رواية ڤيمبو الفصل الثالث بقلم الكاتبة المجهولة
ـ حلمت اني في قصر غريب بس شكله حلو اوي فضلت ألف شويه فيه لحد ما لقيت بنت واقفه من ضهرها ولبسه فستان احمر تحفه عليها ايوه هي ليندا كان شكلها حلو اوي بصت لي بعيونها الحمرا الي عمري ما هنساهم قربت مني و قالت لي
ليندا: هانت يا ماجد
ـ قصدك اي
ليندا: كلها كام ساعه يا ماجد
صحيت من النوم وانا مش فاهم هي قصدها اي بصيت لقيت الساعه ١١:٥٠ دقيقه لقيت الباب بيخبط......
ـ ادخل
أسر: يلا يبني ماما جهزت كل حاجه علشان عيد ميلادنا
ـ روح انت انا مش هاجي
أسر قرب مني و قعد قدامي على السرير و قال لي
أسر: مالك يا ماجد في اي
ـ مفيش مصدع شويه
أسر: لا انت متعصب من الي ماما قالتوا
ـ بجد انا مش مستوعب حاجه ازاي ده يحصل انا مش عايز ابقى زيه
أسر: متقلقش يا ماجد أن شاء الله مش هنبقى زيه كده كده ماما قالت إن ممكن مش اكيد أننا نتحول زيه تعالى علشان ماما متزعلش هي حضرت كل حاجه علشانك
ـ خلاص ماشي روح انت و انا هاجي وراك
طلعت بره لقيت ماما مجهزه كل حاجه و كانت مبسوطه اني خرجت علشان احتفل معاهم جت الساعه ١١:٥٩ دقيقه و طفينا الشمع و فجأه اول ما جت الساعه ١٢ بالظبط أسر شكله اتغير فجأه بشرته ابيضت اوي و عنيه احمرت جامد اوي و ظهر ليه انياب و شكله بقى مرعب جداً فجأه بص عليا بطريقة مرعبه قامت ماما بسرعه و شرب أسر مشروب غريب كده لونه احمر و بعدها أسر بدأ يهدى و غمض عيونه و وقع على الأرض ماما قالت لي اشيله و احطه على السرير و بعد كده رجعت ل ماما و قولت
ـ هو اي الي حصل ده
الام: هو اتحول خلاص
ـ و اي الي شربوا ده
الام: ده د"م
ـ ايههه!!! ازاي يعني و جبتيه منين
الام: متقلقش ده د"م حيوان مش بشري
ـ ايوه بس ايه لزمته يعني
الام: علشان يكتمل التحول بس غريبه انت ازاي متحولتش بس الحمد لله انك كويس
ـ استأذنت من ماما و دخلت انام و انا بفكر في الي حصل و الحمد لله اني متحولتش لاني مكنتش هتقبل نفسي نمت و لاول مره محلمش ب (ذات العيون الحمراء) صحيت من النوم دخلت غسلت وشي و سناني و طلعت لقيت ماما في المطبخ دخلت و قولت ليها
ـ صباح الخير يا ماما
الام: صباح الخير يا حبيبي
ـ اومال أسر فين
الام: في الاوضه من امبارح لسه مطلعش منها
ـ سبت ماما و روحت عند اوضه أسر خبط على الباب بس محدش رد خبط تاني بردو محدش رد مش معقول أسر يكون نايم لحد دلوقتي فتحت الباب لقيته واقف قدام المرايا و عمال يبص لنفسه اول ما فتحت الباب بص لي بصه عمري ما هنساها اول مره يعمل معايا كده كلمته و قولت
ـ ما انت صاحي اهو مش بترد ليه عليا لما خبط
أسر: ملكش دعوه بيا
ـ مالك يبني في ايه
أسر: قولت ملكش دعوه بيا و اطلع بره
ـ اطلع بره ؟؟ يبني انت اتخبط في دماغك ولا ايه
أسر(بغضب): ماجد مش هقرر كلامي تاني فاهم اطلع بره
ـ بصيت ليه بستغراب اول مره في حياته يعمل معايا كده انا معملتش حاجه ل كل ده طلعت بره و قفلت الباب ورايا وانا لحد دلوقتي مصدوم ازاي اخويا التوأم الي كنا كل حاجه نعملها مع بعض و كنا بنحب بعض اكتر من اي حد يعمل معايا كده روحت قعدت اتفرج على التلفزيون شويه عقبال ما ماما تعمل الفطار سمعت صوت ماما بتنادي و تقول
الام: يلا يا حبايبي الفطار جاهز
ـ ماما هو أسر مالوا
الام: مالوا هو حصل حاجه
ـ لا بس بقى متعصب اوي
الام: مش عارفه والله لما يجي هسأله
ـ تمام ماشي
(أسر أخيراً طلع من الأوضه بس ايه ده هو مش هيفطر معانا ده شكله نازل)
الام: رايح فين يا أسر
أسر: مش رايح محدش ليه دعوه بيا
الام: مالك في ايه متعصب كده لي
أسر(بغضب): قولت محدش ليه دعوهههه
(فتح باب الشقه و قفله جامد و نزل)
الام: انا السبب انا السبب
ـ انتي ملكيش دعوه يا ماما سيبك منه و انا هنزل وراه اهديه و اجيبه
نزلت وراه اشوف هو راح فين دورت عليه كتير مش عارف هو راح فين روحت اقعد على البحر شويه اهدي نفسي من الي حصل بسبب أسر و شوفت..........
