 |
اسكريبت جلسة تعارف كامل بقلم وفاء عاطف
سكربيت
: احممم
هو: نعم في اي
هي: هتفضل ساكت كده كتير
هو: المفروض أعمل اي يعني
هي: بقالنا عشر دقايق قاعدين ودي يعني المفروض جلسه تعارف
هو ببلاهه : اه صح انتي العروسه
هي: وانت عريس الغفلة ولا اي
هو: اه انا المفروض نتعرف دلوقتي
هي: ده المفروض
هو: بصي اول حاجه أنا واحد معقد جدا جدا من موضوع الستات
هي: ليه
هو: انا تغدرت كتير اوي اوي
هي:شكلك مريت بعلاقات كتير
هو: كلهم ضحكوا عليا
أنا كل ست عدت في حياتي علمت عليا حتي خالتي
هي وبتتنطط من الفرحة: استني استني بلا عليك انا عرفت اسمك
عرفتو
هو: انتي مكنتيش عارفه ولا اي؟
هي: منا خلاص عرفت ولاقيت زوجي المستقبلي وفتي أحلامي
اسمك ادم صح
هو: لا
هي: ادهم
هو: لا
هي: مراد
هو: لا غلطي برضو
هي: اوس
هو بيهز راسو بلأ
هي: عرفت عرفت ازاي نسيت حاجه مهمه كده أسد صح
هو: لا
هي: فهد؟
هو: انت هتسمي جنينه الحيوانات مين دول
هي بصدمه: ازاي معرفش أسدالجارحي ومراد الالفي وادم الدسوقي و
ولم تكمل بسبب مقاطعته لها
هو: مين دول انا خالد اسمي خالد والله خالد
حتي بصي خاااا للل دد
كده
هي: اومال بتكره الستات ليه لدرجه انك بتكره خالتك
خالد: ليه دول كلهم بيكرهو الستات؟!
هي: اه وفي الاخر يقعو في حب البطلة ذات رائحه الفرواله
خالد: لا أنا بس مش بحب خالتي عشان هي وبنتها هاجر الزفت ضحكوا عليا
هي بإنتباة: ازاي
خالد: انا كنت بحب هاجر جدا ولسه بحبها
هي بصدمه: يابجاحتك أنت وبتتكلم
خالد: بس أسكتي خالص سيبني أكمل
هاجر قالت ليا نومني في حضنك
هي: حضنك؟!
هو: اه مالك يابنتي شايفني بتكلم الماني حضني اه
فانا قولت ليها عادي ياهجورتي وانا ليا الشرف بكده
هي: هجورتك
هو: اه هجورتي المهم جه الليل وخدتها في حضني ونمنا
اصحي من النوم الاقيها نايمه في حضن اخويا
هي: يالهوي وانت عملت اي
خالد: اعمل اي صحيتها بغضب وقالت ليا إني خالتي هي لنومتها جنب اخويا
هي: وانت صدقتها؟
خالد: اه طبعا صدقتها وخالتي قالت انها هي الي نومتها عند اخويا
هي بتريقه: قالو الحب ليه علامات بجد
مجتش ليه هجوره معاك
خالد: قعدت تزن عشان تيجي والله بس لو جات هتلزق فيا ومش هترضي تسيبني فخالتي مرضيتش
هي: لا ذوق خالص خالتك والله
خالد: تسلميلي يارب بس صح متعرفيش اتليه يبيع فساتين عشان اجيب فستان لهجورتي
تحضر فرحنا
هي: فرحنا بعد ده كلوا
خالد: بس صح متعرفيش عشان خالتي موصياني
هي: اه اعرف
خالد: يلبس سن كام
هي: هجورتك كام سنه في 20و 22واعمار كتير
خالد: 3
هي23؟
خالد: لا تلاته بس
هي: دي طفله
خالد: فكرتيها اي اومال؟
هي: لا ولا حاجه
خالد: انتي لابسه لي حرف m
فجأه قام بصدمه
انتي اسمك اولوmمتهزريش ابوس ايدك
هي: لا بس انت متعرفش اسمي
خالد: سألت واخويا قلي إنو أول حرف مش M
هي: لا أنا حبيبه ودي بتاعت أختي ميسه بس
خالد: طب الحمدلله
حبيبه: ليه مش بتحب M
خالد بنبرة حزن شديده: زمان وانا في ابتدائي كنت بحب وحده اسمها ملك كنت بحبها اوي وهي كمان كانت بتحبني كتبت ليها جاوب وانا صغير اني بحبها اوي وبكره الإجازة عشان مش هشوفها
اي ده مالك انت بتعبطي
حبيبه بدموع: حب الطفوله ده صعب اوي علي طفل والله
خالد: معاكي حق بجد
المهم راحت حضنتني وباستني في خدي وقالت انا بحبك اوي ياخلوده
حبيبه: يارتني كنت جريئه زيها اها في الاخر طفله
خالد: بتقول حاجه
حبيبه: لا لا كمل الي خلاك تكره M
خالد: في يوم بقا هي اختارت زميلي حسن ومخترتنيش اقف غلي فصل روحت عيطت جامد ومرحتش المدرسه اسبوع ودي اول قصه حب فاشلة لحد مارنت علي ماما علي الغياب
حبيبه:استني رنت ازاي وهي ملها
خالد: مهي المس بتاعت العربي
حبيبه بصدمه: نعم؟!
خالد: شوفي بقا حقي ولا محقيش اكره M
حبيبه: لا حقك صراحه
خالد: لا وفي كمان وحده تاني من بعدها حرمت
ميرنا كنت في تانيه اعدادي لما اعترفت ليها بحبي
حبيبه: وهي قالت اي
خالد: قالت انها بتحب كرولس
حبيبه: هي مسيحيه؟
خالد: اه وانا اكتشفت ده بعدين لما خدنا حصه الدين
حبيبه: لا بجد حياتك مأساويه
خالد: شوفتي
حبيبه: متخرج من كليه اي ياخالد
خالد: معاكي حضرة السرنجه
حبيبه: انت ممرض
خالد: اه
حبيبه: وفرحان بسرنجه متقول نيرس اشيك
خالد: اه وبحضر الماجستر وحوار طويل عشان ابقي دكتور في الجامعه
حبيبه: ده انت انسان طموح اوي ياسرنجه
خالد بحب: انت مش عارفه انا بحب اسم سرنجه ده قد اي
حبيبه: من قد اي
خالد: من اول ماخلصت تالته اعدادي ودخلت تمريض
حبيبه: وكملت
خالد: الي عندو هدف وطموع عمرو مايفشل ابدا
خالد: ها
حبيبه: ها اي
خالد بيأس: فين الاختبار
حبيبه: اي اختبار
خالد: سمعت من أخت صاحبه بنت خالت جيران صاحبه بنت عمك الي بتبقي اختها بالرضاعه
حبيبه: سمعت من مين؟؟
خالد: من أخت صاحبه بنت خالت جيران صاحبه بنت عمك الي بتبقي أختها بالرضاعه
حبيبه: خلاص خلاص سمعت من الي سمعتو سمعت اي
خالد: اني فس اختبار بتعمليه للعريس بناء علي كده بتوافقي ورفضتي شخصيات كويسه
حبيبه بإبتسامه: منتا نجحت
خالد: ازاي
حبيبه: لما ادناكم معاد اول مابابا كلمك انت اخرتو شويه وقولت لي بابا اني المعاد ده معاد صلاة المغرب ومش هتلحق وده دليل انك حافظ معاد الاذان
خالد: يعني موافقه
حبيبه: الرأي كلوا لي بابا خلاص انا كده معنديش مانع
خالد بفرح: يعني خلاص اخيرا هحكي لكيان عن اخر ست ضحكت عليا
حبيبه: كيان مين؟
خالد: بنتنا
حبيبه: اه اذا كان كده ماشي
بس
لحظه
قصدت اي بأخر ست ضحكت عليك
تمت
لمتابعه اسكريبتات سكيرهوم زورو موقعنا علي التلجرام من هنا
