 |
رواية حدث في ليلة ما الفصل السابع بقلم مرفت السيد
{ماقبل المواجهة}
عاصم جري بسرعة رغم كبر سنه وزوجته وراه على شقة فارس الي كان بابها مفتوح وصوت زعيق فارس عالي جدا واخوه فخر الي كان لسة راجع من شغله اتخض من صوت فارس وجري على شقة اخوه
فارس كان بيزعق لمراته الي كانت بتعيط وبتقول:محصلش
وامنية واقفة بتأيد كلامها وبتقول:ايوة احنا مجبناش سيرتها
مسك فارس بفازة ورماها ع الحيطة وقال بغضب:اسمعوا انتو الاتنين انا مش هاكدب وداني مهما قلتو
فخر :اهدا يافارس وفهمنا في إيه
فارس:مراتك ومراتي قاعدين بيضحكوا ويخوضوا في سمعة تالين وبيشمتو في الي حصلها انا وهي سمعناهم
فخر بص لمراته وهو مصدوم وهي بكل بجاحة بتقول:كداب
بقلم_مرفت_السيد إنت بتعمل فيلم عشان تداري على فضيحة بن...
قاطعها صفعة من فخر من قوتها سالت الدماء من اسنانها وجذبها من شعرها الى الخارج وقال:بتغلطي في اخويا وبتكرري غلطك في بنت عمي بكل بجاحة حسابنا في شقتنا اطلعي
قالت امه وهي تحاول منعه: يابني استهدا بالله انت وهو
عاصم :ام فارس اطلعي قدامي على شقتناوسيبي كل واحد يتعامل مع مراته ونظر الى اميرة وقال: شكرا يابنت الاصول ونظر الى أمنية وقال: شكرا يامحترمة
صعد عاصم وزوجته الى شقتهما وكذلك فخر وزوجته وفارس اغلق باب شقته وجلس امام اميرة قائلا :
دلوقتي بقينا لوحدنا عارفة انا فاهم غيرتك من تالين من زمان ومش بس تالين حتى بنات خالاتي بنات جيراننا غيرتك مش طبيعية كنت باقول بتحبني ومعذورة ومع الوقت توقعت ثقتك فيا وفي نفسك تزيد وتبطلي غيرة بس للأسف حقدك كمان زاد كل مابنت من الي حوالينا يحصلها مشكلة تيجي تحكيلي وانتي شمتانة بس لحد انك تفرحي بمصيبة لبنت عمي الي اتظلمت وعاملة حفلة لأ وحتى لو واحدة غريبة خافي ياشيخة لتخلفي بنت ويقعدلها الحمد لله اني مجبتش منك ولاد
ثم نهض وقال بهدوء :متعودتش امد ايديا على واحدة لاني اتربيت بس انتي متلزمنيش خلاص
صاحت اميرة:يعني إيه
*تلمي هدومك وارجع مالاقيش ليكي أثر هنا وانا كلامي مع رجالتك
ارتمت اميرةتقبل قدمه وتبكي :لا ابوس رجلك كله إلا ابويا واخواتي انا باحبك ماتسبنيش
ابتسم بسخرية: بتخبيني ولا خايفة منهم عشان عارفة انهم كارهينك من افعالك مع مرات كل واحد فيهم انا كلامي معاكي خلص
