رواية عذاب رعد (3) معركة عشق الحيتان الفصل الثالث والعشرون بقلم ديدي فتحي
👈 وفهد مسك تليفونه ك امل اخير ليه ورن علي همس وقال لنفسه يمكن ترد عليه حتى في التليفون وتقوله انها بتحبه ومتقدرش تستغني عنه وانها مسمحاه ومستعده تديله فرصه اخيره ويرجعوا لبعض تاني... وطبعا تليفون همس كان اتكسر في الحادثه... ولما فهد رن عليه مره واتنين وتلاته اداه مقفول... وهو لنفسه وبحزن ووجع... ياااااه للدرجدي ياهمس للدرجدي حتى قافله تليفونك عشان معرفش اوصلك
👈وبحزن ووجع وهدوء عكس اللي جواه... يلا يا شيخنا اكتب كتابي علي مروه يلا اكتب لان اللي انا كنت مستنيها خلاص معدتش امل انها هتيجى
👈 ولنفسه بحزن ووجع اكتر... لانها باعتني وباعت حبي وعشقي لها ولازم انا كمان ابيعها زي ماهي باعتني
👈👈وبصوت عالي... يلا ياشيخنا يلا مستني ايه.
✍️✍️وبعد وقت ليس بكثير👈 المأذون كتب كتاب فهد على مروه اللي كانت في قمه سعادتها انه و اخيرا دعوتها استجابت وفهد اللي كتير اتمنت نظره منه اخيرا بقا بتاعها وملكها
وبعد حوالي ساعه من الفرح اللي هو مش فرح اصلا لان لا رعد ولا يامن حضره ولا حتى فهد عزم حد من قرايبه عشان يتلاشى اي سؤال من حد فيهم و اخد ميرو وراح علي الفيلا
ولسه هيدخل رعد قابلته وبجديه وحزن.... انا قبل كده طردتك ورجعتك تاني بس دلوقتي هطردك و اتاكد اني عمري ما هرجعك تاني ابدا مهما حصل
فهد بعنف وحزن بيداريه.... وانا عمري ما هرجعلك تاني يا سياده اللواء رعد احمد الوديدي وسبها ومشي واخد ميرو وراح على فندق
ورعد قعدت على الارض وعيطت بدموع ووجع ويامن قرب منها وبحزن لحزنها...ليه عملتي فيه كده كنتي خليه يدخل بيها وخلاص حتي نكسبه في صفنا ويبقا معانا وتحت عنينا
رعد بدموع ووجع وحزن.... انا هدعي لكل ام في كل عصر وفي كل زمان انها متخلفش ولاد صبيان ابدا لانهم طلعوا قاسين اوي وبرعشه في صوتها وجسمها يامن خدني و طلعني اوضتي عايزه انام خدني بسرعه
يامن بحزن ووجع شالها وطلعها اوضتها ونيمها علي السرير و لسه هيمشي رعد شدته من ايده وبحزن ... متسبنيش خليك جانبي و خدني في حضنك... و يامن قرب منها ونام جنبها و شدها في حضنه وضمها اوي اوي ليه ونفسه يخبيها اكتر واكتر في حضنه عشان يبعد عنها أي حزن او اي عذاب
وضمها بحب وحزن لحزنها وفضل يلمس على شعرها لحد ما رعد نامت وهي ماسكه في هدومه جامد
وهو قاعد يفكر بينه وبين نفسه ليه الدنيا كل شويه تعذب في حبيبته كده ليه دايما الدنيا واجعه قلبها وواجعه قلبه هو كمان عليها وليه ولاده ما طلعوش زي رعد ما كانت بتتمنى والدنيا هتفضل تعذبها لغايه امتى هو خلاص معدتش قادر يستحمل وجعها وعذابها اكثر من كده خلاص ما عدتش قادر على احساس العجز اللي هو حاسه ده... ودموعه نزلت ولام نفسه بدل المره مليون مره ان هو كان السبب في وجعها لما قالها ان هو عايز ولاد و دموعه دي نزلت وغرقت وش رعد
اللي قامت بخوف وخضه وفزع ومسكت وشه.... مالك يا حبيبي مالك ايه اللي حصل مضايقك كده
يامن بدموع وحزن.... والله يا رعد لو اعرف ان الاولاد في حياتنا هيكونوا سبب في عذابك و دموعك دي عمري ما كنت قولتلك ابدا بس والله انا كان نفسي يبقى ليه اولاد من الانسانه اللي انا بحبها وبعشقها والله ده كان كل هدفي يا حبيبتي ارجوكي سامحيني و اسف يا حبيبتي ان كل ده حصلك بسببي اسف يا رعد قلبي اسف وحقك علي قلبي
رعد شدته لحضنها وبحب وحزن .... انا اللي اسفه يا عمري انا اللي اسفه اني وصلتك الاحساس ده وان شاء الله كل حاجه هتبقى تمام ده اختبار من ربنا في ولادنا ولازم نرضى بيه مهما كانت الظروف اللي هنمر بيها حقك عليه انا يا عمري حقك عليه
يامن لسه هيقوم من حضن رعد عشان ياخذها هو في حضنه... رعد شددت علي ضمته ليه وبحب وعشق نام يا حبيبي و حضن رعد قلبك دايما هيفضل مفتوح لمينو حبيبها نام يا عمري نام
و لحظات ويامن فعلا نام في حضن رعد اللي لامت نفسها انها بينت حزنها ووجعها من اولادها وبالذات فهد... قدام يامن اللي حاسس دائما أن هو المذنب في اللي رعد فيه وقررت تبعد يامن شويه عن الضغوطات دي وفضلت صاحيه
لحد لما يامن فتح عيونه وبحب وقلق.... صاحيه ليه يا حبيبتي لغايه دلوقتي
رعد بحب... لاني لسه ما نمتش ومينو حبيبي نام وسابني
يامن قام من حضنها وبحب وعشق انا عمري ما اسيبك يا حب عمري بس اول ما ضمتيني لحضنك اوي كده ماحستش بنفسي غير دلوقتي وبحب وعشق... يلا يا عمري نامي و انا هخدك في حضني انا يلا
رعد بحب ومشاكسه.... لا مش عايزه انام في حضنك هنا
يامن باستغراب.... اومال عايزه تنامي فين يا حبيبتي
رعد قربت من ودانه اوي وبهمس يخطف القلوب وبانين عاشقه دايبه في معشوقها... فاضل حوالي خمس ساعات على ميعاد العمليه عايزه اعيشهم مع مينو حبيبي في مكانا اللي على الجزيره هاااا ايه رايك موافق ولالا
يامن بدهشه.... رعد انتي بتتكلمي بجد ولا بتهزري
رعد بحب وعشق... اه بتكلم بجد والجد الجد كمان هاااا هتيجي نروح ولا ايه...
يامن بمقاطعه وجنون.... ما فيهاش ولا ده انا مشتاق لاي وقت اكون معاكي فيه يا قلب مينو يلا بينا
رعد بضحك وحب... ثواني بس اغير هدومي
يامن شالها و بجنون العشاق...هو احنا لسه هنضيع ثواني بتغيير هدومك لا احنا هنلحق كل ثانيه وكل دقيقه وشالها ونزل بيها
ورعد بحب.... يامجنون طب هنروح ازاي بهدومنا دي
يامن بحب وعشق وهو خارج بيها وركبها العربيه ده على اساس ان حد هيشوفنا احنا لسه بالليل ياحبيبتي حتى لو احنا بالنهار مش هتفرق معايا يلا بينا
رعد بضحك وجنون.... والله انت مجنون وفعلا مينو المجنون العاشق اخد رعد قلبه وراح لمكانهم الخاص بيهم هما وبس في الجزيره
****************************
✍️✍️عند أسر وكنزي👇👇
كنزي صحيت من النوم لقيت نفسها في حضن أسر... و أسر ضاممها ليه بتملك وعشق و فضلت تتأمل ملامحه بحب وعشق واشتياق و تفتكر كل لحظه كان نفسها تفضل بصاله كدا و مكنش من حقها انها تعمل ده
وفاقت من سرحانها على صوت أسر و هو مازال مغمض عيونه و بمكر وخبث... بتبصلي كدا ليه معجبه؟؟
كنزي اتخضت منه وبخضه وجديه... حرام عليك يا أسر خضتني ايه يا ابني هو انت بتشوف وانت نايم ولا ايه و بعدين اه معجبه عندك مانع؟؟
أسر فتح عينه ببط و بصلها بحب و عشق وشدها عليه وقربها منه اوي واتكلم وهو بيلمس شفايفها بشفايفه اللي سحرته من اول مالمسها وبهمس يخطف القلوبِ ... لا طبعا معنديش اي مانع غير انك تدفعي تمن اعجابك ده
كنزي بمشاكسه ومراوغه وبهمس... ادفع ايه انت فاكر نفسك نجم سينمائي و هدفع فلوس عشان اتفرج عليك ولا ايه
أسر بمكر وخبث.... لا مش هتدفعي فلوس هتدفعي حاجه حلوه زي اللي دفعتيها امبارح كدا فاكره ولا افكرك تاني وتالت وعاشر
كنزي بتحاول تخرج من حضنه و بحرج... لا مش فاكره و اوعي خليني اقوم انت قابض عليا ولا ايه
أسر بحب و عشق... طبعا يا حبيبتي انا قابض عليكي و مش هتخرجي من حضني الا بأذني عشان حضني ده هو زنزانتك اللي هتعيشي فيها طول العمر
كنزي بضحك.... زنزانتي ايه يامجنون انت وبعدين ايه الرومانسيه دي يا حبيبي انت شغلك إثر عليك ولا ايه فيه حد يقول لمراته حبيبته في صبحيتها كدا برضه
أسر بمكر وخبث اكتر وبهمس وبيلمس انفها بانفه... امال يقولها ايه ياكنز عمري انتي؟؟؟
كنزي بهروب وكسوف... ميقولش حاجه و يسيبها تقوم عشان تاخد شاور وبس
أسر بحب و عشق ومكر... لالا ياحبيبتي مش هتهوني عليه تمشي علي الأرض و انا بنفسي هشيلك وادخلك تاخدي الشاور بتاعك ياعمري
كنزي بكسوف ظاهر... والله انت قليل الأدب يااسر و سبني بقا عشان اقوم احضرلك الفطار
أسر قام قعد و هو مازال حاضن كنزي و قام من على السرير و هي برضه في حضنه و شالها و طلع بيها سلم موجود في اوضه النوم وسط استغراب و انداهش كنزي من اللي أسر بيعمله و اتكلمت بضحك... انت وأخدني فين يا مجنون انا بقولك عايزه اخد شاور موديني انت فين بقا
أسر بغمزه و مكر... متقلقيش هناخدها سوا دلوقتي ياحبيبتي اصبري انتي بس على رزقك
كنزي سكتت لغايه لما تشوف جنان أسر آخره ايه و لقيت السلم بيطلع على سطح اليخت و آخر السلم زحليقه
كنزي بدهشه و استغراب... ايه ده يا مجنون انت هتعمل ايه
أسر بضحك... هتشوفي دلوقتي
و في لحظه كان واخد كنزي و نازل بيها على الزحليقه و كنزي لقيت نفسها في وسط البحر و بغيظ لأسر... ايه اللي انت عملته ده يا مجنون اقولك عايزه اخد شاور تقوم ترميني في البحر كدا في حد عاقل يعمل اللي انت بتعمله ده الا اذا كان مجنون
أسر بضحك... شفتي بقا انا محدش يتوقعني 🤣🤣
كنزي فضلت تضرب أسر و هما في المايه و أسر شدها عليه و ضمها لحضنه بحب و عشق و خطف شفايفها بين شفايفه في بوسه كلها جنون و فرحه بحلم حياته اللي بقا بين ايديه... و كنزي بادلته بوسته بحب و عشق و جنون
و بعد وقت كبير و هما مع بعض في البحر
أسر شال كنزي و طلع بيها اليخت و كنزي دخلت عشان تاخد شاور
و هو فتح تليفونه و اتصل على دينا عشان يطمنها عليه هو وكنزي و يطمن عليهم
ودينا ردت عليه بحب و عشق... صباح الخير يا احلى عريس في الدنيا
أسر بحب... صباح الفل يا حبيبتي وحشتيني عامله ايه ياحبيبتي و بابا عامل ايه
دينا بحب... الحمد لله يا حبيبي احنا كويسين... و بجديه ... كان نفسي تكمل معانا الفرح ياحبيبي و افرح بيك انت و كنزي بس الحمد لله انكوا مشيتوا على طول
أسر بستغراب و سؤال... ليه يا ماما بتقولي كدا
دينا بهروب عشان متبوظ فرحه أسر بكنزي... لا يا حبيبي مفيش حاجه انا قصدي يعني كويس انك مشيت عشان تكمل فرحتك انت و عروستك لوحدكوا
و بهرب اكتر... طمني ياحبيبي كنزي عامله ايه و هي فين؟
أسر بجديه... كنزي بتاخد شاور يا ماما و لما تخلص هخليها تكلمك ان شاء الله
و بسؤال وجديه... ماما انتي متأكده انك مش مخبيه عليا حاجه صح
دينا بهروب ... لا لا ابدا يا حبيبي مفيش حاجه وبعدين هخبي عليك ايه بس
أسر بعدم اقتناع... ماشي يا ماما ابقى سلميلي على بابا و انا هبقا اتصل بيكوا تاني
دينا بحب... ماشي يا حبيبي متتاخرش عليا في السؤال عشان انت بتوحشني اوي
أسر بحب... حاضر يا ماما مع السلامه
و قفل مع دينا و قلبه حاسس انها مخبيه عنه حاجه و هو على تفكيره فاق على صوت كنزي اللي اخدت شاور و حضرت الفطار و طلعت بيه لأسر
وكنزي بمراوغه و عشق... سرحان في مين غيري؟؟
أسر فاق من سرحانه على صوت كنزي و قام اخد منها الصينيه و حطها على الترابيزه و قعد ساكت
وكنزي بستغراب من هدوئه... مالك يا أسر ايه اللي حصل؟
أسر بجديه... حكي لها على المكالمه اللي حصلت بينه و بين دينا و كنزي بتحاول تطمنه بس هي كمان مش مطمنه لكلام دينا
و اتكلمت بهدوء عشان تطمن اسر وبحب وعشق... متقلقش يا حبيبي ان شاء الله خير اكيد لو في حاجه كانت ماما دينا قالتلك وان شاء الله هيكون خير
أسر بجديه وحب... ان شاء الله يا حبيبتي ان شاء الله يلا بينا نفطر ياعمري.
****************************
👈👈عند همس👇👇
وهي مازالت مرميه على الارض وغرقانه في دمها و لان الوقت كان متاخر وما حدش حس بالحادثه والراجل اللي في العربيه الثانيه اللي مع همس كان خلاص قابل وجه كريم... وهمس كمان غمضت عيونها ولا حول لها ولا قوه
وجت عربيه ولسه هتدوس على همس لانها كانت في مكان ضلمه و مش باينه اوي وهي مازالت على الارض
اللي راكب العربيه اخد باله منها وفي اخر لحظه اخد فرامل و نزل بسرعه واتفزع من منظر البنت اللي مرميه على الارض وبالنظر للمكان اللي حواليه فهم انها حادثه وشالها وركبها عربيته ووداها المستشفى
ودخلوها اوضه العمليات على طول وهمس كانت نزفت كثير وعلقولها اكياس دم وهي في العمليه وخيطولها الجروح اللي كانت في دماغها
وبعد وقت ليس بقليل خرجوا همس وحطوها في اوضه الرعايه
👈وبعد حوالي ساعتين همس فاقت وبتوهان وتعب والم... فهد فهد اوعي تتجوز غيري يا فهد اوعى تلمس واحده غير همستك اوعي
و غابت عن الوعي تاني والشخص اللي جابها استغرب مين فهد اللي هي بتقول اسمه ده وهو ليه مش معاها وهي مين وحكايتها ايه
وبعد وقت ليس بقليل همس فاقت تاني وبتوهان... انا فين انا عايزه بابا انا عايزه ماما انا عايزه فهد انا عايزه فهد
الشاب قرب منها و بجديه و حنان...ممكن تقوليلي بابا وماما مين و فهد مين وانا اوصلهم واجيبهوملك
همس انتبهت لوضعها وبتعب وبتحاول تقوم اتالمت
والشاب قرب منها و بجديه و خوف عليها... قوليلي بس عايزه ايه وانا اعملهولك وخليكي مرتاحه
همس بدموع وجديه... انا لازم اروحله لازم اوقف الجوازه دي واقوله اني بحبه و انه مستحيل يكون لغيري
الشاب بهدوء... طب ممكن تتصلي بيه يجيلك لانك مش هتقدري تروحيله وانتي تعبانه كده
همس بحزن... طب ممكن تديني تليفونك ارنله لاني مش عارفه تليفوني فين
الشاب وهو مازال على هدوءه... بس كده انت تؤمري يا ست البنات و ادايلها التليفون بتاعه ترن منه
وهمس اتصلت على فهد وضربات قلبها سريعه جدا وخايفه يكون شكها صح وفهد ما بقاش فهدها و بقا فهد لغيرها
ورنت مره واثنين لغايه لما فهد اللي حزين على اللي هو عمله وتسرعه في خطوه جوازه من واحده غير همسته ومن موقف امه وابوه بس الحزن ده اتلاشى لما سمع صوت همس الضعيف اللي اتكلمت وبضعف وحب... الحمد لله انك رديت يا فهدي الحمد لله
فهد بقسوه وعنف... دلوقتي بقيت فهدك
همس بتعب... انت طول عمرك وما زلت فهدي انا وحبيبي انا وجوزي انا
فهد بعنف وغضب... للاسف كلامك ده جه متاخر اوي يا ست طعمه هانم لان انا استنيتك كتير عشان تيجي الفرح وتثبتيلي اني فارق معاكي بس انتي كملتي على عنادك
همس بدموع وتعب... انا كنت جايه بس حص... ولسه ما كملتش😔
فهد رد بعنف وغضب ومقاطعه... وانا ما يهمنيش حصلك ايه حتى لو حصلتلك حادثه لانك خلاص مبقاش ليكي مكان في حياتي و واحده تانيه اخدت مكانك في حياتي وفي قلبي و هي الوحيده اللي تستاهل انها تشيل اسمي
همس بتعب و بدموع اكتر... انت بتقول ايه انت ما تعرفش ايه اللي حصلي وبعد كل ده الاقيك اتجوزت طب ليه ليه
فهد بعنف وقسوه... عشان اثبتلك قولا وفعلا انك ما لكيش مكان في حياتي يا همس ابراهيم عزالدين
همس بدموع ووجع... برافو عليك انت فعلا اثبتلي ان انا ولا حاجه بالنسبالك وانك هتفضل زي ماانت قاسي ومتكبر ومغرور وبدوس علي اي حد حتي لو الحد ده كان بيحبك وبيعشقك وقفلت الخط بوجع وتعب... ورنت على ابراهيم اللي كان هيتجنن على غياب همس
وبسرعه وخوف واول ما سمع صوت همس
همس انتي فين انا كنت رايحلك انا ومامتك عند فهد قوليلي عمل فيكي ايه قوليلي انتي فين دلوقتي
همس بدموع وتعب... فهد اتجوز يا بابا فهد اتجوز وسابني واغمى عليها تاني😔
والتليفون كان لسه هيقع منها الشاب مسكه وسمع ابراهيم وهو بيصرخ على همس... انتي فين يا همس انت فين قوليلي بسرعه
الشاب رد عليه وقال انها في مستشفى؟
وابراهيم مردش وخرج يجري هو وحنين على المستشفى اللي الشاب قاله عنوانها
والشاب خرج بسرعه جاب الدكتور اللي كشف على همس ولقى ضغطها عالي اوي وركب لها محاليل تظبط ضغطها
وبعد وقت ليس بكثير ابراهيم وحنين وصلوا المستشفى وقربوا من همس وبدموع وصريخ عمل فيكي ايه يا حبيبتي عمل فيكي ايه و ايه اللي وداكي ليه ايه اللي وداكي
همس فاقت على صريخهم
وعلى صوت الشاب اللي جايبها اللي اتكلم وبجديه... ما تقلقش يا عمي هي كويسه بس ضغطها عالي شويه
ابراهيم انت مين و بنتي هنا ليه وايه اللي حصلها
الشاب بجديه....انا لاقيتها عامله حادثه على الطريق وجبتها المستشفى هنا
همس سمعت كلمه حادثه و اتجننت وبفزع وتعب... حادثه حادثه انا عملت حادثه وافتكرت لما العربيه التانيه دخلت فيها وبدموع وخوف حطت ايدها على بطنها... ابني حصله حاجه هو كويس مش كدا حد فيكم يطمني انا عايزه الدكتور اللي كشف عليه لا لا انا اللي هاروحله
و لسه هتنزل هما منعوها والدكتور دخل و بجديه... حمدلله على سلامتك
همس بجديه وخوف وحطت ايديها علي بطنها وبتبص عليها وهي ما زالت حاطه ايديها ....ابني كويس يا دكتور مش كده ارجوك طمني عليه ارجوك
الدكتور بجديه وحزن... للاسف الجنين عشان كان لسه في الشهور الاولى نزل من الحادثه اللي انت اتعرضتلها
همس تعب و بدهشه وصدمه وزهول... ايه ايه ابني انا مات وبتبص لبطنها يعني انا مش في بطني جنين يعني ابني انا وفهد مااات وبهيستريا... لاااااا لااااا ابني لسه عايش ابني لسه عايش حد يقولي انه لسه عايش
وبتبص لابراهيم اللي دموعه نزله بوجع بقهر هو وحنين على دموع بنته المدلله و حياتها اللي اتحولت لجحيم بعد ما قابلت فهد
و بدموع وحزن... ليه يا همس تخليه يقرب منك ليه يا همس تسلمي قلبك و نفسك للي ما يستاهلومش ليه تعملي في نفسك و فينا كده ليه ليه
همس بصريخ وبجنون.... ارجوك يا بابا خليهم يرجعولي ابني ارجوك انا هموت من غيره هموت وبدموع وتعب وهيستيريا... يعني اخسر حبيبي وابني في يوم واحد يعني اخسر حبيبي وابني في يوم واحد لاااااا لااااا واغمى عليها
وحنين قلبها اتنزع من مكانه بسبب اللي فيه بنتها وبصت لابراهيم وبدموع واتهام... انت السبب انت السبب انت اللي خليتها تمشي في طريق الانتقام ودي كانت النتيجه اهو اللي انتقم منها
الشاب اللي معاهم خرج ونده للدكتور تاني و شاف حالتها اللي سائت عن الاول وقالهم ان عندها انهيار عصبي حاد وانهم يدعولها تخرج منه على خير
ابراهيم وحنين وقعوا على الكرسي وابراهيم حس ان هو مجرم لما وافق بنته ورعد على فكره الانتقام من فهد اللي داس على بنته وقلبها بمشاعر بارده
****************************معركه عشق الحيتان ج٣ لعذاب رعد... بقلمي دي دي فتحي... صفحتي الشخصية باسم... اللهم أسألك الفردوس لوالدى
👈 عند فهد 👇👇
رما التليفون بعد ما خلص مكالمته مع همس وحاسس بخنقه هتموته ومش عارف سببها ايه و لنفسه... هي ممكن تكون فيها حاجه او ممكن تكون تعبانه طب اتصل عليها انا اطمن عليها وبسرعه لنفسه... لا لا وانا اهمها في ايه يعني لو كنت اهمها كان جت الفرح ومنعتني وقالتلي انت حبيبي و انت كل حياتي ومستحيل هخليك تكون لغيري ولا تلمس واحده تانيه غيري
و لنفسه... طب ليه انا قلبي مقبوض كده ليه حاسس انها محتاجاني وانها في ازمه ليه حاسس ان قلبي وعقلي هيتجننوا عليها و عايز اطمن عليها
👈👈 وقرر ان هو يرن عليها ولسه هيشيل تليفونه و يرن عليها قاطعه دخول ميرو اللي غيرت فستانها و استنت فهد كتير عشان يروحلها ولما اتاخر راحتله هي
وهو واقف في البلكونه و هيتجنن من الاحساس اللي هو حسه وميرو قربت منه وبحب وعشق... وهي لابسه قميص نوم مغري بيظهر جمالها وانوثتها وبحب... في عريس يسيب عروسته كده ليله فرحهم
مش كفايه كنت قاعد طول الفرح مكشر
فهد بهدوء عكس العاصفه اللي جواه... ممكن تسيبيني براحتي وتدخلي تنامي انتي
ميرو بدهشه...ايه ادخل انام ده اللي هو ازاي يعني
فهد بتحذير وهدوء... لو عارضتي كلامي تاني انت الجانيه على نفسك فاهمه وما تلوميش غير نفسك في اللي هعمله فيكي و دلوقتي يلا غوري من وشي الساعه دي
ميرو بخوف وحزن... حاضر هاغور من وشك وسابته و دخلت جوه وهي حزينه
فهد بزهق و لنفسه... طب دي ذنبها ايه انت اللي جنيت عليها وعلى نفسك واللي انت عامل في نفسك كده عشانها هي ولا على بالها ولنفسه انا لازم احاول اتخطاها بأي شكل لازم
ودخل جوه لقى ميرو بتعيط وشهقاتها عاليه قرب منها وبجديه وهدوء... ممكن اعرف انت بتعيطي ليه دلوقتي وانا قولت ايه للمناحه اللي انتي عملاها دي
ميرو بحزن ودموع....ولا مناحه ولا حاجه انا بس مضايقه شويه وحاسه نفسي اني تقيله عليك
فهد بهدوء ....و لازمته ايه الكلام ده دلوقتي انا فيا اللي مكفيني ومش ناقص جنان على اخر الليل اهدي كده وقولي هديت عشان ما تلاقيش قدامك فهد عمرك ما شوفتيه وتخافي حتى تبصي ناحيته فاهمه وان كان على ليله الفرح والكلام اللي مالوش لازمه ده فالايام جايه كثير والليالي جايه اكثر للكلام اللي في دماغك ده
ميرو قامت و بتمسح دموعها بايديها وبحب وشهقات... طب ممكن تاخدني في حضنك يا فهدي ممكن
فهد مسكها من شعرها وبعنف وغضب... اياكي تقولي فهدي دي تاني اياكي اسمعك بتقولي الكلمه دي تاني لاني بكره الكلمه دي بكرها فاهمه فاهمه
ميرو بدموع... فاهمه بس سيب شعري هيتخلع في ايدك
فهد بغضب.... كويس انك بتفهمي بسرعه عشان ما تاذيش نفسك و سابها وراح نام على السرير التاني بهدومه وبعد تفكير كبير مع قلبه وعقله اللي ما بينهم حرب ونفسه يكلم همسته تاني ويطمن عليها عقله لاسف انتصر علي قلبه و نام
و ميرو كمان نامت وهي حزينه ودموعها مغرقه وشها و مستغربه ليه فهد بيعمل معاها كده طالما هو اللي جه وطلبها للجواز فيبقا ليه يحرمها من أبسط حقوقها في ليله فرحها وميثبتلهاش قولا وفعلا انها مراته وشريكه عمره.
******************************
👈عند يامن ورعد👇👇
اللي راحوا الجزيره وعاشوا اجمل وامتع لحظاتو أثبتوا قولا وفعلا انهم كانوا وما زالوا اجمل عاشقين
وبعد وقت كبير من اتحاد روحين في روح واحده ومن اتحاد جسدين في جسد واحد
رعد نامت في حضن يامن ومسكه فيه جامد وبخوف وقلق....مش عارفه ليه يا حبيبي قلبي مقبوض من العمليه اللي احنا هنطلعها النهارده دي حاسه بنغزه في قلبي هتموتني
يامن بحب وعشق... بعد الشر عليكي يا حبيبتي انشاء الله انا بدالك ياعمري وانتي لا
رعد بعشق... بعد الشر عليك يا حبيبي انا ما اتخيلش حياتي ولا حتى لحظه واحده من غيرك يا عمري بس قلبي واجعني اوي واول مره اخاف من عمليه بالشكل ده
يامن بحب واطمئنان....ما تقلقيش يا حبيبتي انا هكون جنبك طول الوقت
رعد بخوف بس انا خايفه عليك اوي ياحبيبي وعلى فهد من اي حاجه تحصلكم في العمليه دي انا خايفه ومتشائمه منها اوي
يامن بجديه وعشق ...صدقيني يا حبيبتي كل شئ هيعدي زي ما انتي عايزه زي كل عمليه بنطلعها وكلنا هنكون كويسين دي مش اول عمليه احنا طلعنا عمليات كتيره اوي مع بعض قبل كدا
و بجديه وصدق.... تعالى بقا لما اقولك اخر كلمتين اودعك بيهم
رعد برعشه في صوتها وقلبها وجسمها.... ايه اخر كلمتين دي وتودعني ايه... ايه اللي انت بتقوله ده يا مجنون انت
وفتحت في العياط بهستيريا وبدموع وبتضرب يامن على صدره بغضب وعنف وبصريخ انا مش هسمحلك يا يامن مش هسمحلك انك تبعد عني طول ما انا عايشه لانك لو بعدت عني انا هموت وراك فاهم وطول ما قلب واحد فينا بيدق لازم التاني قلبه يدق هو كمان فاهم فاهم
يامن بيحاول يشدها لحضنه بس مش قادر على هيستريا رعد وخوفها وقلقها وخصوصا بعد ما يامن قال كدا
👈👈 ومالقاش قدامه غير ان هو يقربها ليه ويمسكها من شعرها وياخد شفايفها بين شفايفه لغايه لما تهدي من حاله الهستيريا اللي هي فيها دي👈 ورعد كل ما تحاول تبعده عنه يامن يشدها ليه اكتر واكتر👈 لغايه لما رعد بادلته بوسته بحب وعشق وعقاب علي كلامه اللي هو قالهولها
وبعد وقت كبير اوي من وضعهم ده سابوا بعض عشان يتنفسوا... ويامن سند جبينه على جبينها وبعشق وجنون... ممكن رعد قلبي تهدي بقا لاني كنت بهزر معاها ومقصدش ابدا حاجه من كلامي ده
رعد بعدت جبينها عن جبينه وبدموع ووجع.... ليه توجع قلبي اكتر ما هو موجوع ليه توجعوا بكلامك ده ليه
يامن بعشق واسف... انا اسف يا حبيبتي انا اسف وحقك عليه... يلا نستعد عشان العمليه اللي احنا هنقوم بيها يا يدوب نلحق نوصل و نجهز
رعد بدموع... طب بلاش انت تطلع معانا بلاش انت ارجوك ياحبيبي انا اتحمل خساره الدنيا كلها الا خسارتك انت ف ارجوك بلاش تطلع معانا
يامن بحب وعشق... وأسيب رعد قلبي لوحدها في عمليه زي دي و انا عمري ما سبتها في حاجه... وبطمئنان كادب... ما تخافيش ياحبيبتي وان شاء الله خير
رعد بدموع... انا خايفه عليك اوي يا حبيبي ومش عارفه من ايه ولا ليه الاحساس ده مالي قلبي وعقلي بالشكل ده
يامن بمشاكسه... الله الله ده كله حب وخوف عليه دانا بقا مالك زماني على كده والله
رعد ضربته على صدره وبغيظ... والله انت غتت و زعلانه منك
يامن بحب... ده انا اموت لو رعد قلبي زعلت مني وفضلوا يشاكسوا في بعض لحد لما روحوا و وجهزوا للعمليه
وباقي الفريق كمان جهزوا وراحوا مكان العمليه و اتفاجئت بفهد وقربت منه وبتريقه هو انت مش كان فرحك امبارح ولا ايه يعني النهارده يوم صباحيتك معقول جاي يوم صباحيتك
فهد بجديه... واجبي تجاه بلدي اهم من الدنيا كلها مش بس صباحيتي
رعد بتريقه... اتمنى ده يا سياده المقدم فهد... وبعد وقت قليل... كل واحد اخد مكانه لتنفيذ العمليه والهجوم في الوقت المناسب... ورعد خلت يامن في المكان اللي على يمينها وفهد في المكان اللي على شمالها عشان تحميهم من اي خطر يتعرضوا له في اي وقت
*****************************
👈في مكان ما 👇👇
نجده يقف على عكازه بين رجالته اللي عاملين زي الثيران و بعنف وغضب ليهم ... انا هرميلهم طعم يشد انتباههم وكمان هبعت شويه من رجالتي مع الطعم ده ويقصد بالطعم ده شاحنات بضاعه ومخدرات عشان ينفذ هدفه الاساسي
وكمل بغضب وحقد وغل... لان انا عندي استعداد اخسر البضاعه واخسركم انتم كمان واخسر الدنيا كلها بس معنديش استعداد ولا حتى واحد في المئه اني اخسر المهمه التانيه اللي هي اساس المهمه اللي انا جاي وجبتكم عشانها وهي ان #احرق_قلب_الوحش_المقنع على حبيب قلبها وعشره عمرها #جوزها_المصون_يامن_العمري فاهمين فاهمين
وانا ما يهمنيش اي حاجه غير تنفيذ الخطه الثانيه وهي موت يامن جوزها يعني تشغلوهم من ناحيه ومن الناحيه تانيه خمسه منكم وحدد الخمسه بالاسم
وكمل لهم وانتم خدوا يامن بعيد عنهم وارموه من على الوادي اللي هناك فاهمين انا عايز يكون اخر لحظات ليه في الدنيا دلوقتي فاهمين؟؟؟
الكل بقوه وشراسه وعنف.... فاهمين يا باشا وامرهم انهم يروحوا لمكان تنفيذ العمليه
وبغضب وانتقام أعمى... مبقاش رفعت المنشاوي ان ما حرقت قلبك ياسياده اللواء عواصف انتي
علي جوزك و حبيبك و معشوقك يامن العمري وادفعك تمن كل اللي انتي عملتيه فيه غالي اوي لان بسببك بقيت عاجز ولابد وبسببك انتي وبس خسرت كتير اوي اوي فانا لازم اخسرك اكتر من اللي انا خسرته بكتير وهو اني احرق قلبك على حبيبك وجوزك المصون يامن العمري
👈ورجاله المنشاوي مشوا و وصلوا للمكان المطلوب بعد ما طرف خاين في الجهاز بلغهم بمعلومات من العمليه اللي هيقوموا بيها
👈 وبدأت الاشتباكات بوحشيه وشراسه ولانها كانت خطه مدروسه ومحكومه والهدف الاساسي منها كان موت يامن قدروا يخدوه برغم مقاومته لهم وعلى الرغم ان عيون رعد ما نزلتش ابدا من على يامن وفهد
ولحظات عما رعد ضربت اللي كان بيشتبكوا معاها 👈كانوا رجاله المنشاوي اخذوا يامن
👈وهي بتبص و بتدور على يامن بهستريا لقيت يامن اختفي من قدامها و دورت عليه بجنون ورعب 👈وهي بتدور عليه وفي آخر لحظه👈 لمحت خمسه من رجاله المنشاوي واخدين يامن وماشيين بيه اتجاه الوادي وهي جرت وراهم باقصى سرعتها
👈👈 و للاسف ما لحقتش يامن لانهم كانوا زقوه من على الوادي
