رواية اغتصاب شرعى الجزء الثاني الفصل الاول
بثينه امام مازن وكيل النيابة ومواجهة ساخنه مع ممتاز ونور شقيقته
بثينه منهاره بشدة .. يا باشا انا مش بكدب صدقني .. والنعمه الشريفة هو دا اللي حصل
ممتاز غاضب بشدة .. وكمان بتحلفي يا بنت الكلب يا سافلة ؟!
مازن .. ممتاز باشا .. اهدي من فضلك !!
ممتاز .. يا فندم دي بتحلف اني انا عملت كدا وانا اصلا لا شفتها قبل كدا ولا اعرفها !! دي اكيد متسلطة عليا يا فندم !!
مازن .. قولي بصراحة يا بثينه .. هو في حد قالك تيجي تقولي الكلمتين دول هنا ؟!
بثينه منهاره..لا وحيات المصحف يا باشا .. انا محدش قالي اجي اقول حاجة .. انا جيت من نفسي وقلت الحقيقة .. قلت كل اللي حصل بما يرضي الله .. لا زودت كلمه ولا نقصت كلمه .. انا عايزة حقي منه بالقانون يا باشا .. انتوا ميزان العدل في الارض يا باشا .. وانا واحدة غلبانه وابن خالتي اتقتل غدر وسعته عشان باشا كبير وواصل عايز يطلع اللي قتلته من السجن ويدخلني انا مكانها اكمني غلبانه ومليش سند في الدنيا بعد ربنا .. هو انا عشان غلبانه اتهان واتبهدل بالشكل دا وما الاقيش اللي يقف في صفي ويجيبلي حقي ؟!
مازن .. لا يا بثينه .. انا هنا عشان اجيب حق كل واحد صاحب حق واقتص له من اللي اعتدي علي حقه كمان مهما كان .. دي شغلتي اللي هتحاسب عليها قدام ربنا !!
بثينه .. ربنا يجعلك نصير المظلومين يا باشا
ممتاز .. يا فندم البنت دي كدابه في كل كلمه قالتها !! وانا متأكد ان وراها حد وقايلها تقول الكلام دا .. الحقيقة هي اللي انا قلتها لسعتك .. ما تتكلمي يا نور انتي ساكته ليه ؟! مش انتي كلمتيني وقلتيلي انهم خطفوكي وقلتيلي ع العنوان اللي هما محتجزينك فيه في التليفون ؟!
نور .. ايوة يا فندم .. انا فعلا كنت خارجة اليوم دا من المستشفي بالليل كانت تقريبا الساعة اتنين بعد نص الليل رحت ناحية العربية بتاعتي عشان اركبها اتفاجأت بأن الاربع فرادي بتوع العربية نايمين .. طبعا انا اندهشت وقلت ازاي الاربعة يناموا فجأة كدا وفي وقت واحد .. وطبعا شكيت بدرجة كبيرة ان دا بفعل فاعل .. بس قلت لنفسي ممكن تكون غلاسة من واحد متغاظ مني مثلا .. او واحد غاوي اذي هو اللي عمل كدا .. لكن مخطرش في بالي ان دا كان متخططله عشان يعمله في ممتاز كدا ؟!! .. والاغرب ان مفيش ثانيتين ولقيت تاكسي ظهر قدامي فجأة مع ان الشارع كان فاضي تماما .. المهم ركبت التاكسي وبعدها بمسافة كام متر التاكسي وقف في نص الطريق وركب اتنين ملثمين جمبي من الناحيتين وخدروني وبعد كدا ودوني للشقة اللي لقيتوا فيها ممتاز .. انا توقعت بصراحة انهم عايزين يعملوا فيا حاجة وحشة .. لكن اتفاجأت لما لقيتهم رموني في اوضة من غير حتي ما يربطوني او ياخدوا مني المحمول بتاعي !! وسابوا باب الاوضة مفتوح وواحد منهم اتكلم مع حد في التليفون وسمعته وهو بيقول عنوان الشقة .. فرحت اتصلت ب ممتاز علطول عشان يلحقني .. بعد ما قفلت مع ممتاز مباشرةً لقيتهم دخلوا عليا الاوضة واخدوا مني التليفون المحمول ومفيش ساعة وقالولي روحي امشي .. بصراحة اول ما قالوا كدا اخدت بعضي وجريت ومكنتش مصدقة انهم سابوني من غير ما يعملوا فيا حاجة ؟!
ممتاز .. عشان كنتي مجرد طعم!! عشان انا اروح الشقة وبمجرد ما ادخل يضربوني علي دماغي واقع من طولي وفي الاخر اصحي الاقي الحدوتة دي !!
مازن .. ايه رأيك يا بثينه في الكلام دا ؟!
بثينه .. كدابين يا باشا متصدقهمش
ممتاز .. احنا بردوا اللي كدابين يا سافله يا حقيرة ؟! قولي يا بت مين اللي مسلطك تتبلي عليا بالكلام دا ؟! قولي لأحسن وديني هاضربك بالنار وزي ما يحصل يحصل !!
مازن .. وبعدين يا سيادة الرائد ؟!
ممتاز يتنهد تنهيدة عميقة .. انا اسف يا فندم .. خرجت عن شعوري معلش !!
مازن .. طب من فضلك متتكلمش الا لما اوجهلك سؤال
ممتاز يهز رأسه بالموافقة
بثينه .. عندك اقوال تانية يا بثينه عايزة تضيفيها ؟
بثينه .. انا عايزة حقي وبس يا باشا .. انا اتبهدلت اخر بهدلة وسمعتي بقت في الطين سعتك وعايزة كمان اتعرض ع الطب الشرعي من فضلك عشان يثبت كل اللي حصلي
بثينه .. طيب وقعي هنا وروَّحي انتي خلاص وبكره الصبح هاعرضك ع الطب الشرعي
بثينه .. حاضر يا باشا
وبعد ان تنصرف بثينه .. ممتاز غاضب بشدة
ممتاز .. انت سيبتها تروَّح ؟!
مازن .. اومال كنتي عاوزني احبسها ولا ايه ؟!
ممتاز .. طبعا لازم تحبسها بتهمة البلاغ الكاذب !!
مازن .. ومين قال ان هو بلاغ كاذب ؟!
ممتاز .. يعني صدقت كلامها اللي قالته دا ؟!
مازن .. لا طبعا !
ممتاز .. انا مش فاهم بصراحة ؟! فهمني ارجوك
مازن .. يا سيادة الرائد .. دي مواطنه وجاية تقدم بلاغ للنيابة .. يبقي المفروض النيابة تحقق في البلاغ دا وتتأكد من صحته .. يعني انا لازم احقق في البلاغ دا واتأكد هل صحيح ام لا
ممتاز .. بس انت عارف انا لا يمكن اعمل حاجة زي دي ابدا ؟!
مازن .. عارف طبعا
ممتاز .. انت هاتجنني علي فكرة ؟! طب اذا كان لا طبعا وانت عارف ومتأكد اني انا لا يمكن اعمل كدا يبقي بالتالي عارف ومتأكد ان البنت دي كدابه وجايه هنا عشان تتبلي عليا !! طب سيبتها تمشي ليه ؟!
مازن .. سيادة الرائد عايزك تهدي لو سمحت .. اولا انا معاك في كلمه انت قلتها .. ومتأكد من صحتها تماما .. بس في الاخر انا راجل قانون ويلزمني الدليل علي صحة انكارك لأدعاء الشاكي .. ومتنساش ان بواب العمارة شاهد اني انت اجرت من الشقة المفروشة دي منه لمدة اسبوعين!
ممتاز ..كداب والتاني مزقوق عليا .. دي اكيد شريكها
مازن .. طيب وايه اللي يثبت ان الدكتورة نور فعلا حصل معاها الموقف اللي هي حكتهولي دا ؟! وخصوصا ان موبيلاتكم انتم الاتنين مش موجودة معاكم ؟!
ممتاز .. يافندم ابعت لشركة المحمول وهتلاقي المكالمة بالوقت والتاريخ
مازن .. هاعمل كدا فعلا .. ومعلش هاعمل حاجة كمان ..
ممتاز .. ايه هي ؟!
مازن .. مضطر اعرضك ع الطب الشرعي .. عايز اتأكد ان دمك مفهوش كحول .. وكمان الخدوش والجروح والكدمات اللي علي جسم البنت دي مش انت السبب فيها وكمان الافرازات اللي لقيناها علي السرير والهدوم المحرزة مش بتاعتك ..
ممتاز .. ايه ؟! بس انت عارف اني انا لا يمكن اشرب خمور ابدا !! وان الافرازات اللي بتقول عليها متخصنيش.. دا حاجات هما اكيد عاملينها عشان يحبكوا القصة مش اكتر !!
مازن .. عارف .. بس انا قدامي شكوي ولازم احقق فيها .. اعذرني يا ممتاز انا راجل قانون وبعدين كل دا لصالحك انت .. علي الاقل نبطل كل ادعاءات البنت دي وساعتها بقي هاعرف احاسبها كويس !!
ونذهب الي سيد حيث ذهب الي شقة بثينه وتفتح بثينه الباب لتفاجأ به امامها
بثينه ترتبك وتخاف بشدة .. سيد ؟!
سيد .. ايوا سيد !! ايه شفتي بعبع قدامك ولا ايه ؟!
بثينه .. لا لا ابدا ... اتفضل يا سيد .. دا انت حتي واحشني اوي
سيد بسخرية .. لا يا شيخة ؟! اديني أمارة ؟!
ثم يدخل الي الشقة وينظر بعينيه الي كل مكان داخل الشقة وكأنه يبحث عن شئ ما
بثينه .. نورت يا سيد !!
سيد .. منور بأصحابه ياختي ..
بثينه .. اتفضل اقعد
سيد .. هاقعد طبعا ما انا جاي عشان اقعد ونتكلم !! اقعدي انتي كمان
بثينه .. ها ؟!!
سيد .. ايه مالك خايفة ليه كدا زي ما تكوني عاملة عملة ؟!
بثينه .. عملة !! .. عملة ايه اللي هاكون عملاها يعني ؟! بس انا متوترة شوية عشان فيه موقف حصلي كدا مخليني متعصبة جامد ومش طايقة نفسي !!
سيد .. وانا بقي فيه موقف حصلي مخليني مش علي بعضي وعفاريت الدنيا كلها بتتنطط قصادي ؟!
ثم يُخرج مسدسة من جيب الجلباب الداخلي ويضعة علي الطربيزة امامها ثم يكمل حديثة قائلا
سيد .. ومش هرتاح ولا هيهدالي بال غير لما اعرف الحقيقة !!
بثينه .. موقف ايه دا يا سيد ؟!
سيد .. قبل اي شئ .. انتي لما سيبتيني ودخلتي الحمام عشان تستحمي .. هربتي ليه من شباك الحمام ؟!
بثينه .. هربت !! لا لا .. انا مهربتش يا سيد .. وانا هاهرب ليه يعني ؟! ما انت كنت لسة هاحكيلك .. اسكت يا سيد مش انا اتخطفت ؟!
سيد بسخرية .. لا والله !! تصدقي مكنتش اعرف ؟! طب نحمد ربنا بقي انك رجعتي بالسلامة !!
بثينه .. انت مش مصدقني ولا ايه ؟! ورحمة امي دا اللي حصل
سيد يضحك بسخرية .. هههههه .. طب احلفي بحاجة تانية عشان اصدقك ؟! ورحمة امك ايه بس اللي هتحلفي بيها يا بت ؟! مش امك دي اللي انتي قتلتيها بإيديكي ؟!
بثينه .. طب وربنا دا اللي حصل .. هو انت مش شايف وشي وجسمي متبهدلين ازاي ؟! دا انا انضربت واتبهدلت واغتصبت كمان يا سيد !!
ثم تتصنع البكاء وتكمل قائلة
بثينه .. ايوا اغتصبني منه لله
سيد .. وانتي بقي عايزاني اصدق كلامك دا ؟!
بثينه .. صدقني يا سيد وشرفك دا اللي حصل
سيد يمسكها من شعرها ويقول
سيد .. حسك عينك تحلفي بشرفي يا فاجرة .. سامعه ؟!
بثينه .. حاضر يا سيد
سيد .. بقي عايزة تقنعيني انهم دخلوا عليكي من شباك الحمام وخطفوكي منه ؟!
بثينه .. هو دا اللي حصل يا سيد .. صدقني .. اهدي كدا واسمعني وانا هاحكيلك كل حاجة
سيد .. انا مش عايز اسمع منك ولا كلمة .. هو سؤال واحد هسألهولك وهتجاوبي عليه بكل صراحة .. يا اما عليا الطلاق لأقتلك مطرحك
ثم يمسك المسدس ويصوبه في وجهها
بثينه ترتجف خوفا.. اهدي يا سيد مش كدا ياخويا .. السلاح يطول !!
سيد .. دا انا هاقتلك واشرب من دمك لو مقلتيش الحقيقة دلوقتي
بثينه .. حقيقة ايه بس ؟! انا مش فاهمه حاجة ؟!
سيد .. حسن فين يا بثينه ؟!
بثينه .. حسن !! حسن مين يا سيد ؟! انا معرفش حد بالاسم دا خالص
سيد .. انتي هتستهبلي عليا يا بنت الكلب انتي ؟! حسن اللي موبيلة كان في شنطتك !!
بثينه .. موبيلة كان في شنطتي ؟! اه .. افتكرت .. هو دا بقي اسمه حسن ؟!
سيد .. ايوا اسمه حسن .. وابني كمان ؟! الواد فين يا بت الكلب انطقي
بثينه .. اهدي بس وانا هاحكيلك كل حاجة .. صدقني انا معرفش ان دا ابنك ولا اعرف حتي ان اسمه حسن .. اهدي ابوس ايدك واسمعني وانا وحيات ربنا هاقول الحقيقة ومش هكدب عليك في كلمه واحدة .. وحياتك يا سيد
سيد .. اتكلمي
ونذهب الي ممتاز الذي عاد الي منزله حزينا بائسا يجلس في غرفته وتدخل عليه امه تواسيه
الام .. احضرلك العشا يا بني ؟
ممتاز .. لا يا امي مش عايز اكل .. ماليش نفس
الام .. انت مأكلتش حاجة من الصبح يا ممتاز !!
ممتاز .. صدقيني يا امي ماليش نفس للأكل ولا حتي للكلام!!
الام .. ليه بس كدا يا ممتاز ؟!
ممتاز .. يعني اللي بيحصلي دا شوية يا امي ؟! انا حاسس ان الدنيا كلها ضدي واني وقعت في حفره كبيرة ومش عارف اخرج منها !!
الام .. اوعي تقول كدا يا ممتاز .. ان شاء الله ربنا هينصرك لأن الحق معاك وربنا ميرضاش بالظلم ابدا !! وبلاش تيأس يابني واوعي تستسلم ابدا مهما كان .. دافع عن نفسك بكل قوتك وتأكد ان ربنا في صفك وهينصرك.. دا ربنا اسمه الحق يا ممتاز
ممتاز .. ونعم بالله يا امي
ونعود الي سيد وبثينه وبعد ان قصت عليه تلك القصة المختلقة .. سيد لا يصدقها
سيد .. نعم يا حلوة .. فاكراني اهطل بقي وهاصدق الحدوته دي ؟!
بثينه .. دا اللي حصل يا سيد .. انا مش بكدب عليك .. صدقني ابنك كان بيجيلني هنا وبيهددني وكان بيطلب مني اني ابعد عنك .. بس انا مكنتش اعرف هو مين ؟! واخر مره كان عندي فيها نسي المحمول بتاعة وانا اخدته بالغلط وحطيته وسط الهدوم بتاعتي
سيد .. وهي كانت بتاعتك ولا بتاعة امك ؟!
بثينه .. لا بتاعتي
سيد .. بس انتي قلتيلي انها بتاعة امك وانك كنتي ناوية ترميها في الزبالة عشان مش عاوزة حاجة من رحيتها تفكرك بيها ؟!
بثينه .. انا قلت كدا ؟! لا محصلش يا سيد
سيد .. اها .. ماشي ما دام بتقولي محصلش يبقي محصلش !! انتي تعرفي ان انا رحت وحفرت تاني في الحفرة اللي دفنت امك فيها والجتة التانية اللي كانت معاها .. ملقتش غير جتة امك وبس ؟!
بثينه .. ايه !! بجد ؟!
سيد .. اه والله تصدقي ؟!
بثينه .. طب والجثة التانية راحت فين ؟!
سيد .. مش عارف راحت فين ؟! تعرفي انتي راحت فين ؟!
بثينه .. وانا هاعرف منين ياخويا !!
سيد .. اه عندك حق صحيح .. هو انتي هتعرفي منين ؟! هو انتي مين دا اللي انتي قتلتيه ؟!
بثينه .. ما انا قلتلك يا سيد ان دا واحد معرفوش جه عشان يهددني وكان عايزني اعترف اني انا اللي قتلت قاسم وانت حتي قلتلي ان دا ممكن يكون من عيلة سارة !! وكنت عايز تعرف مين هو وانا قلتلك مالوش لزوم .. هيفيد بأيه ما هو مات وخلاص
سيد .. ايوا .. ايوا .. ايوا .. الكلام دا حصل فعلا انا فاكر .. حتي بالامارة انتي كنتي مرعوبة وقتها جامد وخصوصا لما جيت ارفع الغطا عن وش القتيل عشان اعرف مين هو .. اترعبتي ومكنتيش عايزاني اكشف وشه ؟! الا بالحق .. هو انتي لفيتهم ليه جوه الملايه وما استنتيش الرجالة لما يجوا وهما اللي يعملوا كدا ؟!
بثينه .. ما انا قلت انجز عشان نخلص بسرعة
سيد .. لا فعلا .. عندك حق .. هي دي الحقيقة .. اصل بيني وبينك لما انتي هربتي من شباك الحمام .. قصدي اتخطفتي !! انا الشيطان لعب بدماغي وقالي ان البت بثينه عملت كدا عشان معرفش ان اللي قتلته دا هو حسن ابني !!
بثينه .. منك لله ياسيد .. اديك كنت ظالمني !!
سيد .. ايوا فعلا كنت ظالمك !! كنت ظالمك لما افتكرت ان ممكن توفيلي لكن مكنتش اعرف اللي تخون مره ممكن تخون الف مرة وان اللي يهون عليها وتقتل ابن خالتها وامها هيهون عليها اي حد بعد كدا حتي البني آدم اللي ساعدها ووقف جمبها .. انتي تستحقي القتل الف مرة
ثم يصوب المسدس في وجهها مستعداً لإطلاق النار
بثينه .. انت هاتعمل ايه يا سيد انا مخونتكش ولا عمرك هنت عليا ولا هاتهون ابدا
سيد .. لا هنت يا نجسة .. لما قتلتي ابني وخلتيني دفنته بإيدي جوة حفرة في الصحرا زي الكلب !! وانا معرفش انه ابني !!
بثينه .. انت بتقول ايه ؟! محصلش ابدا الكلام دا ؟! دي اوهام في دماغك يا سيد صدقني
سيد .. اوهام !! لا مش اوهام يا بنت الكلب .. دي الحقيقة .. انا اصحاب حسن قالولي كل حاجة.. حسن كان قاعد معاهم وفجأة سابهم وقام ولما اتصل بيه صاحبه عشان يطمن عليه .. قاله ان هو عندك هنا في الشقة وانتي قتلتيه .. انا عايز اعرف قتلتي ابني ليه فاجرة ؟! انطقي
بثينه .. انا مقتلتش حد يا سيد صدقني !!
سيد .. انا ابني اختفي من ساعة ما كان عندك هنا .. هو دا اللي انتي قتلتية ولفتيه في ملاية عشان ماتعرفش عليه !!.. ولما لقتيني اكتشفت الحقيقة رحتي حفرتي تاني وطلعتي الجثة عشان موصلش لأبني .. وديتي حسن فين يا بت ؟! انطقي بقلك.. جثة ابني ودتيها فين ؟!!
بثينه .. معرفش .. الكلام دا محصلش صدقني
سيد .. انتي لازم تموتي .. بس مش هموتك غير لما اعرف ابني فين وانا هاخليكي تقولي ابني فين
ثم يرن علي عوض احد رجالة
سيد .. هات الرجالة واطلعلي هنا يا عوض
بثينه .. انت هتعمل ايه يا سيد ؟!
سيد .. انا هاخليكي تنطقي وتقولي وديتي ابني فين ؟!
وفجأة نسمع صوت طلق ناري ويسقط سيد علي الارض مقتولا بعد ان اصيب بطلق ناري في رأسه وبثينه تنظر في كل مكان بحثا عن القاتل .. ؟؟!!!
