 |
رواية المنتقم العاشق الفصل العشرون بقلم اميرة موسي
تاني يوم في الشركه كانت همس ماشيه في الشركه ومعاها اكل و خبطت في شخص وقع الاكل علي التيشرت بتاعه
همس،: انا اسفه مكنش قصدي
الشخص: حصل خير
همس،: بجد ماكنش قصدي
الشخص، حصل خير ولا يهمك
همس: هات التيشرت اغسله واجيبه لحضرتك
الشخص: لا خلاص مش مهم
همس،: مش عايزه احس بالذنب
الشخص: طالما مصره هبلس حاجه وابعتهولك
همس: اوكي
كان كلهم في الاجتماع معاد همس
دخل عليهم الشخص المجهول
الشخص: منورين ي شباب
حمدى: زياد
علي: زياد
كانو مستغربين كلهم
سلم عليهم زياد
زياد: اخباركم اي وحشتوني
الشباب: وانت كمان
دخلت همس في الوقت ده
همس: اسفه على التاخير لسه مكملتش الكلمه لقت الشخص اللي خبطت فيها قدمه
همس: انت
زياد: انتي
همس: انت جاي تشتكي للمدير علي اللي عملته
زياد: اولا لا طبعا تاني حاجه مين مديرك
همس: مراد بيه
زياد: الله يكون في عونك
علي: انتو تعرفوا بعض
همس: خبط فيها وانا جاي وقعت الاكل علي التيشرت بتاعه
مراد في سره : يعني انا بمنعها عن يوسف وجيب لها بنفسي زياد هو يوم بين من اوله
همس: اه صح اتفضل
زياد: شكرا لحقتي
همس: ودايته المغسل اه مراد بيه حق المغسل باعته علي مكتب حضرتك ابقى حاسب عشان لسه ماقبضتش
مراد: افندم
همس: حق المغسل ابقى ادفعه او اخصمه من مرتبي تعرف ي زياد انا باخد كام
كلهم ضحكوا معاد مراد
زياد: كام
همس: خمس تالاف بس
زياد: شويه اوي
همس: شوفت لو مراد بيه ما دافعش حق المغسل ابقى ادفع انت
زياد بضحك: حاضر
زياد: اه صح عايز ارقامك عشان نتكلم انا مش معايا رقم حد فيكم همس ممكن رقمك
همس: ماشي
مراد: سوري ي زياد الاجتماع تأجل مره تانية بقى والشركه شركتك
همس تعالي عايزك، شد مراد درع همس واخذها علي المكتب
مراد: ممكن اعرف اي ده
همس: اي
مراد: زياد
همس: مالو
مراد: مترديش الكلمه بزفت بكلمه
همس: انا قولت اي
مراد: همس متعصبنيش تعرفيه منين عشان تاخدي رقمه
همس: عادي ما انا معايا رقمك
مراد: انتي عبيطه معاكي رقمي عشان انا المدير مش واحد لسه اول يوم ليها تاخدي رقمه همس اظبطي عشان مظبطكيش بطريقتي
همس: مراد انا عملت اي ها انت مكبر الموضوع لي
مراد: هو اي مكبر الموضوع لي مش شايفه نفسك بتقولي اي مرا يوسف ومرا زياد
همس: قولتلك قبل كدا يوسف زي علي بلظبط
مراد: انا من امته وانا بقولك متكلميش يوسف من وانتي ١٦ سنه بقولك متعمليش كدا بتعملي بقولك اعملي كدا ما بتعمليش لي
همس كانت ساكته
مراد: بصي انا زهقت اعملي اللي تعملية
طلع مراد من المكتب وكان متعصب منها جامد
طلعت همس بدري من الشركه استاذنت من اسر لان مراد مكنش في الشركه، طلعت لان كان عندها فرح صحبتها وهي قالت لي مامتها قالتلها روحي وباتي وتعالي الصبح ماتجيش باليل واقعدي اليوم مع صحبتك خففي عن نفسك
راحت همس فرح صحبتها وياريتها ما راحت، وصلت همس وسلمت علي الكل وقعدت هي وصحابها فوق بيتكلموا ويلبسوا لحد ما همس اخترات لون كحل اسود والمفروض تحط ازرق علشان الفستان
واحده: لسه زي ما انتي ي همس مش عارفه الوان
همس: لا عارفهم
العروسه: اومال اختارتي اسود لي المفروض يكون ازرق
فضلوا يتريقوا عليها ويضحكوا وكل ما واحده تدخل يضحكوها علي همس وحكوا قد اي اسالتها ايام الدرسه كانت غبيه وفضلوا يتريقوا وقد اي كانت هبله واي حد يضحك عليه(همس اسالتها مكنتش غبيه بس هي كانت بتسال في كل حاجه عشان تكون عارفه لما حد يسالها بس دول عشان فاشلين مش عارفين حاجه او ممكن يكون وهما بيوزعوا الادب والاحترم دول كانوا نايمين)
اضيقت همس اوي وقالتلهم انها لازمآ تمشي عشان مامتها ماتقلقش عليه مع ان نجلاء قالتها باتي
طلعت همس من بيت صحبتها وركبت تاكسي عشان يروح بيتها فضلت طول الطريق تعيط ومخنوقه ومش عايزه تروح بيتها
في بيت مراد
مراد كان في بيته قاعد بياكل مع عائله، فجاه قام من علي الاكل وقالهم انه عايز ينام شويه
دخل مراد اوضته وغير هدومه وبيستعد لنوم، تلفونه رن، فضل مراد يشتم في اللي بيرن من غير ما يشوف مين اخدت مراد التلفون من علي الكمودينو اللي جنب سريره وشاف المتصل، استغرب انصدم مراد لما لاقى همس هي اللي بتتصل عليه و فرح اوي بس مابينش كدا ، قال مراد في سره ان اكيد بتتصل تعتذار علي الغلط تللي عملته في الشركه النهارده رد عليها مراد بكل برود: الو
همس بحزن: مراد
مراد ببرود: ياترا الاستاذه همس رانه لي عشان تاخد رقم زياد عشان مالحقتش تاخده قطعت عليها اللحظه ولا عشان تشتغل مع اسر
همس بدموعه: ممكن تنسى اي زعل بينا وتكلمني محتاجه اتكلم معاك شويه
استغرب مراد عياطها : همس انتي بتعيط
بتشهق همس ودموعها بتنزل بشده وهي بتتكلم: مراد هو انا عبيطه
مراد قلبه وجعه لما سمع صوت عياطها : ردي عليا انتي بتعيطي
بترتعش همس وهي حاسه ب صعوبه في الكلام بسبب عياطها : مراد رد علي سوالي هو انا عبيطه
مراد: همس انتي فين
زاد عياط همس وهي بتسال السوال تاني: عشان خاطري رد عليه هو انا عبيطه
مراد: مين قال كدا انتي مش عبيطه انتي اذكى واحده في الكون كله
همس وهي بتعيط بحرق: اومال لي كله بيقولي ي عبيطه حتي انت كمان بتقولي ي عبيطه وي هبله لي هو انا عشان طيبه ابقى عبيطه هو الطيب في زمان ده عبيط
مراد بلهفه وحزن عشانها : همس انتي فين ردي علي سوال عشان خاطري
همس بانكسار ودموعها بتنزل: ده حتي انت كمان قولت عليا هبله قبل كدا وانا صغيره عشان كده قربت مني وحاولت ترجع حق حبيتك فيا عشان اللي علي عمله في نسمه استغليت اني صغيره وهبله ومش عارفه حاجه
غمض مراد عيونه بوجع علي كلامها : طب بطلي عياط عشان خاطر دموعك غاليه عليا اوي
همس ودموعها مش بتوقف: انا قلبي بيوجعني اوي
مراد بحزن: همس انتي فين عشان خاطر قوليلي انتي فين
همس بدموع وبشهقات عاليه : انت من حبك لي نسمه كنت مستعد تعمل اي حاجه لدرجه انك طلبت تتجوزها وانا لا لاني كنت هبله مش هنفع مراد قصدي مراد بيه
مراد بخوف وبوجع عليها: فكك من الكلام ده دلوقتي وردي عليا همس انتي فين عشان خاطري ردي عليا لو لسه ليا خاطر عندك ردي عليا متقلقنيش عليكي
همس بدموع : مش عارفه انا فين انا راكبه تاكسي
مراد: طب ادي التلفون لي السواق
عطات همس التليفون لي السواق عرف مراد مكان همس من السواق وطلب منو يستنى ومراد هيجي ياخده وهيدالو الفلوس اللي هو عايزه
رجع السواق التلفون لي همس
همس: مراد
مراد بحزن: عيون مراد خليكي مع السواق وانا عشر دقايق وهكون عندك
همس وهي بتمسح دموعها : حاضر
قفلت همس مع مراد وقام بسرعه من غير ما يلبس هدومه طلع بهدوم النوم، قابل اهله برا كانو قاعدين بيتفرجوا علي فيلم
مياده: منمتش يعني
مراد: مش نايم عندي مشوار مهم عن اذنكم
مياده: مشوار مهم بهدوم النوم
مراد بستعجل: معلش لازما امشي عن اذنكم
محمود: يبني غير هدومك الاول
رد مراد علي باباه وهو بيجري بسرعه عشان يطلع: بعدين
طلع مراد من عند اهلها وركب العرببه بتاعته وساق باقصى سرعه
نرجع لبيت مراد من جوه
محمود: اسر متعرفش مشوار اي ده اللي بهدوم النوم
اسر: معرفش انا مستغرب اصلا هو طالع كده لي مراد عندو اهم حاجه لبسه
ندي بخبث: انا عارفه لي
مياده: متقولي انتي كمان سايبه ابوكي واخوكي يتكلمه وانتي سكته
ندي: في اي يست الكل هو انا لحقت ارد حتي
محمود: مشوار اي ي ندي
ندي: رايح لي همس
مياده: همس بعد كل ده
ندي: ايوه انا متاكده
اسر: وكمان متاكده هو انتي مش بتاخدي بالك هو بيهزق همس ازاي في الشركه
ندي: لا طبعا باخد بالي بس انا متاكده ان رايح لي همس
محمود: مين قالك هو قالك
ندي: لا بس ابنك ي حج ميطلعش كده غير لم يكون الموضوع لي همس
محمود: علي راي اخوكي شكلك مش فاهمه حاجه
ندي: حبيبي ي حج تسلم
مياده: متقولي ي زفته عرفتي مينن
ندي: زفته وعايزني اتكلم تسلمي ي ست الكل
مياده: ماتنطقي ي بت
ندي؛ بصوا بقا هو ماقليش حاجه بس انا متاكده تمام ساعه كدا يكون الفيلم خالص وهرن عليه لو طلع مع همس كل واحده فيكم هيدني مبلغ تمام ولو مطلعش معها انا هدخل انام ومش هكمل قاعده عشان شكل دماغي اخدت دور برد
مياده: لما نشوف ي ختي
اسر: متصدقهاش ي ماما هي فعلا دماغها اخدت دور برد هي مش بتشوف بيعملها ازاي
ندي: لو طلع الكلام حقيقي انت اكتر واحد هتدفع
اسر: ماشي وانا قد كلمتي
مراد كان سايق العربية وبيجري بسرعة جدا لحد ما وصل همس
نزل مراد من العربية وطلع بسرعه علي تاكسي السواق اللي واقف علي الطريق ، فتح مراد العربيه وشاف همس بتعيط بصت همس علي فتحت الباب لقت مراد في وشها
همس: مراد
طلعها مراد من العربيه بحزن: انتي كويسه
همس: اه
السواق: انت مراد
مراد: ايوة
السواق: هو مراد ي بنتي
همس بشهقه بسبب دموعها : ايوة
السواق: شوف مالها من بدري تعيط حاول ترضيها
مالكمش غير بعض
شكر مراد السواق وطلع مبلغ كويس من جيبه وعطاها ل السواق
السواق دعلهم كتير ومشي وسابهم اول ما السواق اتحرك في ثانيه كان مراد شد همس لحضنه بعنف وبحب وخوف ووجع والاهم من كل ده كان بعشق واشتياق وبوجع طلع سنين حضنهم لبعض طال كتير اوي لان اشتياقهم لبعض اكبر من اي حاجه في العالم انهارت همس من العياط بين ايد مراد: خليك جانبي ي مراد ماتسبنيش انا محتاجلك
مراد وهو حضنه جامد: انا معاكي مش هسيبك بس بطلي عياط عشان خاطر
فضل مراد يطبطب عليها وهي في حضنه: عشان خاطر انا تبطلي عياط دموعك غاليه عليا قوي ي همس
فضل مراد يطبطب عليها ويهدي فيها لحد ما هدات شويه
بعدها مراد عن حضنه ومسك وشها بين ايده وقرب من خدودها واخدت دموعها بين شفايفه وقرب شفايفه تاني من عيونه وهمس غمضت عينيه ومراد وباسها فيهم: انا اسف حقك عليا انا من العالم كلها مش عايزك تعيطي تاني مهما كان
هزت همس دماغها بتوتر بسبب اللي مراد عمله
مراد: تعالي نقعد في العربيه عشان الجو ساقع عليكي وكمان عشان الناس
ركب مراد في الكرسي للي وراء واخد همس في حضنه شدها لحضنه وضمها جامد: قوليلي بقا اي للي مزعلك
همس بدموعها ؛كنا
قطعه مراد وهوبيقوٌلَ: آحًکْلَيَ من غير عياط
همس: احنا كنا قعدين بنلبس عشان الحنه بتاعت صحبتي فالمفروض الكحل اللي هحطه في عيوني يكون ازرق عشان الفستان فاانا قولت اسود عادي عشان السواد بيليق علي كل حاجه فضلوا يتريقوا عليا ويضحكه عليا وانا مكنش قصدي حاجه
ضمها مراد ليه جامد واتكلم: فكك منهم اصلا هما تافهين اهم حاجه عندهم الحاجات التافه ده متزعليش نفسك انتي لو عايزه صحاب اانا اهو موجوده وعلي مع اني مش بطايقه بس موجود ومنه وفاطمه وندي طول ما انتي ماخسرتي حد من اهلك اوعي تعيط
هزت همس راسها وبي حاضر
في بيت مراد، كانو كلهم قاعدين مع بعض فاتكلمت ندي
ندي: هرن بس مش عايزة حد يتكلم عشان ممكن يشك في حاجه ممكن هرن علي اساس بطمن
الجميع: ماشي
رنت ندي علي مراد وهو واخد همس في حضنه
ندي: الو
مراد: ايوة ي ندى
ندي: انت كويس اصلك طلعت بسرعه قولت اطمن عليك
مراد: انا كويس ي حبيبتي متقلقيش شويه وجاي
اتكلمت همس وهي بتترتعش من الساقعه وهي في حضنه مراد: مراد متمشيش دلوقتي خليك كمان شويه
شاور لها مراد عشان تسكت
بصت ندي لي اهلها وعمزت
ندي: هو انت معاك حد
مراد: احم ندي اكلمك بعدين
ندي: تمام ي حبيبي سلام
مراد: سلام
بعد ما ندي قفلت مع مراد اتكلمت بغرور:خدو رضايا بعد كده عشان لما اقول علي حاجه هي الصح
محمود: مش الاستاذ كان من يومين عايز بنتقم منها اي اللي حصل
مياده: كويس ي حج ربنا هداه
محمود: ربنا هداه اي ممكن يكون عايز يلعب لعبه وسخه
ندي: ما ظنش ي بابا هو كان طلع مستعجل ممكن كانت همس واقعه في مشكله
محمود: لما يرجع هنعرف منو
ندي: طب يلا فين الفلوس
محمود: ندي روحي اوضتك
ندي: بس احنا ماتفقنش علي كدا
مياده: حاضر ي حبيبتي للي انتي عايزة وعد الفلوس انا هديلك بنفسي الفلوس بكره
ندي: وانت ي اسر فين
اسر كان مخنوق ومش طايق حد مش مصدق ان مراد مع همس لو فعلا همس محتاجه حد او واقعه في مشكله ترن علي مراد لي ماترن عليا انا مراد مش بيبطل زعيق وشتيم فيها قدم اي حد
ندي: اسر روحت فين اسر
انتبه اسر لكلام ندي: بعدين ي ندي
ندي: لا عايزه دلوقتي
اسر بعصبيه: بقولك بعدين اي مابتفهميش
محمود: في اي ماتقوموا تضربها احسن قالمين وانا واقف
مياده: اكيد مايقصدتش ي محمود وبعدين هو انا مش قولتلك هديكي الفلوس الصبح يبقا خالص
ندي بزعل: تمام وبعدين انا ما قولتش حاجه عشان يتعصب
سوري مش عايزه حاجه
اسر: ندي معلش مش قصدي افتكرت حاجه في الشغل عصبتني
ندي: مش زعلانه منك ي اسر وبعدين انت اكتر واحد هتدفع مينفعش ازعل منك
اسر: تمام انا هدخل انام
عند مراد في العربيه وهمس لسه في حضنه
مراد: شكلك بردانه اوي
همس: ايوة مامكنتش لبسه هدوم تقيله
مراد: انا معايا جاكت بدله في شنطة العربيه هجبهولك تلبسيه عشان نمشي
همس: اوكي
مراد: خليكي هنا وانا هطلع قدم اسوق
همس برقه: لا ي مراد عايزه اكون جانبك
اتوتر مراد بسبب كلامها : اوكي طب انزلي اقعدي قدم
بعدت همس عن حضن مراد ونزلت قعدت قدام
نزل مراد وراء يفتح شنطة العربيه مرضتش تفتح مالقش المفتاح معاه رد تاني عشان ياخده من العربيه ، فتح الباب من نحية همس ودخل بنص جسمه اخد المفتاح وهو طالع لف وشه نحية همس وهي قاعده علي الكرسي اللي نحية السواق همس كانت متوتره بسبب قربهم من بعض
باصين لبعض وعيونهم اتقابلت في نظره ليها معاني وتاهو هما الاتنين في نظرات عنيهم لبعض
اتكلمت همس وهي متوتره : مراد
قرب مراد من شفايفها اوي وبيتكلم وهو ببقرب اكتر: عيون مراد
همس برقه: هو انت هتجبلي الجاكت بتاع البداله لي
مراد بتوهان بسبب قربهم: لي
همس: انا بسالك لي
انتبه مراد لنفسه وبعد عنها
مراد: عشانك الجوه برد عليكي
همس شددته تاني عليها بحب واشتياق ولفت ايديها حوالين رقبته وبتتكلم بكل رقه وحب واشتياق وشوق وهي باص في عين : مراد
اتكلم مراد وهو بيحاول يفك ايديها اللي حوالين رقبته: همس يلا نمشي
غمضت همس عيونها وشدته عليها ويدوب شفايفهم لمس شفايف بعض وهما بيتكلم: خليك معايا شويه
مراد خلاص معدش قادر يسطر علي مشاعره حس ان هو مسلوب الارداه كان مراد لسه هيقرب يبوسه افتكر اهلها ونفسه وافتكر كلامها وكل حاجه حصلت بسببهم بعد مراد عنها وفك ايديها من حوالين رقبتها وطلع برا العربيه: همس مش هينفع
همس بدموع : لي مش هينفع
مراد: كدا مش هينفع احنا ماننفعش بعض
همس: ماننفعش بعض لي ولما احنا ماننفعش بعض اي اللي جابك ليا في وقت زي ده
مراد: اانا ماجتش بمزاجي انتي كنت عايزه كدا وانتي اللي رنيتي عليه
همس بدموع وبشهقات: قصدك اني بفرض نفسي عليك
مراد: لا مش كدا بس
همس: بس اي
مراد بزعيق: قولتلك مش هينفع يبقا خالص اي ما تفهميش
همس: انا فعلا ما بفهمش عشان رنيت علي واحد بيحب واحده تانيه حتي بعد ما ماتت
مراد: انتي بتقولي اي مين قالك الكلام ده
همس: علي حكالي كل حاجه
مراد: قولتلي علي وقالك اي بق الاستاذ علي
همس: قالي اد اي كنت بتحبها
مراد بغضب: وهو عمل اي غير انه قتلها
همس: محصلش ي مراد
مراد بعصبيه: حصل محصلش مالكيش دعوه تمام واتفضلي قدامب بصي بق ي همس انا جبت اخري تمام لو جبتي سيرت نسمه تاني هنسة انك همس السكرتيره بتاعتي هتكوني قدمي همس اللي اخوها قتل حبيبتي تمام متخلنيش اعمل معاكي نفس للي علي عمله مع نسمه ويلا من غير كلام
انصدمت همس من الكلام اللي مراد قاله
همس: اعمل يلا مستني اي يلا
زعيق: يلا انا قدمك ومحدش هيشك فيك لانك اخر حد ممكن حد يتوقع انه يعمل كدا اي يلا
رفعت همس ايديها وضربته علي صدره، يلا مستني اي
مراد: همس اهدي
همس: انا هاديه اوي بس انت لا وعد مني مش هقوم يلا
بصلها مراد اوي وبعد كدا شد ايديها وركبه العرببه غصب عنه
همس: نزلني ي مراد
مراد: مش هنزلك شوفي عايزه تروحي فين وهوديكي لكن تنزلي لا
همس بدموع: بقولك سيبني انا زهقت نزلني
مراد: همس اهدي ممكن هوديكي الشركه عشان اهلك متستغربش اي جابك دلوقتي وجاي معا مين
همس بسخريه: اه صح مش عايز يعرف ان مراد بيه هو اللي واصلني عشان شكل حضرتك قد الناس صح
بصلها مراد وسكت
بعد شويه كان مراد وهمس قدم الشركه، دخل الاتنين المكتب سوء
مراد: نامي وارتاحي هنا لو احتاجتي اي حاجه كلميني
همس: شكرا
طلع مراد من المكتب فضلت همس تعيط لحد ما نامت علي الكنبه من العيط، كان مراد قاعد تحت في للعربيه وقرار ان يطلع يطمن علي همس
طلع مراد فوق ودخل المكتب براحه عشان متصحاش
قرب منها وقعد علي الارض جنب الكنبه وفضل يملس علي شعرها اتكلم مراد بصوت واطي اوي، لي ي همس قلبي تعملي فيا كدا دا انا كنت بعشق الترب اللي بتمشي عليه، قرب مراد منها ودفن وشه في رقبتها
فتحت همس عينيها مرا واحده حست بمراد معاها في الاوضه
فضلت تدور بعيونه علي مراد
قالت لنفسه بصوت مسموع: انتي عبيطه ي همس مراد مش هنا ولا هجي مراد روح انتي اصلا متفرقيش معاها
رجعت همس تنام تاني
مراد اول ما حس ان همس هتفوق استخبى بسرعه في حمام المكتب لانه مش مستعد يواجها
لما مراد اتاكد ان همس نامت طلع من المكتب وطلب هدوم وغير هدومه في الشركه بس مكتب تاني عشان ميسيبش همس لواحدها
فضل مراد صاحي اليوم ده ومانمش النهار طلع وكل واحد راح علي شغله
قابل علي همس في الشركه واستغرب هي جايه بدري كدا لي مش كانت في فرح انبارح
علي': انا قولت انك هتيجي علي الظهر
همس: لا ما انا طلعت بدري عشان الشغل
علي: طلعت امته ووصلتي ازاي انتي زاي تطلعي من مكان زي ده لواحدك بدري كدا مرنتيش عليا لي
همس: علي هقولك كل حاجه بعدين ممكن
علي: تمام ي حبيبتي هبعت اجبلك فطر اكيد ما فطرتيش
همس: مش جعانه
علي: همس انا معايا فلوس مالكيش دعوه
همس: ي حبيبي مش جعانه صدقني
علي: بقولك اي انا قولت اللي عندي يلا هودي الورق ده مكتب منه واجيلك
همس: اوكي
راح علي مكتب منه وياريته ماراح شاف منه واقفه مع زياد وعماله تضحك، دخل علي المكتب وعفاريت الدنيا كلها بتتنطط قدام وشه
علي؛: صباح الخير
زياد: صباح الخير
علي: منه كنت عايزك تبصي علي الورق للي معايا
منه: بعدين ي علي
علي بحده: يعني اي بعدين
منه: بقولك بعدين مش فاضيه
علي: هو اي مش فاضيه هو لعب عيال ده شغل
زياد: انا اسيبكم تشوفه شغلكم
منه: انا ماورايش حاجه زي ما قولتلك الصبح
علي بحده: وانا خيالك
زياد: اوكي نتكلم بعدين شوفي علي عايز اي
طلع زياد من المكتب وفضل علي ومنه مع بعض
منه ببرود: نعم في اي
علي بغيره: واقفه تضحكي كدا لي معاه
منه ببرود: وانت مالك
علي: هو اي انا مالي انتي عبيطه
منه: اه عبيطه ممكن بقا مالكش دعوه بيا
مسك علي دراعها جامد وبعنف وبشرسه: هو اي اللي مالكش دعوه
زقت منه ايده: ايدك ما تلمسني تاني
اضايق علي من كلامها في ثانيه كان شددها بعنف عليه جامد ولفف ايده علي وسطها: اديني لمستك هتعملي اي اي رد فعلك يلا وريني
اتوترت منه من قربه جامد
منه: علي ابعد
علي: لو مابعدتش
منه بتوتر: بقولك ابعد اي مابتفهمش
علي قرب اكتر : لا مابفهمش فهميني
اتوترت منه بقربه بس استجمعت قواها وزقته : بقولك ابعد اي مابتفهمش
علي: لا مابفهمش زياد بس اللي بيفهم صح
منه: حكايه بيفهم فهو بيفهم اوي كمان
علي بستفزاز : اي فرحانه بهزاره معاك بصي انا مش حابب كدا انا عايزك تلميهم حواليكي وتهزري انا بستغراب بجد ان لي لحد دلوقتي مشفتكيش واقفه بتضحكي مع مراد اي معرفتيش تجبيه سكه زي زياد
انصدمت منه من كلامه مكنتش مصدقه ان علي الشخص اللي بتحبه يقولها كدا
منه من غير تفكير راحت ضربه علي بالقلم
منه: انت ازي تقولي كده انا بكرهك
طلعت منه من المكتب وهي بتعيط
علي كان متعصب ان ازي بنت تضربه ونفس الوقت زعلان ان هو قالها كدا بس هيعمل اي الغيره هتموته
راحت منه حمام الحريم في الشركه و فضلت تعيط فيه عشان محدش يشوفها
