رواية يوميات المحققة رحيل الفصل الخامس والاخير بقلم لادو غنيم
سماح بجديه
تمام يا فندم عن اذن ساعتك
مشيت رحيل لعند الاسانسير ووقفت معا هانى و خالد و بعد دقايق جات سماح و عادل و معاهم السكان و البواب فقربت ووقفت في وشهم
رحيل بجديه
طبعاً كلكم عاوزين تعرفه مين الجانى و ليه تم القتل و ايه هو سلاح الجريمه بينى و بينكم كدا انا الاول فكرتها قضية سرقه و قولت في عقل بالي دا اكيد في حرامى مشي وراها و لما شافها داخله الاسانسير فدخل وراها و قتلها دا لاننا ملقناش معاها شنطة اليد بتاعتها بس بعد كدا لما حققت معاكم و ركزت شويه و فحصت شققكم اتاكدت ان تفكيري كان غلط و ان الجانى واحد منكم واحد من سكان العماره دي
حافظ بصدمه
واحد مننا لاء في حاجه غلط ما هو مش معنا اننا كنا بنتخانق معاها يقوم حد مننا يقتلها
رحيل بجديه
لاء حصل و الجانى وسطيكم و عارف نفسه كويس جدا لانه حاول يخدعنا و يضللنا بس علي مين كان غيره اشطر و مفيش حد قدر قبل كدا انه يفلت من العقاب
تقي بصدمه
يا نهار مش معدي يعنى حاليا في حد وسطينا هو الجانى و ممكن يقتل اي حد مننا طب مين و ازي قادر يخدعنا كدا
رحيل بجديه
بى الظبط كدا حد منكم عامل فيها ملاك و عايز يخدعكم و يعالم لما مكناش اكتشفناه كان هيعمل فيكم ايه
سماح ببسمه
الحماس ذاد يا فندم مين الجانى و ازي قتلها
رحيل بجديه
الجانى من غير، ما طول عليكم يبقي سيد
الكل اتصدم و بعده عنه اما هو فقال بقلق
انتى بتقولي ايه هو مين دا الجانى لاء انا معملتش حاجه
رحيل بجديه
ما قولنا بلاش كدب احب اقولك ان انت اللي، كشفتلي نفسك من غير ما تحس اول غلطه لما فضلت تشكر في المجنى عليها اختلاف كل السكان اللي اجمعه علي انها شرسه و عصبيه و ماتتطقش و اكيد ليها اعدء'و تانى غلطه لما قولتلى كنت بصلح كمبيوتر فوق في شقتك انا بقي طلعت شقتك و الغريب انى ملقتش اي كمبيوتر في الشقه
سيد بقلق
انا خرجت الصبح بدري ورجعته للمحل
رحيل ببسمه
مش قولنا بلاش كدب عبده اكد ان مفيش حد خرج نهائي من العماره يعنى انت مجبتش اصلا كمبيوتر عشان تخرجه تالت غلط وقعت فيه انك نسيت ان في كاميرا في المحل اللي قدام العماره سجلت معا دخولك اللي كان قبل حالة الوفاه بتلت دقايق بي الظبط اما بقي سلاح الجريمه فكان عباره عن حديد رفيع من الواضح انك كنت جايبه من المحل عشان تلمه في شقتك بس من سوء الحظ انك قابلت سنيه في الاسناسير و تخانقة معاها و قتلتها و طلعت تجري علي شقتك و غسلت الحديد و نشفته فطبع بقعة دم انت مخدتش بالك منها علي الفوطه اما بقا سبب القتل انها كانت عايزه تطردك عشان عليك تاخير اجار دا غير ان خالد طابق البصمات اللي في شقتك علي البصمات اللي على الجثه و طلعت متطابقه فا انت القاتل يا سيد
سيد بحزن'
ايوه حصل كل اللي قولتيه حصل سنيه كانت جشعه ووحشه مبتفدش حد انانيه ياما قولتلها تصبر عليا الحد لما المحل يشتغل و هسددلها كل ديونها بس موافقتش حتى امبارح لما رجعت و قابلتها في الاسانسير لما طلبته عشان اطلع شقتى
"فلاش باك"
سيد بقلق
الست سنيه انا كنت هعدي عليكى عشان اقولك
سنيه بضيق
بقولك ايه يا عوطلى يا حرامى لو مدفعتش الاجار اللي عليكى هرميلك هلاهيلك و خردتك في الشارع و هطردك طردة الكلاب اللي تستاهلها انا مبسكتش عندي حراميه
سيد بضيق
حراميه ليه كنت سرقة منك ايه
سنيه بضيق
سارق حق الايجار و الله لو مجبتش الفلوس، دلوقتي هطلبلك البوليس ياجى يغورك من هنا بلا قرف
سيد بجديه
خلي عندك شوية رحمه
سنيه بضيق
رحمة مين يا ابو رحمه انت شكلك عايز تتهزق انا بقا هفرج الكل عليك يا حرامى الايجار
وقف الاسانسير و جات سنيه تخرج عشان تزعق شدها سيد و طعنها و طلع يجري علي شقته
"فلاش"
سيد بحزن
منها لله هي السبب
رحيل بجديه
الندم بعد الجريمه ما بيفدش حد خدوه علي البوكس و انتو تعاله معايا عشان نقفل المحضر في القسم
خدوه علي البوكس و ركبت رحيل معا فريقها بعد ما خده الجثه للمشرحه و مشيوا بعد ما تم حل لغز جريمة الدقي
تمت بحمد الله
