 |
رواية حدث في ليلة ما الفصل الاول بقلم مرفت السيد
:الحقيني ياتالين في واحد بيتهجم عليا
انتفضت تالين من مكانهاوقالت بفزع في التليفون : دوللي انتي فين
*في الشاليه بتاعنا الحقيني انا حابسة نفسي بالحمام بس مش عارفة اقاوم اوعي تقولي لماما
ولاباباكي ااااااه......
صوت خبط قوي وصرخة دوللي كان اخر حاجة تسمعها قبل مايقطع الخط
تالين وهي بتعيط : الو الو
حاولت تتصل كذا مرة ولكن التليفون غير متاح وهي بطريقها لبرة بتجري عشان تلحق بنت مرات ابوها فغصب عنها خبطت عزة مرات ابوها الي قالتلها بعصبية:مش تفتحي ياعامية مستعجلة على إيه
لم ترد عليها تالين بل لم تسمعها من الاساس ابتسمت مرات ابوها بخبث وهي تنظر من الشرفة على تالين وهي تهرول
وبلمح البصر كانت راكبة عربيتها وهي بتترعش بطريقها للشاليه وطول الطريق بتحاول تتصل بدوللي والفون اتقفل وبسرعة اتصلت على رقم فارس ابن عمها ورد بسرعة كعادته : تالي القمر وح...
قاطعته ببكاء وفزع *الحقني يافارس بسرعة مفيش وقت
ارتعب فارس من صوتها وكلامها :خضتيني مالك في ايه انطقي بتعيطي ليه حصل ايه؟
*دوللي بالشاليه بتاعنا وكلمتني وهي بتستنجد وفي حد بيتهجم عليها انا قربت اوصلها حصلني يافارس ومتقولش لبابا
فارس بغضب:تالين انا جايلك اوعي تدخلي لوحدك سمعاني ياتالين انا جاي و.....
انقطع الخط وبسرعة البرق خطف فارس سلاحه الميري وانطلق يجري من مكتبه قابله علاء صديقه وطلع يجري وراه يسأله :مالك يافارس
*تعالى معايا بسرعة وهات سلاحك وهحكيلك بالطريق
:سلاحي معايا
*كويس اركب بسرعة
وصلت تالين وبسرعة البرق وبدون تفكير فتحت الشاليه ودخلت وهي بتنده وبتفتش كل الغرف بالدور الارضي:دوللي دوللي
وهي على السلم الي بيؤدي للدور التاني سمعت صوت باحدى الغرف فاتجهت اليها وفتحت الباب و....
