رواية عذاب رعد (3) معركة عشق الحيتان الفصل الثامن والعشرون بقلم ديدي فتحي

و رعد قعدت علي الارض علي ركبتها و دموعها نازلة زي الشلال معقوله تسيب الدنيا كلها و جاية تجري ورا سراب معقولة ده مش يامن معقولة

و محستش باللي قرب منها و قرصها في رجليها و هي علي الارض لانهم كانوا في طريق مقطوع قريب من الصحراء

و رعد أتألمت من القرصة و بصت للي قرصها لقيته تعبان و بصتله بابتسامة و تعب... طول عمري التعابين هي إللي بتخاف مني بس في الاخر واحد منهم أتجرأ و قرصني عشان ينهي حياة #الوحش_المقنع ياااا مبسوطة اوي ان نهايتي جت علي الاقل هروح لحبيبي

و نامت علي الارض بتعب و دموعها نزلت... سامحيني يا

دي دي سامحيني موقفتش جنبك ياحبيبتي و جريت وراء سراب بس أنا متاكدة ان فهد هيقف جنبك و يساعدك و أنت يا فهد اكيد حب همس ليك هيرجهالك تاني

👈👈و بصوت متقطع وخافت... الحمد لله اول مرة احس بالراحة و احس ان عذاب رعد هينتهي لما هي تنتهي من الدنيا👈 أول مرة أعرف ان عذاب رعد هينتهي لما تموت

👈و غمضت عيونها و هي علي وشها ابتسامة رضا انها رايحة لحبيبها و عشيقها وجوزها يامن.

و سبع الليل بعد وقت من طلوعه علي الطريق الرئيسي استغرب ان رعد مطلعتش واما ملقهاش طلعت على الطريق بالعربيه قال لنفسه انها ممكن ماتكونش عارفه تطلع ازاي من الحته المقطوعه دي

ولام نفسه لان الراجل الصعيدي معروف عنه بالشهامه والرجوله ما بال بقى لو واحده ست هي محتاجه ده و رجع تاني لرعد

ولقي العربيه واقفه زي ما هي و باستغراب راحت فين واكله ناسها دي معقوله تكون قررت ترجع مشي مخبوله وتعملها عااد

ولنفسه.... اه ممكن برده وليه لا لما اروح اركب العربيه وادور عالمجنونه دي واشوفها راحت فين و لسه هيروح يركب العربيه لقى رعد نايمه في الارض ووشها اصفر وعرقانه

ومن منظرها ومنظر الثعبان اللي كان جنبها عرف ان الثعبان قرصها جري عليها بسرعه وبصوت عالي... فوقي ياواكله ناسك انتي فوقي ابااااه ابااااه ياولاد معقوله اكديه معقوله وبيهز فيها

بس رعد ما فاقتش وهو شايلها وركبها العربيه لان مفيش حاجه تسعفها في الوقت ده غير المستشفى وانهم يسحبولها السم اللي دخل في جسمها

وسبع الليل ساق العربيه باقصى سرعته و في وقت قياسي كان وصل للمستشفى وبزعيق وغضب انتم فين يا بهايم ياللي اهنيه هاتولي ترولي بسرعه واعملولها اللازم لاني تعبان قرصها والسم جرى في جسمها

👈الكل جر علي سبع الليل واخذوا منه رعد

وبعد وقت ليس بكثير الدكتور خرج وقاله للاسف يابيه السم جرى في معظم جسمها وصعب اسعافها لان وقت اسعافها عدا

سبع الليل بجديه وغضب.... مفيش حاجه اسمها اكديه انا مش هاعيش طول عمري بذنب حرمه انت لازم تعمل اللي عليك على الاقل لو ماتت يبقى عملنا اللي علينا

الدكتور بجديه يبقى مفيش قدامنا غير نسحب الدم اللي اتسمم ونحط لها دم تاني مكانه

سبع الليل بجديه.... يلا استعجل اعمل اكديه مستني ايه

الدكتور بجديه اكثر بس احنا هنعمل كده ومحتمل برضه ان المحاوله دي تفشل وما تجيبش نتيجه

سبع الليل بجديه... يبجا عملنا اللي علينا يلا استعجل

الدكتور بجديه...يبقى شوفلنا اكياس دم فصيله O سالب بسرعه و حد يتبرعلها لانها هتعوز كميه دم كبيره

سبع الليل بجديه.... حد ليه انا اهنييه اهوه وعفي زي ما انت واعي اكدييه وفصيلتي نفس فصيلتها

👈 الدكتور....بس يا بيه ممكن...

سبع الليل بزهق وغضب ومقاطعه.... هو انت ليه بتحرق جاز يامه بجولك الحرمه بترفرف جوه وروحها بترفرف حواليها و هتطير عشان انت سايبها و قاعد تولك في حديت فارغ وتفاصلني يلا ادخل بجا بدل ما انسى انك الدكتور يلا

الدكتور بلع ريقه وبتوتر.. يلا يابيه زي ماانت عايز هعمل

سبع الليل بغضب ايوه كده شاطر ياريتك جولت اكدييه من ساعتها كنا زمنا انقذنا البرغوته اللي جوه دي

ودخلول لرعد اللي لا حول لها ولا قوه و سبع الليل بصلها وهم بيسحبوا منها الدم المسمم وبيسحبوا منه كمان دم عشان يوصلها... وبغضب وزهق... الله يخربيت اليوم اللي انا شوفتك فيه يا واكله ناسك انتي هو انا ناقص بلاوي

الدكاتره سحبوا لرعد الدم المسمم واخذوا بداله من سبع الليل رغم ان الدكاتره حولوا معاه ان يشوفوا متبرع تاني أو أكياس دم بس هو رفض لان حاسس بالذنب ان هو سابها في مكان مقطوع زي ده

وخلاص سحبوا الدم لرعد ورعد خرجت وحطوها في اوضه الرعايه و تحت جهاز التنفس و سبع الليل فضل قاعد على الكنبه اللي في الاوضه

وبعد حوالي ساعتين رعد فتحت عيونها ببطء وبتوهان وبصوت خافت... يامن يامن

وبصت حواليها لقت سبع الليل نايم على الكنبه و شدت الكانوله اللي في ايديها ونزلت و لسه هتروحله حاست بدوخه ووقعت في الارض

****************************معركه عشق الحيتان ج٣ لعذاب رعد... بقلمي ملكه القلوب #دي_دي_فتحي

صفحتي الشخصية علي الفيس باسم... اللهمّ أسألك الفردوس لوالدى

✍️✍️ عند فهد👇👇

خرج محتار وتفكيره عاجز مش مستوعب اللي حصل لاخته

ووقفه اللواء صبري و حط ايده على كتفه و بجديه.... قولي دي دي قالتلك ايه انا سيبتلك المجال انت وهي عشان تقرب منها وتعرف هي مالها قولي يلا ايه الحكايه

فهد بصله بحزن وحكاله عن كل حاجه ديدي قالتهاله واعتماد دموعها نزلت بوجع وحزن

واللواء صبري بجديه... انا كنت متاكد من براءه دي دي لانها مش هي اللي تعمل كده ابدا حتى لو مالك اذاها وبجديه اكثر... انا هقولك تجيب الحيوان ده ازاي و مين اللي يقدر يجيبهولنا

فهد بجديه وسؤال.... مين ده اللي يقدر يجيبه

اللواء صبري بمكر وخبث... هو في غيرها بجنانها وبغباوتها وبكل حاجه فيها

فهد باستغراب... هي مين دي

اللواء صبري بجديه ومكر.... بحسبك ذكي وعرفتها بس انا هوفر عليك التفكير وهقولك انها همس ابراهيم عز الدين

فهد بدهشه وصدمه... انت بتقول ايه ياجدي انت بتقول ايه

اللواء صبري بهدوء ومكر... اللي انت سمعته وخرم ودانك يا ابن رعد

***************************

👈عند أسر و كنزي👇👇

أسر اخد كنزي و طلعوا يريحوا في اوضتهم على ما مؤمن يوصل و بعد وقت ليس بكثير

مؤمن وصل و دينا قالتله أن أسر و كنزي موجودين و طلبت من الشغاله تطلع تنادي علي أسر و كنزي عشان يتغدوا مع مؤمن

و فعلا أسر و كنزي نزلوا و سلموا علي مؤمن.... و مؤمن عزا كنزي في يامن

و اتكلم بجديه لأسر... أسر انت عرفت اللي حصل ل دي دي بنت اللواء رعد

أسر بسؤال... لا يا بابا ايه اللي حصل؟؟؟

مؤمن حكي لأسر و كنزي ودينا على كل اللي حصل من بعد ما مشوا من الفرح لغايه اللي حصل ل دي دي و اتهامها بالشروع في قتل مالك السيوفي

دينا و كنزي بحزن و خضه.... ايه ده وحصل امتى وازاي؟؟

أسر بزعل و جديه.... كل ده يحصل يا بابا و محش يبلغني بيه طب ليه

دينا اتكلمت بحب و حزن.... متزعلش يا حبيبي انا مرضتش اضيع فرحتك بكنزي خصوصا اني عارفه انت استنيت اليوم ده اد ايه مكنش ينفع اضيع فرحتك أبدا و مكنتش اتوقع ان الموضوع هيوصل لكدا ابدا

أسر قام و بجديه.... انا هروح اطمن على دي دي و طنط رعد مش هينفع اسيبهم في الظروف دي

كنزي لسه هتقوم أسر باعتراض.... لا يا كنزي خليكي انتي اعصابك تعبانه و محتاجه ترتاحي شويه

كنزي بجديه و غضب....لا يا أسر انا لازم اروح معاك مش هينفع اسيب رعد و دي دي في الظروف دي أبدا

أسر قرب منها و بجديه.... كنزي يا حبيبتي احنا لسه مش فاهمين ايه اللي حصل بالظبط انا هروح لدي دي افهم منها و ان شاء الله هرجع اخدك و نروح لطنط رعد

كنزي بزعل.... بس انا عايزه اكون معاهم

أسر بحب و هدوء... معلش يا حبيبتي اشوف بس الموضوع واجي اخدك علي طول ان شاء الله عشان تطمني عليهم وتفضلي مع طنط رعد لانها اكيد هي محتاجلنا كلنا نكون جنبها و سابهم و نزل راح يشوف دي دي

*******************************

✍️✍️عند مازن👇👇

صقر لما ملقاش اي تغييرات على حياه بسنت عرف ان الظرف موصلش لمازن والا كان طربق الدنيا على دماغها لما شاف اللي فيه

و عشان هو حقير كان عامل من الصور كذا نسخه وكان حاطط واحد يراقب مازن كمان عشان يعرف كل تحركاته عشان يضرب ضربته في الوقت المناسب

وفعلا جاب ظرف تاني وخلي عيل صغير يدي الظرف لمازن وهو داخل الفيلا بقلب حزين ومكسور على اللي حصل لاخوه

وفعلا الولد اده الظرف لمازن اللي اخذ الظرف وهو مستغرب وافتكر الظرف والميمورى اللي كانوا في الظرف الاولاني ولسه كان هيشوفهم سابهم لما امه صرخت واخذ الظرف الثاني وطلع على اوضته

وبوسي وياسين الحزن كاسر قلبهم على ابنهم الكبير و سندهم في الدنيا خصوصا بعد ما راحوا له المستشفى و الدكاتره رفضوا يخلوهم يدخلوله لأنه دخل في غيبوبة و بين الحياه و الموت

و بوسي و ياسين حاسين انهم في كابوس ومش عارفين يفوقوا منه امته وازاي وابنهم هيرجعلهم تاني ولا دي خلاص نهايته

ومع ان ياسين عنف دي دي بس هو متاكد مليون في المئه من جواه انها بريئه وانها ما عملتش كده ابدا مع ان ابنهم مالك كان عايز يأذيها بشتى الطرق

وفاق من شروده على اغماء بوسي اللي صعب عليها انها سابت ابنها في المستشفى و مشيت من غير حتي ماتشوفه وتطمن عليه

وياسين شالها وطلعها اوضتهم بقلب حزين ومفطور وجابلها البرفان بتاعها وفوقها

و بوسي بدموع ووجع.... ابننا هيموت يا ياسين ابننا هيموت عمري كله راح وانا بربيه هو واخوه وفي الاخر يضيع في لحظه مننا ليه بيحصلنا كده ليه يا ياسين دا احنا عمرننا مااذينا حد ولا اتمنينا الشر لحد ليه يحصل لابننا كدا ليه ليه

ياسين بدموع ووجع وقهر....صحيح عمرنا ما أذينا حد بس اذينا ابننا بايدينا لما دلعناه و خلينا كل حاجه متاحه ليه وخصوصا الفلوس اللي كانت مرميه قدامه في اي وقت... وياريته جندها صح الا جندها لاذيه نفسه احنا اللي اذيناه بايدينا يا بوسي احنا اللي اذيناه مش حد تاني احنا المجرمين... احنا اللي عملنا فيه كدا لما شفناه بيبعد عن حدود الحلال وقولنا بكره يكبر بكره يتغير وللاسف معملناش حساب ليوم زي ده ابدا

بوسي رمت نفسها في حضنه و بدموع ووجع.... قلبي واجعني اوي اوي يا ياسين حاسه ان هو هيبطل يدق من كثر الوجع

ياسين شدد من ضمته ودموعه مازالت نازله لانه قلب مكسور وموجوع اكثر منها

👈👈ومازن دخل اوضته ومسك الظرف وحاسس بوغزه في قلبه ومش عارف سببها ايه غير لما فتح الظرف

والصدمه والدهشه والذهول اخذوه في دوامه او بمعنى اصح نوبه من الوجع والحزن والقهر😔

ودموعه نزلت بوجع واشمئزاز بعد ما شاف الصور والميموري وهو ما زال دموع نازله بسنت خرجت من الحمام لانها كانت بتاخد شاور... ولما لاقيته كده و منظر الظرف اللي كان في ايديه والصور اللي كانت فيه مرميه على الارض وكمان الفيديو اللي كان شغال على تليفونه فهمت ان صقر وصله واداله ظرف غير الاولاني

👈وقربت منه وبدموع ووجع وحزن وكسره و مازن بصلها بقهر ووجع وحزن وشال صوره من الصور وكمان رفع لها التليفون اللي مازال شغال على الفيديو قدام عينيها

👈وبجديه وهدوء عكس العاصفه المدمره اللي هتحرق الاخضر واليابس ورفعه قدام عينيها وبهدوء غاضب مميت..... ايه دول اكيد انتي عندك تفسير ليهم لانك الوحيده اللي تقدري تقوليلي ايه ده يا مراتي ولا اقولك يا صديقتي احسن زي ماانتي طلبتي مني نكون اصدقاء عشان تفضلي مخبيه عن البأف اللي انتي اتجوزتيه حقيقتك البشعه دي.

************************

👈عند فهد واللواء صبري👇👇

فهد باستغراب انت بتقول ايه ياجدي... انت عايز همس تساعدنا في القبض على اللي حاول يقتل مالك طب وهي علاقتها ايه و هتساعدنا ازاي

اللواء صبري بجديه... خلينا نروحلها الاول وبعدين هتعرف كل حاجه و بجديه اكتر... رن على مامتك شوفها اتاخرت كل ده ليه هي المفروض انها هتيجي ورانا على طول شوف سبب تاخيرها ايه

فهد من غير كلام رن علي رعد بس كان تليفونها مقفول ورن تاني وتالث بس برضه تليفونها مقفول

و بجديه وقلق عليها ... ماما تليفونها مقفول ولسه ماجاتش لحد دلوقتي ياترى ليه

اللواء صبري بقلق يداريه...زمانها جايه ان شاء الله... يلا بينا نروح لهمس في المستشفى اللي هي شغاله فيها الاول... عما تكون مامتك جأت

وبعد وقت ليس بكثير وصلوا المستشفى وطلبوا مقابلة همس اللي اول ما شفتهم اتصدمت وبصدمه وقلق... خير في ايه يا سياده الجنرال ماما رعد كويسه قصدي طنط رعد كويسه؟؟؟

اللواء صبري بجديه وهدوء...اه كويسه بس احنا كنا عايزينك في مهمه وانتي اللي تقدري تساعدينا فيها

همس بجديه وقلق... مهمه ايه

فهد بصلها بابتسامه حزينه لكلمتها ماما رعد وهمس اخذت بالها واتجاهلت نظراته لها

اللواء صبري بجديه وفهم نظراتهم....احنا مش في الالقاب دلوقتي لان اللي احنا عايزينه منك اهم ف اسمعيني

همس بجديه واستماع... انا معاك اتفضل قول اللي حضرتك عايزه

اللواء صبري...حكي لهمس على كل اللي حصل لدي دي

همس بجديه وحزن... ان شاء الله هتطلع منها على خير وسلام بس انا اقدر اساعد بايه

اللواء صبري بمكر وجديه... انا هاوصلك لباهر و عايزك بطريقه طعمه البنت المتخلفه المجنونه تاخدي منه اعتراف كامل ان هو اللي حاول يقتل مالك السيوفي مش دي دي هااا قولتي ايه

همس قبل ما ترد كان رد فهد بعنف وغضب... انت بتقول ايه يا جدي انت عايزني👈 اخلي مراتي تروح ل كلب وحيوان زي ده وهي حامل وتعرض حياتها وحياه ابننا للخطر ده على جثتي ان ده يحصل على جثتي.

*******************************

👈عند أسر و دي دي👇

أسر ساب كنزي و نزل راح عشان يطمن على دي دي و يعرف ايه اللي حصل

وراح القسم و سأل على دي دي و عرفهم بنفسه و طلب يدخلها

و الظباط بطاعه... تحت امرك يا فندم اتفضل ادخل لها

أسر خبط و دخل ل دي دي في المكتب اللي كانوا مقعدينها فيه

و دي دي اتفاجات من وجوده و بحزن... تعالا يا أسر

أسر قعد جنبها و حط ايده على كتفها و طبطب عليها بحنان... متخافيش يا دي دي انا واثق انك معملتيش كدا بس احكي لي ايه اللي حصل

دي دي حكت لأسر اللي حصل من وقت الفرح لغايه لما راحت لمالك شقته و حصل اللي حصل و حكيت له أن فهد جالها هو و اللواء صبري واعتماد و راحوا عشان يجيبوا باهر عشان يثبتوا برائتها

أسر كان بيسمعها و بعد ما خلصت كلامها اتكلم بهدوء وبجديه.... انتي اللي غلطانه يا دي دي انتي اللي مكنتيش شايفه حب آدم و عشقه ليكي اللي كلنا كنا شايفينه و كان واضح زي وضوح الشمس حبك لمالك عماكي عن أكبر حقيقه في حياتك هي حب آدم ليكي

آدم مش بس بيحبك من فتره قريبه ده بيحبك من و انتي طفله انتي ازاي مش فاكره حتى خوفه عليكي واحنا صغيرين و بنلعب مع بعض و مكنش بيخلي حتى حد يقرب منك لما كنتي بتقعي واحنا بنلعب و كان لازم هو اللي يقومك و ميخليش حد يلمسك غيره هو

و فضل يحكي لها عن مواقف آدم معاها من صغرها اللي كلها بتبين وبتثبت حب و عشق آدم ليها

و دي دي بتسمعه بحزن ووجع و بتفتكر كل موقف كان بيحصل بينها و بين آدم و هي كانت بتفسره انه بيعمل كدا من منطلق الصداقه اللي بينهم و هو للأسف كان بيحبها وبيعشقها

وكلام أسر وضح لدي دي الحقيقه اللي عقلها كان رافض حتى يفكر فيها لأن قلبها كان متحكم في عقلها و في كل تصرفاتها

وكلامه خلي قلب دي دي يدق بعنف تجاه آدم و بقا نفسها تشوفه و ترمي نفسها في حضنه و تعتذر له عن كل لحظه مكنتش حاسه فيها بحبه

و فاقت من سرحانها على صوت أسر و هو بيقولها... آدم مش بس بيحبك يا دي دي ده بيعشقك و مستحيل تلاقي حد في الدنيا دي كلها بيحبك اده

دي دي بندم و حزن و دموع.... للاسف يا أسر للأسف عرفت ده كله و حسيت بيه بس بعد فوات الأوان بعد ما هنته في رجولته و جرحته و ضيعته من ايده آدم طلقني يا أسر طلقني

وبدموع اكتر ووجع... يارب فهد يعرف يثبت برائتي عشان اروح لآدم و اطلب منه يسامحني لان انا ندمانه اوي على كل لحظه ضيعتها في حبي لمالك

أسر مسح دموعها و بحنان... متعيطيش يا دي دي آدم بيحبك و اللي بيحب بيسامح لازم هيسامحك بس انتي كمان لازم تعرفي تخليه يسامحك و ينسى جرحك و اهانتك ليه

دي دي بحزن... ياريت يا أسر ياريت فعلا يسامحني انا محستش انا غلطت في حقه اوي غير لما مالك اعترف ليه و هو بين الحياه و الموت انه عمره ماحبني ابدا و الانسان في الوقت ده بالذات مش بيكدب ابدا

ووقتها حسيت بالجرح اللي جرحته لاكتر انسان في الدنيا لانه كان دايما خايف عليا و حظرني من مالك كتير بس انا للاسف فعلا كنت عاميه و حبي لمالك كان عاميني عن حبه ليه... بس خلاص مالك وحبي ليه انتهوا من قلبي باللي هو عمله فيه و ندمت على كل لحظه فكرت فيه لما اعترفلي بنفسه انه مش بيحبني رغم حبي ده كله ليه انا نفسي آدم يسامحني يا أسر نفسي يسامحني عشان اعوضه عن كل جرح جرحتهوله... وكمان اعتذر لماما واطلب منها السماح لانها كان عندها حق هي كمان في كل اللي عملته وقالته

أسر بصلها بحنان... هيسامحك يا دي دي زي ما انا سامحت كنزي وان شاء الله اموركم كلها هتسير لاحسن

دي دي بسؤال... سامحتها على ايه يا أسر؟؟

أسر بجديه... سامحتها على سنين عذابي و حرماني منها سامحتها لأنها كانت عارفه الحقيقه و خبيتها عليها و رضيت بعذابي و عذابها طول السنين دي

دي دي بدهشه... ايه ده هي كنزي كانت عارفه انها مش خالتك و سابتك تتعذب كل السنين دي وانت ازاي عرفت تسامحها

أسر اتكلم بحب وعشق... لانها روحي و محدش بيقدر يقسى على روحه... سامحتها لاني مقدرش ابعد عنها ومصدقت أن الدنيا قربيتنا من بعض و كنت هبقي غبي لو ضيعت الفرصه دي من أيدي

عشان كدا بقولك آدم هيسامحك بس لما يحس انك ندمتي على كل اللي عملتيه فيه مش هيتحمل عذابك و ألمك ابدا حتى لو كنتي انتي كنتي دايما وابدا السبب في عذابه

دي دي بأمل... يارب يا أسر يارب فعلا يسامحني.. ويارب اخرج بس من محنتي دي و أن شاء الله اروحله و اخليه يسامحني تعرف آدم كان عندي من شويه بس انا بغبائي مشيته و قولت له ميجليش هنا تاني

أسر قام من جنبها و وطى على رأسها باسها و اتكلم بحنان... مش وقته ولا مكانه الكلام ده يا دي دي أن شاء الله تخرجي من هنا تروحيله و ان شاء الله يا حبيبتي هيسامحك و تعيشوا احلى سنين عمركوا مع بعض و سابها و خرج

ودي دي بحزن ودموع... يارب ساعدني يارب ساعدني اتخطى محنتي دي يارب

*****************************معركه عشق الحيتان ج٣ لعذاب رعد... بقلمي ملكه القلوب #دي_دي_فتحي

✍️✍️عند رعد و سبع الليل👇👇

رعد بصت حواليها لاقت سبع الليل نايم على الكنبه في الاوضه وشدت الكونالا من ايديها ونزلت بتعب من على سريرها و لسه هتروحله حست بدوخه ووقعت في الارض

و سبع الليل فاق على وقعتها وجري عليها وبجديه... ايه اللي نزلك يا واكله ناسك عااد

رعد بتعب... كنت نازله عشان اروحلك

سبع الليل بغيظ... عليا الطلاق انتي حرمه مجنونه رسمي وشالها ونيمها تاني على السرير... وبغيظ اكتر... الله يهديك يا واكله ناسك انتي الله يهديك و ما تنزليش تاني من على السرير عااد انتي لسه تعبانه

و لسه هيبعد رعد شدته من ياقة جلابيته وبحزن وبدموع ارجوك بلاش تبعد عني ارجوك خدني في حضنك و حسسني بالامان و عيوني تشوف النوم اللي ما مشفتهوش الكام يوم اللي فاتوا ارجوك

سبع الليل لسه هيتكلم رعد هيتكلم حطت ايديها على بقه وبحب وعشق ورجاء بتبص لعينيه وعيونها بتبلغوا انها في قمه احتياجها ليه وبدموع ورجاء ... ارجوك بلاش تتكلم وخدني في حضنك وبس واعتبرني زي ما تعتبرني بس ارجوك يا يامن ارجوك خدني في حضنك وبس ارجوك خذني في حضنك لان انا محتاجلك ومحتاجه لحضنك فوق ماتتخيل

ولسه هترمي نفسها في حضنه سبع الليل منعها ورجع لورا وبجديه وعنف وغضب... الراجل الصعيدي اللي بيخاف من ربنا ما يقبلش على نفسه أكديه ابدا حتى لو الحرمه اللي قدامه مقدماله نفسها على طبق من ذهب

رعد بدموع ووجع... ده كله عشان بقولك اني محتاجلك و محتاجه لحضنك اوي

سبع الليل بجديه...الحضن ده ما لكيش حق فيه عااد لانه لمراتي وام عيالي وطلع من جيبه فلوس وبجديه اكثر دي فلوس تجدري تسالي وترجعي بلدك تاني وانسي انك شوفتيني أو حتى جابلتينى فى يوم من الايام سمعاني ياحرمه ياقليله الحياء سمعاني

و سابها وخرج وراح للسرايا بتاعته اللي كانت قريبه من المستشفى

ورعد بعد خروجه قامت بتعب وحزن ودموع كسرت كل اللي في الاوضه و بصريخ وهستريا... لا مش هنسى يا يامن مش هنسى ولازم اعرف مراتك مين وانت بتتجاهلني ليه وعشان ايه بتعذبني وتجرحني بشكل ده عشان ايه عشان ايه

والدكتور ومساعديه دخلوا على صريخها وتكسيرها وقرب منها و بجديه... اهدى من فضلك و قوليلي سبب اللي انت بتعمليه ده ايه... رعد بصيت له بحزن وبتوهان ودموع

والدكتور قرب منها وبجديه... صدقيني ده غلط عشان صحتك وعشانك انتي لسه جسمك ضعيف ومحتاج راحه

رعد بجديه ودموع...لا انا مش ضعيفه ابدا غير معاه و لازم امحي الضعف ده اخدت الفلوس اللي سبع الليل حطها وخرجت من الاوضه رغم تعبها و خرجت من المستشفى كلها

و وقفت التاكسي و بجديه.... وديني اي محل بتاع ملابس في البلد

السواق راح فعلا برعد ووداها لمحل ملابس... ورعد نزلت واختارت طقم من هناك و حاولت على اد ما تقدر يكون على الموضه ويكون شيك ولبسته مع ان معظم اللبس اللي موجود بيميل للبس البلدي بس اختارت أحسنهم... و خرجت اخذت تاكسي تاني وقالتله انه يوديها لسرايا سبع الليل الدهشوري و لانه معروف طبعا في البلد صاحب التاكسي وداها

ورعد وصلت و نزلت وراحت السرايا والبواب مكنش راضي يدخلها الدوار الا لما يبلغ سبع الليل ولسه هيدخل يبلغه

رعد بجديه وثبات وهدوء... مفيش داعي انك تبلغه لان انا مراته واكيد مش هيمانع ان مراته تدخله ولا ايه

البواب بدهشه واستغرب... بس البيه مش متجوز غير الست نوسه انا ما شوفتكيش جبل اكديه عااد ولا انتي مراته الثانيه ولا ايه الحكايه دا باينه هيبقا مرار طافح يابووي

رعد بجديه و همس مميت... انا مراته وبس ومفيش لا قبلي ولا بعدي ودخلت وسابته و خبطت على باب السرايا والخدم سمحولها بالدخول

وخدامه من اللي بيشتغلوا في السرايا بجديه... انتي مين وعايزه ايه ياحليوه انتي

رعد بجديه وثبات... انا مين ف انا رعد مرات سيدك سبع الليل و عايزه ايه عايزه جوزي عندك مانع

الخدامه بدهشه... يا سنه سوخه يا ولاد هي القيامه هتقوم ولا ايه مراته!!! مراته!!! طب ازاي هو سيدي سبع الليل متجوز غير الست نوسه دي باين الدنيا هتولع النهارده

رعد بجديه وعنف... كفايه رغي بقى وقوليلي سيدك سبع الليل فين بدل ما اخلي الدنيا تولع بيكي انتي لوحدك

الخدامه بخوف وبتوجس و هي بتشاور على الاوضه.... هو قاعد مع كبارات البلد اهنييه لأنهم بيصالحوا عيلتين مع بعض هروح اشيعله عصران يخبره عشان الحريم ما ينفعش تدخل جوه

ولسه هتمشي رعد مسكتها من ايديها و بجديه... ما تناديش لحد لان انا اللي هاروحله وسابتها ومشت

و عطيات بدهشه و ذهول... تروحله ده باينله اخر يوم في عمرها النهارده لما اروح ابلغ ستي نوسه بالكلام اللي الحرمه دي قالته وطلعت تبلغ نوسه فعلا

ورعد من غير ما تخبط فتحت الباب ودخلت و لانها كانت لابسه لبس عالموضه مش لبس صعيدي وكانت حاطه ميك اب خفيف في محل الملابس لانها طلبته من البنت اللي كانت شغاله هناك مقابل فلوس اديتهالها

ورعد كانت في قمه جمالها وانوثتها وشياكتها والكل اول ما شافها اتصطدم من المنظر اللي دعد داخله عليهم بيه والكل قام و وقف

و راحت على اللي عليه القصد والنيه وقربت من سبع الليل اللي كان لسه هيقوم

و رعد بجراءه قعدت على رجليه والكل زاد دهشته وصدمته من اللي لابسه على الافرنجه دي و قعدت على رجل كبيرهم بقله حياء منها

و بمكر وخبث ودلع... وحشتيني يا حبيبي اتاخرت عليا فاجيتلك انا ايه رايك في المفاجاه الحلوه دي

وبمكر وخبث اكتر... وبعدين حد يسيب مراته الحامل في شهورها الاولى ويسافر ويسيبها لوحدها كده واخذت ايد سبع الليل وحطتها على بطنها وهي مازالت قاعده على رجليه

وبمكر وخبث هينط من عيون رعد... على فكره ابنك زعلان منك اوي ياحبيبي عشان سيبته لوحده هااا مش هتقولي بقا هنسميه ايه قولي يلا يا سبعي قولي يلا هنسميه ايه

وده كله ورعد قاعده على رجل سبع الليل وعقله مش مستوعب اللي رعد بتقوله واللي هي عملاه وقعدتها علي رجله... قدام اعيان البلد اللي مصدومين ومذهولين اكثر منه

سبع الليل بعنف جارف وغضب اعمى...انتي بتجولي ايه يا واكله ناسك انتي ده انتي اخر يوم في عمرك النهارده والله

رعد لفت ايديها حولين رقبته و بحب وعشق ...بقولك وحشتني اوي اوي وباسته من خده

وبحركه رعد دي الكل اذبهل اكثر و سبع الليل اتصدم اكتر واكتر ولسه هيرد علي اللي عملته وتعمله رعد

قاطعه دخول الاعصار المدمر👈 نوسه مراته اللي اتكلمت بعنف و بغضب... ما ترد يا جوزي ما ترد يا ابو عيالي ما ترد يا عشره عمري ماترد ساكت ليه.