رواية اغتصاب شرعى الجزء الثالث الفصل الاول 1 بقلم محمد مالك

 

ساندي حائرة في شقتها ويبدوا عليها التوتر الشديد تتجول داخل الشقة ويبدوا انها تفكر في امر ما ثم تتناول التليفون المحمول وتتصل علي ممتاز

ساندي .. ايوا يا ممتاز انت فين ؟!

ممتاز .. انا اديني جاي ع البيت اهوه

ساندي .. لا متجيش خالص

ممتاز .. يعني ايه مش فاهم ؟!

ساندي .. شهاب عرف انك عندي هنا واتفق معايا اني اعملك كمين عشان البوليس يجي ويقبض عليك

ممتاز .. وهو عرف مكاني ازاي ؟!

ساندي .. معرفش .. بس اللي زي شهاب ده مبيغلبش ابدا !! انا بجد اسفة كنت عايزة اساعدك توصل للحقيقة

ممتاز .. لا انتي كتر خيرك ع اللي عملتيه معايا

ساندي .. طب هتروح فين ؟!

ممتاز .. لسة مش عارف .. بس اكيد هتصرف .. متقلقيش انتي بس

ساندي .. لا قلقانه طبعا .. خلي بالك من نفسك يا كابتن وابقي طمني عليك اول ما تروح مكان ..

ممتاز .. ان شاء الله

ساندي .. لا اله الا الله

ممتاز .. محمد رسول الله

ساندي تغلق الخط ويبدوا انه متأثرة بشدة وحزينة وفجأة تسمع صوت شهاب خلفها يقرأ الفاتحة

شهاب .. ولا الضآلين .. آمين

ساندي مندهشة .. انت دخلت هنا ازاي ؟!

شهاب .. من الباب يا حلوة .. اخدت مفتاح الشقة من الباب من غير ما تحسي !!

ساندي .. ورجعت تاني ليه ؟!

شهاب .. عشان عارف انك واطية ومش هتنفذي اللي طلبته منك وهتحذري الكلب ممتاز .. واهو حصل زي ما توقعت بالظبط عشان كده قريت الفاتحة علي روحك يا حلوة

ثم يطعنها بسكين في بطنها وساندي تسقط علي الارض في ذهول وقد فاضت روحها ..

رد فعل علي وجه شهاب

ونذهب الي نور اخت ممتاز حيث تجلس في غرفتها حزينة تحادث نفسها قائلة

نور .. بقي كده يا شهاب .. بتقولي انك مشغول وانت بتخوني مع واحدة حقيرة زيك ؟! وانا اللي كنت فاكرة انك مشغول فعلا !! بس انا اللي استاهل .. انا اللي رخصت نفسي للدرجه دي ف ليك حق تعمل اكتر من كدة .. بس هتروح مني فين اذا كنت انت شهاب .. ف انا نور ..

ثم يرن التليفون المحمول الخاص بها

نور .. الو ..

ممتاز .. ايوة يا نور

نور .. ممتاز !!

ممتاز .. ايوة انا ممتاز اخوكي يا نور

نور .. ازيك يا ممتاز انت فين وحشتني جدا

ممتاز .. بجد وحشتك ؟!

نور .. ايوا وحشتني طبعا

ممتاز .. نفسي اصدقك لكن للأسف اللي اكتشفته بيقول انك مكرهتيش حد في الدنيا ادي ؟!

نور .. انت بتقول ايه يا ممتاز ؟!

ممتاز .. نور انا مش متصل عشان اعاتبك واقلك ليه عملتي كده في اخوكي ؟! لا .. انا متصل عشان اقلك خلي بالك من شهاب لأنه هيغدر بيكي اكيد زي ما غدر بيا !! وعايز اقلك كمان انا استحملت كل الطعنات اللي جاتلي طول الفترة اللي فاتت دي والمها كنت شبه قادر اتحمله الا طعنه واحدة بس مقدرتش اتحملها وكسرتني فعلا  ..الطعنه اللي جاتلي من ناحيتك انتي يا نور !! عاوزك تدخلي اوضتي وتفتحي الدولاب بتاعي هتلاقي فيه صندوق دهبي كبير ابقي افتحيه من فضلك وشوفي ايه اللي جواه ..

ممتاز يُغلق الخط ويبدوا ان نور قد تأثرت بتلك الكلمات .. ممتاز داخل سيارته يمسح دموع عينية ويستجمع قواه ثم يواصل القيادة وينطلق بسيارته ..

ونذهب الي شهاب حيث يصل بسيارته الي منزل في مكان مهجور يترجل عن السيارة ويحمل كيس اسود في يدة ويتوجه نحو المنزل وهو يراقب الطريق ثم يفتح باب المنزل ويتقدم الي الداخل .. حيث يجلس سيد زوج سارة ووالد حسن علي الارض يشرب الشيشة وينظر الي شهاب وهو يبتسم قائلا ..

سيد .. كل مرة لازم تتأخر عليا ؟!

رد فعل علي وجه شهاب ..

تابعوني والبارت التالي بعد قليل .. تحياتي ..