رواية عذاب رعد (3) معركة عشق الحيتان الفصل الثاني عشر
حنين بعدم استيعاب ودهشة... اتجوزت انت بتقول ايه انت اكيد اتجننت اتجننت ؟؟
ابراهيم بجدية... بقولك انها اتجوز....ولسة مكملش الكلمه
و حنين👈 ضربته بالقلم و بعنف وغضب وبهجوم وعدم درايه... تجوزها وانا مش موجودة ازاي... أنا امها امها فاهم يعني ايه امها... ازاي تعمل حاجة زي دي وانا اخر من يعلم ازاي
وبهجوم اكتر... بس انت هتفضل طول عمرك أناني و لعلمك بقا انا و مروان ابوها الحقيقي بس اللي من حقنا نقرر حاجة زي دي و مروان ابوها مات يبقا انا اللي اقرر مش انت أبدا
وبجنون واتهام وعدم درايه... انت ليه دايما أناني كدا... وليه دايما بتاخد حق مش حقك ليه... وهتبطل أنانيه امتي... وهتبطل تاخد حق مش حقك امتي هااا... يعني انا كنت هموت من القلق والخوف عليها وانت بتجوزها
وبجنون اكتر...رد عليا ساكت ليه رد عليا
ابراهيم واقف مصدوم... من اللي حنين عملته و قالته معقولة بعد العمر ده كله و بعد الحب اللي بينهم ده تعمل كدا و تقول كدا معقولة
ولسة هيمشي من قدامها عشان مش عايز يرد عليها وهو في حالته دي و الأمور تتعقد بينهم ففضل إنه يمشي
ولسة هيمشي حنين شدته من ايديه
و بجديه و غضب...انت مش هتمشي غير لما تقولي بنتي فين و ازاي جوزتها من غير ما أعرف ازاي
ابراهيم بصلها نظره ليها الف معني و معني و قعد... و بهدوء غير اللي جواه حكي لحنين علي كل حاجة... من أول ما راح الشقه اللي همس قاعدة فيها هي و اصحابها وكلام البواب و اصحابها في الكلية واللي حصل بينه و بين رعد و فهد في الجهاز و اللي حصل كله في المستشفى لغايه لما ودع همس
وحنين الصدمة و الدهشة لجموها... و مرة وحدة فتحت في العياط بصوت عالي و شهقات و حطت ايديها علي وشها
وابراهيم مش مستحمل صوت عياطها اكتر من كدا لإن عياطها ده سكاكين بتقطع في قلبه و كمان مش قادر ينسي ضربها ليه بالقلم وكلامها اللي جرحة و كسر قلبه نصين
طلع و سابها و راح اوضة همس و حنين استغربت ليه ماخدهاش في حضنه يطمنها علي بنتها اللي قلبها اتكسر عليها من الحزن
ولحظات و استوعبت اللي هي عملته و قالته لابراهيم وعيطت اكتر و اكتر لانه طول عمره بيحب همس و بيعتبرها اكتر من بنته... طب ليه هي تقوله كدا و تجرحه اوي بشكل ده
وخرجت من اوضتهم و عرفت انه راح أوضة همس و فعلا لقيته فيها و ماسك صورة همس و بيملس علي وشها
وحنين أول ما دخلت ابراهيم حط الصورة و نام و غمض عنيه
و حنين قربت منه و أول ما قربت هو بعد
و هي بحب و آسف... انا آسفة يا حبيبي آسفة والله ارجوك سامحني انا معرفش انا عملت كدا ازاي ولا قولت الكلام اللي انا قولته ده ليه فأرجوك سامحني
و بدموع ندم...بس والله العظيم انا كنت هتجنن عليها و لما لقيتك بتقول انها اتجوزت و... وقبل ما تكمل
ابراهيم اتكلم و بنبرة غاضبة ... اخرجي بره و مش عايز اسمع منك حاجة تاني لاني استكفيت منك النهاردة ومن اللي سمعته
حنين بدموع... ارجوك انا...
ابراهيم بعنف وغضب و مقاطعة و صوت عالي... قولتلك اخرجي بره يعني اخرجي بره ولا مسمعتنيش
حنين اتخضت من صوته... و قامت من جنبه و لسة هتطلع بره اغمي عليها و وقعت علي الارض.
****************************
✍️✍️ تاني يوم عند بسنت 👇👇
بسنت قامت من نومها و مقررة اللي هي هتعمله و قامت فطرت مامتها ولبست و لبستها و قالتلها انها هتاخدها تكشف عليها و هي اصلا رايحة توديها دار المسنين
وخلصت وفعلا وديتها دار المسنين وسابتها و مشيت وقبل ماتمشي قالت لامها انها هخليها هنا عما تروح شغلها وتيجي تأخدها عشان خايفه عليها ليحصلها حاجه وهي في الشغل وهنا هتكون مطمئنه عليها اكتر... و مامتها طبعا صدقتها وودعتها بدعوات من قلب أم حزين ومقهور علي حال بنتها اللي بيسوا كل يوم عن اليوم اللي قبله
وبعد ماسبتها راحت عشان تروح تموت نفسها بس هتموت نفسها ازاي و هي ايه الطريقة اللي تنهي بيها حياتها وترتاح من العذاب اللي هي عيشاه
مشيت و مش عارفة رايحة فين ولا جايه منين و هي ماشية في طريقها سمعت صوت قطر
ودماغها انتبهت لصوته اوي و عرفت ان دي الطريقة الوحيدة عشان ترتاح بيها من حياتها
وفعلا راحت اتجاه القطر و مشيت لغاية لما وصلتله و لمحت القطر جاي من بعيد قربت من القضيب بتاعه و طلعت وقفت عليه و القطر بيقرب و بيزمر لها عشان تنزل او تبعد وهي ولا هي هنا
والقطر بيقرب اكتر و بيزمرلها اكتر اكتر و خلاص مبقاش فيه مسافة كبيرة بينهم... والقطر خلاص كلها خطوات و يدوسها و هي دموعها نزلت و غمضت عيونها و استسلمت للموت
وخلاص القطر قرب جدا منها و بقا بينه و بينها لحظة واحدة و هيدوسها تحت عجله
بس القدر كان ليه رأي تاني ان بسنت تعيش👈 و لقيت ايد بتشدها بقوة من قدام القطر وبيضمها لحضنه بخوف و حماية وحب و عشق و بخوف و رعب و هو بينهج.. ليه كدا يا مجنونة ليه كنتي عايزة تحرقي قلبي عليكي ليه عملت فيكي ايه عشان تحرقي قلبي عليكي كدا عملت فيكي ايه عشان تحرميني منك بالطريقه البشعه دي
****************************معركه عشق الحيتان....ج٣ لعذاب رعد... بقلمي دي دي فتحي... صفحتي الشخصية علي الفيس... باسم... اللهم أسألك الفردوس لوالدى
✍️✍️ عند رعد👇👇
رعد صحيت من النوم علي زعيق همس للشغالين و نزلت بسرعة
وبجدية و سؤال... في ايه وايه الدوشة دي كلها
الشغالين بجدية و آسف... طعمة يا فندم عايزة تعمل هي الفطار و بتقول عايزة تعمله عشان توديه لجوزها
رعد بجدية اكتر و غضب... وفين المشكلة في كدا ما تعمل اللي هي عايزة تعمله لازمتها ايه بقا الدوشه دي كلها على الصبح
الشغالين بجديه ... والله يا فندم سبناها بس الظاهر انها مش بتفهم حاجة في شئون المطبخ والأكل ولقيناها مش عارفه تعمل حاجة فخوفنا الاكل يبقا وحش و فهد بيه يعاقبنا انا احنا ان خلاناها هي تعمله
همس بغضب و صوت عالي... هي مين دي إللي مبتفهمش يا وليه ياللي تنشكي في افاكي انتي والله العظيم لو ما لميتي نفسك لأكون خلعالك عينك اللي زي البقر دول انتي فاهمة
رعد بجدية... همس الشغالة مقصدتش حاجة هي قصدها إنها تساعدك عشان الاكل يطلع حلو و يعجب فهد و يشكرك عليه
همس بعد ما فكرت شوية... ماشي انا هوافق انها تعمله بس انا هقول ان انا اللي عملاه🤭
رعد بجدية... لا بلاش كدب يا حبيبتي عشان الكدب أخرته مش كويسة
همس بزعل ورجاء... عشان خاطري يااااما رعد عشان خاطري أنا عايزاه يشكرني و يتفشخر بيا🤭
رعد مع رجاءها و كلامها مقدرتش تقولها حاجة تاني و باستسلام... ماشي يا حبيبتي يلا تعالي بقا غيري هدومك و البسي لبس خروج من عند دي دي علي ما فتحية تجهز الفطار عشان ناخده معانا
همس بسؤال لرعد... معلش يااااما رعد عايزة أسألك سؤال هي دي دى اللي شبه عروسة المولد🤭 اللي كانت واقفة جنبك امبارح دي تبقا بنتك
رعد بضحك😂... ايوه هي يا حبيبتي دي بنتي دي دي اخت فهد
همس بستغراب... واسمها دي دي🤔 ؟؟؟
وده من ايه ده ياااما رعد يعني خلصت كل الاسامي اللي في الدنيا عشان تسمي بنتك علي اسم دواء كحة🤭🤣🤣🤣
رعد بضحك😂... دواء كحة هههههههه تعالي معايا واوعي تقولي كدا قدامها لحسن تصدميها هي كمان زي مابتصدمي سي الأستاذ فهد بيه جوزك 🤭😂
همس مشيت معاها من غير كلام و رعد اخدتها و دخلت اوضة دي دي وقالتلها تجيب لها طقم يكون حلو و شيك
و دي دي جابت لها
ودي دي بسؤال... انتوا رايحين فين علي الصبح كدا يا ماما
وقبل ما رعد ترد ردت همس و بتلقائيه... احنا رايحين لسي فهد بيه جوزي عشان اباااا يامن تعبان و هو بايت معاه في المستوصف
رعد لما حكيت ل دي دي اللي حصل و عرفتها حكاية همس وازاي بقت مرات فهد محكيتلهاش علي اللي حصل ليامن عشان متتخضش عليه لانها كانت ناوية تخرجه من المستشفي علي طول و تجيبه علي البيت عشان محدش يعرف و تقلقهم كلهم
و دي دي بدموع... بابا حصله ايه يا ماما و في المستشفي ليه هااا ليه أكيد هو فيه حاجة اكيد وليه محدش عرفني فيكم وليه انا اخر من يعلم ليه
رعد بجدية و هدوء... متقلقيش يا حبيبتي هو كويس بس تعب شوية و حجزوه في المستشفي وانا رايحة اطمن عليه دلوقتي
دي دي بدموع و جدية... طب انا كمان هاجي معاكوا
رعد بحب... تعالي يا حبيبتي عشان تطمني اكتر
وفعلا لبسوا هما التلاته و راحوا ليامن و فهد في المستشفى بعد ما خدوا الفطار معاهم
و وصلوا اوضه يامن و دي دي جريت عليه وبدموع وحزن... الف سلامه عليك يا حبيبي ان شاء الله انا بدالك
يامن ضمها علي اد ما قدر عشان جرحه وبحب... بعد الشر عليكي يا حبيبتي بعد الشر عليكي وبعدين انا كويس مفيش حاجة اهو
دي دي بدموع... ازاي يا بابا وانت رجليك متجبسة كدا و كمان صدرك
يامن بحب... والله يا حبيبتي انا بقيت احسن وخصوصا لما شفتك يا قلب بابا انتي
رعد بغيظ و ربعت ايديها حوالين صدرها... يا سلام يا سلام كل ده لبنتك و انا ايه بقا هااا خلاص راحت عليا ولا ايه
يامن بهمس لدي دي...شوفتي امك وهي غيرانه عليا منك عسل ازاي شوفتيها؟؟؟
دي دي بضحك😂... اه شوفتها
رعد بغيظ اكتر بعد ما فهمت حركات شفايفهم... و كمان بتوشوشو عليا طب خلي بنتك تنفعك و لسة هتمشي من جنب يامن
شدها من ايديها و بحب و عشق... تمشي تروحي فين دانا انا طول الليل بحلم بالوقت اللي الباب هيتفتح عليا فيه و تشرق شمس نهاري ويبدأ يومي بطلت رعد قلبي مراتي و حبيبتي وامي و اختي و صحبتي وكل حاجة ليه في الدنيا
رعد بزعل مصطنع.... اه اه خدني في دوكا واضحك علي عقلي بكلمتين
يامن بحب و عشق...هو في حد يقدر يضحك علي الوحش المقنع برده🤔
رعد بحب و هي بتبصله بعشق... انت يا حبيبي انت معاك بنسي كل حاجة و بفرح و انبسط من اقل حاجة منك
يامن لسه هيرد قاطعته تنهيدة همس و بتوهان...هييييييح بقا اوعدني يارب و بغلي يقولي كلام حلو يدوخ زيكوا كدا🤭🤣🤣🤣
يامن و رعد و دي دي ضحكوا بهستريا🤣🤣🤣 علي تلقائية همس اللي قربت من فهد وهو نايم علي الكرسي و بتملس علي وشه بحب و بتصحيه وبتهزه... فهدي فهوده قوم بقا يا حبيبي قوم بقا وحشتني قووووم
فهد قام مخضوض و بخصة ... سلام قولا من رب رحيم انتي بتطلعي امتى يامتخلفه انتي وحد يصحى حد كدا بقا فهد العمري يصطبح بالخلقة القذرة دي
همس بتشم في نفسها وبثقه وجديه... والله محطتش فليت النهارده يا فهدي دا انا حتي استحميت امبارح عشان خاطرك والله
فهد بغضب وعنف... استحميتي ايه يا مقرفة انتي اسمها أخدت شاور و بغضب اكتر... انتي ليه مستفزة كدا هااا وعايزة مني ايه علي الصبح يابتاعه انتي
همس بزعل... كنت جيبالك الفطار ياحبيبي و رفعته قدام عنيه... و فهد رمي الاكل من ايديها بكل عنف و غضب والاكل وقع علي الارض و علي هدوم همس ورجليها... وسط ذهول رعد ويامن و دي دي
ويامن بعنف وغضب... فهد ليه كدا هي عملت ايه لده كله دي جيبالك فطار مش جيبالك سم يعني
فهد بغضب اكتر... وانا مش عايزها تجيبلي حاجة... دانا أهون عليا اكل سم ولا أكل حاجة منها عن اذنكم عشان اروح اغير هدومي و اروح الجهاز لاني اتاخرت
ولسة هيمشي رعد بصوت عالي و غضب... فهد استني خد مراتك معاك روحها عشان انا هفضل مع بابا واختك هتروح شغلها... فخدها معاك ترتاح في البيت وابقا خدلي اجازة انا و بابا وبلاش تعرف حد موضوع الحادثة ده
و بتحذير و قربت منه... و اياك تعمل في همس حاجة محدش هيقفلك غيري انا والله
لاننا جوزنهالك عشان تخف بسرعة مش عشان تهينها و تبدلها كدا اتفضل يلا خدها و امشي
و قربت من همس اللي واقفة و الدموع بتلمع في عيونها من اللي فهد عمله... روحي يا حبيبتي مع جوزك ارتاحي
همس و هي بتبص بحزن لفهد... خليني معاكوا يا اااما رعد انا مش تعبانة فخليني معاكم انتم
رعد بجديه... لا يا حبيبتي انا هفضل هنا اليوم كله و هبات كمان و صعب عليكي تتحملي الوقت ده كله روحي يا حبيبتي روحي
و دي دي هتخلص شغل بسرعة و تجيلك
همس باستسلام... ماشي انا هروح معاه وخلي بالك من اااابا يامن
فهد بصلهم... انا هوصلها بس عشان جبت اخري و مبقتش عايز اتكلم ولا حتي اسمع كلام من حد و سابهم و مشي و همس مشيت وراه
وبعد خروجه رعد بحزن... ربنا يهديك يا ابني و بتبص ل
دي دي يلا يا حبيبتي عشان متتاخريش علي شغلك و متقوليش لاونكل ياسين حاجة عن تعب بابا ده عشان ميقلقش
دي دي بحزن و هروب... لا يا ماما خليني هنا النهاردة انا مش عايزة اروح الشركة
يامن بجدية و سؤال... ليه يا حبيبتي مش عايزة تروحي الشركة ده انتي روحك في شغلك ده ليه مش عايزة تروحي
دي دي بهروب... حاسة اني مصدعة يا بابا وكمان عشان أفضل جنبك ياحبيبي
رعد بعدم تصديق... هسألك تاني واخر مرة هسالك فيها لاني بعد كدا مش هسالك وهعرف واتأكد بنفسي علي اللي انا عايزاه... و بسؤال وجديه... متأكدة إن مفيش حاجة متأكده ؟؟؟
دي دي بهروب اكتر بعد ما حسيت ان رعد مش مصدقاها... ايوة يا ماما مفيش حاجة و بهروب اكتر و مشاكسة... ولا انتوا عايزين تطرقوني و يخليلكوا الجو لوحدكم
يامن بضحك... بصراحة ااه عشان أمك وحشااااني
دي دي بمكر... ايوة قولوا كدا بقا بس اطمنوا لأني قاعدة علي قلوبكوا ومش هروح غير بليل
يامن بغيظ... والله كتر خيرك يا بنتي وشدها لحضنه وشد رعد كمان لحضنه وبضحك...عشان متغريش وتقلبي عليا يا رعد قلبي
رعد ضربته بخفة علي صدره... ويامن أتأوه بتمثيل
و رعد قامت بسرعة من حضنه وبخوف عليه... مالك يا حبيبي انا آسفة اكيد وجعتك
يامن بحب و عشق و توهان... في عيونهاو نسي دي دي اللي في حضنه... انا لو موجوع يبقا موجوع من بعدك عني يا حبيبتي مش عشان حاجة تانية و بيقرب منها
و رعد ضربته تاني علي صدره و بضحك... أكيد مش واخد بالك من بنتك اللي علي دراعك دي
دي دي بغيظ... الحمد لله يا سيادة اللواء انك اخدتي بالك انتي الحمد لله
يامن بضحك و مكر... بقولك ايه يا دي دي
دي دي بمكر... قول يا سيادة الرائد قول
يامن بضحك... متروحي تجبيلنا فطار بدل اللي أخوكي الغبي رماه علي الارض ده ياحبيبتي
دي دي بمكر وخبث... مع اني عارفة انك بتطرقني يا مينو بس ماشي هروح و اجي بسرعة خمس دقايق وهتلاقوني هنا فوق دماغكم فاهمين و سابتهم و خرجت
ويامن شد رعد بسرعة و خطف شفايفها في بوسة شرسة و عنيفه زيه و من عنفها جرحت شفايفها من شرسته فيها
ولحظات ويامن بعد رعد بالراحة و بصوت خافت...و بهدوء غير اللي جواه لأن جواه عاصفة حب واشتياق لرعد قلبه و بهدوء... اقفلي الباب بالمفتاح ووقفي الكاميرات و تعالي يا إما انا اللي هقوم و متلوميش غير نفسك في اللي انا هعمله فيكي فاهمه
رعد بابتسامه اشتياق... يا مجنون إنت تعبان
يامن بهدوء و تحذير... هعد لغايه تلاته وبعدها انتي الجانيه علي نفسك في اللي انا هعمله فيكي... واحد.. اتنين تلا... ولسه هيقول تلاته
رعد قامت بضحك قفلت الباب بالمفتاح و وقفت الكاميرا بكل سهولة... وبمراوغه... عملت اللي انت عايزة يا مجنون قول بقا عايز ايه
يامن في لحظة كان شاددها عليه وملتهم شفايفها تاني و بيفك لها زراير هدومها بلهفة و رغبة و باشتياق و بعد ما فكهم نزل علي الشريان النابض في رقبتها و باسه بعشق و شوق و نهم و نزل علي منحنيات جسمها و بيلمسهم بعشق و نهم اكبر وخلاص مبقاش قادر يستحمل اكتر من كدا وشدها عليه اكتر و بهمس و شغف و رغبة... وحشتني اوي اوي... وبهمس وسؤال...انا موحشتكيش كمان؟
رعد بحب و عشق و همس و انين... كلمة وحشتني دي لو قولتهالك يبقا بظلم بيها مشاعري تجاهك بيها
يامن بهمس اكتر منها... خلاص عبريلي و اثبتيلي اني وحشتك اد ايه لأنك زي ما انتي شايفة كدا مش هعرف اعبر لك انا يعني ردي شوية من اللي عليكي
رعد بهمس يخطف القلوب... وأنا عليا كتير اوي ليك بس مش هينفع هنا ووعد مني اول لما نرجع بيتنا هردلك كل اللي عليه
يامن بهمس و رغبة... وانا موافق بس هتبدأي من الاول و بالتفصيل الممل
رعد من غير كلام قربت شفايفها من شفايف يامن وهي اللي خطفتهم المرة دي في رحلة جميلة و طويلة و خليتهم في حالة غريبه و مجنونه و فاقوا منها علي خبط الباب
و رعد بتحاول تسحب نفسها من حضن يامن و هو مثبتها اوي في حضنه
وهي بجدية... ابعد عني يا مجنون خليني اقوم افتح الباب دي دي هتقول علينا ايه🤔 ((هتقول عليكوا قليلين الادب يا اختي هتقول عليكوا ايه يعني هههههههههه))🤭😂
مش دي دي انا🤭 دي دي بنتهم اللي هتقول عليهم كدا😂 إما انا دي دي فتحي حبيبتكوا انتوا 😂😂
يامن بعشق و جنون و بصلها برغبة وهي بين ايديه ... بس انتي وحشاني اوي اوي ومش قادر على بعدك اكتر من كدا
رعد بكسوف ظاهر... بطل تبصلي كدا بقا
يامن بمكر و خبث...ايه المانع اني ابص لحبيبتي يارتني افضل تعبان كدا عشان تفضلي في حضني كدا علي طول
رعد ضربته علي صدره وبحب... بعد الشر عليك يامجنون انت... و شدت نفسها من حضنه وقامت
و لسة هتروح تفتح الباب... يامن شد ايديها و بمشاكسة و مكر... خليكي معايه كمان شويه دي دي مش هيحصلها حاجه لما تستني بره شويه يعني... وبمشاكسه اكتر.. ايه انتي معندكيش اخوات🤭😂
رعد بغيظ... بطل قلة ادب بقا و علي فكرة عندي أخوات عشان كدا هعاملك معاملة الاخوات
يامن بضحك😂... ليه كدا بس ده أنا حبيبك و امي وابويا ماتوا و فوق ده كله تعبان ومش قااادر هااا خلاص سامحتيني يا رعدي هاااا خلاص
رعد بمكر و خبث... هفكر وانت و حظك بقا يا تصيب يا تخيب
يامن بحب و عشق... هتصيب لأني مش ههون عليكي يا رعد قلبي مش كدا؟؟؟
رعد بحب و عشق... كدا يا قلب رعد بس سبني بقا أروح اشوف البنت اللي هتتبخر من الوقفه علي الباب دي
يامن بضحك... اه والله هتتبخر وبصوت واطي... بس مهو كله من شراسة الرعد اللي اقوي من الرعد نفسه
رعد بمكر... بتقول حاجة يا حبيبي بتقول حاجه ؟؟؟
يامن بضحك و رفع ايده لفوق باستسلام... أبدا يا رعد قلبي بقولك افتحي الباب لدي دي بسرعة يلا
رعد بصتله بمراوغه و راحت فتحت ل دي دي اللي اتكلمت بغيظ وجديه... بقالي ساعة واقفة علي الباب والله حرام عليكوا بقا انتوا اتاخرتوا ليه علي ما فتحتوا؟؟؟
رعد مش عارفه تقولها ايه ويامن عفاها من الرد وبضحك... انتي هتاخدينا في دوكة ولا ايه قوليلنا جبتيلنا فطار ايه
دي دي بغيظ اكتر... توهني توهني يا اخوية بس مش عايزه افاجئكوا و اقولكوا اني هبات معاكوا النهاردة
يامن بضحك😂... ماشي خلاص انا أخدت جرعة تصبرني لحد بكرة
دي دي بعدم فهم و سؤال... جرعة ايه يا بابا اللي انت اخدتها
يامن بضحك😂 و بيغمز لرعد اللي واقفة متغاظة منه و بمكر و ضحك... جرعة العلاج يا حبيبتي جرعة العلاج هتكون جرعه ايه يعني غير كدا
رعد بجدية... بس إزاي يا حبيبتي هتباتي طب و همس؟؟
دي دي بجدية... مالها همس ما فهد هيبات معاها في البيت يبقا فين المشكلة بقا؟؟؟
يامن بضحك😂... ماهي دي المشكلة انه هيبات معاها لوحدهم يلا بقا ربنا يسترها ومتجننهوش اكتر من كدا
رعد بجدية و امل... و يمكن ميبقاش فيه مشكلة ان شاء الله ولا حاجه يلا نفطر و قعدوا يفطروا
*****************************
✍️✍️عند مالك في الشركة👇👇
راح الشركة و دخل مكتبه و بعت لدي دي تروحله و السكرتيرة قالته انها لسه مجتش وقالها لما تيجي تبلغها أول ما توصل تجيلي مكتبي علي طول
وبعد حوالي ساعة سأل عنها تاني و نفس الرد سمعه و فضل لغايه الظهر يسأل عليها و السكرتيرة بترد نفس الرد وفهم انها مجتش الشغل بسبب اللي حصل وكمان هو رن عليه كتير وتليفونها مقفول... ولنفسه بس اللي انا عايز افهمه هي قالت للواء عواصف ولا لاء و هعرف اكمل خطتي ولا خلصت علي كدا ومش هعرف اكملها
وهتكشف أمري و كمان ممكن الكل يعرف ان بسببه ... كان الحيوان اللي اسمه باهر هيغتصب دي دي و يضيع شرفها
ووقف عقله عند تفكيره ده اللي أكدله إنه هو معملش حاجه لسه من خطته وكمان هو مبيحبش دي دي يبقا فين المشكلة بقا
وقام بكل عنف و غضب وبيرد علي عقله بغضب... المشكلة انه حد ياخد حاجة بتاعتي ولازم انا اللي انهي اي حاجه بمزاجي لغايه لما انا اللي ازهق منها و ارميها أنا غير كدا مش مسموح لأي حد ياخد حاجه ملك مالك السيوفي
وقام وبعنف وغضب اكتر ... بس انا هعرف هي قالت للواء عواصف ولا لاء لو ثبت ليه ده هندمك علي اللي باقي من عمرك يا دي دي... أما لو مكنتيش قولتلها حاجه... يبقا هكمل معاكي خطتي للاخر و اتجوزك و امتع نفسي بيكي شوية و هتبقي صنف جديد عليا ولما ازهق منك هرميكي بس اكون حطيت صك ملكيتي عليكي و حرقت قلب أدم عليكي يا قطتي و خرج عشان يتأكد من شكوكه
******************************
✍️عند أسر و كنزي 👇👇
أسر بعد دخل كنزي أوضه النوم وهددتها انها تعترفله باللي هي مخبياه جواها وهي رفضت و مش عارفه تعمل ايه و مش لاقية طريقة للخروج من الاوضة لانها كلها ازاز و لو حاولت تكسر الازاز اليخت هيغرق
واستسلمت لامر الواقع و بينها و بين نفسها حست إن أسر عرف الحقيقة و عايزها تعترف بيها بس هي مش متاكدة انه عرف ولالا وقالت لنفسها لازم تسكت لغاية لما تتأكد
واسر قرب من كنزي و بستفزاز... ها يا خالتو هتقولي الحقيقه ولا اثبت ملكتي عليكي يا خالتوووو و قوليلي صحيح عجبتك الأوضة ولالا ؟؟؟
كنزي بغضب .. عجبتني ايه و زفت ايه انا عايزة امشي من هنا انت ازاي تحبسني كدا انت فاكر نفسك تقدر تحبس المقدم كنزي صبري ولا ايه دانت تبقا اتجننت
أسر بستفزاز اكتر... لا اوعي تقولي كدا تاني يا خالتو أنا بس كنت عايز اقعد مع خالتي حبيبتي و اشبع منها و انتي مش مدياني فرصه و مكنش قدامي غير اني اعمل كدا
كنزي بغضب اكتر... والله يا أسر بس اخرج من هنا و هندمك علي كل إللي انت عملته فيا ده يلا خرجني من هنا انا زهقت و مش طايقة الفستان الزفت اللي انا لبساه ده و عايزة اغير هدومي
أسر بستفزاز... الدولاب عندك فيه هدوم هتلاقيها كلها علي قدك بالظبط ادخلي الحمام البسيها وتعالي لان احنا خلاص في نص البحر و مش هنرجع دلوقتي يلا روحي عشان تيجي تحكيلي ياخالتووو
كنزي بغضب اكتر ...ماشي يا أسر والله لاوريك بس لما نرجع
و راحت علي الدولاب عشان تغير هدومها و لقيت هدوم كتير جميله وجذابه اوي ومنها هدوم بيت مريحة و مرسوم عليها اشكال كرتونية
و بستغراب وغضب... ايه الهدوم دي هو انت فاكرني بنت اختك ولا ايه
اسر قاعد يضحك... علي استغرابها ودهشتها ومش بيرد
وكنزي باستسلام... اختارت منهم وحدة و غيرت هدومها في الحمام وخرجت وملقتش اسر في الاوضه... و برتياح الحمد لله انه خرج وسابني علي الاقل اعرف انام شويه وارتاح من الضغط النفسي اللي هو عمله فيه ده و راحت علي باب الاوضة قفلته و راحت علي السرير عشان تنام
وأول ما حطيت دماغها علي المخده ولسه هتغمض عيونها لقيت الدولاب بيتفتح
وكنزي باستغراب وسؤال لنفسها... هو اليخت ده مسكون ولا ايه ميكونش عفريت البحر ولنفسها هوووس ياكنزي هو فيه عفريت البحر هو عمايل اسر فيكي جننتك ولا ايه وهي مازالت علي شرودها
اسر خرج من الدولاب🤭😂😂 لإنه عامل باب من الصالة الموجوده في اليخت بيدخل علي دولاب اوضة النوم
و قرب من كنزي اللي مش مستوعبه جنان اسر واالي بيعمله و دخل جنبها تحت البطانية و كنزي بغيظ وعنف وبتضربه علي صدره... انت ايه اللي جابك هنا تاني حرام عليك اللي انت بتعمله فيه ده والله حرام انت ليه بتعمل فيا كدا دانا اتجننت من افعالك انت عايز مني ايه يا أسر ارحمني بقا ارحمني
أسر بمكر وخبث... هكون عايز ايه يعني ياخالتووو انا عايز أنام جنبك وبس ياخالتووو
كنزي بستغراب ودهشه... تنام فين انت مستحيل تكون بعقلك مستحيل... وبغضب... اطلع بره يااسر اطلع بره و خليني انام أنا اصلا نسيت النوم من ساعة من انت رجعت من السفر ياريتك ما رجعت سافر تاني و ريحني بقا
أسر بمكر اكتر... واهون عليكي يا خالتو ده انتي حتي كل يوم كنتي بتدخلي مكتبي عشان تطمني عليا وتشوفني جت ولا لسه صح ولا ايه ياخالتووو
كنزي بتوتر... لا طبعا مين إللي ضحك عليك وقالك كدا
أسر بخبث... طيب وسعي كدا عشان عايز أنام لان مفيش في اليخت ده غير أوضة نوم واحدة عشان حبيبتي متنامش بعيد عني
كنزي برفض... لا مش هتنام هنا يا أسر مينفعش اصلا انام انا وانت في سرير واحد
أسر بمكر و سؤال... ليه مينفعش مش انتي خالتي يعني في مقام أمي يعني مش حرام ولا عيب... وبمكر اكتر... وبعدين انا مش بس هنام هنا ده انا هنام في حضنك كمان
كنزي بدهشة وذهول... ايه تنام في حضني لا انت خلاص اتجننت رسمي انا لازم اخرج من هنا قبل ما ارتكب جناية واقتلك
أسر قرب منها و هي مازالت مغطيه نفسها بالبطانية عشان أسر ميشوفهاش و هي لابسة الهدوم اللي هي لابساها و بمكر... متوريني كدا يا خالتووو الهدوم اللي انا جايبها لحبيبتي جت علي قدك ولا لاء و بيحاول يشيل الغطاء
كنزي صرخت و شدت البطانية عليها ... لا مش هتشوف حاجة... منك لله يا أسر هتموتني ناقصة عمر من عمايلك دي
أسر بضحك... بعد الشر عليكي يا خالتو يا حبيبتي يلا بقا خديني في حضنك يا خالتو وتطبيني واحكيلي حدوته حلوه زيك كدا عشان اعرف انام و بيقرب منها و كنزي عماله تبعد عنه لغايه لما كانت هتقع من علي السرير
و أسر شدها عليه من وسطها و قربها ليه اوي و عنيهم اتقابلت في نظره كلها حب و عشق و اشتياق نظره لها الف معني و معنى وتاهوا هما الاتنين في النظره دي
وكنزي فاقت من توهانها في عيون اسر وهو بيشدها عشان ينام في حضنها وبمكر واستفزاز... يلا ياخالتووو عشان تنيميني في حضنك وتطبيني وتحكيلي حدوته يلا ياخالتووو يلا ياخالتوووو
وكنزي خلاص معدتش قادره تستحمل كلمه خالتووو من اسر اكتر من كدا و بصريخ وغضب.... انا مش خالتك مش خالتك مش خالتك ولا انت تبقا ابن اختي ارحمني بقا ارحمني.
******************************
✍️✍️عند فهد و همس👇👇
فهد ركب العربية و همس ركبت و طول الطريق محدش قطع الصمت اللي بينهم لغاية لما وصلوا و همس حاولت تشيل حزام الأمان و معرفتش
و فهد قرب منها و بصلها بقرف و اشمئزاز و شاله و هو بيرجع ايده ... أيده خبطت في رجل همس
و همس أتألمت و هو بغضب... ايه وجعتك اوي ليه هو انتي بتحسي يعني
همس بوجع و الم و الدموع لمعت في عنيها و كشفت رجليها
و فهد بغضب... بتعملي ايه يا مجنونة انتي بتعملي ايه
همس بدموع... بوريك انا أتألمت ليه و وريته رجليها من فوق من بعد الركبة كانت حمراء و هو بصلها و مسألش
وهمس اتكلمت و بتلقائيه... سعادتك مش هتسالني بس انا هقولك
دي لما زقيت الفطار من ايدي و الكابتشينو اللي انا كنت عملهولك وقع عليه و حرق رجلي وأنا مرضتش ابين قدام الاماااا رعد والاباااا يامن عشان محدش منهم يقولك حاجة ويزعلوك
فهد بصلها باشمئزاز وبغضب وعنف... و فكرك يعني جرحك ده هيهمني ولوحتي كانوا اتكلموا كلامهم كان هيهزني و يخليني احس بالذنب تجاهك صدقيني انا كان نفسي يحرقك كلك على بعضك مش رجلك بس و سابها و نزل
وسط دهشتها معقولة عايزها تتحرق اكتر من كدا معقوله؟؟؟ ونزلت هي كمان و هي زعلانة من فهد وبزعل ولنفسها... بقا كدا يابغلي بقا كدا ياسي الاستاذ فهد بيه بقا كدا... و دخلت الفيلا و طلعت علي اوضتها
و فهد كان دخل اخد شاور و لبس عشان يروح الجهاز و همس و هي في اوضتها حست نفسها هتموت من الجوع وطلعت من اوضتها
وبجنون منها بدل ماتنزل علي تحت تأكل راحت عند اوضة فهد و بتدور علي اي خرم في الباب تبص منه عليه وتشوفه بيعمل ايه و إما ملقتش قالت تفتح الباب شوية صغيرين و تبص منه
ولسة بتحط ايديها علي مقبض الباب من بره و تفتح... فهد كان ماسكة من جواه و فتح في نفس اللحظة اللي هي بتفتح فيها
ولأن فهد كان مضايق و بيشد الباب بقوة لجوه الباب أول ما اتفتح همس بقوة الجذب انسحبت لجوة بقوه و وقعت علي السرير و هي مش مستوعبة ايه اللي حصل ولا فيه ايه
وبهدوء و هي بتقوم من علي السرير... يا كسفتك يا حازم ياكسفتك ياحازم🤭
و بتبص حواليها وبهروب... هو انا ايه اللي جابني هنا هاااا🤔 وبتبص لفهد وبمراوغه ومشاكسه... متعرفش مين اللي جابني هنا ياسي الاستاذ فهد بيه هااا🤔 مترد عليه يابغلي ساكت ليه هاااا🤔 رد على طعمتك حبيبتك
فهد قرب منها بخطوات مميته و هي بترجع لوراء لغاية لما لزقت في الحيطة و قرب منها و بعنف وغضب و مسكها من شعرها... انتي ايه هااااا وطلعتيلي منين هو انا كنت بخلص منك تقومي انتي اللي تلبسي فيه و تجيلي و كنتي هتخلصي علي ابويا و أمي وكل ده بسبب واحدة قذرة زيك انتي عايزة ايه هااا انتي عايزة ايه رد عليااااا انتي عايزه مني اييييه
همس بتحاول تبعد عنه بس هو حاوطها و هي بخوف منه و بتوتر... انا مش عايزة حاجة منك انا عايزة اروح عند اااما رعد و ااابا يامن و عروسة المولد دي دي اختك
فهد بعنف وغضب بعد ما عصبيته اتحكمت فيه و بيبصلها بقرف و اشمئزاز و بنبرة غاضبة و مخيفة... انا مش هوديكى عندهم لأني هوديكى في مكان تاني خالص
همس بفرحة... اه انا عارفة ياحبيبي انت هتوديني فين وبثقه... اكيد هتوديني المراجيح مش كدا يا فهدي مش كدا يافهوده ؟؟؟
فهد قرب منها اكتر و بعدم درايه لف ايديه حوالين رقبتها و بغضب مخيف... انا هوديكي في المكان اللي تستاهليه اللي من أول ما شفتك وانا عايز اوديكي فيه لإنه الحل الوحيد عشان اخلص منك
همس بتضربه علي ايده اللي ماسكة رقبتها بعنف و قوة و بصوت مكتوم.... سبني يا فهدي سبني روحي هتطلع في ايدك سبني
فهد بغضب اكتر... خليها تطلع عشان ارتاح منك و مش هاخد فيكي يوم واحد و بثقة وبجديه... مجنونة و مختلة عقليا موتت نفسها شوفتي الحكاية سهلة ازاي شوفتي
ولاسف همس كانت خلاص ايديها اللي بتضرب ايده عشان يسبها استرخت وعيونها غمضت و دموعها نازلة مغرقة وشها
وفهد هنا بس استوعب إللي هو عمله فيها شال ايده عنها و همس وقعت علي الارض و هو مش مستوعب ازاي عمل فيها كدا ازاي هو مهما كان بيكرهها بس مش من حقه يعمل فيها كدا لانها أمانة عندهم
👈وهو مازال بيفكر فاق من تفكيره علي دخول رعد اللي جت من المستشفي خوفا علي همس من فهد واللي كانت خايفة منه حصل
جريت علي همس اللي مرمية لا حول لها ولا قوة و بتهزها جامد و بتجس نبضات قلبها بس للأسف الشديد همس كانت عبارة عن جثة هامدة😔
و رعد دموعها نزلت و قامت ضربت فهد كذا قلم وراء بعض و بعنف وغضب و دموع و صريخ و هي مازالت بتضربه... ليه عملت فيها كدا ليه انت حيوان حيوان وبدموع اكتر... دا حتي الحيوان عنده رحمة اكتر منك
و بدموع و كسرة وهستريا... أنا هدعي علي كل أم انها متخلفش ولاد عشان محدش فيهم يطلع جاحد و قاسي زيك و للأسف و بتبص علي همس بحزن و قاتل
وفهد كان خلاص حاسس ان قلبه هيقف من منظر و هستريا رعد
اللي كملت بدموع و وجع... بقا ابن اللواء رعد احمد الوديدي يبقا قاتل بقا إبن اللواء رعد يبقا قاتل يعني معرفتش تموتها الاول بتموتها دلوقتي لاااااا لااااااا انت اكيد مش إبني مش ابني
وبدموع و قهر... قلبى و ربي غضبانين عليك ليوم الدين يافهد قلبي و ربي غضبانين عليك ليوم الدين
و وقعت اغمي عليها وقبل ما توصل لأرض كانت وصلت لأيد فهد.
