رواية عذاب رعد (3) معركة عشق الحيتان الفصل التاسع عشر بقلم ديدي فتحي
همس أمرت البودي جارد يحطوا فهد في الحاجز المائي و قفلت عليه بزراير القفل الآلي وضغطت علي الزراير الباقية و ملت الحاجز كله بالماية يعني مفهوش فراغ من فوق لغاية لما غطا فهد كله
وبصتله بعنف وغضب وبنتقام اعمي... ده نفس عقابك ليه.. بس الفرق بيني وبينك ان حد لاحقني... اما انت محدش هيحلقك ابدا لان المكان ده محدش يعرفه ابدا
👈وكلها عشر دقائق والمايه هتملي الجهاز التنفسي ليك... والعالم كله هيرتاح منك ومن شرك... وبصت نظره اخيره لفهد اللي بيسارع المايه ومش عارف يتنفس... وبغضب اكتر عشر دقايق ومش هيكون فيه حاجه اسمها... فهد يامن العمري.. وسابته وخرجت وقفلت الباب وراها
👈واخدت البودي جارد... وركبوا العربيه ومشوا عشان يروحوا علي بلدهم... بعد ماقالت لفهد كل اللي جواها ونفذت اخر خطوه في خطه انتقامها من الفهد اللي طول عمره مبيهمهوش غير نفسه وبيدوس علي الكل بقسوته وجحوده
👈👈 بس لكل ظالم نهايه✋ ولابد من يوم معلوم ترد فيه المظالم... أسود علي كل ظالم... أبيض علي كل مظلوم
✍️✍️ وفعلا ركبوا و مشيوا👈 بس و هما ماشين في الطريق همس حست بخنقة و وجع في قلبها حست انها مجرمة انها تعمل في فهد نفس اللي عمله فيها و انها متفرقش حاجة عنه ابدا
وحطيت ايديها علي بطنها و دموعها نزلت لانها مش ناوية تفرط في اللي في بطنها ابدا مهما حصل برغم قسوة و جحود ابوه معاها بس مهما كان هو ابنها وحته من الراجل اللي عشقته بقسوته و غضبه و كل حاجة فيه و مستحيل تتحمل اتهام ابنها لما يكبر انها كانت سبب في موت ابوه مستحيل
👈👈وبدموع وخوف على فهدها أمرت البودي جارد يرجع للمكان إللي فيه فهد و فعلا البودي جارد رجعوا وهما مستغربين من قرارها
وهمس طلعت تجري للاوضة و فتحتها و دخلت و اتصدمت لما شافت فهدها مغمض عيونه و مقلوب علي وشه في الماية و دموعها نزلت اكتر واكتر و ضربات قلبها كانت خلاص هتقف من كتر خوفها عليه
جريت بسرعة للزراير و ضغطت علي زرار سحب الماية و سحبتها و ضغطت علي زراير الفتح الآلي و فتح الباب
و جريت بهستريا وبتحاول تشده بس مش عارفه و ملقتش حل غير انها تدخله الحاجز وفعلا دخلتله
وبدموع و صريخ وجنون... فهد فهد فوق يا حبيبي فوق يا فهدي فوق ياجوزي وابو ابني فوووق مش ممكن اكون انا السبب في موتك يا حبيبي مش ممكن مش ممكن... بس فهد لا حياة لمن تنادي
وهمس مكنش قدامها غير انها تعمله تنفس صناعي و عملتله بس للاسف مصحاش
و ناديت بصريخ علي البودي جارد اللي بره و دخلوا بسرعة و امرتهم يشيلوه و فعلا شالوه و ركبوا العربية و راحوا بيه علي المستشفى
ودخلوه العمليات بسرعة و سحبوا الماية الكتير اللي بلعها وهمس واقفه بره و دموعها مغرقة وشها مش عارفة تعمل ايه فأتصلت علي ابراهيم
وكلمته بدموع و شهقات... الحقني يا بابا الحقني
ابراهيم بخوف... مالك يا همس فيكي ايه ؟؟؟
همس... الحقني يا بابا فهد بيموت الحقني انا في مستشفي؟ وقالتله علي اسم المستشفى وقفلت
ابراهيم نزل يجري بسرعة و حنين بخوف... فيه ايه مالك بتجري كدا ليه
ابراهيم بخوف... مش عارف تعالي بسرعة و راحوا لهمس المستشفى لاقوها دموعها نازلة زي الشلال
وابراهيم شدها لحضنه وبخوف عليها... في ايه ياحبيبتي وايه إللي حصل انتي عملتي ايه غير اللي اتفقنا تعمليه؟؟؟
همس حكيت له علي اللي حصل بدموع و حزن
ابراهيم بجدية.. معقول يا همس معقول تتحولي وتبقي زيه معقول... انا قولت إنك هتعاقبيه شوية وخلاص بس متوصلش انك تعملي كدا و تملئ الحاجز كله ماية و تسبيه عشان يموت معقول تعملي كدا ياهمس معقول
همس بدموع و وجع... كان قلبي محروق اوي اوي يا بابا من اللي عمله معايا والله غصب عني غصب عني
حنين شدتها لحضنها وبتبص لابراهيم بعتاب... ليه تساعدها و تشجعها علي كدا ليه
ابراهيم لسة هيرد قاطعة خروج الدكتور اللي اتكلم بجدية.. احنا سحبنا له الماية اللي بلعها كلها وان شاء الله يبقا كويس
همس بخوف و دموع... طب هيفوق امتي يا دكتور
الدكتور بجدية... ان شاء الله كلها ساعتين و يفوق و سابهم ومشي
وهمس دخلت لفهدها وقربت منه و بدموع و حزن... حقك عليا يا حبيبي حقك عليا
ابراهيم وحنين كانوا دخلوا وراها وبصوا لهمس بذهول... معقولة همس حبته معقولة و فضلوا السكوت عن الكلام في الوقت ده وقعدوا علي الكنبة اللي في الاوضة و همس قعدت علي السرير جنب فهد
وابراهيم اتكلم بجدية و حب... تعالي يا حبيبتي ريحي هنا شوية لغايه لما يفوق ونطمن عليه و نمشي
همس بحزن و دموع... لا انا هفضل هنا ومش هبعد عنه
ابراهيم باستسلام... ماشي براحتك ياحبيبتي وبص لحنين بمشاكسة و بصوت خافت تعالي انتي هنا ريحي في حضني طالما بنتك مش عايزة تيجي
حنين بعتاب و زعل... ابعد عني بقا كدا تشجعها علي اللي هي عملته ده
ابراهيم بهمس و مشاكسة اكتر بعد ما شدها لحضنه رغم مقاومتها له... بصراحة هو يستاهل اكتر من كدا كمان بس انا قولت ان همس مش هتتمادا وتعمل اللي هي عملته ده
حنين بزعل... لا انا بردة زعلانة منك
ابراهيم بحب و مراوغه... عارفة لو بنتك مش قاعدة و كنا في مكان غير المكان كنت صالحتك بطريقتي تعالي بس في حضني كدا عشان اعرف انام شوية و ضمها لحضنه جامد و حنين استسلمت لحضنه ونامت هي كمان
وهمس بصت لهم و اتمنت لو كان فهد بيحبها زي ابوها ما بيحب امها وبيعاملها زيها(( و متعرفش اللي ابوها عمله في امها قبل الجواز)) حاجه فعلا توجع القلب😔😔😔
همس و هي قاعدة غلب عليها النوم و نامت و ميلت علي صدر فهد وبعد حوالي ساعتين👈 فهد فاق و بيفتح عيونه بشويش
و لحظات و انتبه لوضعه ولسه هيقوم أخد باله من همس اللي نايمة علي صدره
ابتسم بحب لها و هي نايمة زي الملاك و بيملس بايده علي وشها و شعرها بحب ظاهر و بابتسامة لنفسه... كنت عارف يا همس اني مش ههون عليكي كنت عارف
وشدها بشويش و هدوء وعدلها وضعها ولأول مرة ياخدها في حضنه و شدها لحضنه بحب و ضمها لصدره اوي اكنه عايز يخبيها من الدنيا كلها و فضل يبصلها و هو حاضنها... وبعد وقت ليس بقليل وهو بيتامل ملامحها و بيتمني انها تسامحه علي كل اللي هو عمله فيها و متنزلش ابنه و يبدؤا من الاول و جديد
و لحظات و نام هو كمان و الدكتور دخل يطمن عليهم لاقا فهد واخد همس في حضنه و ابراهيم واخد حنين في حضنه و كلهم نايمين وباين علي ملامحهم الحب والاطمئنان والسكينه فسابهم و خرج
*************************معركه عشق الحيتان ج٣ لعذاب رعد.. بقلمي ملكه القلوب... دي دي فتحي... صفحتي الشخصية علي الفيس... باسم... اللهم أسألك الفردوس لوالدى
✍️✍️تاني يوم مع اشراق شمس يوم جديد
👈👈عند رعد 👇👇
رعد صحيت من النوم حاسة ان قلبها وجعها اوي و ان حد حصله حاجة بس مش عارفة هي ايه
و لسة هتقوم يامن شدها لحضنه وبحب و عشق... رايحة فين و سايبة حضني
رعد بجدية ... هقوم اجهز عشان اروح الجهاز
يامن بحب و نوم... لسة بدري علي ميعاد شغلك خليكي نايمة في حضني كمان شوية
رعد بحزن... لا لا مش عايزة انام تاني انا هقوم و لسة هتقوم
يامن شدها عليه و بحب و عشق وهو بيملس علي شعرها...طب ليه الحزن ده مش كفاية بقا
رعد بصتله و سكتت و هو بجدية... مش انتي اللي طلبتي منه انه يسيب البيت ليه بقا زعلانه كدا
رعد بحزن و عنف... و هو ما صدق مش كدا بس علي العموم دي حياته و هو حر فيها و مهما يعمل عمري ما هرجعه تاني لإنه عمره ما هيتغير
يامن و هو بيملس علي وشها بحب وعشق... طب هو واد غتت و غلس طيب انا ذنبي ايه عشان تبعدي عني و بحزن... مش كفاية كل شوية تقوليلي ان انا السبب
رعد... انا!!!!
يامن بحب... انتي مش محتاجة تبرري كلامك يا حبيبتي بس انا فعلا كنت عايز يبقا عندي ولاد من الانسانة اللي حبيتها و عشقتها يبقا كدا انا اجرمت
وبحب وعشق جارف... والله يا رعد قلبي انتي متعرفيش انا بحبك و بعشقك اد ايه و قلبي بيبقا فيه سكاكين جواه لما بشوفك حزينه أو دموعك نازلة ولو أعرف ان حد فيهم هيكون السبب في ده
مستحيل كنت افكر ان يكون عندي ولاد منك ارجوكي سامحيني يا رعد قلبي ارجوكي سامحيني و بحزن و وجع... حقك عليا اني مكنتش أب جدير بولاده ولا بيسيطر عليهم ويمنعهم من ان حد فيهم يزعلك انا اسف ياحبيبتي انا اسف ارجوكي سامحيني
رعد قربت منه و بحب و عشق... هششش اسف على ايه يا حب عمري وحب حياتي انت
يامن دمعة من عيونه نزلت و بوجع... قلبي مكسور ميت حته يا رعد قلبي علي حزنك و دموعك كل شويه كنت اتمني اسعدك اكتر من كدا و الدموع متعرفش عيونك و الحزن ميعرفش قلبك
رعد بحب و عشق... و مين قال اني مش سعيدة أنا لو دورت بين ستات العالم كله هلاقي نفسي اسعد واحدة في الدنيا كفاية اني معايا راجل بيعشقني و بيعشق كل تفاصيلي كفاية انه معايا سند ليا كفاية اني معايا مينو حبيبي العاشق المجنون
يمكن حزني ده عشان كنت بتمني ان فهد يكون غير كدا فبلومك انت بدل ما ألوم نفسي وبتمني ان الدرس اللي اديتهوله انا و همس يكون اثر فيه و في قلبه و يحوله لانسان تاني
وبحب و عشق و مشاكسة... يلا بقا اديني الاصطباحة بتاعتي عشان اجهز واروح شغلي
يامن بمكر و حب... انا تحت أمرك انتي و الاصطباحة بتاعتك يا رعد قلبي و في لحظة كان شاددها وإعتلاها
رعد بدهشة... ايه اللي انت عملته ده يا مجنون بقولك اصطباحة والله انت قليل الادب بقا
يامن بحب و عشق و نهم و حميمية... و مين قالك اني معاكي ببقا عايز ابقا محترم مين اللي ضحك عليكي وفهمك كدا
رعد لسه هتتكلم سكتها بطريقته و خطف شفايفها بين شفايفه و دخلها معاه في دنيتهم دنيا الحب و العشق والجنون دنيا الوحش المقنع ومعشوقها مينو العاشق المجنون💞
**************************
👈👈عند ياسين👇👇
بسنت صحتها بقيت أحسن بكتير و مازن خبط علي اوضتها وبعد السماح له بالدخول وبحب و عشق و مشاكسة... صباح الخير يا مزتي و بغمزة... لا مزتي ايه فراولتي مانجتي اي حاجه كدا من الفواكه الحلوه دي وغمزلها تاني وبمراوغه... ما تجيبي اي حاجة ينوبك ثواب في حبيبك المعذب الولهان اللي واقف قدامك ده اللي هو انا😉😇
بسنت لسة هترد قاطعها أيد ياسين اللي نزلت علي قفا مازن و بضحك😂... ايه يااااد الجنينه اللي انت فتحتها علي الصبح دي هاااا🤭
مازن بغيظ و بيمشي ايده علي قفاه.... والله يا ياسو حرام عليك بقا كدا بتضربني و قدام مراتي والله ما ينفع كدا ابدا
ياسين بمكر... لسة يا اخويا مبقتش مراتك لما تبقا ابقا قول
مازن بضحك و غمزة لبسنت اللي وشها قلب ألوان من الكسوف منه و الخوف من صقر... دي كلها اسبوعين و تبقا مراتي يا ياسو
بوسي دخلت علي كلمته وبحب وضحك... ان شاء الله يا حبيبي ان شاء الله يلا بقا كلنا هنفطر تحت... وبصت لبسنت وبحب... يلا يا بسنت يا حبيبتي انزلي افطري معانا حتي تغيري جو... وبجديه وحب اكتر... وبعدين تنزلي انتي و الواد ده تختاروا اوضة نوم جديدة و كمان تشتري لك كام طقم و كام فستان كدا
بسنت بحزن و جدية... لا لا يا طنط انا مش عايزة حاجة انا هروح عشان أقول لماما واجيب هدومي من الشقة بتاعتنا
مازن بمشاكسة... انا هروح معاكي يا مزتي نجيبها ونشتري كل حاجة انتي خلاص بقيتي مراتي و ملزومة مني
ياسين بصوت واطي و مشاكسة لمازن... ماشي يا عم الكبير ابقا شوف مين إللي هيديك فلوس بقا تتفشخر بيها اتفشخر اتفشخر🤭🙆♀️😇
مازن بصوت واطي هو كمان... اكيد مش ههون عليك يا ياسو ده انا بحبك حتي شوف و راح باسه من خده🤭😂
وياسين بضحك😂... بتعمل ايه يا مجنون انت
مازن بضحك😂... ببوسك يا ياسو عشان ترضي عني فيها حاجه دي ولا البوس لبوسبس بس🤔🤭
ياسين بضحك😂... لا يا اخويا مفيهاش حاجه و خد عروستك يلا و هات مامتها و اشتري لها اللي هي عايزاه كله من الألف للياء
مازن بجدية و مراوغه...ربنا يخليك لينا يا ياسو ياحبيبي انت
ياسين بحب... طب يلا يا اخويا هات عروستك عشان تفطروا الاول وابقوا انزلوا بعد كدا
مازن بضحك😂... خمس دقايق يا ياسو و هنكون في قفاك
ياسين بضحك😂... والله مجنون و بص لبسنت... ربنا يعينك عليه بقا و سابهم و نزل
ومازن قرب من بسنت و بحب و مشاكسة... يلا يا مزتي ولا عايزني اشيلك؟؟؟
بسنت بتوتر... لا لا تشيلني ايه انا هنزل اهو
مازن بضحك🤭😂... ده كله عشان مشلكيش والله انتي الخسرانة و نزلوا علي تحت و قعدوا علي السفرة
ومالك كمان نزل و أول ما شاف بسنت قاعده على السفره عنيه راحت عليها و بص لها برغبة و بمكر و ياسين فهم عيونه وبصوت عالي... مالك اقعد افطر
مالك بمكر... اه اقعد مقعدش ليه علي الاقل نشوف الناس الحلوة اللي قاعدة معانا دي
ياسين بجدية... اقدملك بسنت خطيبة مازن و هيتجوزوا معاك يعني بعد اسبوعين ان شاء الله
مالك بدهشة و ذهول... ايه خطيبته و هيتجوزوا معانا ليه هو خطبها امتى اصلا ؟؟
ياسين بجدية ... ده كلام ملكاش فيه انا بس حبيت أعرفك عشان دماغك متروحش كدا ولا كدا
مالك بجدية... لا دماغي مش هتروح كدا ولا كدا عشان انا راجل خاطب و كلها اسبوعين و اتجوز زي ما قولت
ياسين بجدية ... اتمني تكون عارف معني الخطوة دي و بجدية اكتر... روح لدي دي وخدها اشتري لها فستان فرحها و أي حاجة نقصاها اشتريهالها
مالك بجدية وزهق... لا انا مش فاضي تبقا تروح هي واي حد تاني يجبوه
ياسين بعنف... يعني ايه هي تروح مع حد تاني المفروض انها عروستك و انت لازم تروح معاها يا إما نفض الجوازة دي خالص و نجوز اخوك وخلاص
مالك بمكر..لا وعلي ايه ماشي هبقا اعدي عليها مهي عطلة و خلاص
ياسين بعنف... يعني ايه الكلام ده؟؟؟
مالك بزهق... ميعنيش حاجة سلام و سابهم و مشي
وبوسي اتكلمت بجدية... ياسين طيب ميرا محدش هيروحلها يطمن عليها
ياسين بجدية... انا كلمتها و اطمنت عليها و هبقا اروح لها بعد فرح الولاد ان شاء الله
بوسي... بس انا عايزها تحضر الفرح معانا
ياسين بجديه...هتصل عليها و هحاول معاها بس انتي عارفة انها اهم حاجة عندها الدراسة والابحاث بس... يلا انا هقوم أروح الشركة... وانت و بيبص لمازن... خد عروستك واعملها اللي احنا قولنا عليه و سابهم و مشي
ومازن بص لبسنت و بمكر و مشاكسة... بقولك ايه يا بوسبستي ما تجيبي بوسة اصطباحة ينوبك ثواب فيه
بسنت بدهشه وصدمه من طلب مازن و خصوصا ان مامته قاعدة.. انت بتقول ايه ؟؟؟
مازن بص لبوسي و بضحك😂... ايه بقول لماما هاتي بوسة فيها حاجة دي
بوسي بضحك😂... لا مفيهاش حاجه يا مجنون يلا خد بسنت و قوم من هنا بدل ما اخلي أبوك يرجع في كلامه و يجوزك كمان سنه ولا سنتين
مازن قام و بضحك و شد بسنت... لا وعلي ايه الطيب احسن واخدها و خرجوا
***********************
👈👈عند فهد في المستشفى👇👇
ابراهيم فاق و قعد يلاعب انفه في انف حنين روحه و بيملس علي وشها بحب وعشق و حنين فتحت عيونها وبحب... صباح الخير يا حبيبي
ابراهيم بعشق جارف...صباح كل حاجة حلوة علي عيونك يا حنين روحي و بيقرب من شفايفها و حنين بعدته و بهمس... بس يا مجنون احنا مش لوحدنا
ابراهيم بهمس..حتي لو كان في مليون حد لازم اخد الاصطباحة بتاعتي((ماهي فيره وماشيه فيكم كلكم عايزين الاصطباحه خد يااخويه خد جتك القرف في حلاوتك👄 قصدي في غبوتك 🤭دانا اللي بقول😂)) و في لحظة كان التهم شفايفها في لحظات حب مسروقة و حنين بعدته عنها بهدوء... ابعد بقا يا مجنون ابعد حد يشوفنا
ابراهيم بصوت خافت... ماشي هبعد دلوقتي بس اتأكدي أني هعاقبك أشد عقاب علي بعدك عني ده
حنين بمشاكسة... وانا منتظرة العقاب ده و قامت و سابته و اتصدمت لما لقيت همس نايمة في حضن فهد و هو ضاممها لحضنه اوي
وابراهيم كان قام هو كمان و بصوا لبعض بصدمة
حنين بستغراب و سؤال... يعني ايه ده هما مش اتطلقوا ؟؟؟
ابراهيم بجدية...اه اتطلقوا بس للاسف بعد ما وقعوا في حب بعض بعد ما القلب دق و صعب يبطل دق
حنين بسؤال... يعني هما هيرجعوا لبعض؟؟
ابراهيم بجدية و هو بيبص لهمس... مظنش لأن اللي شافته همس منه كتير و همس عمرها ما هتسامح فيه و خصوصا بعد الفرص اللي اديتهاله وهو بغبوته ضيعها كلها
حنين بجدية... بس مظنش بعد خوفها عليه إمبارح والمنظر اللي انا شيفاه قدامي دلوقتي مترجعلهوش
ابراهيم بجدية....ده لإنها بتحبه و بسبب انتقامها منه كان هيموت فحست بالذنب كدا👈 بس شوفيها بقا بعد ما يفوق و تعرف انه كويس و تفتكر اللي عمله فيها هتتحول تاني لهمس ابراهيم عز الدين
و قرب من همس وبجدية وحب اللي مازالت في حضن فهد اللي ضاممها بحب و تملك... همس همس فوق ياحبيبتي فوقي
و همس فتحت عيونها و بتوهان و نوم... فهدي كويس يا هيما هو كويس ؟؟؟
ابراهيم بمكر...أكيد يا حبيبتي بقا كويس بعد اللي انتوا عملينه ده
همس انتبهت لوضعها و بصت حواليها لقيت ايد فهد و هي حضناها بتملك و بصت لوشه و هو نايم اد ايه هي بتعشق ملامحه الرجولة دي برغم قسوته وجحوده بس هي بتعشقه بكل تفاصيله
ومازالت بتحفر ملامحه جواها اكتر و اكتر لانها مش متاكدة هيجلها الفرصة تاني لحضنه و حفر ملامحه تاني ولا لاء
ولحظات و همس بتحاول تقوم من مكانها بس فهد كان ماسكها جامد و لسة بتشيل ايده... فهد فتح عنيه و هي شالت ايده و نزلت و فهد بص لهم برجاء
وابراهيم اتكلم وبجدية... حمد الله على السلامة و حنين كمان قالتله و بص لهمس عشان تقوله حاجة بس مقالتش وقالت غير اللي قلبه و أذنه اتمنوا ميسمعهوش منها و بجدية وغضب... يلا يا بابا يلا يا ماما اعتقد احنا عملنا اللي علينا و اكتر
ولسة هتمشي فهد شدها من ايديها ووقفها و بجدية و حب... رايحة فين يا همس انتي مكانك هنا معاية و بص لابراهيم وبرجاء... ارجوك يا عمي سامحني و اقبل اني اصلح اللي انا عملته و ان شاء الله اعوض همس عن كل إللي عملته فيها وشافته معايه
وقبل ما ابراهيم يرد كانت همس ردت بعنف وغضب أعمى ... انت لو آخر واحد في الدنيا مستحيل ارجعلك فاهم حتي لو كانت روحي فيك... لان انا اديتك فرص كتير اوي عشان تتغير بس انت متغيرتش أبدا و بقيت أسواء كمان و دلوقتي انت متلزميش فاهم ومستحيل هرجعلك تاني مهما تعمل
و اوعي تفتكر اني نقذتك عشان حاجة لاء كل الحكاية انى محبتش اكون مجرمة و معدومة الضمير زي فهد العمري
فهد بجدية ورجاء ... ارجوكي ياهمس انسي إللي حصل و خلينا نبدأ من جديد وانا...
همس بعنف و مقاطعة... مستحيل انسي إللي عملته فيا مستحيل و سابته و خرجت
و سمحت لدموعها تنزل بعد ما خرجت و ابراهيم و حنين خرجوا وراها
وفهد غمض عنيه وبحزن لنفسه... معقولة تسبني وتبعد عني بعد ما كانت في ايديه و ماليه عليه حياتي بجنانها وحبها ليه معقولة تروح منه معقوله و حس بخنجر اتغرس في قلبه و مش عارف يطلعه
و قام و خرج مع إن الدكتور منعه بس هو صمم و راح الفندق اللي كان قاعد فيه و لبس و راح الجهاز و باين علي وشه و ملامحه الحزن والكسره والتعب
👈👈و لسة داخل مكتبه قابل رعد اللي حاولت تكدب عيونها عن ان ده فهدها و ابنها إللي حزنه بيقطع في قلبها
وفهد شافها و نفسه يرمي نفسه في حضنها و يحكي لها عن حزنه و وجعه و هى حست بده و مستنية منه الخطوة دي و هو نفسه يعملها بس خايف هي و حضنها يرفضوه خصوصا بعد اللي هو عمله معاهم و قاله
و فضلوا يستنوا حد فيهم ينفذ رغبة قلبه بس محدش فيهم اتحرك و رعد دخلت مكتبها و فهد كمان دخل مكتبه و قعد علي كرسيه حزين و مهموم و غمض عيونه... و لنفسه... حتي حضن أمي اللي كان دايما مفتوح ليه مبقاش من حقه
و رعد دخلت مكتبها و رايحة جاية فيه عايزة تروح لفهد بأي طريقة بس مرضتش لانها عايزة هو اللي يروحلها و يثبت لها انه فعلا اتغير ويطلب مساعدتها
و بعد وقت ليس بقليل
رعد اجتمعت بفريقها في غرفة الاجتماعات بس فهد كان في دنيا غير الدنيا
و رعد لحظت توهانه و حزنه اللي كان باين علي وشه اوي و بعنف وغضب وصوت عالي... مقدم فهد ياريت تقولي انا كنت بقول ايه من شوية
فهد بحزن... آسف يا فندم مخدتش بالي لأنى تعبان شوية اسمحيلي اخرج لاني مش هقدر اكمل الاجتماع
رعد انبت نفسها علي غضبها عليه مع إنها عارفة انه مضايق و استغربت من أسف فهد هو عمره ما اتاسف حتي لو كان غلطان و عمره ما قال انه تعبان حتى لو كان تعبان
وبجدية... الاجتماع انتهي الكل يتفضل و قامت راحت علي مكتبها و خلاص عاطفة الام كانت اتغلبت عليها و علي كل شئ
و بجدية اكتر... شاويش علي شاويش علي بعد دخول الشاويش اللي اتكلم بطاعه... تحت أمرك يا فندم
رعد بجدية... روح للمقدم فهد و بلغه اني عايزاه في مكتبي حالا
الشاويش بطاعة... تحت أمرك يا فندم
وبعد وقت ليس بكثير
فهد جه و بعد السماح له بالدخول و رعد مازالت واقفة في نص مكتبها وبجدية وقلق... ممكن أعرف كنت سرحان ليه في الاجتماع و مش مركز معانا
فهد بصلها بحزن و وبوجع لأول مرة يظهر عليه وبحزن وكسره... عشان تعبان اوي يا امي و قلبي واجعني اوي ومحتاج حضنك اوي اوي و خايف ارمي نفسي في حضنك انتي و حضنك ترفضوني يا أمي
و دمعة من عيونه نزلت غصب عنه... و رعد من غير كلام شدته لحضنها و ضمته لها بقوة و عنف و حب و فهد ضمها اوي و بدموع... انا تعبان اوي اوي يا أمي أكيد من اللي انا عملته فيكي انتي و بابا قلبكوا مش راضي عني عشان كدا ربنا بيعاقبني بوجع قلبي ده
رعد قلبها من جواه اترعش بسبب دموع و حزن ابنها وكلامه و طلعته من حضنها و قعدته علي الكنبة و مسكت وشة وبحب و حنان و صدق... مفيش أم مهما ابنها او بنتها عملوا فيها قلبها بيغضب عليهم لأنها تتحمل اي حاجة غير إن ولادها يحصلهم حاجة وانا عمري انا و باباك قلبنا ما غضب عليك لانك فهدنا و سندنا في الدنيا دي ياحبيبي
فهد بدموع... بس انا كنت تعبكوا اوي يا أمي و بالذات انتي ارجوكي يا أمي سامحيني ارجوكي
رعد شدته لحضنها تاني و ضمته اوي و عرفت ان خطتها لما خلت همس تعمل دور المجنونة كانت في الصميم
وبحب... انا عمري ما زعلت منك عشان اسامحك يا فهد قلبي و بجدية و حب.... احكيلي يلا ايه اللي مزعل فهدي كدا
فهد خرج نفسه من حضنها و بجديه وامل... ارجوكي يا امي رجعيلي مراتي و رجعيلي ابني ارجوكي رجعهوملي
رعد بدهشة و صدمة... ايه ابنك هي همس حامل؟؟؟
طب ازاي وانت كنت رافض حتي انها تلمسك او انت تلمسها
فهد بجدية... هحكيلك يا امي علي كل حاجة بس ارجوكي ساعديني و رجعيهالي هي و ابني قبل ما تنزله ارجوكي
رعد بصدمة و دهشة اكتر... تنزله ؟مش ممكن قولي بسرعة ايه اللي حصل و متخبيش عليا حاجة
فهد بجدية و أمل... هقولك يا أمي هقولك وحكي لرعد عن كل حاجة
رعد بجدية... مع اني ضد اللي انت عملته و الطريقة إللي انت عاملتها بيها حتي في قربكوا لبعض بس هساعدك انكوا ترجعوا لبعض عشان ابنكوا اللي ملهوش ذنب في الموضوع و هعزمهم علي فرح دي دي وان شاء الله يجوا
فهد بجدية و سؤال... وهمس كمان هتيجي يا أمي مش كدا ؟؟
رعد بجدية وأمل ... اتمني ده عشان يكون حتي عندكوا وقت تتكلموا مع بعض فيه
**************************معركه عشق الحيتان ج٣ لعذاب رعد... بقلمي دي دي فتحي
👈عند أسر و كنزي👇👇
اعتماد بعد ما أسر خرج من الفيلا قعدت تفكر ازاي تساعد بنتها وحبيبها و تكمل سعادتهم هي مستحيل تسكت و تتفرج على بنتها اللي عمرها بيروح يوم ورا يوم قدام عنيها
و الوحيده اللي جت في بالها انها تساعدها في الموضوع ده هي رعد و فعلا اتصلت عليها
و رعد ردت عليها و بحب و آسف.... ازيك يا ماما عامله ايه ياحبيبتي معلش انا أسفه والله و عارفه اني مقصره في حقك ارجوكي سامحيني ياأمي
اعتماد بحزن... مسامحاكي ياحبيبتي ربنا يعينك يارب
رعد بجديه وقلق...مالك ياأمي حساكي زعلانه من حاجه طمنيني عليكم
اعتماد بحزن... والله ياحبيبتي احنا مش كويسين ابدا وحكيت لرعد على كل اللي حصل
و رعد بستغراب.... كل ده يحصل يا ماما وانا معرفش انا كنت حاسه بعلاقه أسر و كنزي بس مكنتش اعرف ان الموضوع كبير كدا
عموما خلاص السر اللي كنا فاكرينه اتدفن مع الايام خلاص مبقاش سر و مش هينفع نظلم أسر و كنزي اكتر من كدا انا هاجي لبابا وان شاء الله اعرف أقنعه و يوافق و قفلت معاها
واعتماد دعت ربها ان رعد تقدر تحل مشكلتهم وميتحرموش من بعض باقي عمرهم في حاجه هما الاتنين ملهمش ذنب فيها
و أسر روح على الفيلا و دخل بغضب و دينا اول ما شافته عرفت ان اللواء صبري موافقش على الموضوع
قربت من أسر بتوتر و ترقب... ايه اللي حصل يا حبيبي
أسر بصلها بحزن و حكي لها على كل اللي حصل و كان صوته عالي و منفعل و في الوقت ده كان مؤمن داخل الفيلا و سمع كل كلام أسر و دخل على جمله أسر كان بينهي بيها كلامه لدينا... وهي 👈جدي رفض عشانك يا ماما عشان ميخربش علاقتك مع بابا و مفرقش معاه علاقتنا احنا ولا قلبنا اللي فضل يتعذب طول السنين دي وكمان عايزنا نكمل باقي عمرنا في العذاب ده والله العظيم كدا حرام حرام وظلم ليه انا وكنزي
👈مؤمن قرب منهم من غير مايحسوا بوجوده وادخل في الكلام وبجديه وسؤال هو عارف إجابته .... و يخرب علاقتي انا ومامتك ليه يا أسر وانا اصلا عارف كل حاجه
دينا بذهول و صدمه...مؤمن!!! وعارف؟؟؟عارف ايه يا مؤمن؟؟؟
مؤمن قعد على الكرسي و اتكلم بهدوء.... عارف انك مش بنت اللواء صبري و انك بنته بالتبني وان ابوكي الحقيقي هو أحمد الوديدي المجرم اللي عمل كل حاجه غلط في حياته و كمان بنته كانت واخده طبعه انا عارف من زمان مش من دلوقتي
دينا بصدمه.... عرفت ازاي و امتي؟؟؟
مؤمن اتكلم بجديه... عرفت يا دينا لما كنا عايزين نقدم لأسر وهو صغير في المدرسه الدوليه اللي كان نفسك تدخليهاله لما قدمت له الورق و عملوا له الاختبارات و قالوا هيردوا علينا بعد اسبوع
و بعدين اتصلوا و عرفت منهم أن أسر اترفض و لما حاولت اعرف السبب قالوا لي انهم مش بيقبلوا اي طفل غير لما يتأكدوا من أصله الأول و لما كشفوا عن أوراق أسر عرفوا أنك بنت اللواء صبري بالتبني و رفضوا أن أسر يدخل المدرسه و وقتها انا قولت لك أن أسر اترفض عشان منجحش في الاختبارات
واللي عرفته مغيرش حاجه من حبي ليكي لاني بحبك انتي مش بحبك عشان انتي بنت لواء او بنت مجرم بس كان نفسي انك تجيلي و تحكي لي و تثقي في حبي ليكي
دينا اتكلمت بحزن و الدموع مغرقه وشها.... والله انا مخبتش عنك حاجه انا حتى لما اتجوزتك مكنتش اعرف اني مش بنت اللواء صبري وبعدها لما عرفت خوفت اقولك الحقيقه تبعد عني وانا مقدرش على بعدك ابدا يا مؤمن والله مااقدر
أسر بفرحه.... يعني انت يا بابا موافق على جوازي من كنزي و ده مش هياثر على علاقتك بماما؟؟؟
مؤمن بحب... لا يا حبيبي انا مقدرش أقف قدام سعادتك أبدا
أسر بفرحه اكتر... خلاص كدا جدي ملهوش اي سبب انه يرفض جوازي من كنزي انا لازم اروح له و جرى على عربيته و دينا و مؤمن خرجوا وراه عشان يروحوا معاه
و فعلا وصلوا عند فيلا اللواء صبري و في نفس الوقت وصلت رعد كمان و نزلت من عربيتها و أسر راح عندها و حضنها بحب و حنان... ازيك يا خالتو وحشتيني انتي اللي فعلا هتساعدني وهتقدري تقعني جدي
رعد بمكر.... وهو انت كنت طلبت مساعدتي في الأول يعني و بضحك.... مهو انت نسيت ان اللواء رعد حلاله مشاكل العيله دي
أسر بصلها و اتكلم بجديه... هو انتي عرفتي؟؟
رعد بمشاكسه... طبعا عرفت و جايه عشان اساعد ابني البكري حبيبي انت متعرفش انت غالي عندي ازاي و كنزي كمان غاليه عندي و ان شاء الله بابا يوافق و ربنا يسعدكوا يا حبيبي
و دخلوا كلهم فيلا اللواء صبري و اعتماد رحبت بيهم و أسر عينه بتدور على كنزي في كل مكان بس مش لاقيها
و هما واقفين اللواء صبري نزل و اندهش من وجودهم كلهم خصوصا وجود مؤمن
اللواء صبري اتكلم بجديه... انتوا واقفين كدا ليه عاملين مظاهره ولا ايه
رعد اتكلمت بحب و مشاكسه... ايه يا سياده اللواء ياشرير زعلان من وجودنا ولا ايه
اللواء صبري قرب من رعد و اتكلم بحب... لا طبعا يا حبيبه ابوكي ده انتوا أغلى حاجه في حياتي
أسر اتكلم بمكر... اه واضح اوي اننا أغلى حاجه في حياتك
اللواء صبري اتكلم بغيظ... انت تسكت خالص كفايه اللي انت عملته و صوتك اللي كان بيرج الفيلا من شويه... وبجديه... عارف لو انت مش حفيدي واول فرحتي واول عيني ماشافت كنت حبستك لغايه لما يبان لك صاحب
دينا قربت من اللواء صبري و بحب و رجاء.... ارجوك يا بابا وافق على جواز كنزي و أسر كفايه عليهم عذاب لغايه كدا ليه عايز تعاقبهم على ذنب هما معملهوش
اللواء صبري بذهول و بيبص على مؤمن... دينا انتي بتقولي ايه؟
مؤمن اتكلم و بجديه... بتقول اللي لازم كان يتقال من زمان يا جنرال و اللي حصل حصل بلاش نتكلم عن ماضي انتهى انا عارف كل حاجه من زمان و حكي للواء صبري على اللي عرفه
اللواء صبري بعنف و غضب... حتى لو عارف انا مستحيل اعمل كدا في بنتي و افضحها قدام الناس
رعد اتدخلت و بحب للواء صبري.... مفيش فضيحه ولا حاجه يا حبيبي كل اللي حوالينا أصحابنا و مش هيفرق معاهم في حاجه دينا بنتك بالتبني ولا لا بس لو رفضت هتظلم قلبين ملهمش اي ذنب في اللي حصل زمان
و بصت على كنزي اللي كانت خرجت من اوضتها و وقفت على السلم و ساكته مش بتتكلم و دموعها مغرقه وشها
و رعد اتكلمت بحزن... يرضيك يا بابا تزعل كنزي كدا شوف كنزي القويه اللي عمرنا ما شوفنا حتى دموعها يرضيك كسره قلبها كدا يرضيك عايزها تكمل باقي عمرها وحيده وبمشاكسه... هو انت مش عايز تفرح بيها و تشيل عيالها ولا ايه ياسياده اللواء ياشرير
اللواء صبري بص لكنزي بحزن و صعب عليه حالها و قعد على الكرسي و لنفسه... بقا دي كنزي بنتي القويه اللي محدش يقدر عليها معقول الحب يعمل فيها كدا معقول هي بتحبه اوي كدا وانا فعلا هكون سبب في عذابها
وفاق من سرحانه على دينا و هي قاعده تحت رجليه و برجاء و دموع...ارجوك يا بابا وافق عشان خاطري لانك لو موافقتش اسر ابني هيسافر تبع العمليات الخاصه السريه و مش هعرف حتى مكانه يرضيك يا بابا اتحرم من ابني اللي باقي من عمري يرضيك مفرحش بيه ولا اشوف عياله... طيب قولي هبص في عنيه ازاي بعد كدا وانا السبب الاول في عذابه انا كنت بتحمل عشان مكنش يعرف بس دلوقتى هو عرف كل حاجه مش هعرف ابص في عنيه وانا السبب في عذابه عشان خاطري وافق يا بابا ابوس رجلك يابابا ابوس رجلك وفعلا وطت علي رجله ولسه هتبوسها
اللواء صبري قومها و شدها لحضنه و ضمها اوي.... لا يا حبيبتي ميرضنيش بس برضه ميرضنيش انك تتعرضي للمساله عن أي حاجه حصلت زمان او الناس تقول انك مش بنتي انا
رعد اتكلمت بجديه... متخافش عليها يا بابا مفيش حاجة هتحصل لانها كلها حاجات قديمه و اتقفلت وافق بقا يا بابا عشان نعمل فرحهم مع دي دي و مالك و مازن بعداسبوعين
أسر بلهفه... لا هو انا لسه هتسني اسبوعين ولا ايه
اللواء صبري بغيظ.... ايه مش قادر تستنى اسبوعين ولا ايه عايز تاخد بنتي و تمشي مثلا يعني ولا ايه مش فاهم
أسر بجديه... لا بس انا كنت ناوي نكتب الكتاب و اخد كنزي و نروح مكانا و بص لكنزي و غمز لها و كنزي ضحكت رغم دموعها
اللواء صبري بعنف.... مكنكوا ده ايه أن شاء الله؟؟؟
أسر بهروب... قصدي يعني المكان اللي هنقضي فيه شهر العسل و متركز معايه اوي كدا ياجدي
اللواء صبري بجديه وغيظ من كلامه.... مفيش الكلام ده هتستني الأسبوعين و تكتب كتابك مع بنت خالتك و بعدين ابقى اعمل اللي تعمله و من هنا لغايه كتب الكتاب مش عايز اشوفك هنا ولا حتى هتشوف كنزي غير يوم الفرح
أسر بغضب.... ايه الافتراء ده والله حرام عليك ياجدي وهتدخل النار
اللواء صبري بعنف.... بتقول حاجه يا أسر
أسر بهروب.... لا يا جدي بقول ربنا يخليك لينا ياكبير
كلهم ضحكوا على مشاكسه أسر و اللواء صبري و اتفقوا أن كتب كتاب كنزي و أسر يكون بعد اسبوعين مع فرح دي دي ومالك ومازن وبسنت.
*************************
👈وبعد حوالي أسبوعين👇
رعد و ياسين كانوا عملوا كل التجهيزات للفرح و مازن جاب مامت بسنت و جاب لها هدوم كتير هي و بسنت واشترى لها فستان فرح اجمل من الخيال
وصقر بيحاول بأقصى مجهوداته يوصل لبسنت وكمان عايز يوصل لهمس باي طريقه وبأي شكل
ومالك خد دي دي وجاب لها فستان الفرح و مع كل يوم يقرب ميعاد الفرح كانت بتخاف اكتر و اكتر
و أسر طول الأسبوعين هيتجنن عشان يشوف كنزي أو حتى يسمع صوتها بس اللواء صبري كان عامل عليها حصار و أسر بعت لكنزي فستان الفرح عشان تلبسه يوم الفرح
وجه ميعاد الفرح و رعد و ياسين كانوا عزموا الكل في اجمل و اشيك قاعة للعرسان و بسنت و دي دي و كنزي كانوا في قمة الجمال و الشياكة و مازن طار عقله أول ما شاف بسنت من جمالها و رقتها في الفستان الابيض و الميكب
عكس مالك اللي شاف دي دي فريسة ليه و نوع جديد مش اكتر
اما أسر مكنش مصدق عنيه لما شاف كنزي بالفستان الأبيض و حاسس انه في حلم نفسه ميصحاش منه ابدا و قرب من كنزي و خدها في حضنه و لف بيها كتير جدا من فرحته بيها
وكل واحد اخد عروسته و راح القاعة و سط ترحيب كبير من الموجودين... ويامن ورعد رحبوا بكل الموجودين ومن ضمنهم سلطان ابوصقر... وبحب وحنان... الف مبروك لي دي دي ياحبيبتي ربنا يفرحك بولادها يارب
رعد بحب... ربنا يخليك ياحبيبي عقبال ماتفرح بصقر يارب... و بسؤال... امال صقر فين انا مش شايفاه في القاعه
سلطان بجديه... كان موجود هنا ياحبيبتي وخرج يتكلم في التليفون وراجع
رعد بحب... تمام ياحبيبي اسيبك واروح لباقي الضيوف
سلطان بحب... روحي ياقلب حبيبك ربنا يعينك ياحبيبتي
ورعد مشت وقربت من فهد
اللي واقف في القاعه وعيونه بتدور علي همسة ليله وبس و بيتمني انها تيجي و يحكي لها عن كل حاجة و قلبها يسامحه علي كل اللي هو عمله فيها و يبدوا من جديد
ورعد بحب ليه... اتمني ان همستك تيجي ياحبيبي وتتصالحوا وترجعوا لبعض
فهد بأمل... يارب ياأمي يارب
رعد بحب... يارب يحققلك مرادك ياحبيبي وستبته ومشيت
وفهد وهو مازال مستني همس قرب منه مالك و في ايده دي دي وبيبص لفهد بانتصار... و دخل كمان مازن و في ايده بسنت... واسر وفي ايده كنزي
👈👈 ولحظات و دخل المأذون و كتب كتاب أسر و كنزي في الأول حسب رغبه أسر عشان ياخد كنزي و يكملوا فرحهم لوحدهم في اليخت و فعلا كتبوا الكتاب و أسر خد كنزي و مشى بعد ما ودعت اعتماد و اللواء صبري اللي كان معترض على ده بس رعد اقعنته يسبهم عشان يبعدوا عن اللي هيحصل في الفرح و أسر ودع دينا و مؤمن اللي الفرحه مكنتش سيعاهم
👈و المأذون كتب كتاب بسنت و مازن و بقيت مراته علي سنة الله ورسوله
✍️✍️✍️و جه دور مالك و دي دي و لسة المأذون هيكتب الكتاب👈 رعد وقفت بثبات و بهدوء عكس العاصفه اللي جواها... لحظة يا شيخنا مش ده العريس✋
👈الكل بصلها بستغراب و دهشة رصدمه...و لنفسهم👈أكيد رعد بتحلم اكيد هي مش عارفة بتقول ايه
👈رعد بصت لهم و اتجاهلت نظراتهم حتي نظرات ياسين و مالك و دي دي المصدومين
✍️✍️وبجدية اكتر و تأكيد و ثبات و قوة و بصوت زي اسمها👈 وبصوت الرعد الغاضب 👈اللي سمعت لي ادم من اسبوعين فاتوا وحكالها👈 كل اللي مالك قالهوله في الجنينه وفي الشركه وكمان كل اللي حصل مع دي دي في الكباريه ودي دي خبيته عنها... وقالتله يسكت عشان تقدر تضرب ضربتها في الوقت المناسب وتضرب مالك في مقتل
و بصت لمالك نظرات نارية قاتلة و بتحدي... وبصوت أقوى من الرعد نفسه صوت هز أركان وارجاء قاعه الفرح من قوته وغضبه وبغضب جامح مميت👈👈ايوة مش مالك السيوفي اللي عريس بنتي👈 لأن عريس بنتي هو👈 ادم كرم هو ده اللي عريسها و هيبقا جوزها و ابو ولادها ان شاء الله.
