رواية من اول لحظة الفصل التاسع
“طلعت عند منار وسلمت عليها وبحاول ارسم ابتسامة لكن الحقيقة جوايا نار بعد ما شوفت البنت دي بتحضنه كده وهو واقف مصدوم وانا مقدرتش أستحمل المنظر وطلعت جري اصل مينفعش اقف ولاني عارفه انه معندوش اخوات وان مروة هي البنت الوحيدة في العيلة فاكيد دي لا اخته ولا حتي بنت عمه،، بس لحظة هو انا مالي يحضنها ولا يحبها هو انا متغاظة ليه كده ما يولعوا في بعض..
(منار هزتني جامد واتخضيت وبصيت لها)
:- ايه يابنتي خضتيني في ايه!!
منار بتعجب:- في اني بقالي ساعة بكلمك وانتي سرحانة وشبه بتكلمي نفسك مالك انتي؟؟
ملك:- هاا لا مفيش بس اصل موضوع رافت لسه مأثر عليا شويا.
(جت قعدت جمبي وطبطبت عليا:-أنسي يا قلبي خلاص اهو راح في داهية بكل الشر اللي فيه والحمدلله ان طارق وعمر لحقوكي..
(لحظة ما قالت اسمه قلبي دق بعنف تانى و افتكرت البنت وهي حضناه وقولت بارتباك:-
فعلا الحمدلله وكتر خيرهم وربنا يسعدهم ويرزقهم بالذرية الصالحه يارب
منار:-امين يااارب ويرزقنا ببنوته قمر يارب
ملك:-ياارب يا حبيبتي يديكم ما تتمنوا يارب بس غريبة انتي قولتي انك تعبانه والحمدلله شكلك كويس اهو
منار:-بصراحه دي فكرة عمر عشان ترضي تيجي وتخرجي من الزعل ده شويا وكمان الولاد وحشوني اوي وكمان حماتي ومروة جايين وهنتغدا سوا كلنا
(ابتسمتلها بحب لانها دايما الاقرب ليا وحضنتها جامد وقولت:-ربنا يخليكي ليا يارب وعمر ده اخويا مش جوز اختي
(قعدنا نكلم وانا بردو بالي مشغول به معرفش ليه!! فجاة سمعنا صوت زعيق جامد وصريخ طلعنا نجري فتحنا الباب لاقينا الصوت جي من تحت وافتكرت ان في مشكلة عند ام عمر نزلنا جري لانهم في عمارة واحدة ام عمر تحت وعمر في الدور التاني وطارق في التالت في شقة والده.. بس لاقيت ان ام عمر كمان خارجة تشوف في ايه وببص علي الزعيق لاقيت طارق ماسك دراع البنت بعنف وبيصرخ فيها جامد واتصدمت من شكله وهو غضبان اوي وبيهز فيها والبنت خايفة وبتبكي وبتترجاه يسيبها
طارق:-انا مش قولتلك مش عايز اشوف وشك ده تاني ابدااا واني لو شوفتك هيكون اخر يوم في عمرك؟؟ ايه جابك هااا ايه رجعك تاني انا ماصدقت اخلص منك ومن قرفك يا زبااااله..
(ام عمر لما شافت البنت اتحولت هي كمان لغضب وزعقتلها:-هو انتي ليكي عين تيجي هنا بعد اللي عملتيه انتي ايه يابت انتي!!
البنت ببكاء:-والنبي يا طنط خليه يسبني وانا هعتذرله والله وهعمل اي حاجه عشان يسامحني
طارق بغضب:-اسامح مين!! انتي مسبتيش حاجه الا وعملتيها اسامحك ع خيانتك ولا علي غدرك فيا ولا علي سرقتك ليا انتي خليتي دمك حلال بالنسبه ليا
(انا ومنار واقفين مش فاهمين حاجه وانا مش مصدقه ان طارق الجدع اللي انقذني من رافت ماسك البنت دي كده وبيضربها بالقلم واحد ورا التاني.. بس ام عمر خلصتها من ايده بالعافية وهي بتصرخ فيه:-سبها يابني متضيعش نفسك بسببها دي متستاهلش… خلصتها من ايده فعلا والبنت جرت وهي منهارة وكانت صعبانه عليا اوي وافتكرت معاملة رافت ليا وبقي جوايا بركان غضب منه. نزلت من علي السلم بسرعة وبقوله:- انت فاكر نفسك اييييه!! هو انتم كلكم واحد كده ليه كل واحد فيكم بيفتري علي بنات الناس ذنبها ايه الغلبانه دي عشان تعمل فيها كده وانت ازاي تكون بالغباء ده كله!!! وازاي تذلها كده كل ده عشان حبتك ووثقت فيك تقوم تكسرها كده (ضربته علي صدرة بغضب) انت مش بني ادم انت شيطاااان
(نظرته اتحولت من غضب لكسرة وهو بيبصلي و عينه دمعت وكأني خذلته ووقتها فوقت وشوفت طارق مش رافت وحاولت اجمع اي كلمه اطيب خاطرة بيها بس هو سبقني وطلع جري من البيت بصيت عليه وانا زعلانه من نفسي اوي ومرات عمه بتنادي عليه وهو ركب عربيته ومشي بسرعه والتفتت ليا بحزن:-ليه كده يا ملك ليه يابنتي ليه توجعيه اكتر ما هو موجوع هو انتي عارفه مين دي وعملت فيه ايه؟؟ عشان تقولي كده حرام عليكي هو ناقص يابنتي.
(حسيت اني غلطت اوي وبصيت للارض بكسوف بس منار اتدخلت:-ماما هي مين دي انا اول مرة اشوفها
ام عمر:-دي تبقا…..
الفصل العاشر من هنا
