصوص صقر وهيقول لمامتها عليها)
صبري قرب منها و بجدية وحنان... متخافيش يابنت كرم متخافيش
و كرم كمان اتكلم وبدموع... متخافيش يا حبيبتي متخافيش
بسنت بعدم فهم وبسوال وعدم فهم... بنت كرم ايه انا اسمي بسنت اسما...
وقبل ما تكمل كرم جري عليها وشدها لحضنه اوي و بدموع ووجع... لا انتي مش بنته انتي بنتي انا بنتي انا
و ملك جريت عليها وحضنتها اوي و بدموع وانين... ايوه يا حبيبتي ايوه انتي بنتنا احنا مش بنتهم هما
بسنت بدموع... لا انا بنت اسما....
وقبل ما تكمل مرأت اسماعيل الاسيوطي اللي ربت بسنت بحب وصدق و اعتبرتها بنتها... و بدموع ووجع... ايوه يا حبيبتي انتي اكيد بنتهم
كرم بجدية و سؤال.. يعني ايه اكيد بنتهم يعني ايه
مرات الاسيوطي بدموع وصدق... لاني انا معرفش هي فعلا بنتكم ولا لأ... بس كل اللي اعرفه ان الاسيوطي جوزي من 25 سنه أمر رجالته انهم يخطفوا عيل صغير ولما رجالته خطفوه كان بنت مش ولد
و الاسيوطي وقتها أمر رجالته ان هما يدبحوها ويتخلصوا منها و انا كنت سمعاه و لاني خسرت ابني بسببه واتحرمت منه جريت ورا رجالته واخذت البنت منهم وهما اترجوني اني مقولش للاسيوطي حاجه عشان ما يموتهمش وكنت لسه بسالهم مين اهلها عشان ارجعها لهم لاني مجربة حرقة القلب ع الضنا 👈جهاز المخابرات وقتها اتدخلوا بقواتهم وهجموا علي الفيلا وقتلوا الاسيوطي جوزي ورجالته
👈و انا هربت بالبنت وروحت لبلد اقدر اعيش فيها ومحدش يسالني انتي مين ولا جوزك فين ولا البنت اللي معاكي دي مين... وبقسيمة جوازي كتبت البنت اللي اخدتها باسمي وباسم الاسيوطي وسميتها بسنت... و اشتغلت لحد ما ربيتها و كبرتها بس المرض استعجل عليه وعليها وخلاها هي اللي تشتغل وتشيل الحمل من بدري وتصرف عليه و علي مرضي
و بدموع اكثر ووجع.. والله العظيم مكنتش اعرف اهلها فين ولا هي بنت مين لاني لو كنت اعرف اهلها كنت وديتها على طول على الاقل ارحمها من التعب و الشقي اللي هي كانت فيه... و برجاء وانين... ارجوكم سامحوني ارجوكم وقعدت في الارض وعيطت بوجع
وبسنت جريت عليها وحضنتها اوي و بدموع وحزن... كفايه يا ماما كفايه انا عمري ما تخيلت في يوم من الايام انك متكونيش امي من حنيتك وحبك ليه ارجوكي كفايه بقا كفاية
ملك وكرم كمان قربوا منها وبحب وصدق... هي صحيح بنتنا اللي اتحرمنا منها واتحرق قلبنا عليها بس اتاكدي انها هتفضل بنتك انتي كمان وهتيجي تعيشي معانا ومعاها
📌📌 ياسين بغيظ تيجي معاكم فين يا اخويا انت ناسي انها حمات بنتي ولا ايه... وكمان بسنت تبقا مرات ابني
وبص لمازن و بضحك 😂 ابسط يا عم مبقاش ليك حماه واحده بقوا اتنين والاتنين هيطلعوا عنينك ان شاء الله
كرم بمكر... لا ما انا مش موافق على الجوازه دي لانك انت وابنك بصراحه مجانين اوي وانا مش ناقص جنان
ياسين بغيظ... كرم خد مراتك واطلع بره
كرم لسه هيرد 👈قاطعه رد الجنرال صبري اللي اتكلم و بغيظ و بمكر... بقولكم ايه هتتلموا انتم الاثنين ولا المكم انا بمعرفتي
ياسين وكرم لسه هيردوا قاطعهم👈👈 دخول يامن ورعد اللي اتكلمت بحب و ابتسامه... لا هيتلموا يا سياده الجنرال الشرير 👈لاني انا اكثر واحده عارفه انك تقدر تلمهم ازاي
الكل بصلهم بدهشه وصدمه واستغراب ان يامن عايش وموجود ما بينهم
ورعد بجديه للكل... ايوه يامن عايش وحي يرزق زي ما انتم شايفين كده
👈👈 وقربت من الجنرال صبري وبحب و باسف وندم حقيقي على طريقتها في الكلام معاه... انا اسفه يا بابا انا اسفه
صبري بزعل مصطنع و فرحه بيداريها بفرحة بنته حبيبته برجوع حبيبها وبجديه نوع ما... اسفك مرفوض يا بنت صبري اسفك مرفوض ولسه هيسيبها ويمشي
رعد رمت نفسها في حضنه وبدموع وحزن ورجاء... ارجوك يا بابا سامحني ارجوك و الله العظيم كان قلبي واجعني ومحروق اوي من اللي هو عمله فيه ومتخيلتش ابدا انك ممكن تعمل في كده
و صبري بجدية وهدوء... ورعد ما زالت ضماه وهو مش ضاممها ليه امال عايزاني اعمل معاكي ايه وانا شايفك بتتخلى عن جوزك في عز محنته وبتهدي حياتك اللي كتير حافظتي عليها من الضياع وفي الاخر عايزه تضيعي كل حاجه كده في غمضة عين طب ازاي وازاي اللواء رعد بمكانتها اللي هي وصلتها دي ازاي تعمل كده👈 على العموم انا عملت اللي عليه وانتي من يوم ورايح تعملي اللي انتي عايزاه لانك بقيتي كبيره زياده عن اللازم حتى كبيره علي ابوك اللي انتي من لحمه ودمه وبيبعد رعد عن حضنه
رعد اتمسكت في حضنه اكتر... وبرجاء ودموع... ارجوك كفايه يابابا ارجوك لان قلبي معدتش مستحمل عذاب وبعد و وجع وهجر اكثر من كده ارجوك كفايه وبتمسك في حضنه اوي
وصبري قلبه اتقطع علي كلامها و لف ايديه حواليها وضمها لحضنه اوي... وبحب وحنان.. ااااه يا بنت صبري اااه لو تعرفي انا بحبك اد ايه و قلبي اتكسر ميت حته على اللي انا عملته فيكي ازاي... ومش متخيل اني كنت ممكن اخسرك في لحظه غضب مني واخسر حياتي وعمري معاكي 👈 لانك انتي وبس حياتي و عمري و بيضمها اوي اوي لصدره ورعد كمان بتضمه اوي
👈👈 وقرب منهم ياسين وبصوته كله... الله الله عليك يا سياده اللواء يا صبري يا شرير سيبلنا شويه يا عم من حضن وحب #وحشنا_المقنع ده
صبري طلع رعد من حضنه و بغيظ... اسمي الجنرال صبري يا مجنون هو انت لسه دماغك رابطه على لواء
ياسين بضحك😂 بصراحه اه وهتفضل دماغي رابطه على كده يا سياده اللواء صبري يا شرير
وقرب من رعد وبمشاكسه و غمزة... مفيش حضن حلو كده لياسو حبيبك زي حضن اللوا صبري الشرير ده ها وقبل رعد ما ترد
كان كرم قرب و بابتسامه... لا هي هتدي حضن لكرم حبيبها و اخوها وصديق عمرها وترضي عنه وعن ابنه وترجع الميه لمجاريها تاني ولسه هيقرب
ياسين زق كرم و بضحك والله ابدا ما يحصل ولايكون انا اللي لازم احضنها الاول يبقا انا اللي لازم احضنها الاول
ولسه بيقرب من رعد اللي واقفه مبسوطه بمشاكسه اصحابها لها👈 يامن قرب منه وزقه و بغيظ... حيلك حيلك انت مجنون ولا عبيط ولا ايه بالظبط انت عايز تحضن مراتي وانا واقف امال انا اعمل ايه هاااا
ياسين بضحك😂 واستفزاز🤭... مش انت كنت موت و عيطنا عليك الله يخربيتك ايه اللي رجعك تاني اومال احنا عيطنا على مين ايام وليالي
👈اه اه و انا هقولك تعمل ايه... انت تروح تشوفلك قطه تحميها وبعدين تسرح بيها وتعيش حياتك معاها
يامن بغيظ... يااااسين لم نفسك احسنلك بدل ماالمك
ياسين بضحك ومراوغه😂🤭... وان ما لميتش نفسي يا مسهوك انت هتعمل ايه هااا جك حش وسطك يا اخي
يامن قرب منه ولف ايديه حوالين رقبته وبمراوغه ومكر... هعمل كده اهوا و بيضغط علي رقبته بعنف
و ياسين بصوت مكتوم... يخربيت اللي يهزر معاك ومع مراتك انا مش عارف انتم مالكم كده ايديكم ثقيله اوي كدا ليه
يامن وهو ما زال ماسكه من رقبته و بهمس وتحذير... اياك تاني مره تقول لمراتي كده فاهم فاهم ياسو ياسو فاهم ولا اضغط اكثر عشان تفهم وتستوعب اللي انا بقوله
ياسين بصوت مكتوم اكثر... فاهم فاهم يخربيت شيطانك سيب بقا سيب
يامن سابه وياسين بيكح... وبوسي قربت منه و بغيظ ايه يا اخره صبري مش قادر عليه ولا ايه ده حتى لسه طالع من الموت ومهنج اومال لو مكنش طالع من الموت كان عمل فيك ايه
ياسين بغيظ من كلام بوسي... وبيبصلها وحياه ابوكي ارجعي ورا وابعدى عني كده والله لاكون عامل فيك مقلب يطلع من نفوخك يا مسهوك انت 👈👈وفي لحظه كان شايل رعد وطلع يجري بيها ورماها في البسين بتاع فيلته🤭 وسط اندهاش الكل... ورعد وهي في الميه والله انت مجنون مجنون
ياسين وهو بيجري ويامن بيجرى وراه ومالوه يا مسهوكه زي جوزك مجنون مجنون بس اخذت حقي من المسهوك جوزك👈 حتى شوفي و لف بحركة مفاجأة زق يامن هو كمان في البسين🤭
وصبري بغيظ... بقا انتم كبرتوا في السن انتم اقسم بالله اكنكم عيال صغيره حتى العيال الصغيره عندهم عقل عنكم
ويامن قرب من رعد وهم الاثنين في الميه والكل متجمع حوالين البسيين اللي هما فيه... ولانه بيعشق منظر رعد بهدومها المبلولة و شعرها المبلول وهي كده قرب منها و لف ايديه حوالين وسطها و بعشق و جنون... وحشتيني يا رعد قلبي وحشتيني اووووي
رعد بكسوف... وانت كمان يا حبيبي وحشتني بس ابعد عني شوية ما ينفعش احنا مش لوحدنا
يامن بهمس و صوت خافت... انا ما يهمنيش حد المهم انك وحشتيني اوي اوي و بيقرب منها اكتر ويادوبك لمس شفايفه بشفايفها ورعد مستسلمه لطوفان حبه وعشقه 👈👈 جه ياسين بخرطوم ميه مفتوح ورش عليهم🤭 و بضحك😂 و باستفزاز 🤭 يلا يا حبيبي انت وهي يلا على بيتكم بلاش فضائح فضحتونا الله يخربيتكم يامجانين يلا هش هش هنرش ميه👈 ومازال بيرش عليهم ميه
يامن بغيظ وبزهق ... الله يخربيت معرفتك السودا يا اخي هو انت مش هتتهد ابدا وتبطل غتاتك دي
ياسين بضحك😂 مستحيل ابطلها يا مسهوك مستحيل واطلع يلا وطلع المسهوكة مراتك عشان تقولينا رجعت من الموت ازاي واحنا فضلنا نعيط على مين اطلع يلا اطلع اطلع
يامن بغيظ... لا مش طالع ومش هقولك علي حاجه ابعد بقي عننا جتم القرف في غتاتك يا غتت
صبري بغيظ... والله ما حد غتت و مسهوك غيرك انت ومراتك انا هاخدهم وادخل جوه وانت شيل مراتك و وديها الاوضه اللي في الجنينه... لغايه لما بوسي تجيب لها هدوم من عندها وتجيبلك هدوم من عند ياسين فاهم
يامن بمكر وخبث... فاهم يا حمايا فاهم بس انت روح وخدهم معاك وتوكل على الله
صبري بمكر اكثر منه... قسما بالله يا مسهوك انت لو غيبت اكتر من خمس دقائق لاكون واخد بنتي تقعد عندي اسبوع واحرمك من الكلمتين بتوعك اللي مجننينك دول فاهم
👈 يامن بغضب و عنف... هي مين دي اللي تروح تقعد عندك اسبوع اقسم بالله اصورلكم قتيل هنا
صبري بغضب وتحذير... انا قولت اللي عندي والبادي اظلم وأمر الكل يدخل لجوه وسابهم و مشي
ياسين بضحك😂 وبيطلع لسانه... حلال فيكم والله و بص لبوسى و بغمزه🤭... روحي يا بسبس هاتيلهم هدوم وودهالهم وشوفتي بقا جوزك حلال المشاكل اخدت حقي ولا مخدتهوش من المسهوك ده
بوسي بدلع... لا اخذته يا حبيبي اخذته
ياسين قرب منها و بمراوغه وهمس... طب يلا هاتيلهم الهدوم بسرعه عشان اخد حقي منك انتي كمان على اللي انت قولتيه من شويه
بوسي بدلع واغراء... بوسى حبيبتك دائما جاهزه لحبيبها حلال المشاكل 👈 ياسين لسه هيرد قاطعه ذق صبري ليه هو وبوسي في البسين
وبغيظ... حل بقا مشاكلك يا خويا في الميه انت وهي جاتكم القرف عيله كلها مجانين و مسهوكين
وبمكر وخبث... مش عارف ما طلعتوش ليا ليه في عقلي و رزانتي
ياسين بضحك وهو في المايه 😂🤭... الله يرحم يا سيادة اللواء يا شرير لما لطعتني تحت لما كنت جاي اتغدا معاك و طلعت تحل مشاكلك مع مراتك الله يرحم الله يرحم
صبري بجدية مصطنعه... ولد لم نفسك
يا ياسين بضحك ومراوغه😂🤭... حاضر هالم نفسي حاضر حتي شوف👈👈 واخد مايه بايديه ورشها علي صبري
اللي اتكلم بغيظ اكثر... الله يخربيتك هتموتني ناقص عمر جتك القرف في غبوتك... ويلا اطلع و طلع مراتك وابعت للمسهوك و مراته هدوم وتعالوا يلا👈 وبعد مرواغات ومشاكسات ياسين لبوسي و رعد ويامن
في المايه
ياسين طلع وطلع بوسي وراحوا اوضتهم واخدوا شاور عالسريع ولبسوا
و بوسي اخدت لبس ليامن و رعد ووديتهوملهم في اوضه الضيوف اللي في الجنينه... لان رعد مرضيتش تدخل وهدومها ماسكه على جسمها كده
ودخلت هي ويامن و اخدت شاور👈 ويامن بيقرب منها وبجنون و عشق... هموت عليكي والله يا رعد قلبي هموت عليكي
رعد بهمس وصوت خافت واللي هيموت علي حد بيعمل ايه؟؟؟
👈يامن بعشق و شراسة.... بيعمل كدا اهوا و اخدت شايف رعد بين شفايفه في رحلة جميلة و جذابة نسيتهم هما فين و نسيتهم كل حاجه حواليه
و لسة هيتعمقوا في اللي هما بدؤه سمعوا صريخ و أصوات و جرى و هما الاتنين اتخضوا و طلعوا يجروا و لقوا اللواء صبري و ياسين و كرم وملك و كلهم بيجروا بره الفيلا
و رعد بخوف و قلق و بتبص ليامن اللي مرعوب هو كمان و بسؤال و خوف... في ايه هما بيجروا كدا ليه
يامن بقلق... مش عارف مش عارف
رعد بجدية و خوف... طيب يلا بينا نشوف في ايه و ايه اللي مخليهم يجروا بخوف اوي كدا ليه
و راحوا وراهم و لقوهم ركبوا عربياتهم و راحوا فيلا كرم و الكل نزل من العربيات يجري على جوه
👈و طلعوا اوضة آدم اللي لقوا الشغالين جايبين له الدكتور بعد ما كانوا طالعين له بالأكل و لقوه عرقان اوي و مش بيرد عليهم
و اتصلوا على كرم اللي رد و هو عند ياسين و كلهم اترعبوا و طلعوا يجروا عشان يروحوا له
و الدكتور كان خلص كشف
و ملك بدموع و وجع... ابني ماله يا دكتور ابني ماله
الدكتور بجدية... دي محاولة انتحار واضحة لأنه اخد كمية حبوب منومة كتيره و هي اللي سببتله كدا و انا عملت له الازم و ان شاء الله يفوق على خير و خلوا بالكوا منه
كرم جرى عليه و شاله في حضنه و بدموع و وجع...ليه يا ابني تحرق قلبي عليك ليه يا حبيبي ليه و بيبص لرعد بعتاب و لوم لأنها السبب الرئيسي في اللي ابنه فيه ده
و رعد سكتت و كلهم فضلوا السكوت عن الكلام في الوقت ده وكلهم فضلوا وحواليه
وبعد حوالى ساعتين ادم فاق بتوهان و خطرفه وبفتح عيونه ببط ... ارجوك يا بابا قول لطنط رعد توقف الجوازه دي ارجوك انا هموت من غير دي دي والله هموت
👈رعد قربت منه و بجدية وهدوء...انت ازاي عايزني اوقف حاجه مالهاش وجود اصلا
ادم فتح عيونه اكثر وبدموع... انتي بتقولي ايه
رعد بجديه و هدوء... بقولك ان دي كانت حركه من عندي عشان اشوف مدى حبك لدي دي ومدى حبها ليك 👈وانت لو كنت منعتني واخدت دي دي مني وقولتلي انها مراتي ومش هتخرج من بيتي مكنتش ابدا اعترضت على كلامك و كنت مشيت من غيرها و ده اللي كنت جايه اقوله لك اول ما رجعت من السفر انا و يامن بس الشغالين بلغوني انكوا عند ياسين و روحت على هناك و مكنتش اعرف انك موجود في اوضتك
👈بس انت والظاهر كدا انك قريب واحد اسمه يامن العمري🤭
يامن قرب منها و بمكر... ماله يامن العمري يا بنت صبري
رعد ب مراوغه... عاشق و مجنون وغيييور وغبي وبضحك😂... والظاهر ان جوز بنتك نفس طبعك
ادم بفرحه وتعب.... انت بتتكلمي بجد يا طنط رعد بتتكلمي بجد
رعد بغمزه... اه بتكلم بجد و جد الجد كمان
ادم بفرحه غامره... يعني دي دي مش هتتجوز من واحد تاني
رعد بغيظ... مش بقولك انت قريب يامن العمري🤭
ولسه هتقوم وتسيبوا... ادم رمي نفسه في حضنها وبدموع... حبيبتي يا طنط رعد والله انتي حبيبتي
ويامن قرب منه وشدها من حضنه وبغيظ... يلا يا اخويا روح ارمي نفسك في حضن امك ولا ابوك لان حضن مراتي مش متاح غير ليا انا وبس فاهم
ادم بفرحه وسعاده حقيقيه... فاهم يا حمايا ياحبيبي وفاهم اوي كمان... و بسؤال وفرحه... طب هتجوز دي دي امتى وترجع مراتي تاني عشان اخدها واهرب بيها
يامن بغيظ... مستعجل كده ليه يا غتت انت كمان
ادم بغمزه.... ده انا مش مستعجل وبس ده انا نفسي اطير و اروح اجيبها واهرب بيها في مكان محدش يعرف عنه حاجه ابدا ابدا
يامن لسه هيرد قاطعه رعد وبضحك... انت عايز منهم ايه سيبيهم يعيشوا اللي فات من عمرهم بقا
كرم بدموع وقرب من رعد... ربنا يخليكي ليا يا حبيبتي وما يحرمنيش منك ابدا وربنا يفرح قلبك زي ما فرحتي قلب ابني تاني
ولسه هيقرب من رعد اكتر يامن شد ملك و بغيظ... خد يا اخويا مراتك اهي قرب منها زي ما انت عايز جاتكوا القرف في رخمتكوا كلكوا
كرم بضحك... والله انت اللي رخم وشد بسنت من ايديها وبحنان وبحب قربها من آدم... اخوكي اهو يا حبيبتي و ان شاء الله تكونوا سند لبعض طول العمر
آدم بصدمة...اختي طب ازاي؟؟؟
كرم بحب و حنان... ايوه يا حبيبي دي روبا اختك اللي اتخطفت من 25 سنة
آدم بصدمه أكبر... مش ممكن مش ممكن
كرم بحب... لا ممكن يا حبيبي لان ربك كبير اوي وعظيم اوي اوي
👈و حكي له على كل اللي حصل لما اللواء صبري شاف اسم بسنت و مواجهتهم لأمها و اعترافها انها فعلا مش بنتها
وآدم مسك بسنت من وشها و بص لها بحب و حنان و ضمها لحضنه جامد اووووي و بفرحة... اخيرا يا حبيبتي اخير رجعتي لنا تاني انا مش مصدق نفسي والله
بسنت بدموع و فرحة... وانا كمان يا آدم مش مصدقه والله بس زي ما بابا قال ربنا كبير وعظيم اوي
آدم بحب و هو لسه ضامم بسنت ليه... متعيطيش يا حبيبتي أن شاء الله هنعوضك عن كل اللي شفتيه في حياتك و ربنا يخليكي لينا وميحرمناش من بعض أبدا يارب العالمين
و بيبص لمازن و بشكر... شكرا يا مازن شكرا انك كنت سبب في أن روبا ترجع لينا تاني
ومازن شد بسنت من حضنه و ضمها ليه و بضحك ومراوغه😂🤭... و الله ياابني انا لو اعرف انكوا أهلها كنت خبيتها منكوا عشان عارف انتوا اد ايه كنتوا زعلانين عليها و نفسكوا تلاقوها ... بس الحمد لله لقتوها و هي مراتي و محدش هقدر ياخد بسبوستي مني ابدا
كرم لسه هيتكلم قاطعه اللواء صبري و بجدية... طب يلا يا اخويا انت و هو انا همشي و كل واحد يشوف ورآه إيه
رعد بجدية و حب... لا يا بابا استنى عشان هنروح كلنا الفيلا عندي و بمكر... نشعلل الحب في قلب دي دي شوية
آدم بسؤال و عدم فهم... يعني ايه يا طنط رعد
رعد بمكر اكتر... ملكش فيه يلا بينا... بس استنوا الأول نتصل على فهد و همس و مامتها و باباها يجوا... و كمان دينا و مؤمن و أسر و كنزي و نتصل على وفاء و أدهم و عدي و زوزو و سلطان و وئام يجوا كلهم الفيلا عشان نحدد فرح الولاد و ان شاء الله يكون اجمل واحلى واشيك فرح في الدنيا
ادم بصريخ وفرح... الله عليكي يا طنط رعد الله عليكيييي
ورعد اتصلت بالكل يروح لها على فيلتها ومرضيتش تقول لهم سبب مجيهم في التليفون واتصلت بفهد اللي كان ومازال عند همسته....و كان نايم في حضنها وقاموا بعد وقت واصروا عليه عشان يتغدا بس مرضاش ابدا لان ملهوش نفس لاي حاجه
وبدموع وحزن اول ما سمع صوت رعد... انتي كويسه يا ماما انتي كويسه
رعد بحب... اه يا حبيب ماما انا كويسه تعالا و هات و همستك ومامتها وباباها يلا في الفيلا بتاعتنا عشان كلنا هنتجمع هناك
فهد بدموع وسؤال... بس بابا يا ماما هو...
رعد بحب ومقاطعه... باباك معنا اهو يا حبيبي وهو كويس اوي اطمن اطمن
فهد بفرحه وصريخ.... الله عليكي يا امي الله عليكي ايوا كدا ياامي في غمضه عين هنكون عندك انا وهما ياحبيبتي
وقفل السكه وشال همس و بصريخ... بحبك يا همستي بحبااااك
همس بفرحه وسعاده.... وانا كمان بحبك يا قلب وعقل همستك
ابراهيم باستغراب لحنين... الوااد اتجنن وعقله فوت شويه بيعيط وشويه بيضحك
فهد نزل همس و بفرحة... يلا يا عمي يلا عشان نروح لماما في الفيلا عشان عايزانا وكمان بابا معاها هناك
ابراهيم بدهشه... بابا مين يا ابني الله يخربيت الجنان اللي انت فيه ده انت عقلك فوت خالص والله
فهد شده من ايده وبسعاده تعال بس يا عمي هو ده وقت اندهاشك ده واخدهم وراحوا لرعد الفيلا
📌📌ورعد واللواء اصبري ويامن وكرم وملك وادم وياسين و بوسي مازن وبسنت و مرات الاسيوطي راحوا الفيلا
👈 ومكنش حد لسه وصل غيرهم
ورعد بخبث ومكر ... ادم خليك هنا وخبيته وراء ستاره من الستائر
و طلبت من الشغاله انها تنادي دي دي اللي نزلت والحزن كاسي وشها👈 و اول ما شافت ابوها الصدمه لجمتها وكانت هتقع
ويامن لحقها واخدها في حضنه و بحب وحنان...ايوا انا ابوكي يا حبيبتي انا ابوكي
دي دي بدموع... طب ازاي يا بابا طب ازاي
يامن بحب و جديه... هابقا احكيلك يا حبيبتي هبقا احكيلك
و رعد بمكر وخبث... دي دي اطلعي اجهزي يلا عشان عريسك هيجي ياخذك وتروح تشتروا فستان فرحكم دلوقتي
📌 دي دي بدموع وصريخ... لا يا ماما لا انا مش هروح في اي مكان ومش هاشتري حاجه ولا هكون لحد ابدا غير ادم 👈لانك انتي اللي جوزتهولي وانتي اللي قربتيني منه وخلتيني احس واشوف حنيته وحبه ليه👈 الحب والحنيه اللي اتحرمت منهم من الانسان اللي انا حبيته
👈👈ولما خلاص لقيتهم تاخديهم مني بالسهوله دي لا يا ماما انا عمري ما هكون لحد تاني غير ادم لانه جوزي وحبيبي 👈وابو ابني
رعد بدهشه وذهول... انتي بتقولي ايه بتقولي ايه
📌📌دي دي بدموع وحزن... ايوه يا ماما ابو ابني... لاني بعد ما خرجت امبارح من عند ادم وجيت معاكي هنا بعد شويه انا هربت من الفيلا.. َلان الدنيا كانت سوداء اوي في وشي وحاولت اموت نفسي👈 لان انا اهون عليه الموت قبل ما اكون لحد تاني غيره
📌📌وقبل ما اعمل اللي ناويه اعمله وأنهى حياتي وارتاح... حسيت نفسي دايخه اوي واغمى عليه... ومحستش بنفسي غير وانا في المستشفى وعرفت من الدكتور👈 اني حامل وده سبب الاغماء👈👈 ساعتها وبس قررت اني محولش حتى مجرد محاوله اني اذى نفسي و اذي ابني وابن اكتر انسان حبني وعشقني وانا جرحته بكل سهوله
📌📌وبدموع ووجع وحزن...وهو مؤكد بطل يحبني من اللي انا عملته فيه👈 بس حتى لو هو كان بطل يحبني👈 انا هافضل احبه وافتكر الايام القليله أوي اللي انا عشتها معاه 👈وهربي ابننا واعيش ليه هو و بس👈 وكفايه عليه اني افتكر حب وعشق ابوه ليه اللي انا حرمت نفسي منهم.
