رواية قلب فى قبضة العدو الفصل الرابع بقلم سوارا
قلب في قبضة العدو
#البارت_الرابع
البنت يتمسك حجر صغير على الارض وبتبدا ترسم بيه حاجه على الحيط وسط استغراب وذهول رامز
رامز بذهول وصدمه وهو بيبص على الرسمه : دي مدخنه
البنت بتومئ له بمعنى ايوه : انا بنضف مداخن في البلد بتاعتنا من وقت ما كنت صغيره بس اللي حصل ليلتها...
غزل بتعب : انا خلصت تنضيف المدخنة... اقدر اروح دلوقتي
الست ناديه : لا دي منضفتش احسن حاجه !! .. معلش هعذبك معايا تنضفيها تاني !!
غزل بدهشه : ازاي ده ؟؟! .. وربنا نضفتها احسن حاجه !!
الست ناديه : معلش يا بنتي نضفيها عشان انا عايزاها انضف حاجه.. عشان ده البيت اللي هيتجوز فيه ابني !!
ما انكرش ساعتها اني اتضايقت بس محبتش اجادلها كتير لأن عندها السكري وليها افضال كتير علينا بعد موت اهلي
.... حطيت السلم وركبت وبدأت انضف من تاني بس المفأجاة اني لقيت شباك المدخنه من فوق اتقفل !!
: ايه ده؟؟!... مين قفل الشباك !! ... مكنتش عارفه اتنفس كويس لأن ريحة الكلو*ر اللي بنضف بيه كانت ضار*بة !!
: طنط نادية.. طنط نادية.. مكنش في رد !! .. ايه ده ؟! .. هي مش بترد ليه ؟؟؟ .. معقول مشيت وسابتني؟!! .. قررت انزل لاني بدأت اخاف !! .. نزلت درجه من السلم.. لقيت حد شغل المدخنه !!
.. النا*ر بدأت تشتعل من تحتي و بدأت تمسك في السلم صرخت بأعلى صوتي لما النار مسكت في هدومي بعدها فتحت عيني لقيتني هنا !!
رامز بصلها بشفقه وفهم الحرق اللي في جسمها ده جاي من ايه
غزل بانهيار ودموع : ا.ا.ا انا مش فارق لي اللي هيعملوا فيا ايه !! .. حتى لو مو*توني !! .. بس اختي هتضيع من بعدي هي ملهاش غيري !! .. هي مريضه قلب وصغيره ولازم تعمل عمليه والا... ومقدرتش تكمل كلامها وانهارت في العياط
البنات بيتجمعوا حواليها وهما بيواسوها وبيحضنوها
رامز بابتسامه بيداري بيها حزنه عشان يغير مودها
: انا دايما كنت باخد معايا مناديل فاين .. بس الوله يزيد قالي انها مقاطعه حقك عليا !!
غزل بتبص له بدهشه من كلامه بعدها بتنفجر في الضحك وهو ابتسم بسعاده لما بيلاقيها ضحكت وبيفرح انه قدر يخرجها من حزنها
بيلاقي طفل بيجره من بنطلونه : عمو انا ممكن اقولك حاجه؟
رامز بيبصله باستغراب من تواجده هنا بس بينزل لمستواه بابتسامه : اكيد طبعاً
هاني بابتسامه : لما أكبر عايز ابقى بطل زيك كده !! ... عمو انت بطل زي سوبر مان واحسن منه كمان !! .. لأنك عرفت تفك نفسك ولأنك وحش الداخليات مش داخليه بس .. خد دي لعبتي دي ليك لأنك بطلي !!
رامز بيبتسم له وهو بيبص على اللعبه وبتيجي على باله ذكرى
رامز بنفاذ صبر : يا ابني ابوس ايدك عشان خاطري وخاطر امك وخاطر صاحي المحل اللي عايز يقفل وخاطر مراته وعياله اللي مستنيينه اخلصصص عايز اييييييه؟؟؟
يوسف بضيق : يا بابا سيبني شويه افكر انت بتشوشني كده !!
رامز بصدمه : بشوشك كده !! .. لا مليش حق الصراحه !!
يوسف بتفكير وحيره : محتار اخد لعبه السوبر مان ولا العروسه باربي لفروحة
رامز : تشتري السوبر مان ليك انت طبعا
يوسف ببراءه : بس ماما قالتلي لما كنت بتخانق مع فرح حب لأخيك ما تحبه لنفسك فعشان كده لازم اشتري لها اللعبه
رامز بهدوء : يا ابني فرح خدت اللعبه اللي عايزاها لو كانت عايزة العروسه دي كانت خدتها هي مش عايزا**
فرح بمقاطعة : عايزاها
رامز بغيظ : خلاص هاتهم الاتنين
يوسف ببراءة مصطنعه : بس كده فرح هيبقى معاها لعبتين وانا واحده بس .. ده مش عدل !!
فرح بابتسامه وسعاده : يبقى انا برضو اللي هختارلك.. وبتشاور على عروسه.. العروسه دي !! .. وبتاخدها تحطها في السله
يوسف بزعل وعصبيه : بس انا مش عايز عروسه دي بتاعت البنات !! .. انتي عايزاها عشان تلعبي بيها مش عشاني !! .. وبياخدها عشان يرجعها مكانها بس فرح بتمسك بيه وهي بتشدها منه وهو بيبعدها
فرح ببكاء : لا لا لا انا اختارتها ليك .. هاتها !! .. بابااااا!!
بتنزل منه دمعه بيمسحها بسرعه قبل ما حد يلاحظها الا هي كانت لاحظتها بس سكتت
آخر الليل
رامز بهدوء : انا هنام في البلكونه خدوا راحتكم !!
غزل بتعجب : بس الجو ساقعه اوي هتعرف؟!!
رامز بغرور : هعتبر نفسي مسمعتكيش.. وبيمشي البلكونه وبينام على الارض
رامز وهو بيبص للنجوم بسعاده :
اول مره احس نفسي مش عارف انا عايز ايه !! .. المهم اني مبسوط وحاسس بشعور حلو اوي.. وبيغمض عيونه
.. بعد مسافه بيتفتح باب البلكونه وحد بيحط المخده على وشه وهو بيخنقه بيها وو..
شكرا لزيارتكم عالم روايات سكيرهوم
