 |
اسكريبت يابويا كنت منعتني بقلم الست نور
- يابويا كنت منعتني
- ليه كده يا بني مش دي اللي حاربتنا علشان تاخدها؟
- كنت مضروب على دماغي.
- مش دي اللي مسكت أيديها وقولت تعاهدنا على السير سويًا؟
- كانت تنقطع أيدي يا بابا.
- مش دي اللي غنيتلها في الفرح نفسي أجيب منك دستة عيال؟
- دول عيالها هي يبابا مش عيالي دول عاملين عليا رباطية لو زعلت أمهم يمين تلاتة ما يخلوني أبات في البيت.
- بس أنت زغرطت لما كتبت الكتاب يبني ونزلت على الفيس الغرفة لا تتسع أجنحتي وعملت فيها عمرو دياب.
- كنت قصلي جناحاتي يبابا، غرفة أي بس وبعدين أنا زغرطت لأني كنت مضروب على دماغي مانا قولتلك.
- يلا يبني محدش بياخد أكتر من نصيبه وكل واحد بياخد واحدة خلاص جبرت على كده.
- يعني أنا خلاص اتدبست؟
- غيرك اتدبس قبلك كتير يحبيبي.
- حتى أنت يا بابا؟
- بتقول حاجة يا حاج؟
- هاا لا يا نور عيني ده أنتِ الحلو كله بتاع حياتي.
- أممم أحسب.
- مسيطر أنت يا بابا.
- خدت بالك؟ اتعلموا بقى شوية.
ضحكت:
- روح يا بابا اتكل على الله لأحسن ماما شكلها عايزة تنام وعمالة تزغرلك.
- مش تنبهني يا حيوان! يا سواد السواد يبو رشدي.
- يلا يبابا محدش بياخد أكتر من نصيبه وكل واحد بياخد واحدة خلاص جبرت على كده.
- بتردهالي؟ أما إنك ولد عاق بصحيح.
- لأ العفو يا بابا بس بقولك يعني ياريتك كنت منعتني.
- أحمااااا
- يا عيون أحمد
- بتقول حاجة يا نور عيني؟
- لأ يا حتة عيني ده أنا بشكر فيكِ لبابا.
- أهاا حيث كده خدوا راحتكم، منورنا يا بابا والله يا حتة سكرة.
- حبيبتي يا بنتي ده أنتِ بنتي مش مرات ابني.
- طيب أي مش هتدوق عمايل بنتك ولا أي؟
- عمايل! قصدك أي؟
بلع ريقه بتوتر وابنه همسله:
- هتوريك من العمايل اللي بتعملها فيا يا بابا.
- نهار أبوك منيل وأنت بتعزمني ليه؟ أنا ناقص؟ كفاية عليا أمك.
- اشرب يا حاج.
- جاية علينا جاية علينا
- كبسوااا
- يلا نهررررب.
- بابا!
- يا عيون بابا.
بصتله بابتسامة وناولته طبق الحلويات:
- عمايل أيدي.
- من يد ما نعدمها يا حبيبتي.
- تسلملي يحبيبي، أحمااا عايزاك.
- لأ أنا مرتاح هنا جنب بابا.
- مهو بابا منورنا مش هيروح بعيد، هقولك حاجة بس.
- لأ مش عايز.
- أحمد!
- جاي أنا أصلًا قومت.
دخلت المطبخ ودخلت وراها لقيتها مسكت السكينة وحذرتني عالحيطة وهمستلي:
- يابويا كنت منعتني ها؟
- كان منعني أسيبك كل ده في بيت أهلك ده لو أطول كنت اتجوزتك على طول.
- أمممم طب وندمان يا أحمد؟
- ندمان على عمري اللي ضيعته وأنتِ مش معايا فيه.
- مش كان نفسك تجيب مني دستة عيال؟
- علشان يطلعوا شبهك وأحبك بدل المرة كذا مرة.
- سمعني كده.
- بحبك يا أم العيال.
- روحقلب أم العيال.
#الست_نور
لمتابعه روايات سكيرهوم زورو موقعنا علي التلجرام من هنا
